بخصوص القربه الي تعلق على السياره

[فتى سدير]

السلام عليكم ورحمة الله وبركاته

ياجماعة الخير بخصوص القرب الي تعلق على السيارة

وش النوع الممتاز؟

كم سعره ؟

ووين القاه؟

وطريقة الاستخدام بعد الشراء لاني سمعت انها تنقع في مويه وملح

ادري اني طولت لكن تحملونيييييي؟؟؟؟

الموقع الرياض

[ابو الجمان]

هلا اخوي فتى سدير
فيه محل مقابل المعيقليه من الغرب يفتح شرق
تلقاه بعد الظهر
اما الأسعار من 120ريال تزيد اوتنقص طريقة الأستعمال اسأل صاحب المحل
طبعاً انا اتكلم عن القربه الجلد
تحياتي

[ولد الجيران]

افضل نوع السنيدي
بس اول ماتشتريها عبها مويه فل
وحطها بالرمل دفنها وقلبها يميس يسار
اقل شي ساعتين
عشان ماتهرب بعدين
باذن بعد ها الطريقه ماراح تهرب (تقطر)

[هواي مكشات]

أحسن شيئ وارد الهدلق كويتية

[ابو سيـف]

كيف حالك يا فتى سدير
للحين وانت تستفسر عن القربة :p:p:p ترا امزح معك
على العموم نرجع لاستفسارك القديم وخذ هالرابط
اعتقد انا ردينا عليك وشكلك ناسي ..
http://web1.mekshat.com/vb/showthread.php?p=4924926


تحياتي وتقديري ،،،،

[بارود برنو]

السلام عليكم ورحمة الله وبركاته

جربت قرب كثيره راح اعطيك ان شاء الله افضلها

اول شي القربه اذا شريتها اي نوع ودها لاقرب خياط والافضل خياطين الاشرعه وخله يخيط عليها من الجوانب لعشان تمسك اكثر وصلح حبلها راح ارفق لك الصور ان شاء الله قريب

بعدين عبها ماء وخلها 3 ايام في الشمس وكل يوم زيدها لين تمسك


قربه الهيبي الكويت تشيل 7 لتر ماء سعرها 25

عيبها اذا كانت فاضيه ونشفت وعبيتها ماء تاخذ 4 ساعات تهرب واذا مسكت الماء ما تندس من الخارج يعني مستحيل تبرد

وقربه الهدلق في نوعين وحده تشيل 7 لتر سعرها 25 مثل الهيبي ماتفرق

وحده5 لتر سعرها 40 افضل من الهيبي بحاجه بسيطه

قربة الرياض السنيدي 5 لتر سعرها 25

نوعيه قماشها يختلف اعتبرها الافضل من ناحيه التهريب والتبريد لانها تندس ويبرد الماء الداخلي

هذا على عجله اتمنى اني افدتك وراح ارفق لك صور طريقه تخيط البدره ان شاء الله

[ابورشيد]

عليك بقربة اليوسف ممتازه وتبرد وتحافض علي البروده

[MNH]

ماتصلح اشتر لك ثلاجه مثل ثلاجه سرهيد اصرف لان القرب ذي تترك طعم في الماي غير جيد

[سمرقندي]

تقصد المطارة ( القماش ) أو القربة ( الجلد )

[لبيه يمنادي]

ياخوي عليك باثلاجه اللي تركب علي الولاعه وروح ماي بارد بيبسي بارد فيتامين سي كل شي بارد ولاريحه ولاغيره

[الاستشاري.]

