للصقارين خاصة استفسار

[][ الأصيل ][]

بسم الله الرحمن الرحيم

السلام عليكم ورحمة الله وبركاته

مساكم الله بالخير جميعا

اخواني انا من متابعيكم في هذا المنتدى العزيز علينا

ولكن عندي استفسار بسيط وهقوتي بكم كبيرة
وهو


بما انني صقار مبتدي

وارغب انشاءالله القنص هذا العام

ولكن هل اشتري حر او شيهانه

عاد لاتبخلون علي تروني ابي رايكم ياعزوتي

[طيرحوران]

خذلك وكري وتعلم الصقاره عليه وإذا تعلمت تعرف أنت بعدين وش تاخذ.تحياتي

[][ الأصيل ][]

طير حوران


مشكور وماقصرت وترفع لك الراية البيضاء بعد حيي


اخوك

صقر سلمى

[حر الجنوب]

اخي صقر سلمي الحر افضل الطيور وبعده الشاهين ويعتمد علي انواع الفرائس اللي تبي تقنصها بس اذا كان ما عندك خبره مع الطيور لاتضيع فلوسك علي شي غالي خذ لك شاهين جبلي او وكري وافضل وكري علي رائي طير حوران حتي تتمكن من الشغله وصدقني اخوي صقر سلمي اذا انك حاب القنص بتتعلم بأسرع مما تتصور وفي الختام رحله موفقه ومشكور

[سرهيد1]

السلام عليكم

عليك بالــــــ(دتسن) هو أسم للوكارى حيث أنها خير مايبداء يتعلم عليه الصقار حديث العهد بالصقاره....

وللمعلومية ليس في الوكارى اي عذروب أو مايخجل في نقلها وأعرف لي صقارين كبار لا ينقلوا سوى وكارى ....فهي شجاعة وبعضها فيه جمال لا يوصف كما أنها تذبح الثلاث غرايم ( حبارى - ارنب - كروان ) .
وقد شاهدت وكرية بيتية جميلة باقي لها الموس في دكان اليماني بالصفاة من الوكارى الجميلة التي مرت على و أتوقع أنها معروضه بمبلغ 1800 اذا ماخانتني الذاكره...

والله يعينك على الصقارة وتعبها

[][ الأصيل ][]

bndrbabgi

كل الشكر لك عزيزي على ردك الطيب يالطيب



صقر سلمى

[][ الأصيل ][]

سرهيد


مشكور على ردك


وياليت توضح لي وينه فيه الوكرية المعروضة للبيع


دمت بخير

صقر سلمى

[الدكتور00]

السلام عليكم ورحمة الله وبركاته .....


أخوي (( صقر سلمى )) ،،،،،،،،


ودي تسمح لي يا الطيب ..

إني أسأل أخوي سرهيد عن الوكرية اللي يقول ..عن اعلومها ؟؟ ومقاسها ؟؟ وسنها بالضبط ؟؟

وإذا وده يختصر ويدلنا على راعيها أو يعطينا جواله نكون شاكرين ومقدرين .......


وللمعلومية في اطيور وكارى كلهن وحوش فيها الفروخ وفيها القرانيس ...وبيني وبين راعيها
موعد الأسبوع ذا ، فإذا ودك أشوف لك معي شي منها ..عطني خبر و ما يكون إلا اللي يرضيك ...



وسلامتك ،،،،،،،،،،،،

[المري]

مرحبا والله اخوي صقر سلمى

الطير الوكري هو احسن شي للمبتدئ وان شاء الله تصير صقار زي زي زي ويش هو زيه ايوا زي جبل سلمى..

**

اشكر اخوي الدكتور على تعاونه مع طير سلمى للبحث له عن وكري ..

أشكر اخي الدكتور على نفسك الطيبه..

وسلامتك

**

اخوكم / المري

[][ الأصيل ][]

الدكتور


هلابك يابعد حيي

مشكور لتعاونك معاي

وياليت ترسل لي رسالة على الخاص اذا تم اللقاء مع رفيقك عن الاسعار ومميزات الوكارى


اخوك


صقر سلمى

[][ الأصيل ][]

المري

نسل الشجاعة والفرسان

كل الشكر لمرورك العذب وردك الشافي

وانشاءالله لكـ زيارة بجبل سلمى لنقوم بواجبك

اخوك


صقر سلمى

[الدكتور00]

مساكم الله بالخير يا الربع ........


أخوي (( المري )) ،،،

العفو يا ذيبان ،،،

وما سوينا إلا الواجب علينا تجاه ربعنا بمكشات ...ولعل هذا رد لبعض جميل المنتدى ....

وما عليك زود يا الغالي ...

.................................................. ..................

أخوي (( صقر سلمى )) ،،،

راجع الرسايل الخاصة لا صغرت ...

أرفقت لك رسالة هناك ...



وسلامتكم ،،،،،،،،،،،،


أخــــــــــوكم (( الـــدكــــتــــــــــــور )) ،،،،،،،،،،،،،،،،

[سرهيد1]

السلام عليكم يالربع

الوكرية اللى أقولكم عنها خابرها قبل كم يوم عند اليماني علي.......... في سوق طيور الرياض كل الناس تعرف محل علي اليماني روح للسوق وأنشد وين محل علي اليماني ويدلونك وشوف بعينك...

على طاري على اليماني : هذا الرجل صقار لا يشق له غبار يطرح ويدهل ويدعى ..... وتعلم ذلك كله أبان مخاواته للملك خالد بن عبد العزيز رحمه الله .... فقد كان علي في ذلك الوقت فتى يافع يعمل مع ( العاكور ) رحمه الله أحد أشهر صقارين الملك خالد رحمه الله وتعلم الصنعة من ذلك الرجل وهو الان أحد أكبر تجار سوق الرياض ويحمل خبره لا يستهان بها أبداً بين تجار السوق ولو كان لايظهرها لمن لا يعرفه عن قرب . وصارت هي مكسب لرزقه بشكل أساسي مع بعض الاعمال الجانبية .