البثن
30/08/2010, 02:54 PM
السلام عليكم ورحمة الله بركاته,,,
اخواني هذه قصيده على قد الحال كتبتها وقت المقناص العام الماضي 1430هـ وكنت رديف مع أخي وصاحبي ورفيق دربي ابو محمد وكان طيري غادي وتخبرون غدوة الطير كايده على راعيه مالكم بالطواله المهم مثل مانتو عارفين الرديف دايم بالمقناص ماهي على كيفوه يتقنص السواق هو الأمير بوقتها يعني يتقنص على هواه وعلى شفوه المهم جتني ومره من رب العالمين على حزم ماهو بعيد منا ولا هو حروة حبارى لاكن المقسوم طلبت من اخوي ابو محمد يفر الدركسون عليها قالي سم قلت عدوك يسم تسميحة خاطر لي والله ولا ماهي حروة ولا شي رفاع ولا فيه مذاري كثيره يعني ماهي ماقع لها لاكن المقسوم اول وقبل لايتروس الموتر على ذيك الرفاعه الا والله هذا الأثر جديييييييييد خرب على كيف كيوفك من جهة الرديف اللي هو انا الا والله يوم التفت على ابو محمد قلت وقف ولا حركه ابشر بالخرب قال صحيح قلت افا بس لاتحرك الموتر لان الجره جديده الحين قال شلون قلت لاتتحرك وهو يطالع في الجره الا والله يومنه قام يتهبد على الطير وعلى الجهاز يراسل الربع اجتمعنا ثلاث سيارات وعلى بركة الله من اول ماقصينا الا والله يوم درج ولله الحمد مابغى شي يسره الله المهم هدينا وذبحناه وفليناها المهم يوم امسينا وانا اقول قصيدتي المتواضعه حبيت اني اوصلها لكم واعيشكم الجو اللي عشناه لو شوي واعذروني على الإطاله .
يارب من شالني بالجيب للبر
تفتح له ابواب رزقك والفقارا
لخوة رجال(ن) بالخلا دوم تفتر
شفقى وماهمها غير الحبارى
برقى الجناح اللي لها العين تنكر
لاشافها الصقار زاد احتيارا
قام يتهبد يلتفت للطير محتر
ماخاير المبروك حلو الطيارا
قام يتعلى وكوبرت عيونها شر
والحر ناطحها مطلب(ن) بافتخارا
ورد عليها وطقها وقام يشهر
وعطبها المزيون مثل الشرارا
ثم انتكس مصرم والدم يندر
وكلبها بكفوف حدن سعارا
وسلامتكم يالربع والله يبلغنا رمضان على خير وعمل صالح
اخوكم/ ابو عبدالله
اخواني هذه قصيده على قد الحال كتبتها وقت المقناص العام الماضي 1430هـ وكنت رديف مع أخي وصاحبي ورفيق دربي ابو محمد وكان طيري غادي وتخبرون غدوة الطير كايده على راعيه مالكم بالطواله المهم مثل مانتو عارفين الرديف دايم بالمقناص ماهي على كيفوه يتقنص السواق هو الأمير بوقتها يعني يتقنص على هواه وعلى شفوه المهم جتني ومره من رب العالمين على حزم ماهو بعيد منا ولا هو حروة حبارى لاكن المقسوم طلبت من اخوي ابو محمد يفر الدركسون عليها قالي سم قلت عدوك يسم تسميحة خاطر لي والله ولا ماهي حروة ولا شي رفاع ولا فيه مذاري كثيره يعني ماهي ماقع لها لاكن المقسوم اول وقبل لايتروس الموتر على ذيك الرفاعه الا والله هذا الأثر جديييييييييد خرب على كيف كيوفك من جهة الرديف اللي هو انا الا والله يوم التفت على ابو محمد قلت وقف ولا حركه ابشر بالخرب قال صحيح قلت افا بس لاتحرك الموتر لان الجره جديده الحين قال شلون قلت لاتتحرك وهو يطالع في الجره الا والله يومنه قام يتهبد على الطير وعلى الجهاز يراسل الربع اجتمعنا ثلاث سيارات وعلى بركة الله من اول ماقصينا الا والله يوم درج ولله الحمد مابغى شي يسره الله المهم هدينا وذبحناه وفليناها المهم يوم امسينا وانا اقول قصيدتي المتواضعه حبيت اني اوصلها لكم واعيشكم الجو اللي عشناه لو شوي واعذروني على الإطاله .
يارب من شالني بالجيب للبر
تفتح له ابواب رزقك والفقارا
لخوة رجال(ن) بالخلا دوم تفتر
شفقى وماهمها غير الحبارى
برقى الجناح اللي لها العين تنكر
لاشافها الصقار زاد احتيارا
قام يتهبد يلتفت للطير محتر
ماخاير المبروك حلو الطيارا
قام يتعلى وكوبرت عيونها شر
والحر ناطحها مطلب(ن) بافتخارا
ورد عليها وطقها وقام يشهر
وعطبها المزيون مثل الشرارا
ثم انتكس مصرم والدم يندر
وكلبها بكفوف حدن سعارا
وسلامتكم يالربع والله يبلغنا رمضان على خير وعمل صالح
اخوكم/ ابو عبدالله