حسبي الله ونعم الوكيل يسرقونك وغصب عنك (التاهو و الصيانة في الوكالة) [الأرشيف]

مشاهدة النسخة كاملة : حسبي الله ونعم الوكيل يسرقونك وغصب عنك (التاهو و الصيانة في الوكالة)

hamha1394

30/08/2010, 03:40 AM

حسبي الله ونعم الوكيل ..
حسبي الله ونعم الوكيل
اليوم رحت لوكالة العيسى فرع السويدي طلبت فحمات خلفي وامامي للتاهو 2008 قال 1310 ريال قلت معليش اصلي يستاهل
بس بكم التركيب قل 600 ريال ليش قل هذا شغل الوكالة
قلت عطني القطع من دون تركيب قال ممنوع نبيع الفحمات بدون تركيب يا نركبه لك يا ما نبيع لك الفحمات ....قال هذي سياسة جديدة
طيب نجي نحسبها والله السالفة ما تستاهل 600 ريال
يعني خرط هوبات اذا انجن 50 ريال للهوب ...شغل يد قل 120 ريال المجموع 220 هذا في اطلق ورشة الى الله المشتكي وين وزارة التجارة وحماية المستهلك
ما هو المفروض ان الوكيل يوفر القطع ..... والله على ما اقول شهيد 20\9\1431
اخوكم ابو محمد

hamha1394

30/08/2010, 04:00 AM

يا ناس وش الحل ابي اشتكي والله قهر القطع عنده ولا يبيعها لي ليش ......

abusummer

30/08/2010, 04:08 AM

انت رحت لقطع الغيار و لا للورشة
اذا للورشة انت غلطان لان مستودعهم غير مصرح له بالبيع في كل الوكالات حتى تويوتا و اذا قطع الغيار ما عندهم القطعة و هي موجودة بمستودع الورشة و بكميات تسمح بالبيع يسوون اجراءات كثيرة و اوراق حتى ينقلها من مستودع الورشة الى قطع الغيار وهذي حصلتلي مع تويوتا.
اما تغيير فقط 600 ريال اجور يد هذي مبالغ فيها لو معها خراطة 4 هوبات ممكن معقول لان الوكالة في احيان كثيرة يخرط الهوب حتى لو مافيه شي و هذا افضل
لكن ياخوي ليه تودي للوكالة عشان بريكات خذ قطع اصلية من برى و ركبها برى واجلس فوق روسهم حتى لا يغيرون القطع لك بتجاري

راعي الطلعات

30/08/2010, 04:17 AM

لا حولا ولا قوة الا بالله

يعني 1910ريال على فحمات مع التركيب

لا حولا ولا قوة الا بالله

Bader-M

30/08/2010, 04:19 AM

اشتر القطعة من اقرب وكيل معتمد و راكبها بورشة تثق بها

تحياتي اليك

العاذر

30/08/2010, 04:24 AM

العاذر

30/08/2010, 04:32 AM

يا ناس وش الحل ابي اشتكي والله قهر القطع عنده ولا يبيعها لي ليش ......

ياخي الوكالات يصلخون صلخ وهذا شي متعارف عليه دوليا

بس انت اشتر القطع وركبها في المراكز المعروفه عماله فلبينيه او هنديه

وتوفر كثير

خليجي سعودي

30/08/2010, 04:47 AM

هلا بك

ياخي الغالي دواه الترك ، بعدين على ايش اصلح في الوكالة ، لأن مثل الفحمات مستهلك وليست داخلة في الضمان ، فالافضل تصلحها برى الوكالة ، حتى القطع برى الوكالة ارخص بكثير

اللي في السويدي نقلا عن اخووووووووي نصابين ، صلح عندهم زر الباب وخربوه عليه ، لو تشوف العمالة لقيت السالفة ورشة سياحية ، وقال ايض قال وكالة

