بالصور تجربتي مع شطاف الوضوء للرحلات لايفوتكم ماشاء الله

[الأحمدي أحمد]

بسم الله الرحمن الرحيم
أسعد الله أوقاتكم جميعاً
حقيقةً ليس لأحد غنى عن هذا المشطاف في السفر وفي الرحلات
وفي كل الأوقات حتى في البيوت
اليوم ذهبت لأحد المحلات بينبع ومن محل إلى محل إلين ما حصلت هذا المشطاف الرائع
بمعنى الكلمه وأترك لكم الصور واحكموا
طبعاً هذا كرتون المشطاف
http://www.m5zn.com/uploads/2010/8/30/photo/0830102008475udtwks4zonj.jpg (http://games.m5zn.com/cooking_games.html)
وهذه طريقة استخدامه موضحه على نفس الكرتون
http://www.m5zn.com/uploads/2010/8/30/photo/0830102008473e66qbo.jpg (http://games.m5zn.com/cooking_games.html)
وهذه مميزاته مكتوبة أيضأ بالجانب الآخر
http://www.m5zn.com/uploads/2010/8/30/photo/083010200847umjlt32dwykadg7o.jpg (http://games.m5zn.com/cooking_games.html)
وهذا حين أخرجته من كرتونه
http://www.m5zn.com/uploads/2010/8/30/photo/083010200847xpsz8nk0m.jpg (http://games.m5zn.com/cooking_games.html)
وهذه لوازمه وللمعلوميه بإمكانكم استخدامه بنوعيات
1_ ماء عادي .
2- مروش .
3- ماء للوضوء وهو أقتصادي جداً للماء .
4- يمتاز بوسطية حجمه فهوي يحوي على ثلاث لترات من الماء .
5- أيضاً له حزام للحمل على الكتف .
http://www.m5zn.com/uploads/2010/8/30/photo/08301020084724qc3unmzfihsj4dsi.jpg (http://games.m5zn.com/cooking_games.html)
ختاماً من يريد معلومات أوسع يراسلني وفاله طيب

[أبونويجم]

الله يعطيك الف عافية أخوي الأحمدي
موضوع رائع .......
لكن عندي سؤال كم سعرها وهل اجدها في محلات الرحلات في الرياض
تقبل مروري أبونويجم

[سوبر مكشات]

بكل محل رجلات تلقاو

مفيد جدا


وايضا فيهميزه اذا غثوك اخوياك حط به ماء بارد ورش على ظهورهم وهم مايدرون

بس لا تكثر عشان ما يجلدونك

[كونكورد711]

الله يعطيك العافيه
ع الموضوع

[منتعش]

عافاك الله أخوي المحب : أحمد الأحمدي
على هذا العرض للمنتج
وياليتك بينت بالصور طريقة الأستخدام
وقوة الدفع وأقتصاديته في أستهلاك الماء حتى تعم الفائدة للجميع
والله يوفقك ويحفظك ويرعاك
ولا تحرمنا من جديدك وإبدعاتك .

[مطرح الصباء]

الله يعطيك العافيه

[rhybb15]

موجود مثلة بالسنيدي بالرياض حجمين

واحد 3 لتر ب29 والثاني 5 لتر ب39 وعلى فكرة الشطاف فكرتة ماخذوة من مكشات في خيمة العدد والادوات المتميزة من خمس سنوات تحياتي

[الصقر المهاجر]

فكرة الشطاف حلوه ومفيده في البر !!!!
لكن من واقع تجربه شخصية عيبه راس الشطاف يخرب بسرعه ويصير الاجزاء الباقية من غير فايده يعني ممكن تضطر تشتري واحد كامل جديد !!!

[فيض العطاء]

يعطيك العافيه اخي احمد على عرض هذا المنتج
تحياتي

[الأحمدي أحمد]

الله يحييكم كلً با سمه
ياهلا والله وغلا بالربع الشقرديه راعين البر
هذا المحل عندنا بينبع وهو من ماركة الرماية
واسعارها عندنا الـ 3 لتر بـ 40 ريال و الـ 2 لتر بـ 30 ريال
وماشاء الله جربته مفيداً جداً خاصتاً للي عنده أطفال وكثير روحاته للبر
أكرر شكري لكل من تواجد وأثرنا بمعلوماته النيرة
محبكم راعي العناقين

[saj4488]

عند السنيدي 2 لتر 23 ريال
وموجود 3 و4 لتر

[-الساري-]

الله يعطيك العافيه

[محلات الكشاتة]

يعطيك ألف عافية على هالتقرير

[بتاع بر]

كلام الصقر المهاجر عين الصواب عن تجربه واحد من الشباب شراه وسوالنا مسرحيه ثاني طلعه جدعه انكسر الضغاط صار جيك!!!! يعني غير عملي وبالعقل صناعه بلاستيك ماتنفع للبر

[DIVE STAR]

