سؤال لأهل الخبره في الآيكوم 8000 ..... !!!

[حرباش]

السلام عليكم ورحمة الله وبركاته


اخوتي اعضاء هذا المنتدى الرائع

انا احبث عن جهاز ايكوم 8000 ، ومن خلال تمحصاتي وتفحصاتي لبعض اماكن بيع الأجهزه وجدت نوعين من هذا الجهاز :) وهو السنغفوري ( التجاري ) وقيمته 750 ريال ، و الياباني ( الأصلي) وقيمته 1200 ريال :( ، وسؤالي لكم طول الله بأعماركم ماهو الفرق بين الجهازين رغم ان فرق القيمه يفقع المخ :confused: وسلامتكم .

في انتضار ردودكم
تحياتي لكم حرباش :p

[الذيب الأسود]

أخي الكريم

السلام عليكم

أما بالنسبة للفرق بين الجهازين فما يحتاجله خبير الفرق بن النوعين اللي تقول هو إن واحد تجاري وواحد أصلي
والفرق بين التجاري والأصلي ما يحتاجله شرح ولكن هناك فرق جوهري بن النوعين ألا وهو أن:

التجاري ما تركب عليه قطعة التشفير (UT109-UT110) واسأل مجرب أنا الحقيقة عندي أصلي شاريه من زمان وبغيت أجيب واحد ثاني وطبيت في التجاري وحاولت أركب القطعة عليه وما ركبت بعته اليوم الثاني وجبت أصلي >الأصلي أصلي < وترا قيمته فيه .......................................... .


عذرا على الإطالة



الذيب :o

[النداوي HZ2AF]

الله يجزاك خير يا الذيب بكذى تأكدت انا ان الأجهزة الي عندي كلها اصلية
لأنه كلها مركب عليها قطعة التشفير
أخوك ابو عبدالله

[حرباش]

اخوي الذيب الأسود
مرحبابك والله ومشكور على الرد الجميل والمعلومه الطيبه
كذا يقدر الواحد يفرق بين الأصلي والتجاري.
ماقصرت والله يجزاك خير
---------------------
اخوي النداوي شكرا لمرورك وحياك الله

[الخبير]

السلام عليكم
ما تقدر تفرق بين الإثنين من الجسم الخارجي الفرق الوحيد يطلع إذا فكيت الجهاز وشفت البورد!

[حرباش]

والله يالخبير انها شغله ولكن على الله :D
بيض الله وجهك وألف شكر على مروروك ;)

تقبل تحياتي حرباش :p

[ولد الأمارات]

السلام عليكم

في طريقة ممكن تفرق بين الاصلي و التقليد ..ان الجهاز الاصلي لما تفك فيشه المايك بتشوف البود الاخضر و فيه قطعه دائرية الشكل تقريبا و لونها ذهبي. اما التقليد ما توجد به هذي القطعه.

و الفرق الثاني هو الاكتابه الي على الجهاز ...يعني الاصلي تكون فيه الكتابه و رقم الموديل واضحه. اما التقليد فالكتابه تكون باهته شوي و تكون كبيرة.

وانا عندي الجهازين الاصلي و التقليد و هذيه الفروقات الي وجتها بين الجهازين الي ممكن تلاحظها من خارج الجهاز و بدون فك.

مع تحياتي ولد الامارات

[الذيب الأسود]

وهناك أيضاً فرق في الريشة وهو أن الكتابات على الزر رقم 1 ورقم 2 ورقم 5 ورقم 4 تجي ناقصة يعني وضائف Func ماهي مكتوبة اللي باللون البرتقالي

الذيب

[حرباش]

هلا وغلا بولد الإمارات وبك يالذيب الأسود

بيض الله وجيهكم على المعلومات الجميله والي افادتني كثير :p
ولا اخفيكم اني قد وصيت واحد بالحسا والرجال ماقصر شرى الجهاز وباقي علي شوفته وتفحه
ألف شكر لكم حقيقا وماقصرتو :cool:
-----------------------------------------
اخوكم حرباش

[ولد الأمارات]

بس نصيحه اخي الكريم عليك بالاصلي لو بتزيد عليه شوي من التقليد.

[حرباش]

طبعا ياولد الإمارات
كلامك صحيح غير الأصلي ماينفع ;)
لكن تعرف الواحد يخاف من قصه الغش بمثل ذي السوالف خصوصا انه ممنوع يعني ماحد ينافعك :(
ولك تحياتي :cool:

[الذيب الأسود]

ألف مبورك

تستاهل أكثر

ونتمنى لك مراسلة ممتعة

[حرباش]

الله يبارك فيك يالذيب الأسود ويجزاك الف خير
بيض الله وجهك اخوك حرباش

[AL-OTAIBI]

وش قطعة التشفير و وش وظيفتها

[الخبير]

السلام عليكم جميعاً
انا كلمت أحد الفنيين إلي يصلحون الأجهزة، قال إن الآيكوم ال 8000 التجاري دائما ما يخرب وما يصبر والمشكلة إنها غازية السوق.

[حرباش]

صدقت أخوي الخبير

وهذا ماقاله لي ايضا أهل الخبره في هذا الجهاز ، ولو فيه زين ماحصلته بالقيمه ذي :)


يعطيك العافيه واشكرك على مرورك ;)

[ولد الأمارات]

السلام عليكم جميعاً
انا كلمت أحد الفنيين إلي يصلحون الأجهزة، قال إن الآيكوم ال 8000 التجاري دائما ما يخرب وما يصبر والمشكلة إنها غازية السوق.

السلام عليكم

صحيح اخي الكريم الخبير. لان جميع الاخوان الي يذمون ويكرهون الايكوم 8000 تجدهم قد استخدموا الايكوم التجاري (التقليد). اما اذا سألت احد الاخوان الي عندهم الاصلي يقولوكم ابدا ما في مشاكل.
و انا اصراحة استحدم الجهاز من سنة تقريبا بدون مشاكل. الحمد لله

مع تحياتي ولد الامارات

[الخبير]

انا يا ولد الإمارات استخدمه من 3 سنوات وإلى الآن ما شاء الله شغال تمام!

[حرباش]

ماشالله عليكم


وانا ان شالله بذكركم بعد خمس سنوات اذا الله احيانا واحياكم :d


ولد الإمارات والخبير
الف شكر على مروركم



اخوكم حرباش ;)

[فتى الوادي]

السلام عليكم ..
أنا أبحث عن القطعة ut-109 تعبن مالقليتها ؟؟
تكفون الفزعة !