طالب الشور يا أهله

[يالاقي خير]

السلام عليكم ورحمة الله وبركاته
أنا يالربع كاااااااااااان معي لي كم قرش وابشركم :D شريت بهن حمام وطيرته اقصد راح بهن سوق الاسهم :mad:
لكن بقي معي لي شوين ولا ودي والله يقعدن <--- وش زودهن عن خوياتهن
المهم قدر الله علي وفكرت اشتري غنيمات على اساس يقولون الغنم غنيمه والعلم عند الله
الحين ابي شوركم اشتري نعيم والا معزا ؟
وبكم تراوح اسعارهن كلهن
النسب يعني
وسلامتكم
:good2:

[محمدالزبيدي]

الله يعوضك فالحمام اللي طار

والكل في الهوا اقصد الحمام سوا

لكن شوري تشتري نعيم مالك ومال المعزا

اشتر بعيالهن والا دفيع ومضاريع

والله يوفقك والرأي الأخير لك

[فهد 333]

هههههههههههههههه
أجل الحمام طار
الله يهديك كلنا أحرقنا حلالنا
بالنسبه للمشوره
والله ماندري البركه وين
لكن انت قلت الغنم غنيمه يعني افهما
وعليك بالمضاريع ولاتشتري اقل من 30 وانسى تبيع منها شي لمده 5 سنوات بعدها بتشوف بعينك الخير
الله يرزقنا و أيااااك

[يالاقي خير]

الله يعوضك فالحمام اللي طار

والكل في الهوا اقصد الحمام سوا

لكن شوري تشتري نعيم مالك ومال المعزا

اشتر بعيالهن والا دفيع ومضاريع

والله يوفقك والرأي الأخير لك
ويعوض عليك وعلى كل مسلم اخوي
رايك مبارك وانت مبارك ان شاء الله
لكن تهقى كم متوسط اسعارهن وطبعا انا اتكلم عن اللي زولهن زين
بعض النعيم تقل زول سيكل اربع وعشرين:d

[يالاقي خير]

هههههههههههههههه
أجل الحمام طار
الله يهديك كلنا أحرقنا حلالنا
بالنسبه للمشوره
والله ماندري البركه وين
لكن انت قلت الغنم غنيمه يعني افهما
وعليك بالمضاريع ولاتشتري اقل من 30 وانسى تبيع منها شي لمده 5 سنوات بعدها بتشوف بعينك الخير
الله يرزقنا و أيااااك
ههههههههه هلابك اخوي فهد بجنبي واحد غراب اسود كحلي
يوم قريت عليه انسى تبيع منها شيء لمدة 5 سنوات بعدها بتشوف .. قال الفقر
الغالي بيض الله وجهك ماقصرت لكن اسعارهن يالغالي متوسطهن كم ؟

[راعي الطلعات]

ان كانك بتشتري نعيم اشتر لحم وزدهم نجد

هذولي بأذن الله بعيد الاضحى رزق

هذا ان كان تبي ربح بسرعه

وان كانك قادر على تعليف الغنم لمده اطول وبيطري فا كلام الاخوان مفيد كذلك

اتمنا لك التوفيق

[يالاقي خير]

عسى تطلع لحوض نبيك ولا تحجب عنه انت والاخوان
لا يالغالي ناوي ان الله كتب اصير راعي دمنه على قولتهم
بس ابي الاسعار الى الحين مالقيت خبر
المشكله كل من سألته عطانن سعر ولا الفرق بين الشورين قريب

[محمدالزبيدي]

أخوي الأسعار تختلف لكن عليك بالمزادات اللي حولك

خذ لك لفة عليها قبل لا تشتري حتى تأخذ فكرة تامة

ولا تشتري من مزاد خذ فكرة عن الأسعار

بعدها شف لك راعي مراح واشتر منه حتى لو زدته عن السوق بخمسين والا مية ريال

انت الربحان

والله يوفقك

[يالاقي خير]

أخوي الأسعار تختلف لكن عليك بالمزادات اللي حولك

خذ لك لفة عليها قبل لا تشتري حتى تأخذ فكرة تامة

ولا تشتري من مزاد خذ فكرة عن الأسعار

بعدها شف لك راعي مراح واشتر منه حتى لو زدته عن السوق بخمسين والا مية ريال

انت الربحان

والله يوفقك
جمل الله حالك ورحم الله والديك
ماقصرت يالعزوه

[عبدالله العمرو]

السلام عليكم ورحمة الله وبركاته



أنا يالربع كاااااااااااان معي لي كم قرش وابشركم :d شريت بهن حمام وطيرته اقصد راح بهن سوق الاسهم :mad:
لكن بقي معي لي شوين ولا ودي والله يقعدن <--- وش زودهن عن خوياتهن
المهم قدر الله علي وفكرت اشتري غنيمات على اساس يقولون الغنم غنيمه والعلم عند الله
الحين ابي شوركم اشتري نعيم والا معزا ؟
وبكم تراوح اسعارهن كلهن
النسب يعني
وسلامتكم


:good2:




شف وانا اخوك : خير الرزق المضمون ....


نص قريشاتك اشتر لك بهن هرافى بالغة للضحايا ...
وحط لك شبك وراعي ودينا برسيم و100 كيس علف مكعبات ونص قريشاتك الباقية خله عندك لبعد الضحية ...
إن الله رزقك وشفت الشغلة ملائمة لك :
حط قروش اللي بعت في الضحية ومكسبك منهن ومعهن شويات من اللي وفرته النص الثاني
واللي اشتريت منه الهرافى اشتر منه رغايث ( أمهات بعيالهن ) بتبيع هالسنة من عيالهن لحم
واللي يبقى لضحايا السنة الجاية ... وعسى الله يرزقك ويعوضك بدل الحمام اللي طار بشي بين ايديك ...
واطلب من الله الخيرة أهم شي ...