يا اخوان الي يقول فيها طعم غلطان
انا عندي ما به اي طعم
لكن اذا ابطت ما عبيته نقعه بماء فقط
نص ساعة وهي ضابطه
تقبل مروري

[فتى سدير]

مشكورين أخواني على الردود

لكن عندي سوال لاخوي بارود برنو الحين مافهمت وشلون تندس ولا تبرد بعدين علمني وش الافضل بالضبط ووين القاه وعجل بالصور الله لايهينك

أخوي أبو سيف ترا المعرف يدخل به أكثر من شخص

[ابوصالح77]

كلابك أخوي
أفضل مطارة هي الهدلق
وهذي صورتها (من رد ابوسيف السابق )


http://www.mekshat.com/vb/../pix/upload04/images173/mk143684_55.jpg

وتحصلها عند محلات الرحلات ، ويصلحها لك (بزبوز ، خيشة ، مربط قوي )
وبالنسبة للتنقيط لازم تنقط شوي عشان تبرد ، وربصها بماء فقط
لأني جربت الطرق الثلاثة : 1
-ماء وملح 2-ماء وطين(ليستها تقل جدار) 3- ماء لوحده
وأفضل الطرق في إعتقادي (ماء فقط)
وأما الطعم والنكهة فإذا كانت تستخدم دايم فإنها تزول
وإذا أبطيت ما حطيت ماء فإنها تهجر مثل الدلة يبغى لها تفويح قصدي تربيص
بالتوفيق

[فتى سدير]

مشكور أخوي أبو صالح77

وش قصدك بخيشه وبزبوز ومربط قوي مافهمت

[العاذر]

لازم المطارة (تنز) حتى تبرد

تــنــز ماء= ترشح ماء = تندي

[حب لاينتهي]

ان شاء الله افادوك الأخوان

[بارود برنو]

فتى سدير عليك بالقربه

المكتوب عليها السنيدي وارد الرياض

مجربه 100% تشيل 5 لتر ماء

تندي او تندس من الخارج يعني شكلها من الخارج رطبه ليست ناشفه ,,, والرطبه هي الى تبرد الماء

هذي الصور ابين لك فيها طريقه خياطه القربه مع الجوانب

http://inlinethumb16.webshots.com/17679/2509663470106050557S600x600Q85.jpg


هذا فم القربه لكن ما انصحك تسوى مثله لانه متعب والغطاء افضل منه ولا حظ طريقه الخياطه الجانبيه

http://inlinethumb63.webshots.com/12222/2271080060106050557S600x600Q85.jpg

وهذا الحبل اذا كنت تشيل القربه على كتفك حط اسفنج مثل هذا اريح

http://inlinethumb29.webshots.com/27612/2749699030106050557S600x600Q85.jpg
لاحظ اطراف القربه من الاسفل هذا ندى او تنديس ,, اذا كانت القربه كامله تندى معناها تبرد 100%

واذا كانت تنقط ماء معناها تهرب ماتنفع

واذا كانت ناشفه معناها ماتبرد الماء

http://inlinethumb15.webshots.com/40782/2072754900106050557S600x600Q85.jpg


اتمنى لك التوفيق

[فتى سدير]

اخوي بارود برنو

ألف ألف شكر

وجزاك الله ألف خير.....

[ابوصالح77]

مشكور أخوي أبو صالح77

وش قصدك بخيشه وبزبوز ومربط قوي مافهمت

هلا بك
يخيشها ( يلبسها خيش )
بزبوز يركب لها بزبوز مثل حق الترمس
مربط (آسف ) مرابط يغير حبالها
بالتوفيق

[فتى سدير]

مشكور أخوي أبو صالح77 بس ليش يخيشها

[PATROL]

بصراحه انا جربة وارد اللهيبي وجربت اللي عند السنيدي كلهن فاشلات ويخرن الماء بسرعه
بس وارد الهدلق ماجربتها والناس يمدحونها

[غربي هواوي]

كان عندي وحدة قبل 15 سنة جتني هدية وارد الكويت جتني هدية من شخص عزيز علي

والله يالربع انسرقت وانا معلقها بالموتر

وعليها ما جبت غيرها لكن مثل ما قالوا الاخوان عبها ماء يومين الين تروى ويوقف التهريب

وبعدين عبها ماء وتوكل على الله انا كنت معلقا بالموتر ايام عز الحر ( القيض ) واسافر واجي ليل نهار وهي
معلقة والماء بارد وعلى كيفك