انصح لوجه الله فحمات سيور شيء مستهلك لا تصلح عندهم لانه اصلح ما دخل في الضمان

بعدين واضح اللي في الاسقبال ملقنين، اذا بغيت جيت تصلح شيء تحت الضمان قالوا خله المرة الجاية اذا ما فيه مشكلة علشان يروح ضمان بعض القطع

ضمان عندنا كلام فاضي ولا يستحق الحضور ابدا

ويا قلب لا تحزن

njm_saheel

30/08/2010, 05:14 AM

ياعزيزي ﻻ تاخذ وﻻ قطعة غيار من الوكالة لانهم بختصار حرامية جميع وكلات السيارات نصابين
من المعروف ان قطع الغيار تصنع في شركات منفصله وتسمى شركات مسانده وتصنع لجميع السيارات
وﻻ يوجد شركة سيارات في العالم تصنع قطع غيار لنفسها

وان شاء الله بنزل موضوع بهالخصوص

الباث الابيض

30/08/2010, 05:51 AM

لاحول ولا قوة الا بالله
زرف عيني عينك
وبعدين انت غلطان مع احترامي لك
رح لاقرب اي سي ديلكو واخذ اللي تبي بارخص الاثمان
ورح لورشه فلبينيين وكلها ماتتعدا 300
والله يكون بعونك

اللص الظريف

30/08/2010, 06:40 AM

السلام عليكم
اخوي الوكالة نصابين انا غيرت فحمات يوكن 2008
بـ700 ريال ((امامي وخلفي)) اخذها من اوستار التابعة لوكالة العيسى
وشغل العامل الباكستاني 70 ريال قيمة التركيب
والحمدلله

المناادي

30/08/2010, 07:01 AM

انحش عن الوكاله انا صارت معي سالفه مع الجميح النصاب وقال وكاله هذولا اكاله
مايبون غير الصلخ هات فلوس بالنصب يمكن ماحد يصدق السالف اسمعو معي
السياره بليزر2003 قالو لازم فحص اقصد نصب من مخباتك مبدئيا قلت خلاص اهم شي تكلفة الاعطال كم تكلف
الاعطال القير ماجي على البي التوقف والولاعه ماتشتغل دخلو السياره الصيانه صيانة النصب من الصباح الى تقريبا الساعه 3 وبعد انتضار جت ورقت الاعطال ناداني قال تعال جت الورقة الكشف من الصيانه قلت طيب هات المفيد اسمعو وش قال قال فيش القير ماني ذاكر السعر بالضبط ولافوق الالفين هو
والولاعه هاذي ذاكره زين قالي تصليحها يكلف 750ريال قلت ايش قلت تراها ولاعه قال ايه هاذي التكلفه قلت نصب بنصب نسمع عنكم وفعلا انكم نصابي يالجميح وتخيلو المفاجئه كملو معي
رحت ابي اشتري مسجل يشغل بعض الانضمه ام بي ثري وغيرهااا
جيت للمحل وشفت بعض الانواع من المسجلات وشريت واحد سيدي وكاست المهم راح الفلبيني يفك مسجل الوكاله بعد وقت فكه المهم ركب المسجل اللي شريته وتخيلوووووووووووووووووووووووووووووووو
ان الوكاله نصابين وش سوى الفلبيني ركب بس فيش الولاعه طايح من مكانه وش رايكم نكمل بعد باقي القير
بعد تقريبا سنه خربت طرمبة الماء ورحت لورشه عاديه جدا المهم قلت للمكانيكي شفلي القير وش سالفته
قال خلاص المكانيكي سوري الجنسيه بس خلص من الطرمبه راح داخل السياره وفك الديكور الداخلي اللي على القير المهم شافه وهو يصيح على البنقالي جي المفك الفلاني ويجيبه وصلحه لي بمبلغ رخيص حوالي 50 تخيلو 50ريال من مبلغ اكثر من الالفين ريال الجميح نصااااااااااااااااااااااااااااب هو وصيانته نصابين
يمكن ماتصدقون السالفه بس صارت معي انا يمكن لو قالي احد السالفة يمكن ماصدق نصب بنصب الجميح

