محول قوته 1000واط صيني ما يشغل غلاية

[خالد اللهيبي]

السلام عليكم ورحمة الله وبركاته

والله يا أخوان أنا مدمن شاهي وكبتشينو وقهوة ...

ولي محاولات كثيرة لتسخين الغلاية عن طريق الولاعة ..
وشريت غلايات من هذي الأكواب الي تشتغل على الولاعة مباشرة لكن طلعت كذبة ابريل

الماء ما يوصل لدرجة الغليان يعني يادوب يحمى شوي ..

وشريت محول سيني قوته 1000 واط قلت خلاص انحلت المشكلة

عاد جيتك طاير على الغلاية الكهربائية الي بالبيت واشبكها ولا عندك احد

صوت المحول ضعف شوي والسلك احتر والمويه زي ماهي لدرجة إن لمبة الغلاية ما ولعت ..

وانتظرت عليه شوي ويعطيك عمره المسكين ما عاش أكثر من 10 دقايق

يعني وهو بقوة 1000 واط وشابك عليه الغلاية فقط

وش الحل يا أخوان أخوكم حق سفريات وخطوط طويلة يعني من 3000 ك وطالع وتعرفون الخطوط تحتاج شاهي

فهل من منقذ أو مجرب لعملية غلي الماء داخل السيارة

من جرب يغلي الماء داخل السيارة حتى لو احتجت بطارية اضافية

سيارتي باثفندر 2005

[أبونجم]

ياخي خذ لك دافور صغير وريح عمرك

[أبو براك]

وعليكم السلام ورحمة الله وبركاته

حياك الله اخي الكريم , شاهد هذا الموضوع

يا اهل المكشات ودي في غلاية كهربائية استخدمها في السيارة ،،، (http://www.mekshat.com/vb/showthread.php?t=303506)

[ولد وايل]

اي محول صيني مستحيل يعطيك كفائه اكثر من 70% من المكتوب

[tammam]

السلام عليكم ورحمة الله وبركاته

والله يا أخوان أنا مدمن شاهي وكبتشينو وقهوة ...

ولي محاولات كثيرة لتسخين الغلاية عن طريق الولاعة ..
وشريت غلايات من هذي الأكواب الي تشتغل على الولاعة مباشرة لكن طلعت كذبة ابريل

الماء ما يوصل لدرجة الغليان يعني يادوب يحمى شوي ..

وشريت محول سيني قوته 1000 واط قلت خلاص انحلت المشكلة

عاد جيتك طاير على الغلاية الكهربائية الي بالبيت واشبكها ولا عندك احد

صوت المحول ضعف شوي والسلك احتر والمويه زي ماهي لدرجة إن لمبة الغلاية ما ولعت ..

وانتظرت عليه شوي ويعطيك عمره المسكين ما عاش أكثر من 10 دقايق

يعني وهو بقوة 1000 واط وشابك عليه الغلاية فقط

وش الحل يا أخوان أخوكم حق سفريات وخطوط طويلة يعني من 3000 ك وطالع وتعرفون الخطوط تحتاج شاهي

فهل من منقذ أو مجرب لعملية غلي الماء داخل السيارة

من جرب يغلي الماء داخل السيارة حتى لو احتجت بطارية اضافية

سيارتي باثفندر 2005
عاد الغلاية كم واط اكيد انها اكثر من الالف دور على غلاية صغيرة وبعدين ويش السلك الذي احتر سلك الغلاية او سلك المحول

[saas-des]

لاتحمل المحول فوق طاقته لايضر لك كهرباء الموتر
وشوف الموضوع هذا
http://www.mekshat.com/vb/showthread.php?t=303506

[سطام vip]

بسم الله الرحمن الرحيم

اخوي تأكد كم واط الغلايه لاني الي اعرفه

الغلايات تكون فوق ال2000 واط

ابحث عن وحده يكون الواط فيها اقل من الالف وان شاء الله تلاقي

دمت بخير

[خالد اللهيبي]

أشكر الشباب على تفاعلهم ومحاولة المساعدة وهذا ليس بغريب على أهل مكشات

اليوم رحت اكسترا ولقيت غلاية صغيرة ( 5. لتر ) نصف لتر ومكتوب عليها (670 - 800 واط )

والبحث لا يزال جاري عن غلاية تكون ماركة وشركة معروفة وقدرتها أقل من 500 واط

وبالنسبة للمحولات لقيت محول ياباني 350 واط
وفيه koyo 250 واط طبعا الاثنين ياباني ...

والبحث ايضا لا يزال جاري عن محول قوته 500 أو أكثر وأهم شي يكون ياباني ...

رغم إني لقيت محولات صينية لكن هذي عليها ضمان وجودتها أفضل من النوع الي شريته وراح فطيس
وهذي المحولات قوتها 500 و600 واط وفيه واحد 1000 واط والرابع حجمه كبير 2000واط
لكن مالها سلك ولاعة سلكها على اصبع البطارية على طول ...

[ابودعسان]

طيب انت شفت غلاية ويكو اللي بالرابط اللي عطاك ابو براك؟
http://www.mekshat.com/vb/showthread.php?t=303506
لانها هي اللي مناسبه لك 12 فولت وعلى الولاعه بس مد لها سلك من البطارية مباشره وحط فيوز قوي 40
وبالتوفيق

[خالد اللهيبي]

أوك ابو دعسان
يبغى لي محول koyo + غلاية ويكو وانحلت المشكلة والا وش راي الشباب

هذا أعتقد أفضل حل ...

[bader358]

عندي الدافور الصغير من كوفيا (العقرب) ... وانا مسافر اوقف واضبط براد شاي ما تاخذ الشغلة اكثر من عشر دقايق ... براد ما شاء الله تقريبا لتر ونصف واعبيه في ترمس الشاي وامشي.


الغلايات تحتاج تيار عالي لنها عبارة عن تسخين معدن والمعدن (الهيتر) يحتاج تيار مستمر وعالي عشان تتزايد حرارته وتوصل للغليان.


اغلب اللي تُباع وتشتغل على ولاعة السيارة ما منها فائدة وانا محربها.


بالتوفيق

[جروان]

يفيدونك الشباب

[ولد وايل..]

أسمع نصيحتي وانا اخوك...


لا تحوس بكهرب السيارة دام إنك على الخطوط..

الغلياية وامور الحرارة تستهلك طاقة عالية اضعاف اضعاف التبريد والأمور الأخرى...


نصيحة لك ...

لا تعدي الدافور خذ لك دافور صغير ابو رأس مستقل وعلب غاز مضغوطة...

ما تاخذ 10 دقايق...

والوقت ما يزيد عن 15 دقيقة من وقوفك لتحريك السيارة...

الغلايات دايم تلعوزك ولا تنسى انك تسوق والله ماتاخذ راحتك...

خذ بنصيحتي وانا اخوك وانت براحتك
....