المساعد الشخصي الرقمي

مشاهدة النسخة كاملة : مشكلة في موتري باترول 94


عشقي الباترول
30/08/2010, 03:52 AM
صباح الخير على الا مشرفين واعضاء مكشاااااااات;)



مشكلتي الن موتري العزم طااااايح غيرت قبل اسبوع بواجي ومن غيرت البواجي والموتر طاااايح عزمة وفترة يمشي بسرعة وفترة يقول يكتم وبعدها يتعدل ويمشي


للمعلومية الموتر بخااااخ
والشي الثاااني البواجي الي مغيرها راسين حقت كاامري
لاان راعي الموتر اللي قبلي مركبها لة قبل اشترية وركبت البوجي من نفس الرقم

ابي الحل هل؟ البواجي لها دخل في العزم
افزعولي
محنك
30/08/2010, 04:07 AM
السلام عليكم .... إذا كانت المشكلة خارحة عن البخاخ ...
فأستطيع أن أذكر لك بعض النقاط المهمة :
_ بواجي الراسين لاينصح بها صحيح إنها اقوى شي بسيط من الراس لاكن ضررها لابد منه لأني سمعت ربعي انهم ركبوا راسين وبعضهم ركب 4 رؤوس حقت بوش المرسيدس وتشرمت البلوف عندهم لأن الشرارة قويه على البلوف .
_ ربما يكون العطل من اسلاك البواجي أو عدم ركوب أحدها في بشكل سليم .
_ الديلكو هل هو اكتروني ام عادي . لأن العايدي لابد يوزن بمسدس الليزر على السيور وافضل رقم ينطلق الجيب فيه ويمشي والتشغيلة ودقة السلف ماتبطي هو الوزن على رقم 12 .
_ هل الكلتش والدزق سليمة ؟ لأن الكلتش مسؤول أيضاً عن العــزم .
_ التقطيع والتنتيع أسبابة كثيرة من ضمنها
_ طــــــــــــرنبة البنزين ربما يكون لها أثر على ضخ البنزين !
_ إستبدل صفاية البنزين بجديدة أصلية . فهي من ضمن المتهمين أيضاً .
_ إفحص (ليات الهواء) ربما يكون احدهما فيه تنسيم أو يابس أو سقط من مكانه !
_ اخيرا أنا استخدم من 8 سنوات بواجي بوش ممتازة راس واحد , نفس مقاس شد البلد بالرقم ( ــ7 ). أنصحك بها عــزم , ومايكسكس الجيب معك , ومايدخن واحتراق ممتاز . افضل من شد البلد الردئ جدا ,,,
20 ـــ رمضان ـــ 1431 هــ
ابوفهيدالسهلي
30/08/2010, 04:16 AM
اخوى انشاالله انك بتفتك من الكلام الى قلته عن موترك ركب طربه حقت جمس واسل مجرب والله انها صرت معى وبغيت ابيع موترى الان الى في موترك ماتحمل البخاخ
ديبو
30/08/2010, 07:11 AM
صبحك الله بالخير اخوي

المشكله طرمبة البنزين لأنها حصلت معي مرتان
الأولا: باترول 99م ضعف العزم ومع الطلعات يموت اكثر واحيانن مع الخط يسلك ويمشي زين وغيرت بواجي وصفاية واسلاك بواجي والمشكلة نفسهاووووو
بعدها غيرت طرمبة وكاله وزبط الموتر وبعد اسبوعين خربت لآن اللي بالوكالة مضروب؟
وبعدها غيرت حقت كرسيدا 6 سلندر وما شاء الله عليها سنتين معي حتى بعت السيارة ما اشتكيت منها ابدد


ثاياً: الآن معي باترول 96م وصار نفس الضعف وموت العزم وغيرت الطرمبة حقت الوكاله ب( 580) منذ اربعة اشهر والى الان حلوة


ومن اسباب موت العزم ايضاً الكلتش
تأكد قبل تتكلف وتخسر خسائر بدون فايدة لأن ما تلقاء المهندس الصاحي
عشقي الباترول
31/08/2010, 05:37 PM
اشكر كل من رد وابداء براية

