ماطور أبو جمل العبارتين (منفاخ هواء شكمانين)

[ابوصالح77]

السلام عليكم ورحمة الله وبركاته
تحية طيبة لجميع الأعضاء والزوار الكرام
أعرض لكم هذا الماطور الرائع ماركة أبو جمل (أبومواصير) ، فهو قوي جداً ويستحق أن يقنى .
ولقد إشتريته من الوكيل مؤسسة الشراع بالدمام شارع الملك سعود بـ 350 ولها فرع بالرياض شارع الغرابي .
علماً أنه يباع بـ 375-400 عند بعض المحلات ، وكنت حريصاً بأن أخذه من الوكيل عشان الضمان (سنة)
وهذه صور له :

http://www.mekshat.com/pix/upload04/images178/mk132726_m1.jpg

نبذة عن مواصفات القطع المستخدمة

http://www.mekshat.com/pix/upload04/images178/mk132726_m2.jpg

نبذة عن الملحقات

http://www.mekshat.com/pix/upload04/images178/mk132726_m3.jpg

البستم ومواصير الهواء وكذلك الفلتر .

http://www.mekshat.com/pix/upload04/images178/mk132726_m4.jpg

مستعد للإنقضاض على الكفر - الله يعزكم-
ويظهر مفتاح التشغيل

http://www.mekshat.com/pix/upload04/images178/mk132726_m5.jpg

صورة من الأعلى توضح الكناديس

http://www.mekshat.com/pix/upload04/images178/mk132726_m6.jpg

صورة جانبية للهدرز (والهواء يجي من البستم مع المواصير)

http://www.mekshat.com/pix/upload04/images178/mk132726_m7.jpg

معلومات عنه النوع والفولتية والضغط

http://www.mekshat.com/pix/upload04/images178/mk132726_m8.jpg

نلاحظ الجودة في السلك والفيوز .

http://www.mekshat.com/pix/upload04/images178/mk132726_m10.jpg

لي التعبئة وجودة عالية

http://www.mekshat.com/pix/upload04/images178/mk132726_m11.jpg


ملحقات فلاتر وإبر تعبئة

http://www.mekshat.com/pix/upload04/images178/mk132726_m12.jpg

متربع في شنطة البلد .


http://www.mekshat.com/pix/upload04/images178/mk132726_m13.jpg

بعد تغيير الشنطة ، وكنت مثبته في مكان البطارية الإضافية .


http://www.mekshat.com/pix/upload04/images178/mk132726_m14.jpg

الفرق بين الشنطتين
http://www.mekshat.com/pix/upload04/images178/mk132726_m15.jpg

نوع الماطور وكوده .

http://www.mekshat.com/pix/upload04/images178/mk132726_m16.jpg

تحذير من مؤسسة الشراع حول الضمان .

http://www.mekshat.com/pix/upload04/images178/mk132726_m17.jpg

عنوان مؤسسة الشراع

http://www.mekshat.com/pix/upload04/images178/mk132726_m18.jpg

آمل أني وقد وفقت في طرح الموضوع .
بالتوفيق للجميع
أخوكم / ابو صالح

[ابوصالح77]

تنبيه للإخوة الكرام :
1- المواصير تحتمي من ضغط الهواء (حيث أن الهواء يأتي من البستم مع المواصير إلى مربط اللي حق التعبئة )
2- السعر قبل سنة فيحتمل الآن الزيادة أو النقصان .
بالتوفيق للجميع

[غالي]

ماشاء الله اول مره اشوفه ولا جربته

معي ابوجمل القديم ماشاء الله تبارك الرحمن كد ومد وتعبيته لابأس بها حلوه

لكن القديم كان 245 ريال الى 275 ريال

اشوفهم كنهم خذوا منهج وكالات السيارات !!!!!! اي موديل جديد يرفعون سعره :(

تسلم اخوي

[ابوصالح77]

