مــزرعـة مــكــشات لأنتاح الحر الصافي [الأرشيف]

المري

29/07/2005, 11:06 AM

السلام عليكم ...

حيا الله أهل مكشات الطيبين ... اعلومي سلامتكم...

أمس قعدت أقلب في مواقع أنتاج الطيور اللي في النت..ماشاءا لله لقيتها حوالي 50 موقع شي في أمريكا وشي في المانيا

وشي في كندا وشي في استراليا .. وشي عندنا اقريب في الأمارات وفي قطر... ماشاء الله .. الله يزيدها..

المهم قلت ويش السبب يوم ماعندنا في السعودية مزرعة لأنتاج مثل هذه الطيور؟؟؟؟!!!!..

البعض بيقول : الجو عندهم بارد..

حتى عندنا ابرد واحسن من جوهم , في ابها وفي الطايف وفي خميس وفي... الخ المناطق الباردة..

وأحد بيقول ماعندنا خبرة!! الخبرة هذه موجودة في الأمارات ند الشبا.. نرسل واحد من الشباب يسوي كم

دوره ويجي ماشاء الله فلته أرشح (( سرهيد )) وما حصل نلقى شرواه وشرواكم....

السالفة ماتكلف شي مساحة بسيطة وعندنا ماشاءا الله مساحات كثيره ..

والغريب عندهم أنه ينتج في بلد ويرسل اطيوره الى بلد ثاني علشان يعمل لها تطيير مثل الوحوش..

او يسوي لها شبك مغطى من فوق علشان تتعلم الطيار الزين..

الزبدة ...

نريد ان نعمل مزرعة مثل هالخواجات وننتج فيها الحر الصافي هذا اول سنة مثلا والسنة اللي بعدها

نعمل خلطة الجير وهكذا (( والله ماحن بسيطين )) ..

ونضع لها موقع على النت وهكذا حتى تزير مزرعة مثل مزراع الخواجات ولا أحسن .. هم ينتجون

من هذا المزارع علشان التجارة اولا ولكن نحن ننتج مثلهم علشان المقنوي (( حلوه المقنوي)) ..واحد

يفسرها لبعض الاخوان.. انا افسرها ننتجها علشان ننقنص فيها .. ..

في النهاية

كل يدلي بدلوه ونبغى نسمى المزرعة (( مــكــشـــات )) اتخيل أسم الموقع:

http://www.mekshatfalcon.com

ياسلام سلم..

في أنتظار مشاركاتكم جميعا ولا أحد يبخل عليه بالشور الزين..

أخوكم / المري

ملحوظة: الله يعين الفيتو على المزرعة بنخليها في الطايف.. المشرف العام: ماستر الفيتو

Al shameri

29/07/2005, 12:31 PM

السلام عليكم ورحمة الله وبركاته
والله يالمري انك جبتها انا معك قلبا وقالبا اما عن الخبره فما حاجه لان تودي حد الخبير يجيك لمن عندك
حتى الامهات انا اتبرع لكم بثلاث ازواج

اخوكم محمد الشمري

صقر

29/07/2005, 01:13 PM

فكرة رائعة اخي المري

وفعلا يوجد لدينا مناطق باردة تشبه مناطق تفريخها.

ونتمنى ان نرى مزرعة لإنتاج الطيور ...

بس ترى المزرعة بعيده عنك يالمري :confused:

شكرا لك اخي المري على هذه الفكرة.

المري

29/07/2005, 01:13 PM

بيض الله وجهك اخوي محمد وقول وفعل..

جعل ذخر ومانستغنى عن مثل شرواك والله يعينك الظاهر بنأخذ الأمهات اللي عندك كلها.. عسى الله يخلف عليك!!!!

**
مرحبا اخوي صقر وحياك الله ..

الحمد لله عدد اللي ردو اثنين وكلهم ياسلام..

تشكر ابو احمد وبخصوص البعد مايهمنى بس اهم شي ننتج بفضل الله واحد مثل هذا:

http://www.mekshat.com/pix/upload/images9/mk1168_female%20white%20saker.jpg

هذا اول وثاني رد ينومس ويوسع الخاااااطر...

والله أني خاااايف من رد واحد بيجي بعد اشوي بيحوس الموضوع وبخلينا نهون وعلمكم من هو ؟؟؟

وسلامتكم..

