قلي البيضة بدون ماء

[رفيق الأمل]

قلي البيضة بدون ماء


اسعد الله اوقاتكم بكل خير اخواني
هذه طريقه بسيطه وسهله لسلق البيض بدون ماء ويعطيك نكهه في غاية الروعه الا وهي :
شب ضوك وخله لين يجمر ثم شيل الجمر واحفر تحته وحط البيض بحيث تكون بينهم مسافة 1 سم
ثم ادفنهم بتراب بطبقة 5 سم ثم حط عليهم الجمر مرة اخرى لمدة 45 دقيقة البيض راح ينسلق
وقشر وكل بالعافيه وادعوا لي

[برق الدمام]

والله فكره حلوووه ...

واتذكر يوم كنا في المدرسة

كنت في النشاط الكشفي علمونااا

طريقه حلوه تسلق البيضة بدون ماتشيل الضو ولا الجمر ... هي انك تغلف البيضه بطبقه من الطين
وتحطها في وسط النار لمده 20 دقيقه ... وتطلع لك مسلوقه وجاهزه ...

[ولد وايل..]

كلام سليم...

بس هذا في السلق مهوب القلي.. :)

[مجازف2010]

ههههههههههههه

ذكرتني بواحد من الشباب عمل نفس الطريقة الي قلتها ولكن اظن ان النار كانت قوية على العموم بعد خمس دقايق من الدفن الا الله لا يوريك صار البيض تقول قنابل طير النار والجمر علينا وتفجر الوكااد ان الخيمة بغت تحترق وحنا معها

[aassem34]

من بينتضر 45 دقيقه اقول اسلقه بالماء ربع ساعة وقاضيه

[ابورايف]

الله يعطيك العافية
جاري التجربة

[swead]

افضل طريقة عندي اغلف البيضة بعجينة وحطها عالجمر ومنها تطلع بخبزة جمر وبيضة مسلوقة

[عمود الشمال]

معلومة جديده بارك الله فيك

[رعد الصحراء]

الأخ الغالي / بو عبدالله 999



ياهلا ويامرحبا ونورت الخيمة



وألف الف مبروك الإشراف



والطريقه واضحه وسهله جداً بارك الله فيك



وبيض الله وجهك وماقصرت



وراح نطلق عليها بإسم ( البيضه المشويه بالمـُله )



بانتظار جديدك ولاتطول علينا



تقبل تحيتي

[rolze]

بارك الله فيك

[GMC 111]

يعطيك الف عاافيه

[al_shahen]

هذا ذكرني بواحد من الربع يوم قال فطورنا شكشوكة من غير بيض قلت له كيف قال ( كشنة الشكشوكة )

[راعي جملاء]

الله يعطيك العافية

[بريداوي اصليm]

ماشاء الله
بصراحه طريقتك حلوه وتقدر تقول مغامره لأن 45 ماهي سهله
بالنسبه لبيض يعني ..

موضوعك جميل جدا ولو كان مدعوم بالصور لكان افضل وافضل
لاكن عموما ماقصرت والله يعطيك العافيه

الف الف مبروك على الاشراف تستاهل يالغالي

[قدها ونص]

هههههه اجل فيه بيض يقلى ماء .

طريقه قديمه جدا وغير مضمونه النتائج ابدا .؟

الله يعطيك العافيه

[اكليل الورد]

الله يعطيك العافية

[شطااااب]

اعجبتني ولزم من التجربه

ومشكوووور اخوي ع المعلووومه

[Al3rands]

غريبه والله بس يمدحون المقلاة

[راعي الغبرة]

انتبه طال عمرك يتحول البيض لقنابل الله يستر
من تجربه
كنا صغار وحطينا البيض بالجمر والجده نايمه جنبنا الله يرحمها
وبعد 5 دقايق تفجر البيض وقمنا نلقط الجمر من المكان المهم

شوي وتصرخ الجده من جمره بفراشه وقومي ومصعي اذننا وطفي النار الله يحمه والمسلمين اجمعين
وننام بدون عشاء

الله يحفظ الجميع

[ع العمرو]

بارك الله فيك بس لاتحرصون على اكل البيض ترى مافيه فايدة وخاصة الكبار.