ماشاء الله اول مره اشوفه ولا جربته

معي ابوجمل القديم ماشاء الله تبارك الرحمن كد ومد وتعبيته لابأس بها حلوه

لكن القديم كان 245 ريال الى 275 ريال

اشوفهم كنهم خذوا منهج وكالات السيارات !!!!!! اي موديل جديد يرفعون سعره :(

تسلم اخوي
هلا بك أخوي غالي
الله يحفضك ويبارك فيك
القديم ميزة أخف من أبو مواصير وأصغر شوي وتقدر تلفزة بالكبوت
الحقيقة إنه قوي بمعنى الكلمة .
وبالنسبة للتجار فعلا ً كلما لها بزود
لكن أذا بغيت تشتري فرح للوكيل أفضل(مؤسسة الشراع ) ضمان +ممكن يعطيك بسعر الجملة
يسرني مرورك
بالتوفيق

[خالد ...]

ابو صالح تسلم على الموضوع

جاء في وقته لاني جالس ادور على ماطور ومحتـــــار وش آخذ

[ابوصالح77]

ابو صالح تسلم على الموضوع

جاء في وقته لاني جالس ادور على ماطور ومحتـــــار وش آخذ

هلا بك أخوي خالد
ما يحتاج توكل على الله
يسعدني مرورك
بالتوفيق

[الجندي2005]

تسلم يالذيب ما قصرت ،،،،،،،،،،،،،،،،،،،،،،،

زي ما قالوا الأخوان كل فترة ويرتفع السعر ،،،،

[ابوصالح77]

تسلم يالذيب ما قصرت ،،،،،،،،،،،،،،،،،،،،،،،

زي ما قالوا الأخوان كل فترة ويرتفع السعر ،،،،

هلا بك أخوي الجندي
ماعليك زود
وكلامك والإخوان على متمة ويقهرك زود اللي يرتفع ماينزل عندنا فقط
ليش ؟ ما أدري
عسى الله يرخص الأسعار
بالتوفيق للجميع

[قراند ماركيز]

جزاك الله خير
وموضوعك جاء في وقته

[ابوصالح77]

جزاك الله خير
وموضوعك جاء في وقته

هلا بك أخوي ومرحبتين
الله يبارك فيك ويحفظك
والحقيقة إن الماطور مهم جداً
الله يرزقك الماطور اللي يسر خاطرك
يسعدني مرورك
بالتوفيق

[أبوراكان57]

الله يعطيك العافية يابوصالح77
لكن عندي سؤال :
أنا شفت بالصورة مقابض تشبه حقت الاشتراك (زي الزرادية) يعني يشتغل على بطارية السيارة فهل الأسلاك طويلة لتصل إلى الكفرات الخلفية؟؟
وهل يوجد له فيش للشحن عن طريق الولاعة؟؟ لأن عندي في سيارتي فيش ولاعة في الشنطة الخلفية بحيث يكون أقرب للكفرات الخلفية؟؟

[drive]

انا عندي اخوه الصغير ابو بستم واحد
بالنسبة لي افضل من عدة نواحي
- سلك طويل ولي قصير ويفيد ان الهواء ما يحتمى بالمواصير او اللي
- كل ما طال اللي ضعف دفع الهواء
- اللي الطويل ممكن ينشق خصوصا انه بلاستيك موب مطاط مثل الصغير
- الماطورعندي قوته 2.4cfm يعني اقل بنسبة الربع من ابو بستمين ومب ذاك الفرق بالنسبة لي

عيبه ان مسكة اللي بالكفر متعبة وبعضهم غيرها لكن انا تعودت عليها


واخيرا اشكرك اوبصالح على طرحك
أسأل الله ان يبارك له في مالك ووقتك وصحتك وعيالك في هذا الشهر الفضيل

[ابوصالح77]

الله يعطيك العافية يابوصالح77





هلا بك أبو ركان الله يعافيك




لكن عندي سؤال :
أنا شفت بالصورة مقابض تشبه حقت الاشتراك (زي الزرادية) يعني يشتغل على بطارية السيارة فهل الأسلاك طويلة لتصل إلى الكفرات الخلفية؟؟


صدقت يشبك على البطارية لأنه قوي
واللي طويل يصل إلى الكفرات الخلفية بسهولة





وهل يوجد له فيش للشحن عن طريق الولاعة؟؟ لأن عندي في سيارتي فيش ولاعة في الشنطة الخلفية بحيث يكون أقرب للكفرات الخلفية؟؟


لا يوجد له فيش ولاعة ، لأنه قوي جداً ماتتحمله الولاعة
يسعدني مرورك
بالتوفيق

[ابوصالح77]

انا عندي اخوه الصغير ابو بستم واحد
بالنسبة لي افضل

وجهة نظرك أقدرها ، لكن أنا في إعتقادي أبومواصير أفضل لقوته .