تحياتي /

[يالاقي خير]

شف وانا اخوك : خير الرزق المضمون ....



نص قريشاتك اشتر لك بهن هرافى بالغة للضحايا ...
وحط لك شبك وراعي ودينا برسيم و100 كيس علف مكعبات ونص قريشاتك الباقية خله عندك لبعد الضحية ...
إن الله رزقك وشفت الشغلة ملائمة لك :
حط قروش اللي بعت في الضحية ومكسبك منهن ومعهن شويات من اللي وفرته النص الثاني
واللي اشتريت منه الهرافى اشتر منه رغايث ( أمهات بعيالهن ) بتبيع هالسنة من عيالهن لحم
واللي يبقى لضحايا السنة الجاية ... وعسى الله يرزقك ويعوضك بدل الحمام اللي طار بشي بين ايديك ...
واطلب من الله الخيرة أهم شي ...



تحياتي /




يازين الشور لا جاء من اقصاه
بلغت الله يبلغك الجنه ومن قراء

[قاضي]

اخوي لابد تحدد مكانك هل يوجد مكان رعي ولا بتشتري وتحطه بحوش

[يالاقي خير]

اخوي لابد تحدد مكانك هل يوجد مكان رعي ولا بتشتري وتحطه بحوش
القضاة يخوفون مايخلون شيء للتوافيق :d
لا يالغالي ماعندي حوش إلا بارضن جردا يعافه الضب

[الضاري]

اسأل الله لك التوفيق
وإن شاء الله انهن ينسنك الاسهم ويعوضنك خير
الصراحه ما قصروا الشباب بآرائهم
اذا تعرف سعر الحلال فهذا شي طيب
اذا حصلت اقل من سعر السوق شوي ياسلام
وعندك سوق الحفر اذا تعرف احد هناك يختار لك على مزاجك
والله يوفقك

[راعي الدستن11]

اذ1 انت تتجيب صبي وتتسرح فعليك بالنعيم او الحبص (( الحريات البيض)) اما اذ1 بشبوك فعليك بالمعزا دور لك كم عنز لبونات وجروم طيبه واشبكهن واكرمهن واما اذ1 تبي تجاره فدور لك نجد دفيع بس موب هالوقت خلهن على الصيف الجاي بحيث تبيع عيالها بالضحيه وهمن تسمنهن وتعلفهن وتبيعن لحم وقت الصيفيه لثانيه او تبيعهن دفيع او مواليد بهن رزززق ومضمونات وكثير الي جربو هالطريقه بعد توفيق الله وعينو خير ..

[دل البحار]

[quote=عبدالله العمرو;5162785]
شف وانا اخوك : خير الرزق المضمون ....


نص قريشاتك اشتر لك بهن هرافى بالغة للضحايا ...
وحط لك شبك وراعي ودينا برسيم و100 كيس علف مكعبات ونص قريشاتك الباقية خله عندك لبعد الضحية ...
إن الله رزقك وشفت الشغلة ملائمة لك :
حط قروش اللي بعت في الضحية ومكسبك منهن ومعهن شويات من اللي وفرته النص الثاني
واللي اشتريت منه الهرافى اشتر منه رغايث ( أمهات بعيالهن ) بتبيع هالسنة من عيالهن لحم
واللي يبقى لضحايا السنة الجاية ... وعسى الله يرزقك ويعوضك بدل الحمام اللي طار بشي بين ايديك ...
واطلب من الله الخيرة أهم شي ...


تحياتي /


ماشاء الله تبارك الله
والله انك مشور زين عسى الله يوفقك ويجعل والدينا ووالديك بالجنه ولا يحرمك الاجر والثواب
أنا فكرت في مشروع الغنم ولا بنسى لك شورك تحياتي لك ولصاحب الموضوع

[يالاقي خير]

اذ1 انت تتجيب صبي وتتسرح فعليك بالنعيم او الحبص (( الحريات البيض)) اما اذ1 بشبوك فعليك بالمعزا دور لك كم عنز لبونات وجروم طيبه واشبكهن واكرمهن واما اذ1 تبي تجاره فدور لك نجد دفيع بس موب هالوقت خلهن على الصيف الجاي بحيث تبيع عيالها بالضحيه وهمن تسمنهن وتعلفهن وتبيعن لحم وقت الصيفيه لثانيه او تبيعهن دفيع او مواليد بهن رزززق ومضمونات وكثير الي جربو هالطريقه بعد توفيق الله وعينو خير ..
ان الله كتب عندي لي شبك على حد سهل من وعر
بين سهله ونفود يعني
وان الله كتب عندي لي راعي <-----منظر عليه وهو مادري:p
والصراحه فيه ناس عندي يقولون المعزا عشان الانتاج اوفر
وفيه ناس يقولون النعيم اقل تكلفه ولو انهن اقل انتاج لكن أكثر شرَّايه
والخيره عند اللي يعلم الغيب

وفيت يالغالي لاعدمتك

[يالاقي خير]

اسأل الله لك التوفيق

وإن شاء الله انهن ينسنك الاسهم ويعوضنك خير
الصراحه ما قصروا الشباب بآرائهم
اذا تعرف سعر الحلال فهذا شي طيب
اذا حصلت اقل من سعر السوق شوي ياسلام
وعندك سوق الحفر اذا تعرف احد هناك يختار لك على مزاجك
والله يوفقك


الله يفتح نفسك يالضاري
عز الله ماقصروا قاموا بالواجب وزياده
أما معرفه بالحفر لا والله لكن ابي اتلطم واطب هناك ولو اشوف الاسعار وانا ملبد
وبعده ربك يقدم اللي به الخيره

بيض الله وجهك يالطربه