أبحث عن عزبه كامله

[^الهاوي^]

السلام عليكم ورحمه الله وبركاته
يااعضاء مكشات
ودي بعزبه كامله بس مالقيتها اوصفولي محلها انا في الطائف

[جبل خزة]

ما له تشتري عزبة كاملة

أنا رايي اشتر شنطتين فاضيات ، وحدة للقهوة والشاهي ووحدة للطبخ وجهزها بنفسك حسب ما تحتاج أنت في طلعاتك واختر العدة الزينة ، وخل عنك العزب الجاهزة ، وعدتها أي كلام وسيئة ، ويجمعونها لك من أسوأ الأنواع ويبيعونها عليك بالغالي


أخوك جبل خزة

[مهندس/م]

وأنا مع كلام أخوي جبل خزة؛؛
وإن شاء الله أصور لك عزبة كاملة وأنزلها بالمنتدى لمساعدتك في تذكر الأشياء .

[النوبل]

ما له تشتري عزبة كاملة

أنا رايي اشتر شنطتين فاضيات ، وحدة للقهوة والشاهي ووحدة للطبخ وجهزها بنفسك حسب ما تحتاج أنت في طلعاتك واختر العدة الزينة ، وخل عنك العزب الجاهزة ، وعدتها أي كلام وسيئة ، ويجمعونها لك من أسوأ الأنواع ويبيعونها عليك بالغالي


أخوك جبل خزة



أحسنت :good2::good2::good2:
هذا الكلام المضبوط

[ابوصالح77]

رأيي من رأي الإخوة
تقبل مروري

[ولدالعم]

السلام عليكم ورحمه الله وبركاته
يااعضاء مكشات
ودي بعزبه كامله بس مالقيتها اوصفولي محلها انا في الطائف
بسيطة ياغالي
عزبة للشاهي
والطبخ قدر كاتم9 لتر وفي وسطة معاميل الطبخ وفصل له جراب اخف واحسن لك والصحن يكون حر له بيت لوحده مع السكاكين وخلافه

[عشقي الباترول]

نفس راي الاخوااااان مازيد شي

[اعترفلك]

العزب جاهزة ومتنوعه
واختار اللي يوفي باحتياجك مع مراعاة الوزن

[العاذر]

ما له تشتري عزبة كاملة

أنا رايي اشتر شنطتين فاضيات ، وحدة للقهوة والشاهي ووحدة للطبخ وجهزها بنفسك حسب ما تحتاج أنت في طلعاتك واختر العدة الزينة ، وخل عنك العزب الجاهزة ، وعدتها أي كلام وسيئة ، ويجمعونها لك من أسوأ الأنواع ويبيعونها عليك بالغالي


أخوك جبل خزة

ما قصر جبل خزة جاب العلم بيض الله وجهه

[خشم العرمة]

شف وانا اخوك نصيخة اخو لاتشتري عزبة كاملة لانه مهما كان لازم يحطون لك المواد من الاباريق وغيرة من نوعية سيئة
على سبيل المثال البيالات من اردى نوع اول ماتصب فيها شاهي حار تكسرت
والبريق الومنيوم تعبان صيني والدله اي كلام وشغل صفصفة وزبرقة

خذ لك عزبة شاهي وقهوة فاضية وجمع اغراضها انت بنفسك واحرص على الاباريق الزينه الغضار وارد حباب الجبر كانت تحب الغضار ولا المعدن الهندي ولا الستيل الكوري
والدله احرص على الرسلان ولا البغدادية لك وللزمن
والبيلات عليك ببادريق الاصلي ان طاحت بأذن الله ماتكسر وان صبيت حار وهي باردة تستحمل اكثر من غيرها

واما عزبة الطبخ فاهم شي قدورك استيل ولا تقرب الالومنيوم والباقي حسب احتياجك

بالتوفيق

[برق الشتاء]

مثل ما قالوا الاخوان خذ صندوق فاضي وانت اشتر باقي الاغراض على كيفك
ولاحظ الصندوق فك التلبيسة شف وش تحتها ترا البلاستيك القوي افضل من الحديد وان كان ولابد من الحديد دور اللي ارضيته مربعاتها صغيرة لأن اللي مربعاتها كبيرة تتمزق بسبب ان الاغراض تكون في مربع ويكون الحمل على القماش وينمزع

وهذي صورة عزبتي يمكن تفيدك بكتابة المحتويات .

http://www.mekshat.com/pix/upload02/images100/mk137237_a1a.jpg


موفق خير ياذيبان

[مستشار القنص]

مثل ماقالوا الاخوان وانا مسوي كذه لابغينا نطلع طلعة عصرية ناخذ عزبة الشاهي والقهوة وان كان نبي صيد وطبخ وعلوم رجال اخذنا عزبة الشاهي والقهوة وعزبة الطبخ بس في مشكلة عندي اذا حطيت الفناجيل في علبة تكسرت ولا في كيس مافية حل لها وشـــــــــــــــــــكراً

[blbl]

مثل ماقالوا الاخوان وانا مسوي كذه لابغينا نطلع طلعة عصرية ناخذ عزبة الشاهي والقهوة وان كان نبي صيد وطبخ وعلوم رجال اخذنا عزبة الشاهي والقهوة وعزبة الطبخ بس في مشكلة عندي اذا حطيت الفناجيل في علبة تكسرت ولا في كيس مافية حل لها وشـــــــــــــــــــكراً

هلابالجميع
اخوي مستشار القنص
فيه علبه بلاستك مقوى مخصصه للفناجيل جدآ كويسه
وفيه الشنط المغزوله التنزاني وفيها مغا ط من الداخل لمنع التحررك
ارجواني اكون افدتك