[QUOTE=drive;5166714]
من عدة نواحي
- سلك طويل ولي قصير ويفيد ان الهواء ما يحتمى بالمواصير او اللي

المواصير وضعت لكي يبرد الهواء قبل يروح للي ، وأما السلك أقدر أطوله واللي أقصره

- كل ما طال اللي ضعف دفع الهواء
صدقت ، في حال الماطور ماهو قوي . قوة الدفع تعوض عن طول اللي .

- اللي الطويل ممكن ينشق خصوصا انه بلاستيك موب مطاط مثل الصغير

اللي ممتاز وإذا إنشثق غيرته .

- الماطورعندي قوته 2.4cfm يعني اقل بنسبة الربع من ابو بستمين ومب ذاك الفرق بالنسبة لي

الماطور اللي بالتقرير بستم واحد فقط جاء بعد أبو بستمين على كلام البائع .
أهم شيء تقضي لزومك ،
وبطلعة من الطلعات جربت ماطور التايوتا يقضي اللزوم (وهذا أهم شيء ) لكن كود تشب على براد الشاهي دامه يعبي .
واللي معك ممتاز .

عيبه ان مسكة اللي بالكفر متعبة وبعضهم غيرها لكن انا تعودت عليها

غيرها ولا تتعب روحك

واخيرا اشكرك اوبصالح على طرحك

لا شكر على واجب منكم نستفيد ، وما طرح إلا لتبادل الخبرات .

أسأل الله ان يبارك له في مالك ووقتك وصحتك وعيالك في هذا الشهر الفضيل

الله يبارك لنا ولك ويغفر لنا ولإخوننا ووالدين وجميع المسلمين
يسعدني مروك
بالتوفيق

[عالي الكيف]

اخوي ابو صالح
ولا يهونون الشباب

الماطور رأس واحد فقط
يعني وش فرقه عن القديم

[دورانقو]

القديم افضل انا مجرب الاثنين

[وحش القفار]

من واقع تجربة ممتاز وعملي يصل الضغط من لكن يعيبه الحجم الكبير لكن الاخوان تغلبوا على المشكلة بتغيير الشنطة

[عشقي بحر]

الله يعطيك العافيه

[مقلع الرمث]

اخوي ابو صالح وش تقول فيه بعد تجربه لمده سنه

هل تنصح باقتناءه مع العلم عندي واحد اكبر منه على مااظن سعره بالسوق الحين ب 350

وعندي القديم ايضا

افكر احطها بشنطه مع بعض واشبكها عشان النفخ يكون قوي

[ابوصالح77]

اخوي ابو صالح
ولا يهونون الشباب

الماطور رأس واحد فقط
يعني وش فرقه عن القديم

هلا بك أخوي ومرحبتين
الفرق ضغط هواء ابو مواصير أقوى من القديم ومن ابو رأسين على كلام الموظف مؤسسة الشراع
وكل مواطير أبو جمل زينات
والمنتشر بين الناس القديم
بالتوفيق

[ابوصالح77]

القديم افضل انا مجرب الاثنين

هلا بك أخوي
ما دامك مجرب الأثنين عطنا نبذة عن الإجابيات والسلبيات لاهنت لنستفيد
بالتوفيق

[ابوصالح77]

من واقع تجربة ممتاز وعملي يصل الضغط من لكن يعيبه الحجم الكبير لكن الاخوان تغلبوا على المشكلة بتغيير الشنطة

