صواميل الكفر عيّت لا تنحل ..!!! وش الحل ..؟؟؟؟ صاحب الحلول السحرية بطرس غالي موجود

[خالد بن عبدالمحسن]

السلام عليكم ,,,

خبر جدييد و حركة اليوم جددددددددددددديدة ;)


اليوم و انا اتجول في مدينة الطايف الصباح ,,

حصلت لي هايلكس غماريتن قديمة واضح من وقفتها انها متعطلة و عندها راعي صابونه واقف للمساعدة ,,,

الا قلت شايب ..!! و رمضان لازم اساعده ..!!

و يوم نزلت و شفت وجهه لا وجه ذاك الشيبه اللي وجهه وجه الضما و الجوع ,, و محمل له مطاره يبي يودها لغنمه مسيكين ,,,

و عندها شاب ملتزم الله يجزاه خير يبي يساعده في فك الكفر المبنشر ,,,

و حاولت ابي اهب في ريحهم و انزل معي عدتي الموقرة ولا ثابت ولا فادت يا ملاااا القووووم :D

و تراجعتي عزمتي أدراج الرياح :D<< اكيد فيه غلط لغوي :D

صواميل الهلكس مشدددددددددددددوووووووودة للاخير و آجعت يدي وجع غير طبييعي و ضهري لاني ارتكيت عليها برجلي و انتو مكرمين و يدي اليمني على مقضب مفك العجل الآخر ...
مالكم في طويل ً عازه :D

قلت يا بالفيت خليكم عند السياره و بدور لكم بخاخ الصدا يمكن يرخيها شوي ,,,
رحت لمحطتين و لقيتها مسكره رمضان و صباح ..!!


و رجعت لهم خالي الوفاض ,,
و طخت في راسي ما اروح الا انا مسنع ذالشايب المسكين ...

و جت في بالي فكرة ,,,

قلت اعطيكم اياها يمكن تفيدكم ,,,

الاخ الملتزم ,, منزل عفريتته معه نفس حقت البناشر اللي لونها حمر ,,,

و الشايب المسكين منزل عفريتته معه ايضاً ,,,

و حطيت عفريتة الشايب على وسط الاكس حق مفك العجل عشان تثبته ,,,

زوداً على ان الصواميل مشدووودة مبوّشه :D<< الرزق شوي ً و نيه :D


و خليت المطوع الله يجزاه خير يحط عفريتته تحت المقضب الايمن حق العجل و انا وقف بطولي على متقلى الاكس حق العجل برجلي اليمنى اكرمكم الله ,,,
و بيدي اليسرا على المقضب الايسر ,, و ماخذيت الا طقطت صوت إنحلال الصامولة ,,,
و نستمر على الباقي بذا الطريقة المطوع يرفع بالعفريته و انا آطا برجلي على الطرف الأخر ,, و هاااانت ,,,

و قال لنا الشايب : هيااا يا شباب الفطور عندي << هيّا بالطايفي :D


المهم كثر حكيي ما راح يفهمكم هذي الصورة بس للاسف ما صورت أثناء العملية ولا كان بتكون اوضح

ان كان احد الاخوان يقدر يصغر الصورة يصغرها ويتصدق فيني :D



http://www.mekshat.com/pix/upload04/images177/mk169938_kjhjf.jpg




هذا لنك الصورة بالحجم الاصلي في حال لو انها تصغرت :)

http://img828.imageshack.us/img828/7295/img00209201008310844.jpg

[تناهيت]

بيض الله وجيهكم انت والمطوع على خدمة هالشايب

وطريقتكم ممتازة .....<يبيلها توفر معك مفك عجل صليب +عفريته تمساح للحاجه

كثير من السيارات الآن حتى وهي جديدة ما تنحل صواميلها

معي 2009 ما انفكت الصامولة الا في المخرطة

وتعطلت في البر على جمس بسبب صامولة وما فكيتها الا بفـــــــــــــــــاس وتكسير


لذا انبه اخواني المكشاتيه في انهم يحاولون يشيكوون مواترهم عند بنشري كل 6 شهور على الأقل يحلون الصواميل ويشدونها

ويازين الطايف ويا زين جوها قبل يومين كنت فيها انا اشهد انها ديرة جو ما شاء الله والله يهنيكم في ديرتكم

تحياتي

[zxzxzxzx]

بارك الله فيك
وهذا عشمنا في شبابنا

الطريقة الي ذكرتها ممتازة وتدل على تفكير ثاقب
وأحب أضيف طريقة كنت أشوفهم يسوونها أصحاب الورش في التعامل مع الصواميل العنيدة.
الفكرة انك تدخل ماسورة حديد في مفتاح العجل تكون طويلة شوي (من متر إلى مترين) ثم تحرك مفتاح العجل باتجاه فك الصامولة وإن شاء الله راح تتجاوب معك (يعني كأنك زودت طول أحد أطراف مفتاح العجل)
العملية فيزيائية بحتة ..

