أستفسار بخصوص طراد 20(قارب) قدم مصنع الخليج..

[العتر الاخضر]

بسم الله الرحمن الرحيم...



مساء \صباح الخير..مبارك عليكم العشر الاواخر أخواني ..

الله يعافيكم أنا معروض علي طراد 20 قدم مصنع الخليج بالبحرين صبة

هامور.. الطراد موديله تقريباً 2002 (بدون مكاين) مع التيذر (العربية)
القرف والتيذر نضاف ..فكم يسوى تقريباًً

وأنا حاب اركب له مكينتين ياماها توستروك..فكم أركب علماً باني ناوي على 2 75 فوشرايكم..
ولو ركبت مكينة وحدة كم أركب مع العلم أني أفضل مكينتين أكثر..؟

وشكراً للجميع..

[accentkool]

حلوة مكينتين 90 حصان وان شاء الله الاخوان يفيدوك اكثر

[العتر الاخضر]

مشكور أخوي بس الثنتين75 أنا مستكبرها عليه..
عموماً ماقصرت وبيض الله وجهك ننتظر باقي الشباب..

[العتر الاخضر]

ياشباب الله يرحم والديكم أبي تفاعل أخاف اتدبس بالطراد وهو مايسوى هذي شغلة وثنين المكاين 75 هل يصلحون له ولا كبار وإذا أحد عنده مكاين بهالحجم البرجاء أنه يبلغني..

[دل البحار]

يا خوي المكاين كبار عليه خل المكاين 55 ياماها او 40 سوزوكي

[وحدآني]

ان شاء الله اصحاب الخبره يفيدونك

[أهوى الشعور]

افضل شئ اخوي مكينتين 40

[كنعد]

ركب مكينة 115 وحدة ومكينة احتياطية صغيرة وخلاص

[بحرالخبر]

القرف 20 قدم صبة هامور اكبر ماكينة تتركب علية 85 ياماها وتطير فيه ووحده صغيره
لاتزيد عن 10 حصان واكثر من كذا ماتقدر تمشي فيه ويمكن يطبع وقت التنزيل الى
البحر , احد الاخوان عنده طراد 20 قدم الدرازي مركب ماكنتين 55 ياماها كل مانزل الطراد طبع بالماي وهو متوهق بالطراد والمكاين ويبي يبيعه

[سنوركل الحربي]

مالي علم في اطرادي ولاكن في المكاين

المها افضل و اقوى بعده السوزوكي

وانشاالله يفيدوك اهل الخبره اكثر مني

وتقبل تحياتي

[العتر الاخضر]

ماقصرتوا يا أخوان لكن راعيه الأول كان مركب مكينتين 75*85 ويقول ماواجهت أي مشاكل منه ..
وكان يجيب سرعة 60 كلم ..وبالنسبة لل 115 وشلونها من مكينة وشلون صرفيتها وقطع غيارها موجوة مثل ال75 وال85..وشكراً لكل من رد..

[seaworld2010]

مساء الخير
اذا كان الطراد جديد وبحالة المصنع تلقى في أخره تاق حديد ملزق
مكتوب عليه الوزن والمكاين المطلوبه له
واذا ما لقيت التاق لازم تعرف الطراد كم طبقة وكم وزنه لان الهامور
غالبا يكون خفيف يعني طبقة وحده ومكينة 85 كافية واذا كان ثقيل
يعني طبقتين وعليه اضافات تزيد الوزن ركب مكينتين 75
وليتك تتصل بالمصنع وتستشيرهم احسن لك

[ح ب ا]

ماقصر الاخوان وموفق ان شاء الله

[تركي مجرور]

وعليكم السلام
20قدم =6متر
وجهة نظري 2ماكينة 75كبــــــيرة جدا على الطراد.
رأيي المتواضع :
2 ما كينة 40 يامها ....يروح طياررررة.

[العتر الاخضر]

ماقصرت اخوي تركي لكن الله يعافيك لو ركبت 75 الثنتين هل فيه ((ضرر)) على القرف لأن راعيه الاول أنه كان ماشي معه زي الحلاوة على مكينتين75*85 وكم أسعار الياماها40 بالوكالة..؟
وشكراً جزيلاًً