هلا بك أخوي
فعلاً تغير الشنطة ضروري للأغلب المواطير
ونشاهد االفرق

http://www.mekshat.com/vb/../pix/upload04/images178/mk132726_m14.jpg

http://www.mekshat.com/vb/../pix/upload04/images178/mk132726_m15.jpg

يسعدني مرورك
بالتوفيق

[ابوصالح77]

الله يعطيك العافيه

هلا بك أخوي
الله يعافيك
يسعدني مرورك
بالتوفيق

[ابوصالح77]

اخوي ابو صالح وش تقول فيه بعد تجربه لمده سنه

هل تنصح باقتناءه مع العلم عندي واحد اكبر منه على مااظن سعره بالسوق الحين ب 350

وعندي القديم ايضا

افكر احطها بشنطه مع بعض واشبكها عشان النفخ يكون قوي

هلا بك أخوي
بالنسبة للتجربة ممتاز
أنا أنصح بأي ماطور أبوجمل عى شرط يكون وارد مؤسسة الشرع والأفضل يأخذه منهم أو من أي محل بشرط الفاتورة كما مبين في كرتون الماطور عشان الضمان والضامن الله سبحانه
ومادام عندك بديل ما شاء الله يكفي ، أهم شي تقضي لزومك .
وشبكتهن جميع ممكن - كما كنا نعمل بمواطير البيوك أيام زمان -
لكن ما أنصحك فيها لعدة أسباب : 1- المواطير قوية ماشاء الله 2- تصير الشنطة تقيلة مرة .
بإمكانك تثبت واحد بالكبوت والثاني متنقل وكل كفر بماطور
وأكرر واحد يكفي
يسعدني مرورك
بالتوفيق

[جيبي جايزلي]

بس ياجماعه الخير فيه شي ما تكلمتو عنه وهو الفيوز لا تستطيع تغييره وانا قبل فتره بغيت اشتريه بالصدفه سالت راعي المحل قلت لو انقطع الفيوز وش اسوي قال بكل ثقه تقدر تغيره قلت طيب خذ ورني كيف يتغير بدا يحاول يفك القطعه الشفافه اللي علي الفيوز ما قدر يفكها قلت هاه وبدال ما يكحلها اعماها قال اقطع السلك واشبكه دايركت قلت وبس اشبكه دايركت واذا فيه ماس احرق الماطور اخر شي اقتنع وقال والله غريبه ما ينفك الفيوز

قلت اقول عطني القديم بس قديمك نديمك و اترك شغل الخمام

[slomi]

عز الله إن أبو جمل يبيض الوجه

[ابوصالح77]

بس ياجماعه الخير فيه شي ما تكلمتو عنه وهو الفيوز لا تستطيع تغييره وانا قبل فتره بغيت اشتريه بالصدفه سالت راعي المحل قلت لو انقطع الفيوز وش اسوي قال بكل ثقه تقدر تغيره قلت طيب خذ ورني كيف يتغير بدا يحاول يفك القطعه الشفافه اللي علي الفيوز ما قدر يفكها قلت هاه وبدال ما يكحلها اعماها قال اقطع السلك واشبكه دايركت قلت وبس اشبكه دايركت واذا فيه ماس احرق الماطور اخر شي اقتنع وقال والله غريبه ما ينفك الفيوز

قلت اقول عطني القديم بس قديمك نديمك و اترك شغل الخمام

ههههههههههه
هلا بك أخوي
وش هالعامل أنت رحت مؤسسة الشراع وإلا غيرهم
عموماً الفيوز ما يقطع لين يكون بالماطور إلتماس
لكن بشوف لك كيف ينفك بأقرب فرصة
أما مواطير ابوجمل فكلها ممتازة سواءً القديم أو الجديد .
بالتوفيق

[ابوصالح77]

عز الله إن أبو جمل يبيض الوجه
هلا بك أخوي
كلامك على متمه
بالتوفيق

[ابوصالح77]

