يوكن 2009 طفأ وهو يمشي!!!

[fahd999]

السلام عليكم
معي يوكن 2009 دبل
امس طالع مشوار الظهرومشغل المكيف يوم وصلت الأشارة ولاتزال السيارة تمشي لفيت يمين بدون توقف وفجأة طفت السيارة وعلى طول حطيت القير على n وشغلت السيارة واشتغلت طبيعي.
اول مرة تحصل معي وقبل فترة مؤشر ضغط المكينة اذا كنت ماشي ورفعت رجلي عن البنزين وقربت للفة ينزل ويطلع المؤشر والدركسون يثقل باللفةكأنه يبي يطفأ
ايش المشكلة وأسبابها وعلاجها
والله الموفق

[الصامل1]

مشكلة والعلم عند الله كهرب رح للوكالة وش تنتظر الله يهديك معا ك حق موتر جديد ودك تكذب نفسك انه مافيه شي لاكن كهرب ويمكن الدينمو ما يشحن على طول لذالك الوكاله مدامه تحت الضمان

[fahd999]

مشكلة والعلم عند الله كهرب رح للوكالة وش تنتظر الله يهديك معا ك حق موتر جديد ودك تكذب نفسك انه مافيه شي لاكن كهرب ويمكن الدينمو ما يشحن على طول لذالك الوكاله مدامه تحت الضمان

اخوي الصامل بارك الله فيك كلامك على العين والراس
لكن ما ودك الواحد يستعجل على الفكفكة والمواعيد ودوخة الراس واللي خلاني اتأخر ان عندي لومينا 2003 صارت نفس المشكلة قبل كم سنة وراحت فأتوقع والعلم عند الله انه مع حرارة الجو وتشغيل المكيف والمشاوير خصوصا في الرياض زاد الحمل على كهرباء السيارة او ضغط البانزين مع الحرارة وتدفقه للماكينة كان سبب التأثير
الحقيقة ان الوكالة ما احرص عليهم الا اذا ايقنت ان العلة لن تزول الا بزيارة الوكالة ..

الله يبلغنا وإياكم ليلة القدر ... آمين

[baloga41]

ايش التعديلات الي على السيارة

[fahd999]

ايش التعديلات الي على السيارة

لاتوجد اي تعديلات
فقط انا اشك بشاحن جوال(لكنه اصلي) احيانا مشبوك الشاحن من غير جوال لمدة يومين ولكن اضاءة الشاحن توضح ان هناك كهرباء متصلة بالشاحن من غير جوال خلال يومين

بانتضاركم بارك الله فيكم

[اكسبلورر2005]

شاحن الجوال هذا احياناً يسبب مشاكل كثيرة والتماس وربما حريق لاسمح الله
فنصيحة لا تستعمل شاحن جوال السيارة إلا للضرورة القصوى واذا شحنت الجوال افصل الشاحن حتى لا يسبب لك مشاكل لا سمح الله

اما بالنسبة للسيارة فالوكالة يشيكون عليها ويتأكدون وهذا العطل إصلاحه على الضمان

وبالتوفيق اخي الكريم

[دليلة1]

أخوي حصلتلي نفس المشكله في سيارتي تطفى وأحطها على N أو p وتشتغل وبعض الايام كنها بتطفى
وقبل يومين كانت بتطفى علي مرتين كني ناتعها المره الثالثه طفت وأشوف دخنه أثرها تشب كان الوقت الظهر المهم نزلت وفتحت الكبوت وكان جنبي استراحه جو العمال بجراكل مويه وطفيناها عقب ماراحت علي البطاريه والشمعه وبعض الأسلاك
المهم فصلت البطاريه يوم رحت الصناعيه صارت المشكله في مجموعة الأسلاك اللي تغذي السياره بالكهرب من البطاريه ملتمسه وتلقاها ممتده من عند اللجسر الأمامي
فأنصحك لاتفرط بكره تشب عليك وما حولك احد ولا يجيك شي ,,لاقدر الله,, .. موفق يالغالي

[(ــ النمر العربي ــ)]

السلام عليكم ورحمة الله وبركاته
أخوي شيك على طرمبة البنزين .........لأنها تسبب مثل هذا الشيئ ..........وخاصة أذا كانت السيارة ماشية مشوار وحرارة الرياض قوية فهذا سبب إنحباس غاز البنزين ويمنع توصيله لغرف الإحتراق.....
وإذا لم يكن منها فشيك على طرمبة الزيت.........
وخبرنا وش يصير معاااك.......
وتقبل مروري

[fahd999]

شاحن الجوال هذا احياناً يسبب مشاكل كثيرة والتماس وربما حريق لاسمح الله
فنصيحة لا تستعمل شاحن جوال السيارة إلا للضرورة القصوى واذا شحنت الجوال افصل الشاحن حتى لا يسبب لك مشاكل لا سمح الله

اما بالنسبة للسيارة فالوكالة يشيكون عليها ويتأكدون وهذا العطل إصلاحه على الضمان

وبالتوفيق اخي الكريم


جزاك الله خير اخوي اكسبلورر
وبالفعل الان اذا خلصت من الشحن افصله نهائيا.. ويا ليت الجميع ينتبه

إن شاء الله ادخلها الوكالة دامها على الضمان الله يطعمنا من خيرهم ويكفينا شرهم .. والله يطعمنا من خير السيارة ويكفينا شرها .. والجميع

