احترام رجل الأمن سواء كان في الحملات أو الدوريات !

[مفخرة فورد]

السلام عليكم ورحمة الله وبركاته

عن نفسي أرى لرجل الأمن دور قوي في حفظ الامن بعد الله سبحانه ( خاصة الدوريات الامنية والحملات )

رأيت على الطبيعة و مقاطع في الانترنت سلوك شاذ واخلاق بغيضة من قبل بعض المتهورين من ضرب وتكسير واحتقار ولو كنت مكان رجل الأمن لتصرفت بشكل آخر .

سبق وان نزلت مقطع يوضح تصرف رجال الأمن تجاه بعض المواقف لكن تم حذف الموضوع ,

وأنا هنا اعتذر اذا كان مخالف لسياسة المنتدى لكن مانراه ونشاهدة من مهازل من بعض الشباب تجبر الواحد انه يتكلم لأن بصراحة هيبة رجل الأمن أحسها تلاشت وبحاجة لإعادة النظر !!

والله المستعان

[ابن عكاش]

معليش يالغالي انا اخالفك رجل الامن عندنا اشوف ان هيبة جيده جداً سوى بعض المواقف اللي قد يكون فيها رجل الامن امام حشد من الشباب المراهق فتذب هيبته لكن في غير ذلك يسوي اللي يبي ولا تقدر عليه

[hgrkhw]

رجل الامن ما يمشيك الا اذا قلتله ان عندك واسطه ورجل الامن ينفع فيه الهياط <<<<<<<< ما اقصد طقه <<<< يعني ارفع خشمك

[ابو العز بلس]

وعليكم السلام ورحمة الله وبركاته


لانه طال عمرك ماصار فيه رد من قبل الحكومة يعني شخص سرق عرف انه بيدخل السجن وبكفالة بيطلع

اكيد ضرب العسكري اهون من انه يسرق

[قطب 999]

رجل الامن هو كما قال الشاعر
أسد علي وفي الحروب نعامة *** ربداء تجفل من صفير الصافر
هلا برزت الى غزالة في الوغى *** بل كان قلبك في جناحي طائر

[سداح الشهراني]

والله ياخوك في هالزمن الشباب الله يصلحهم

ماهوب محترمين ضابط علشان يحترمون عسكري

وموضوعك في الصميم وانا خوك

[نداي العاصفه]

احبائي رجال الامن اخواننا ولهم دور بحفظ الامن بعد الله عز وجل
ولكن الشباب هداهم الله المفحطين والمهايطيه وحقين الدوران وحقين النصب
هم رجال الامن
يحلص دوام يروح يفحط او يروح بدوران وانا اعرف 3 اشخاص رجال امن راعين تفحيط
واعذرون ان قسوت شوي وان اخطات فمن الشيطان

[الرسيفر]

والله يا بعض العسكر يخليك تكره نقاط التفتيش بكبرها

يدور عليك الزلة عشان يسجل عليك مخالفة

وإذا نزلت تبي تتكلم معه باسلوب تقول اسدد 1000 ريال ولا أتكلم مع الأوادم اللي ما أدري وش تبي مع العلم إنك ما أخطيت بس هو ناوي قشر .

[قناص*07]

احبائي رجال الامن اخواننا ولهم دور بحفظ الامن بعد الله عز وجل

ولكن الشباب هداهم الله المفحطين والمهايطيه وحقين الدوران وحقين النصب
هم رجال الامن
يحلص دوام يروح يفحط او يروح بدوران وانا اعرف 3 اشخاص رجال امن راعين تفحيط
واعذرون ان قسوت شوي وان اخطات فمن الشيطان



كلام سليم 100%

واعظم المصائب منهم وخاصه الجيل التالي ولا الشياب كان اول ما يستلم يدورله شجره ويوقف بظلها.............. او يشقر على المعزبه وياخذله فنجان قهوه واخر الليل غفيوه.
هالحين حتى الاجنبي ما يهابهم لان عارف ان ديت بعضهم......ويحطها ويمشي


الخلاصه انه لايوجد رقابه والحامي الله سبحانه فقط وإلا اذ جات عليهم فعلينا العوض

صدقوني لو كل واحد ادى عمله بنسبة 75% فقط75% وراقب الله في عمله وحاول يحلل اجرته كان الامور مافي احلى منها ولا يوجد سرقات ولا مخالفات ولا يوجد عماله سائبه ولا اكل الاجانب لنا في الاسواق ولا تستر ولا هوامير اجنب ولا .....ولا ......ولا

اتمنى ان ذا الكلام يفيدنا ونحاول التغير في انفسنا حتى نغير من بحولنا