بس ياجماعه الخير فيه شي ما تكلمتو عنه وهو الفيوز لا تستطيع تغييره وانا قبل فتره بغيت اشتريه بالصدفه سالت راعي المحل قلت لو انقطع الفيوز وش اسوي قال بكل ثقه تقدر تغيره قلت طيب خذ ورني كيف يتغير بدا يحاول يفك القطعه الشفافه اللي علي الفيوز ما قدر يفكها قلت هاه وبدال ما يكحلها اعماها قال اقطع السلك واشبكه دايركت قلت وبس اشبكه دايركت واذا فيه ماس احرق الماطور اخر شي اقتنع وقال والله غريبه ما ينفك الفيوز

قلت اقول عطني القديم بس قديمك نديمك و اترك شغل الخمام


ههههههههههه
هلا بك أخوي
وش هالعامل أنت رحت مؤسسة الشراع وإلا غيرهم
عموماً الفيوز ما يقطع لين يكون بالماطور إلتماس
لكن بشوف لك كيف ينفك بأقرب فرصة
أما مواطير ابوجمل فكلها ممتازة سواءً القديم أو الجديد .
بالتوفيق

هلا بالإخوان
بالنسبة للفيوز فعلاً فكه صعب مع إن فيه سنة لكن حاولت أفكه ما قدرت ، قلت: أخاف أكسره
وفائدة الفيوز : لو صار إلتماس بالماطور يقطع عشان ما يخرب الدنيا
بالتوفيق للجميع

[ابوصالح77]

للرفع للفائدة

[ابوصالح77]

للرفع للفائدة وقرب الموسم

[سرطوقا]

بيض الله وجهك وماقصرت وان شاء الله اطلع عليه في القريب العاجل

[حان الرحيل]

السلام عليكم
عندي ساكاsacaله ما يقارب 15 سنه وهو 100% واستخدامه جيد وحجمه صغير ..لكن يحتاج 5دقائق لتعبئة الكفر.. المنسم للاند كروزر...

[ابوصالح77]

بيض الله وجهك وماقصرت وان شاء الله اطلع عليه في القريب العاجل

هلا بك والله
يسعدني مرورك

[ابوصالح77]

السلام عليكم
عندي ساكاsacaله ما يقارب 15 سنه وهو 100% واستخدامه جيد وحجمه صغير ..لكن يحتاج 5دقائق لتعبئة الكفر.. المنسم للاند كروزر...

ما شاء الله
الله يطرح فيه البركة

[ابوصالح77]

للرفع
مع فائق الإحترام وتبادل الخبرات

[الشهابة]

ماشاء الله عليك يا ابو صالح ..

مواضعيك كلها فيها فايده الله يبارك فيك ..

و الماطور المذكور و الموجود في الصور شريته بـ 360 ريال من محل مستلزمات الرحلات في حي المروج في الرياض بضمان الوكيل ( اظن اسم المحل طريق الاشقاء) ..

و بالنسبه للشنطه .. عز الله انك جبتها ماشاء الله عليك .. نبي نغيرها و نستفيد من شنطته لاغراض ثانيه

[naif2010]

عزالله انه ماطور

تكسره بالعافيه :)

انا كان عندي واحد زيه بالضبط لكن انسرق الله يعوضنا بخير

[ابوصالح77]

ماشاء الله عليك يا ابو صالح ..

مواضعيك كلها فيها فايده الله يبارك فيك ..

و الماطور المذكور و الموجود في الصور شريته بـ 360 ريال من محل مستلزمات الرحلات في حي المروج في الرياض بضمان الوكيل ( اظن اسم المحل طريق الاشقاء) ..

و بالنسبه للشنطه .. عز الله انك جبتها ماشاء الله عليك .. نبي نغيرها و نستفيد من شنطته لاغراض ثانيه

هلا بك أخوي ومرحبتين
يا عله مبروك هالماطور
يسعدني مرورك الله يسعد أيامك

[ابوصالح77]

عزالله انه ماطور

تكسره بالعافيه :)

انا كان عندي واحد زيه بالضبط لكن انسرق الله يعوضنا بخير

هلا بك أخوي ومرحبتين
الله يعوضك بخير منه ويهدي ويفتح على قلب اللي سرقه
يسعدني مرورك الله يسعد أيامك