المناادي

30/08/2010, 07:06 AM

الوكاله نصابين اسعار دبل الدبل اشتر من برا اصلي ورخيص وشف الفرق وركب برا توفر كثير ونفص القطع

You Like Me

30/08/2010, 07:24 AM

حسبي الله ونعم الوكيل
يخوي العيسى اللي بفرع السويدي ماهم صاحين ابد
انا معاي يوكون 2009 وماشيكت عندهم الا تشييك الـ 5000
رحت مع واحد من الشباب معاه يوكون 2008 لم مركز الجميح اللي بطريق معارض الشفاء
وكان يبي يسوي تشييك الــ 40 الف المهم مدري وش لقفني وسألته عن اسعار التشييك عندهم
حصلت الفرق بينهم وبين العيسى بتشييك الـ 5000 تقريباً مايقارب 145 ريال
ومن بعدها الى الآن كل تشيكاتي عند الجميح ومع ان سيارتي من العيسى
لكن مستحيل اني اروح للعيسى ثاني مره في تشييك ..

للمعلوميه
اللي اعرفه ان الوكاله مافي شي عندهم اسمه خرط هوبات
يغيرونها صارت لي مره بكابرس شيكو ع الفرامل وحصلت الهوبات في الشنطة
مغيرينها ولما سألت الفني قال مافي خرط هوب جديد
وانا اللي رحت فيها .

حتى سعر القطع بالجميح ترا ارخص من العيسى

خالد ...

30/08/2010, 01:09 PM

هي سببيـــــــن ولا ثالث لهما

1 - الموظف يكون ما عنده سالفــــه .

2 - هذا الفرع لا يقبل البيع بدون تركيب .

وانصحك انك تتفق مع احد الورشة المتخصصة و مواضيعها كثيره في مكشــــات وخاصة اصحاب التاهو

MjNo0oN

30/08/2010, 01:42 PM

يا اخوان يا اخوان اخص اصحاب الامريكي فيه ورشه يحبها قلبك وتبرد حرتك

هاذي تجربتي مع التاهو 2007 حق الوالد الله يحفضه ويطول بعمره
المهم ان الموتر بعد فتره من استعماله معاد صار يشتغل الفريون حق المكيف والحمد لله السياره كانت على الضمان واروح اوديها للجميح لاني مطلعها من عنده فحصو كمبيوتر قالو لي عندك سلك محترق مدري متقطع ولازم نغيره قلت توكلو على الله من بكره اتصلو علي قالو الموتر جاهز جيتهم ابستلم السياره قالي ادفع ((قلت في نفسي يمكن حق فحص الكمبيوتر او حق شغل اليد)) واناضر 1400 ريال وش السالفه وش صاير ليش هالمبلغ ووين راح الضمان قالو القطعه الي خربت عندك مايشملها الضمان مايشمل الا القير و المكينه و الدفرنش قلت زين وليش 1400 ريال على اي اساس قال 300 فحص و 500 ريال قيمة سلك مايتعدى النصف متر حسبي الله عليهم و 600 شغل يد وانا اشوف السلك واقدر افكه واركبه لحالي

طبعاً عقب هاذي السالفه صرت اتعامل مع ورشة البيان الي في الشفا في تضري افضل واقل تعقيد من الوكاله وفي نفس الوقت اسعارهم رخيصه مقارنه بالوكاله ومقاربه لاسعار الورش العايديه ومع امكانية دفع مبلغ من المال ويضمون سيارتك على ضمان البيان

وانصح اي راعي امريكي خصوصاً الفورد و الجموس يروحون ورشة البيان

ام صتمه 87

30/08/2010, 02:06 PM

معقوله فحمات التاهوا ماتنباع الا مع التركيب ولا تمزح تاكد ونا اخوك

يعني لو تروح تشريها من برى مايبيعونها لك ارجو ان تتاكد رح للصناعيه
وسال حقين القطع

