إحترم المشاعر يارجل

[الذرب جسار]

السلام عليكم ورحمة الله وبركاته.........وبعد :
نعم إحترم المشاعر يامن تبدأ كلامك بتكفون او تكفى ويتبعه بكلام مايسوى قولة تكفى وترى تكفى عند الرجاجيل اللي تهفهف لحاهم لها قيمه ...فنرى من لا يجعل لهذه الكلمة وزن يذكر وإنما هي لحلب المشاركات فقط .......
رجاء خاص إجعلو لهذه الكلمة قدر,,,,,,
والله إن فيه بعض الرجاجيل إلى قيلت له وعجز يسوي شي يبكي ...نعم يبكي ......
وقولة تكفى معناته أنا داخل على الله ثم عليك ..انا ناخيك ...انا طالبك......وزود عليهن (لاتردن).....وهالكلمات ماتقال لرجل متفرقه إلى عوى ذيبه وتحزم بعمره لو هو للموت الحمر فوش لون مجتمعة بكلمة وحدة.......فأفلا نقدر هذه الكلمة ونوزنها بميزانها ؟؟

[الطبيب]

صح لسانك يا الذرب جسار

عز الله انك طحت على الجرح

الله يرحم شيباننا وشيبانك

وبيض الله وجهك

هذا والله اعلم

والسلام ختام

[صقر]

جزاك الله خير اخي الذرب جسار

كلامك صحيح وعين العقل فهذه الكلمات لها وزنها عند الرجاجيل فيجب ان نستخدمها في وقتها .... وكذلك يجب التعامل معها بما تعنيه .

بارك الله فيك.

[الذرب جسار]

الطبيب: الله يخشرك بدعواك .
الصقر:وأنت مثل
وياليت قومي يعلمون

[أبو عبد العزيز]

أخوي الذرب جسار يعطيك العافية على هذه اللفتة الجميلة والجديرة بالإهتمام
مع العلم أن من يعطي هذة الكلمة وزنها الحقيقي تجده أبعد الناس عن استخدامها إلا في أحلك الضروف .

[منتعش]

والله إنك صادقت .
أحياناً الواحد يكتب (( تكفى )) وتتعب نفسك عشان تلبي طلبه .
وأحياناً يكون الطلب ما يستاهل كلمة (( تكفى ))
وأشكرك على طرح الموضوع ، والله يوفقك .

[اعقاب]

[color=#FA0309]
تكفى ترى تكفى تهز الرجاجيل لولا ظروف الوقت ماقلت تكفىcolor]] :good: :good: :good:

[النداوي HZ2AF]

مشكور يا الذرب
وتكفى ... لا تحرمنا من ملاحظاتك ولفتاتك الأكثر من رائعة
الله يرحم والدينا و والديك و والدي جميع المسلمين حيين وميتيين
اخوك ابو عبدالله

[الذرب جسار]

ماء الورد:
الله يعافيك ولا فض فوك.
منتعش:
ياعلك تسلم ....
وهذا بلى ابوك ياعقاب.....
ويوفقك.
اعقاب:
صح لسانك واللون وصل إن شاء الله .
النداوي:
أحرجتني ....وتراي دون ظنك....اللهم آمين ولا هنت....وتشرفت بمعرفتك.