[YUKON_GMC]

ابوجمل بانواعه ممتاز صبر وسرعه في النفخ

يعبي الكفر 40 في 30 ثانيه يعني اقوى من مواطير البنشريه

[m-c10]

جزاك الله خيرا ورحم الله والديك على هذه المعلومات.فأنا ابحث عن ماطور في هذه الأيام وقد أستفدت من هذا الموضوع فشكراً لك وتقبل تحياتي

[VIP-503]

بكم سعره في الرياض ومشكور على الطرح الممتاز احترامي

[ابوصالح77]

ابوجمل بانواعه ممتاز صبر وسرعه في النفخ

يعبي الكفر 40 في 30 ثانيه يعني اقوى من مواطير البنشريه

صدقت
عز الله إنه يبرد الكبد
يسعدني مرورك

[ابوصالح77]

جزاك الله خيرا ورحم الله والديك على هذه المعلومات.فأنا ابحث عن ماطور في هذه الأيام وقد أستفدت من هذا الموضوع فشكراً لك وتقبل تحياتي

وإياك
ويرحم والديك
وأبوجمل يبيض الوجه
يسعدني مرروك

[ابوصالح77]

بكم سعره في الرياض ومشكور على الطرح الممتاز احترامي

هلا بك أخوي
السعر 350 ريال
أشتره من الوكيل مؤسسة الشراع وموجود فرع له بالغرابي على ما أعتقد
إتصل على فرعهم بالدمام وخذ العلم الوكاد :
وهذا الرقم بالصورة
http://www.mekshat.com/vb/../pix/upload04/images178/mk132726_m18.jpg

[ابوابراهيم22]

جزاك الله خير
وموضوعك جاء في وقته

[ابوصالح77]

جزاك الله خير
وموضوعك جاء في وقته

وإياك
يسعدني مرورك

[drive]

هلا بالإخوان
بالنسبة للفيوز فعلاً فكه صعب مع إن فيه سنة لكن حاولت أفكه ما قدرت ، قلت: أخاف أكسره
وفائدة الفيوز : لو صار إلتماس بالماطور يقطع عشان ما يخرب الدنيا
بالتوفيق للجميع

معلومة واتمنى ماتكون متأخرة
الموجود ليس فيوز وانما قاطع كهربائي او ما يسمى ب circuit breaker مثل قاطع الطبلون في البيوت
وظيفته اذا حصل التماس يسخن ويقطع الكهرباء لكن يعود للتوصيل بعد ان يبرد... يعني هو راح يرجع يشتغل بعد فترة قليلة ...

[alcobra2000]

أشكرك على المعلومات الرائعة

[ابوصالح77]

معلومة واتمنى ماتكون متأخرة
الموجود ليس فيوز وانما قاطع كهربائي او ما يسمى ب circuit breaker مثل قاطع الطبلون في البيوت
وظيفته اذا حصل التماس يسخن ويقطع الكهرباء لكن يعود للتوصيل بعد ان يبرد... يعني هو راح يرجع يشتغل بعد فترة قليلة ...


يعطيك العافية على هالمعلومة
مررورك أثرى الموضوع

[أبوجهاد التبوكي]

يعطيك العافية

[ابوصالح77]

أشكرك على المعلومات الرائعة



هلا بك أخوي
يسعدني مرورك
بالتوفيق

[ابوصالح77]

يعطيك العافية


هلا بك اخوي أبو جهاد
الله يعافيك
يسعدني مرورك

[هيتاشي]

مشكورين على المعلومات القيمه عن ماطور الهوا

[هيتاشي]

الله يعطيك
العافية

[سيفرتSIEVERT]

الله يعافيك

[ابومناحي]

شكرا كثير....

[ابوصالح77]

مشكورين على المعلومات القيمه عن ماطور الهوا



الله يعطيك
العافية




الله يعافيك




شكرا كثير....


