قصيده هب الهبوب وجدد الجرح ياعيد

[عين الحر 11]

تقبل الله من الجميع
هذي قصيدة لي قلتها قبل اكثر من عشر سنين
ولها مناسبة وهي اني كنت ادرس الجامعة بالرياض
وفي ليله رجعت للسكن الجامعي تقريباً الساعه 12
واول مانزلت من السيارة كان هبوب الهوى من شمال فهيض قريحتي
فقلت:
هب الهبوب وجدد الجرح ياعيد***ريح الشمال اليوم هيض دموعي
لياهب نسناسه بدت لي تراديد***عواطف تسكن خوافي ضلوعي
وزارتني بالذكرى رجال صناديد***كانت لهم صوله وجوله تروعي
وتذكار فرحه مالقيناه بالعيد***وعيشة بساطه والرفاقه بطوعي
وصفقت من ذكره على الايد بالايد***صفق الندم ياعيد مابه خضوعي
أحيابي العبرة هبوب بتجديد***ريح الشمال اليوم هيض دموعي
اخوكم / الشمري
(اهداء خاص لموقع مكشات ورجاله الأفاضل جميعاً)

[أبو إبراهيم !!]

بيض الله وجهك يا الشمري
قصيدة قمة في الرووعة والأبداع
صح لسانك يا الغالي

[التعـ King ـديل]

صح لسانك يالشمري

[ابوفهيدالسهلي]

صح السانك ياالشمري

[عين الحر 11]

اخوي ابوابراهيم
والking
والسهلي
الله يبيض وجيهكم
والله ان مروركم اسعدني
الله يبارك فيكم

[جغرافي2000]

.
.
لياهب نسناسه بدت لي تراديد
عواطف تسكن خوافي ضلوعي
.
.
ما شاء الله تبارك الله
هذا البيت لوحده قصيدهـ
إبداع ... روعه الأبيات كروعة صاحبها :good2:
والله كريم يهب الشمال :l ... وتزين العلووووووووم يا أبو عبدالرحمن :l:l:l:l:l:l

[جرير]

لا هنت على هالجزلة ..
هذا القديم وشلون الجديد بانتظار الطيب منك

[يوسف الخليفة1]

حياك الله أخي العزيز عين الحر 11

[ابوناصر السهلي]

صح السانك وبارك الله فيك

[عديم الوصايف]

صـــــح الـســانــك

[عين الحر 11]

بيض الله وجهك يابو جود
ويامشرفنا
الغالي والى كل الإخوة
والله مروركم اسعدني
الله لايحرمنا منكم

[هوي صيد]

صح لسانك يا ابو عبد الرحمن صراحه قصيده جميله وبارك الله فيك تقبل مروري

[ابو نايف 99]

صح لسانك وبيض الله وجهك

[عيسى عبد الله]

صح لسانك وافي دوم
ومشكووووور
تقبل ممروري

[أبـو عــزام]

صح لسانك يالشمري

[واوك]

وزارتني بالذكرى رجال صناديد
كانت لهم صوله وجوله تروع

صح لسانك وادامك الله لهذا المنتدى

[عين الحر 11]

الله يبيض وجهك وكل من قرا القصيدة
وأعدكم بإذن الله بالجديد يالغالين
وكل عام وانتم بخير