الطرمبة مغيرها قبل اسبوعين مركب حقت الوكالة
طيب عندي صوت لقلقة اذا شديت الموتر بعزم واذ عبيت احمر يروح الصوت
mgs71
01/09/2010, 10:30 AM
بسم الله الرحمن الرحيم
اتوقع من البواجي الا اذا كان الكويل زي كويل البرادو
ترى جربناها طلعت ماتضرب الا شرارة واحده وضعيفه وماتنفع الا لمكاين خاصه
واذا تبغى تغير بواجي وانت مانت متاكد روح قطع النيسان الاصلي واسالهم عن البواجي اللي تركب على سيارتك هل البوجي اللي يركب لها راسين ولا واحد
واذا طلع راس واحد الافضل تشتريه من عندهم
او تجرب Iridium بس غاليه وافضلها شركة NGK وتركب تقريبا على جميع السيارات واتوقع انها البديل الافضل للبواجي المعروفه (احتمال تحصلها عند الشركة او محلات قطع الغيار) بس اهم شيء السنون لازم تكون عدد سنون البوجي الاصلي لاهي زايده ولا هي ناقصه عشان لاتروح عليك المكينه وهاذي صوره البواجي :
http://www.mekshat.com/pix/upload04/images179/mk171545_iridiumix.jpg

هاذا والله اعلم
عشقي الباترول
02/09/2010, 03:49 AM
بسم الله الرحمن الرحيم

اتوقع من البواجي الا اذا كان الكويل زي كويل البرادو
ترى جربناها طلعت ماتضرب الا شرارة واحده وضعيفه وماتنفع الا لمكاين خاصه
واذا تبغى تغير بواجي وانت مانت متاكد روح قطع النيسان الاصلي واسالهم عن البواجي اللي تركب على سيارتك هل البوجي اللي يركب لها راسين ولا واحد
واذا طلع راس واحد الافضل تشتريه من عندهم
او تجرب iridium بس غاليه وافضلها شركة ngk وتركب تقريبا على جميع السيارات واتوقع انها البديل الافضل للبواجي المعروفه (احتمال تحصلها عند الشركة او محلات قطع الغيار) بس اهم شيء السنون لازم تكون عدد سنون البوجي الاصلي لاهي زايده ولا هي ناقصه عشان لاتروح عليك المكينه وهاذي صوره البواجي :
http://www.mekshat.com/pix/upload04/images179/mk171545_iridiumix.jpg



هاذا والله اعلم




ماقصرت اخوووي والله يعطيك العافية
فقاقة
02/09/2010, 05:46 AM
حبيبي اذا تبي الكلام اللي يجمد على الشارب انا مولود بالسفاري ههههه حبيبي غير البواجي والوايرات واهم شي واير الكويل الصغير والبلاتين والشغلة الاساسية عيار الديلكو خل الفني يحطة لك على 15 او 14 درجة باستعمال المسدس مهوب بيدة لان عيار وكالتة 10 درجات راح يفرق معك الموتر 100% والنسم راح يفرق معك والحرارة راح تنزل لانك ريحت الديلكو ولا ابي منك الا الدعا ء لي بضهرالغيب
HW80
02/09/2010, 10:43 AM
اخوي
سلك من الكويل الى الديلكو مع واحد من اقاربي ددسن عزمه طايح جدا غير السلك
والاحين 100%
قبل لا تغيرها جرب سلك اي واحد تعرفه معه باترول
والله اعلم
ممكن من شيء ثاني إنما حبيت اعطيك التجربه
عشقي الباترول
02/09/2010, 11:34 PM
حبيبي اذا تبي الكلام اللي يجمد على الشارب انا مولود بالسفاري ههههه حبيبي غير البواجي والوايرات واهم شي واير الكويل الصغير والبلاتين والشغلة الاساسية عيار الديلكو خل الفني يحطة لك على 15 او 14 درجة باستعمال المسدس مهوب بيدة لان عيار وكالتة 10 درجات راح يفرق معك الموتر 100% والنسم راح يفرق معك والحرارة راح تنزل لانك ريحت الديلكو ولا ابي منك الا الدعا ء لي بضهرالغيب


الله يعطيك العافية وراح اروح للورشة عشان اشوف الديلكو
عشقي الباترول
02/09/2010, 11:35 PM
اخوي
سلك من الكويل الى الديلكو مع واحد من اقاربي ددسن عزمه طايح جدا غير السلك
والاحين 100%
قبل لا تغيرها جرب سلك اي واحد تعرفه معه باترول
والله اعلم
ممكن من شيء ثاني إنما حبيت اعطيك التجربه




الله يعطيك العافية وبيض الله وجهك