عزيزه للبيع.....................‍‍‍‍‍

[الوافي السابع]

السلام عليكم ورحمة الله وبركاتة
اخواني اعضاء المنتدى الرائع منتدى مكشات
اسعد الله اوقاتكم بكل خير
في البدايه انا بعتذر للجميع على الفتره اللي ما نزلت فيها صور الشيهانه ولاكن والله ثم والله انباعت امس العصر وراحت بخيرها وشرها واعذروني يا غاليين
انا اليوم جايب لكم شيهانه معروضه للبيع عند واحد من اخوياي قالي اكتب عنها بالمنتدى
شيهانه قرناص
الحجم 15 ×16
صايده 12 حباره
صايده اكثر من 20 كروان
ما نزلت للحين اي ريشه
طباعها نوعا ماء هاديه نوع ماء
تخفق بس بأدب............حلوه هذي بأدب
وقت القنص شرسه بمعنى الكلمه ما ترحم مشاء الله عليها
اسمها عزيزه
صاحبها ببيعها لعدم التفرغ ولانه مسافر برا المملكه للدراسه
واي استفسار او اي شي انا بالوجه
يوجد للشيهانه مقطع فديو بس كيف انزله انا حاطه بسطح المكتب
ملاحظه
اخوي الدكتور حاولت انزل لك مقطع الفديو لاكن يقولي تعذر ما هو السبب
انتظر الرد باسرع وقت لكي تشوفو الشيهانه فديو مصورها بكاميرة الجوال من جميع الجهات
واعيد واكرر اعتذاري لكم يا غاليين
واعتذر لك يا دكتورنا لاني ماطلتك كثير يا بعدي
تحيات
اخوكم
ابو محمد
الخفجي

[القناص]

ما شاء الله
الله يرزقها الزبون اللي يحشمها
ويخاف الله في المخلوقات البريئه

[مجنون الحبارى]

ياريت اتقولولنا كم سعرها والله اخليكم

[الدكتور00]

وعليكم السلام ورحمة الله وبركاته .......

مساك الله بالخير أخوي (( الوافي السابع )) ،،

والله يحييك ويا مرحبا بالغالي ........


بخصوص الشيهانة اللي انباعت فهذا شي مكتوب و أنا أخوك ،، عسى الله يوفق البايع والمشتري ،،
ويبارك له فيها ويطعمه من خيرها ،،

وعن تأخيرك في تنزيل الصور تراني متفهم وضعك ،، ومافيه أي داعي للاعتذار وحنا ربع وما بالخاطر إلا
كل طيب ،،

وبخصوص عزيزة فأشوف لو تعرضها بالصور في خيمة البيع والشراء يكون أحسن تمشيا مع تنظيمات المنتدى ،،
وإن شاء الله أخدمك من عيوني في تنزيل الصور ،، لكن اعذرني بالفيديو لأني عليمي شوي ..لكن بارسلك
على خوينا (( ملوع الخليان )) في خيمة الصيد البري وراح يفيدك إن شاء الله لأن له مقاطع فيديو
بالجوال قد نزلها بالمنتدى من قريب...

بيض الله وجهك على هالعلوم الغانمة و لاهنت على خدمة ربعك بالمنتدى ،،،،،،،

ولك من أخوك أطيب تحية ..


وسلااااااااااااااااامتك ،،،،،،،،،،،،،،،،

[الوافي السابع]

القناص
مجنون الحباري
الدكتور
مساكم الله بالخير
مشكورين على مروركم الكريم للموضوع
ويعطيكم العافيه ما قصرتم

[الضرغام@@]

كم حدك في الطير وتراي شراي

[المري]

هذا المشاركة لها اكثر من سنة بارك الله فيكم

[قرناس هواء]

نرجو التأكد بارك الله فيكم من الموضوع المري هل مر عليك هذا الموضوع من قبل فتره........

[قناص الحبارى]

أخي قرناس هوا ..

السلام عليكم ورحمة الله وبركاته ...

الله لا يهينك .. شف تاريخ المشاركه الأولى ,,,

((( 25/07/2005, 04:31 Pm )))

وأشكرك على المتابعه ...




أخوي المري ... وش علومك ؟؟؟ انتظر منك أتصال ,,,

أخوك / ابو عبد العزيز

قناص الحبارى