قصه بدت من شمال الوقبا

[عين الحر 11]

هذي قصه والله اعجبتني والي حدثني عنها شايب سمعها من الي صارت عليه مباشره
يقول:
راعي نياق مقيض من ورى (الوقبا) وهي منطقه تقع شمال او تقريبا شمال غرب حفر الباطن قال ومشى يبي النفود اهله بهكا النواحي ماادري هو ضيع او لقاهم راحلين الوكاد ان الماء الي معه قضى والمده الي مشاه يويمين واكثرقال وهو ينقطع ويهلك ومن اليأس والعطش جلس تحت له رمثة ينتظر الأجل وهو يغمي عليه قال والله اول ما أغمي عليه جته فلانه يعرفها أم أيتام كان سنه من السنين مسوي لها معروف أو صدقه قال ومعاها طاسة ماء وهو يشرب ويشرب يوم روى وهو يقعد يمار ماحوله أحد لكنه رويان .......
الله يقدرنا على فعل الخير.....

[شاص2001]

الله يعطيك العافيه

[مطيعيس]

تسلم يالذيب والله قصة جميله وتذكرنا بفعل الخير

[محمد الظاهري]

السلام عليكم ورحمه الله
صباح الخير ياغالي
قصه جميله
ورائعه
بارك الله فيك
وفعلا الله يقدرنا على فعل الخير
ونتظر قصه جديده من عبر قلمك
ولك كل التحيه
اخوك

[bader358]

الله ارسله ملك يسقيه .....


من فرج عن مسلم كربه فرج الله عنه من كرب الدنيا والآخرة ... وفعل الخير ما يضيع عند الله


بارك الله فيك

[سليمان الربيعان]

جزاك الله خير

[راكان الظاهري]

سلمت يمناك قصة معبرة
واللي يفرج كربة مسلم يفرج الله له كربته
وعمل الخير مافي احسن منه

[شباب نجد]

انا سمعت احد المشايخ يذكر حصلت حادثة اقوى من هذه بكثير

وكان يأتيه الرزق وهو في الكهف لأنه عمل الصدقات

وحدثت هذه في الافلاج وسألت احد الاشخاص من الافلاج

واكدها لي لو يالظاهري تقدر تجيبها ماتقصر ان شاء الله

[محمدالزبيدي]

راعي المعروف ما يندم

مشكور اخي قصة معبرة

[خيط درية]

جزاك الله خير
وجعله في ميزان حسناتك
والله يقويك ويزيدك من فضله
بارك الله فيك أخي

[الوالي 999]

انا سمعت احد المشايخ يذكر حصلت حادثة اقوى من هذه بكثير

وكان يأتيه الرزق وهو في الكهف لأنه عمل الصدقات

وحدثت هذه في الافلاج وسألت احد الاشخاص من الافلاج

واكدها لي لو يالظاهري تقدر تجيبها ماتقصر ان شاء الله
يقولك به واحد ن اجودي به دين والله معطيه من واسع فضله عنده حلال وله جار احواله مصلحه قام واعطا جاره ناقه يمتنحها ( يشرب من حليبها ) الموهم الرجل ذا راح لدحل من الدحول يبي يجيب منه ماء
ودخل في الدحل والدحل طويل وضاع وسطه (في داخله ) وقعدله شهر تقريبا
عياله شافو ابوهم ماطلع من الدحل اول اسبوع ثاني اسبوع ثالث اسبوع قالو ابونا مات وتقاسمو حلاله وفطنو للناقه اللي اعطاها ابوهم لجارهم الفقير راحو وخذوها منه بالغصب
الفقير سالهم عن ابوهم قالو ابونا دخل للدحل وماضهر
الفقير كبرت في راسه ودخل ورا جاره للدحل ويمشي مره ويحبي مره ويتحسس ويتلمس
لين لمس طرف جاره ألآ والرجل باقي بالرمق الاخير
قام وسحبه واضهره من الدحل ووداه لم بيته قاله كيف قعدت شهر بدون اكل ولا شرب
داخل الدحل قال الرجل كل يوم تجيني طاسة حليب واشربها بس لها حول الاسبوع ماجتني الطاسه مدري ليه
قال الفقير انا اللي ادري هذي الناقه اللي انت عطيتني اياها الله ماخلاك مثل ما اشرب منها انت بعد تشرب منها
ويوم عيالك خذو عطيتك لي وقطعوني من الحليب انقطعت الطاسه عنك
وصارت سبب لي اني ادخل للدحل وادور عليك
قام الرجل وراح لبيته وجمع حلاله وقسمه بينه وبين الرجل الفقير اللي انقذ حياته (جاره الفقير)
ارجو ان اكون وفقت بالنقل

[غرور انثى007]

سبحان الله...

يعطيك العافيه..