[fahd999]

أخوي حصلتلي نفس المشكله في سيارتي تطفى وأحطها على n أو p وتشتغل وبعض الايام كنها بتطفى
وقبل يومين كانت بتطفى علي مرتين كني ناتعها المره الثالثه طفت وأشوف دخنه أثرها تشب كان الوقت الظهر المهم نزلت وفتحت الكبوت وكان جنبي استراحه جو العمال بجراكل مويه وطفيناها عقب ماراحت علي البطاريه والشمعه وبعض الأسلاك
المهم فصلت البطاريه يوم رحت الصناعيه صارت المشكله في مجموعة الأسلاك اللي تغذي السياره بالكهرب من البطاريه ملتمسه وتلقاها ممتده من عند اللجسر الأمامي
فأنصحك لاتفرط بكره تشب عليك وما حولك احد ولا يجيك شي ,,لاقدر الله,, .. موفق يالغالي



الله يحفظك اخي دليلة1 والحمد لله على سلامتك
لكن بعد مشكلتك وبعد ما عملت الإصلاحات كيف السيارة معك الآن ؟
وهل رجعت نفس المشكلة او انتهت بالإصلاحات؟

الله يوفق الجميع

[fahd999]

السلام عليكم ورحمة الله وبركاته
أخوي شيك على طرمبة البنزين .........لأنها تسبب مثل هذا الشيئ ..........وخاصة أذا كانت السيارة ماشية مشوار وحرارة الرياض قوية فهذا سبب إنحباس غاز البنزين ويمنع توصيله لغرف الإحتراق.....
وإذا لم يكن منها فشيك على طرمبة الزيت.........
وخبرنا وش يصير معاااك.......
وتقبل مروري

وعليكم السلام ورحمة الله وبركاته اخوي النمر العربي
هذا اللي كنت متوقعه يمكن طرمبة البنزين لان حرارة الجو بالرياض تعدت :f50 الله يجيرنا وإياكم واللدينا ووالديكم من النار .

راح افحص ان شاء الله طرمبة البنزين ما دامها تحت الضمان ..

الله يوفق الجميع,,

[سرطوقا]

اتوقع الطرمبه مثل ماقال اخي النمر العربي

بالتوفيق

[Magellan]

غير بطارية السيارة وتنحل امورك
بإذن الله

[دليلة1]

الله يحفظك اخي دليلة1 والحمد لله على سلامتك
لكن بعد مشكلتك وبعد ما عملت الإصلاحات كيف السيارة معك الآن ؟
وهل رجعت نفس المشكلة او انتهت بالإصلاحات؟

الله يوفق الجميع
الله يسلمك أخوي فهد..
والسياره الحمد لله تمام غيرت الاسلاك بـ400 وأنتهت المشكله وكنت في البدايه ومن قبل شهرين او أكثر أحسبها من الطرنبه قلت أوصاخ وتنسد لكن صارت المشكله في هالأسلاك وحتياطا مر أقرب كهربائي يفحصها لك ماتاخذ الشغله دقيقه ثم بعدها شف الطرنبه ولاتسوف تكفى ..

[مغلي]

يوكن 2009

ويطفى على كيفه
حسبي الله على من صنعه
يلوموني اذا قلت تويوتا ... وبس

[الجزوم]

ان شاء الله موترك ما فيه الا العافيه
فيه حساس في الثرتل بدي مدخل الهواء الى الثلاجه
هذا اذا توصخ تسوي السياره زي ما صار معك مر على اي واحد فاهم ينضفه لك في خمس دقايق
وتنتهي المشكله ان شاء الله
وتقبل تحياتي
الجزوم

[fahd999]

الله يجزا الجميع خير
واعتذر عن التأخر في الرد لضروف ..
الحمد لله ادخلت السيارة الوكالة وفحصوها وتبين انها طرمبة البنزين وكذلك غيروا البطارية على الضمان..
الحمد لله الآن تمام الله يتمم على خير

[العاذر]

2009 ويطفي والله مصيبه

[نحوالهدف]

انا عندي يوكن 2009 ماحد لف دركسونه غيري من الوكاله ولاكن للاسف علبة الفرامل صارت تهرب زيت وفي صوت طقه تحت كأنها جويزه لاكن تراه تعدى الضمان والله يستر وخوينا مشكلته من الطرمبه والظاهر ان موتري بعده لاني اسمع صوت الطرمبه عالي اول ماشريته مالها صوت وصدق من قال(تويوتا وبس)

[عبووود م]

السلام عليكم
معي يوكن 2009 دبل
امس طالع مشوار الظهرومشغل المكيف يوم وصلت الأشارة ولاتزال السيارة تمشي لفيت يمين بدون توقف وفجأة طفت السيارة وعلى طول حطيت القير على n وشغلت السيارة واشتغلت طبيعي.
اول مرة تحصل معي وقبل فترة مؤشر ضغط المكينة اذا كنت ماشي ورفعت رجلي عن البنزين وقربت للفة ينزل ويطلع المؤشر والدركسون يثقل باللفةكأنه يبي يطفأ
ايش المشكلة وأسبابها وعلاجها
والله الموفق

رح لكهربائي خله يفحص الدينمو يمكن يفوت كهرب أو مايشحن أنا صارت لي بجمس 2008 طلعت من البويبينات .