انا مصدقك لاكن لم استوعب هذا الجشع والتعامل الغير انساني

هو يتكلم عن وكالة العيسى ماقال اي ورشة ..

hamha1394

30/08/2010, 02:56 PM

السلام عليكم
يا أخوان
انا رحت لمكتب قطع الغيار وليس الورشة والمكتب المفروض يبيع قطع من دون تركيب والسبب اني اثق في قطع الغيار من الوكالة بس ما اثق ابدا ابدا في الورشة والاسعار ..... استغفال لأبعد الحدود و استحمار اشياء سهلة وبسيطة يدبل السعر ليش ؟؟؟؟؟
انا الي قاهرني انها موجوده القطع ولاكن يرفض البيع الا اذا ركبتها عندهم .؟؟؟؟؟؟؟
طيب الاسعار ماهي معقولة ابدا .... بعدين من اشتكي له وين حماية الامستهلك...
الورش الى ممتازة كثيرة ليش تجبرني اصلح عندك .؟؟؟؟؟؟؟ والله المستعان
واذا فية محل يبيع قطع غيار اصلية من غير الوكالة فأرجاء من الاخوان المجربين يدلونا يرحم والديكم

hamha1394

30/08/2010, 03:05 PM

مع الشكر لجميع الاخوان
والله المستعان
والله بعضكم مشكلتة اكبر من مشكلتي ...
كيف ترضون با لاستغفال والاستحمار من قبل الوكالة ؟؟..وكيف يصل صوتي الى حماية المستهلك ؟؟؟
اذا كل واحد حصلة مشكلة ولا اشتكى صرنا مثل النعامة الى تدخل راسها في الحفرة ...

Fmejrad

30/08/2010, 07:23 PM

انا اقول لو تروح للجميح او التقوى تاخذها من هناك ازين وركبها عند اي ورشه وانتهينا

hamha1394

30/08/2010, 07:56 PM

الأخوان الى يقول خذها من برى
رحت اليوم ادور لقيت اي سي ديلكو الخلفي +الامامي 400 ريال وخفت اشتري ماني متأكد معقول من 1350 ريال الى 400 ريال و يقوال أصلي والله احترت انا ابي اشتري من الوكالة بس رافضين الا اصلح عندهم..
يا اخوان اذا احد يعرف محل قطع غيار اصلى للأمريكي يدلنا علية ونكون له من الشاكرين والله يجزاه خير

You Like Me

30/08/2010, 08:41 PM

يارجل ماعاد فيه اصلي
طول عمرنا نمشي امورنا من اقرب محل قطع غيار والامور متيسرة ههههههه
بس من طحنا بالوكالات وإحنا مو فخير
اخوي ماخذ فحمات يوكن 2004 اصلية والله ماني متذكر سعرها بالضبط
لكن فحدود 400 تزود او تنقص شوي
والله يوم جاء يركبها وهو في الورشة يقول قلبت الكرتون مكتوب عليه العباره الشهيرة
واللي صرنا متعودين عليها ومافي احد يجهلها بكل شي بحياتنا بالخليج وحتى اللي في اولى إبتدائي يعرفها
Made in China
والقطع اصلية ولسيارة امريكية عموماً الحين لها اكثر من سنه مركبة
ومافيها الا العافيه ....... توكل على الله ولا تحرص
ما يصير الا الخير بإذن الله

ابولارا

01/09/2010, 01:42 AM

الله يعين

انا بالبيد قال لي في صياانه ال 30 الف لازم تغيرها هههههههههه قلت لهم انا يمكن

استخداامي للفرامل نعد على الاصاابع هههههه كيف يبي لها تغيير الحين وبعدها هووونو وسكتوا بس اذكر ان قال

تكلف اظن 1900 رياال ماانى فااكر السعر بالضبط

لكن الى اعرفه ان قطع الغيااار في بالبيد يبعونها بدون ماتركب عندهم

مو نفس ورشه اصياانه قطع الغيار الى بالشركه

سياارتي يوكون 2008