بارك الله فيك اخوي

واشكرك على اجتهادك

ولكن للاسف ولا تتضايق من كلامي

انا اسغرب عمن يبحث عن هذه الشطافه في محلات البر ؟؟

يا اخوان ولا تزعلون هذي كنا نشتريها من زمان ( منذ مبطي ) انا والوالد الله يرحمه

عشان رش المبيدات

وتستخدم باحجام متعدده وكبيره لرش المزارع وبراميل النفايات والمنازل والبيوت

وتباع اذكرها من زمان في شارع سلام في الرياض

عند الصيدليات البيطريه هي والدوا حق المبيد اللي يخفف بالمويه

واللي يبي يتفرج على احجام ومقاسات وشي مدور ومربع اعتقد بيلاقي عند المحلات اللي تبيع بذور وسماد وادويه

ومبيدات للمزارع والمنازل وراح تكون اقوى لان سماكتها اكبر والراس بيكون حديد في بعض الموديلات

للاسف اصحاب محلات البر اخذو حقت الصيدليات وودوها الصين وصنعوا مثلها

بسعر ارخص وجوده اي كلام ومشي حالك حالك يمشي

انا عندي اشتري شي غالي واصلي ويدوم ولا اشتري شي يخرب راسه بعد اسبوع

وارجو منك المعذره اخي كاتب الموضوع ولكن حبيت اعطيكم خبرتي في هالمجال

وكل عام وانت وجميع من شارك في الموضوع

وجميع اعضاء مكشات والمسلمين اجمعين بخير وعافيه

تحياتي لك

ابو فهد

[ذاكرة الغيم]

بارك الله فيك اخوي

واشكرك على اجتهادك

ولكن للاسف ولا تتضايق من كلامي

انا اسغرب عمن يبحث عن هذه الشطافه في محلات البر ؟؟

يا اخوان ولا تزعلون هذي كنا نشتريها من زمان ( منذ مبطي ) انا والوالد الله يرحمه

عشان رش المبيدات

وتستخدم باحجام متعدده وكبيره لرش المزارع وبراميل النفايات والمنازل والبيوت

وتباع اذكرها من زمان في شارع سلام في الرياض

عند الصيدليات البيطريه هي والدوا حق المبيد اللي يخفف بالمويه

واللي يبي يتفرج على احجام ومقاسات وشي مدور ومربع اعتقد بيلاقي عند المحلات اللي تبيع بذور وسماد وادويه

ومبيدات للمزارع والمنازل وراح تكون اقوى لان سماكتها اكبر والراس بيكون حديد في بعض الموديلات

للاسف اصحاب محلات البر اخذو حقت الصيدليات وودوها الصين وصنعوا مثلها

بسعر ارخص وجوده اي كلام ومشي حالك حالك يمشي

انا عندي اشتري شي غالي واصلي ويدوم ولا اشتري شي يخرب راسه بعد اسبوع

وارجو منك المعذره اخي كاتب الموضوع ولكن حبيت اعطيكم خبرتي في هالمجال

وكل عام وانت وجميع من شارك في الموضوع

وجميع اعضاء مكشات والمسلمين اجمعين بخير وعافيه

تحياتي لك

ابو فهد





أنا معك يابو فهد 100% , والسعر ارخص بعد

[هوايتي مكشات]

الله يعطيك العافية

[nashy]

أما اللي عند السنيدي فوالله أنه صناعة أسوأ من الرديئة ولا أنصح به مسلم أبد أبد

[العتيبي111]

جزاك الله خير

[العاذر]

عند الرمايه نوع ممتاز ورخيص

[السد الغزير]

أعجبني رد الشخص هذا ( hader )

لذلك أضم صوتي إلى صوته

[رساويxp]

واللهـ انهـ حلو وهو معي له سنه والى الحين استخدمه

ومفيد جدا لاكن وجدت شي أفضل منه


وهو البزبوز الي تشبكه من الجركل

وأن كان كلامي مو واضح مستعد اني أصورهــ

رساوي xP

[قناص*07]

لا تزعلون الينبعاوي
تراني بصفه هههههههههههههه

صراحه انه مفيد بس غير عملي وتقدر تلقى البديل بس يبيلها تفكير وترهيم وشيء اصلي

[فل اوبشن]

ارتعت يوم قلت تجربتك وبالصور قلت خربها الولد ههههه تحياتي لك

[DIVE STAR]

ارتعت يوم قلت تجربتك وبالصور قلت خربها الولد ههههه تحياتي لك

يا شيخ روح الله يسعدك ههههههههههههههههه

والله ضحكت لين غفلت الله يسامحك على هالرد

هههههههههههههههههههههههههههههه

[النتاوي]

الحمد لله أخذته من السنيدي قبل سنة تقريبا ..

والحمد لله أكرفه كرف الويل ,,, ولا مشكلة ..

بس أنا اشتريتله جراب دبة الغاز للمحافظة عليه في أوقات عدم الحاجة ..

بصراحة اللي عنده بزورة ممتاز .. عني أنا أروح البر بالعيال بأي وقت ولا مشاكل (ههههههههه)