[خالد بن عبدالمحسن]

يا مرحبا يا تناهيت ,,,
ان مر بك فالك على الطيف فالصيف ,,فسير علينا و أنص الخالدية بتشوف قصر ً من البعد يا بينه << بدا الهياط :)


مشكووور على ردك و اظفت لنا معلومة اقل شي الواحد قبل يروح بر يحل الصواميل و يرجعها قد صارت معي قبل في ونيتي فورد f150 2005 نفس المشكلة .. و البنشريه المساكين انكسرت ماصوريتن معهم مستخدمينها في تطويل مفك العجل و خليته يمسي لين الصبح جيتهم و اخذت السيارة و من كثر ضيقي عليها ما سألتهم كيف فكوها :)

[خالد بن عبدالمحسن]

zxzxzx مرحبا بك و مسهلا و مشكووور على ردك ,,,
و الحمدلله التفكير الظاهر و المعدة خاليه يطون اثقب منها و هي مليانه يا ملا العافيه :)

مرحبا طال عمرك ,,

[ابويزن2010]

بيض الله وجيهكم انت والمطوع على خدمة هالشايب
وجزاكم الله خير ورحم الله والديكم ....وفكرتكم ممتازه

[عبدالله العمرو]

يا مال العافية جزاك الله خير سويت خير بهالشايب ....
الفكرة رائعة ولكن تحتاج لتوسيط دقيق وصحيح حتى لا تكسر المسامير ...

تم تصغير الصورة على طلبك ...

تحياتي /

[refaeihs]

السلام عليكم لوكل واحد منا وظع شويه شحم على المسا مير ان شاءالله مايمر بهذالموقف

[العسكري]

أخي الحبيب...لله درك.....بارك الله فيك.

[ملقاط بن جمر]

موضوع يساهم ببعض الحلول لمثل هذا الموقف ..

http://www.mekshat.com/vb/showthread.php?t=296978 (http://www.mekshat.com/vb/showthread.php?t=296978)

بارك الله فيك اخي صاحب الموضوع ..

[اكسبديشن2004]

الله يجزاك خير على مساعدة هالشايب وفكرة ذكية صراحة

[مهداوي]

ما شاء الله الحاجه ام الاختراع
بطل يابطرس

[تناهيت]

http://www.youtube.com/watch?v=ZlMc9sZO028


نفس الفكرة يا مهندس بطرس ........<اثرك منتب سهل الله لايضرك
وعدنا الطايف لبى قلبها

[الضاري]

الله يجزاك خير ولايحرمك الاجر
فكره ذكيه ماشاء الله عليك

تحياتي واحترامي

[سرطوقا]

الله يبيض هالوجه

[(ــ النمر العربي ــ)]

السلام عليكم ورحمة الله وبركاته
في حل سهل جدا .......... وهو تسخين الصواميل التي تستعصي في الفك أو الإنحلال....
وأبشر من أول حله راح تفك معاااااك......... هذا للي يمر معاه هذا الموقف
وأتمنى انكم ما تمرون بالموقف هذا
ولكم خالص شكري وتقديري
وتقبلوا مروري

[خالد بن عبدالمحسن]

مرررررررررررحبا و مسهلااا بالجمييع ,,,

شرفتو و لا كلفتوا ,, و مشكووووور جداً على نصايحكم انتو اخوان كبار و افهم مني و نستفيد منكم ,,,


لا خلااا ولاااا عددددددددددددم ,,,

[راعي الطافحة]

بيض الله وجهك انت والمطوع جعلها الله في موازين حسناتكم
الحل بسيط جدا عليك بخاخ الحلا بخ عليه وبعد ثلاث دقايق ركب المفتاح وينحل معك بطريقه سهله اسئل مجرب ولا تسال طبيب

[زاير الغيم]

السلام عليكم
وأنا أخوك فيه طريقة أخرى للفائدة

جب شباب النار أبو شاخوف اللي نولع به الحطب
وشغله وسخن البراغي ..

وراح تطلع وتنفك معك البراغي بالراحة..


وعافاكم الله