هلا بكم يالربع
الله يعافيكم
يسعدني مروركم
تقبلوا تحياتي

[أبو صالح]

السلام عليكم صبحكم الله بالخير جميعا
اولا الله يعطيك الف عافية يابو صالح على هالموضوع والله يعطيك من خير هالماطور ويكفيك شره والشر كله وعندي اضافة بسيطة بخصوص الشنطة اللي مفصلها
انا اشوف لو الشنطة يكون لها مخباتين واحد للي والثاني للماطور افضل بتقولون ليش؟
السبب ان الماطور بعد ماتخلص معبي الكفرات يكون مولع ومحتمي وخصوصا البستم وانا شفتك بالشنطة حاطن اللي على الماطور واللي بلاستك يعني على طول بيحتمي وينشق من الحرارة عشان كذا اقترح للي يبي يفصل شنطة ياخذ حساب الحرارة ويفصل مخباتين هذا ماحبيت اضيفه وشكرا لك يابو صالح ولا يهوون باقي الربع

[قناص*07]

الله يعطيك مليون عافيه يا ابو صالح 77 والف شكر على التوضيح المفصل و الواضح
طول عمرك سباق للخير وتحب للناس الخير

كل عام وانت بخير

[ابوصالح77]

السلام عليكم صبحكم الله بالخير جميعا
اولا الله يعطيك الف عافية يابو صالح على هالموضوع والله يعطيك من خير هالماطور ويكفيك شره والشر كله وعندي اضافة بسيطة بخصوص الشنطة اللي مفصلها
انا اشوف لو الشنطة يكون لها مخباتين واحد للي والثاني للماطور افضل بتقولون ليش؟
السبب ان الماطور بعد ماتخلص معبي الكفرات يكون مولع ومحتمي وخصوصا البستم وانا شفتك بالشنطة حاطن اللي على الماطور واللي بلاستك يعني على طول بيحتمي وينشق من الحرارة عشان كذا اقترح للي يبي يفصل شنطة ياخذ حساب الحرارة ويفصل مخباتين هذا ماحبيت اضيفه وشكرا لك يابو صالح ولا يهوون باقي الربع


وعليكم السلام ورحمة الله وبركاته
حياك الله وبياك
أشكرك على الدعوات المباركة وحفظك الله من كل شر
وأشكرك على الإقتراح الحكيم
فعلاً الأفضل أن يوضع في الشنطة مخابي للي وغيره
وما جعلني أحشر اللي مع الماطور هو أني كانت مثبت الماطور في الكبوت فما فيه مساحة كافية ومعي قطعة شراع ياباني أضعه بينها
بارك الله فيك على هالتنبيه وجعله في ميزان حسناتك

[حديب الضميان]

الله يعطيك العافية ابو صالح ماقصرت على هالتوضيح
وحركة الشنطة تحفه
وجزاك الله خير ورحم والديك عن النار

[حلم البحر]

وعلكيم السلام ورحمة الله وبركاتة
هلابالغالي
ماشاءالله تبارك الله
الله يعطيك من خيره ويكفيك شره
دائما تتحفنابالجديد أشكرأخي على طرحك لأخبارالجميع
عن النوع الممتاز الله يعطيك العافية
تحياتي لك
أخوك ابوفيصل

[أبو هشام راشد]

وعليكم السلام ورحمة الله وبركاته
ما شاء الله تبارك الله
الله يعطيك من خيره ويكفيك شره

[الصافي2]

مشكور .........

[- النشمي -]

يعطيك العافيه

وماطور ابو جمل مايحتاج قوه وصبر

[PATHFINDER 4]

معلومة واتمنى ماتكون متأخرة
الموجود ليس فيوز وانما قاطع كهربائي او ما يسمى ب circuit breaker مثل قاطع الطبلون في البيوت
وظيفته اذا حصل التماس يسخن ويقطع الكهرباء لكن يعود للتوصيل بعد ان يبرد... يعني هو راح يرجع يشتغل بعد فترة قليلة ...

:(

طفى علي مرة ويوم رجعت للبيت قطعته وركبت فيوز :(

[ابونبيل]

مثل حقي بالضبط انا اشهد انه ماطور كفو

شاريه في محرم بـ410 من شارع سعود والحين يمكن رخص