ماخاب من استشار

[نايفn]

السلام عليكم ورحمة الله وبركاته
يالربع ابي مشورتكم وارائكم المباركه انا نويت بإذن الله وتوفيقه اشتري جيب gxr لاكن محتار اي موديل طبعاً من(((2004الى2007))) اخوكم غشيم ويبي يعرف الوقت هذا مناسب للشراء ؟أو الاسعار فوق الأفضل اخذه من الرياض او من مكان اخر0
مانستغي عنكم وقيل ((من استشار الرجال شاركهم عقولهم)))
والسلام عليكم

[رياح الشرق1]

انا اقول افضل شي 2007 بس انا توي جاي من الرياض واسعارهن ناااااااااااار غاليه با الحيل يعني تخيل جي اكس ار سعودي ماشي 130 الف سعره 140 الف و2006 ماشي 300الف وبوديه وسط وسعره 102 الف انصحك والقصيم مثلها انا اقول لو تروح للجده يمكن ارخص من الرياض والقصيم

[المغر]

الله يرزقك

[نايفn]

فعلاً اخوي رياح الشرق1 الرياض اسعاره فوق اكثر من الازم
مع الاحترام والتقدير لك على الرد النافع بإذن الله

[نايفn]

جزاك الله خير اخوي المغر

[rolex_911]

الان وقت الصيد والقنيص على الابواب
والاسعار بارتفاع خاصة عطايا الله
الافضل الانتظار اذا تبي توفر لك 20الف او اكثر
هذا من وجهة نظري والله يكفيك شرهن

[خمسين]

اشتر بعد العيد مباشره تحصل السووووق ميت

[نايفn]

الشكر للجميع على المرور الطيب والمفيد
جزاكم الله خير

[حكمان]

:butt3:هلا أخوي نايف n أنت تبي تشتري يعني الله يعينك على الغلا .

والأسعار نار يحبيبي نار ..........:butt3::butt3::butt3::butt3::butt3::butt 3::butt3::butt3:

[صقر العثمور]

الله يسعد مساك واخي العزيز اهم شي لاتستعجل وانشالله تبي تلقاء والله يعينك على المعارض كل يوم والله معارض الرياض من وجهت نظري طيبه بس على مهلك والله يوفقك اخي

[راعي ذرف]

شف معارض جدة اسعارها مناسبة لكن مشكلة الالوان

لك رسالة على الخاص

[حنون2000]

ردي لصاحب الاعلان

اذا لقيت لو2005 نظيف ماشي اقل من 150الف وقيمته 130الف اخذه
خل 2007 او 2006 اسعارها مو مبالغ فيها اسعارها معقوله جدا وبعضها ماخذت حقها من القيمه الي هي قيمه الجيب
لايهمــك الي يقول غالي ابد لو تقارن مواصفات 2007 بالجيب الجديد 2011 في اكس ماراح تاخذه باقل من 290الف والجي اكس ار الفل كامل قيمته 245الف وطالع يعني
لو لقيت 2004 نظيـــــــــــــــف مادخل بر كثير خل الممشى مايضر اذا الموتر مصيون اخذه واسعارها اقصد النظيفه من120الف وطالع لان اسعار السيارات في زياده وخاصه الياباني والامريكي 2004يقلب 2007 بس دور لك زنون لان قيمه زنون الوكاله 6400ريال .
الالوان
الذهبي السموك
اللولوي

[سرطوقا]

فيه جيوب نظيفه وحلوه واسعارها معقوله عندك 2004 جكس ار بدون فتحه بدون ونش يجي سعره معقول



موفق

[حنون2000]

ذكرني سرطوقا الله يذكره الشهاده

بالعكس لاتشتري جيب بدون فتحـــه انظر لها من المواصفات الاساسيه و المرغوبه في البيع او الشراء

[نايفn]

بيض الله وجيهكم وكل الشكر على التفاعل والمعلومات القيمه والمفيده
جزاكم الله خير
راعي ذرف الف شكر ولاهنت

[جت كذا]

عطني مواصفاتك بالتفصيل الممل وابشر بموترك ان شاء الله ولوجه الله ما ابي منك شي غير الدعاء
ارسلها لي برساله لا هنت

[نايفn]

عطني مواصفاتك بالتفصيل الممل وابشر بموترك ان شاء الله ولوجه الله ما ابي منك شي غير الدعاء
ارسلها لي برساله لا هنت
الله لايهينك اخوي المواصفات اهم شي النضافه قيرتماتيك خلفية لكزس
وإذا مافيه كلافه ترسلي رقم الجوال على الخاص لن عدد المشاركات عندي لايسمح بالارسال على الخاص

[zayedlover]

يقولون ان سوق الامارات افضل
والعلم عند الله
يمكن الاخوان يقدرون يفيدونك عن سوق الامارات
واعتقد ان عندهم مواقع متخصصة
لو شفتلك موتر و عجبك ترا السفرة ما تكلفك وووفرك قرشين

وتقبل مروري يا الحبيب

[راعي ذرف]

السلام عليكم ورحمة الله وبركاته

والله انا جربت موقع حراج الكويت وشريت سيارة والحمدالله ملاحظة حاول تدور نوع الاعلان
ويكون اعلان شخصي لانه صاحب السيارة وليس مكتب وهذا الموقع
حدد السيارة ونوعها :

http://www.hrajcar.com/Result_ar.aspx?ses=EFAH143efa



وهذا موقع ثاني ولكن في قطر

http://www.qatarsale.com/ArMain.aspx



وهذا موقع بالكويت

http://www.q8motor.com/listing--1967.html




ملاحظة
علمي بالامارات والله الاسعار متغيرة وفيها غلا يعني تاخذ خليجي من الرياض افضل من الامارات

وان شاء الله افدك لو ببعض الشي

[ابوخلف الحربي]

اشتر الحين قبل الشتاء تغلى الجيوب ابعد عن الرياض القصيم شف حايل الاحساء قطر وبس اسعار معقوله.:

[سيوووفي]

نيت البيع بعد العيد إن شاء الله أحسن فل ما شاء الله لا قوة إلا بالله
http://www.mekshat.com/vb/showthread.php?t=326002