لمن لديه الخبره في الباتروول الرجاء الافادة

[hamad 600]

بسم الله الرحمن الرحيم


السلام عليكم ورحمة الله وبركاته


عندي باترول موديل 99 بخاخ مشكلته انه يكتم ويلقلق واذا صار واقف وهو شغال طبعا صوته

مهب صافي يقطع ويتفتف وعزمه ضعيف بالحييل لدرجة يموت عزمه بنمرة 1 طبعا بالبر

غيرت اسلاك البوااجي وغير البواجي وغير صفاي البنزين

والمشكله الثانية ارتفاع درجة الحراره تاصل فوق الربع بشوي تقريبا عاديه بس المشكله

اذا صرت بالبر وعفلته شووي تاصل النص وترتفع اكثر ركبت مراوح ما نفع ركبت له بلف بلده ما

نفع والصراحه انا مليت ابيكم تفيدوونن والله يجزاكم خييير

وشكرا

[kellahd]

اوزن الشرارة عند متخصص

[راعي الطلعات]

وعليكم السلام والرحمة

نفس الي صار معي

معي باترول 99 بخاخ كان يتفتف ويقطع ولا يمشي

اول شي وقفته ربع ساعه الين برد عند ورشه وعلمت الميكانيكي عن المشكلة قام وقالي جب منظف بخاخات stp الفضي الاصلي وحطيته ومشيت على طريق مكه الرياض الين خفت التفتفه بعدها بفتره وديته لنفس الميكانيكي وقام نظف البخاخات ونظف الحساسات معه وهذا الكلام من سنه والى الان الحمدلله

بالنسبة للحراره صارة لي نفس المشكله كلما اشغل الدبل ترتفع الحراره وانا اقص النفوذ مو تطعيس طبعاً

واوديه عند مهندس مضبوط في الصناعية شغلته كهربا وتنظيف رديترات قام نظف لي الرديتير ولحم التنسيم وثم عود ونظفه بزيت الفرامل وخل الزيت يدور من الرديتر الى المكينة الين طلع الصداء الي في المكينه وبشوف عيني نزلت الحراره ماشاءالله وفي نفس الوقت ركبت مراوح كهرب ونسيت شي اسمه حراره الحمدلله

اتمنا اني افدتك

[ناصر الدهمشي]

اولاً الله يبارك لك في موترك ومشكلتك ان شاء الله عادية

ثاني شي شوف لك ورشة زينه وثقه واللي ترتاح لها نفسك

1. التشييك على دفع البانزين للبخاخات يعني شيك على طرمبة البانزين لايقولك تفتح التانكي ومدري ايش

لان طرمبة الباترول من 98 وفوق مايحتاج فتح التانكي لانها تفتح من المراتب الخلفية يعني اذا بيشيك عن طريق

اللي الموصل من الطرمبة للبخاخات .

2. عيار الديلكو يعني لايفتحه مره ولا يكتمه مره لان اذا فتح الديلكو يقوم يلقلق الموتر ويطيح عزمه لكن صوت المكينة يخف وان كتمه يحتر الموتر ويطيح عزمه .

3. وعيار بلوف المكينة لان الباترول يحتاج عيار صبابات كل فترة طويل تسمعه وهو واقف صوت تك تك تك :)

4. وتصييخ الراديتر بالنسبة للحرارة وذا فيه حنه شيك على تماتيك المروحه ولا تركب لك مروحة اضافية

اذا لها مكان وتخلي تشغيلها بزر يعني لاكنت تبي تقص النفوذ تشغلها .

وكلها ماتكلف شي ان شاء الله

ودي واحترامي

[أخوحصه]

اوزن البالوف
وديلكو
ونا شا الله
بيكون
ممتاز:good2:

[hamad 600]

الله يعطيكمــ الف العافيهـ
ويجزاكم خير يارب
تـــ ح يا تـي