اخوكم / المري

ابومشهور

29/07/2005, 01:18 PM

السلام عليكم ورحمة الله وبركاته

الله يعطيك العافيه اخوي المري لطرحك لمثل هلفكره

وعلى قولتك ياخوي وش زودهم عنا

وربعن تعاونوماذلو

وانامعك بللي اقدر عليه

والله يكتب اللي فيه الخير انشالله

اخوك/ ابراهيم العنزي

شاص

29/07/2005, 01:40 PM

والله فكرة طيبة ..
ولا يوجد أي ما نع من تنفيذها على أرض الواقع ..
بس يبي لها صمله وعزم ..
وأهل مكشات أهلها ..

المري

29/07/2005, 01:48 PM

مرحبا ومسهلا اخوي شاص وحياك الله يالغالي..

ولله اني سعدت بردك يالغالي..

رأيك يهمنا وينومس خطرنا..

اخوك / المري

المري

29/07/2005, 01:52 PM

مرحبا اخوي ابو مشهور وحياك يالعنزي وهذا من عوايدكم الصملة

تسلم وعلومك غاانمه

ورأيك وسع خااااطري يابعدي..

وابشر ان شاءالله تشوف المزرعة ويكون لك فرخ يحبه قلبك الا هديته على الحباري عود على السيارة..ههههههه

الله لايقوله.. يعود اكبر مشكله تصير فااااشلة المزرعة.

تسلم يالغالي

اخوك / المري

راعي مسكت

29/07/2005, 02:03 PM

المري ماشالله عليك واختيار موفق وابها فيها مركز تفريخ حباري
على ماعتقد راح ينجح مركز اكثار الصقور وخاصه
انه يحمي الحر وغيره من الانقراض وهذا
المشروع الي ماضنتي الدوله بتأخر عن دعمه
وبعدين شف الطيور الطيبه
(مثلا طيور الشمري وخاصه وهي خبره وقد باضت والمهم ايضا الذكر الخبره مهم جدا خاصه مع الطيور الي ماقد باضت )
وانا حاضر باي شي تامره انت او اي حد من مكشات في السؤال لك من اهل الخبره الي عندنا
وللامام ان شالله :good: :good:

المري

29/07/2005, 02:17 PM

مرحبا براعي مسكت وحياك الله يالغالي..

اخوي راعي مسكت ترى مانستغنى من ارائكم وعلومكم الزينه

ومرحبا بك وبهل قطر وسلمى على بو محمد سلام واجد..

ولا شك مانستغى عن الشمري .. الله عطانا واحد منا وفينا ماهوب من الخواجات

اخوك / المري

الدكتور00

29/07/2005, 02:52 PM

السلام عليكم ورحمة الله وبركاته......

مساك الله بالخير أخوي أبو معيض..............

تراني كتبت رد طويل و راح علي ....................

لكن لي عودة بإذن الله ...........

وسلامتك،،،،،،،،،،،،،،،،،

المري

29/07/2005, 03:14 PM

مرحبا يالدكتور وحياك الله يالغالي..

في انتظار ردك المطول..

اخوك / المري

تواق

29/07/2005, 03:20 PM

اخوي المري عزالله انها فكره ممتازه خاصه الامكانيات موجوده من ناحيه الموقع الممتاز سواء الطائف او ابهاء

اما من ناحيه التمويل المشروع ياخي انا استغرب رجال الاعمال ليش ما يجربو يستثمرو فيها يعني يرحون للمزارع الي في اوروبا

والي في الخليج ويشوفون الربح والخساره ويطبقوناه

اتمنا الفكره ذي تتحقق الطيور هذي تكون انتاج محلي وماخذه على ظروف البيئه الخاصه بنا كما ان اصحاب المشروع على علم

بما نريد نحن الصقاره لنهم يكل بساطه منا وفينا

اخوكم / تواق

المري

29/07/2005, 03:54 PM

مرحبا ابو سلطان وحيا ك الله يالغالي..

صحيح تطلع الطيور متعوده على الحر منذ الطفولة.. يعنى ماتعرف الفحه..

اخوي تواق..فيه ناس منتجين في مناطق بارده يسافرون بالفروخ او يرسلونها الى مناطق حارة جدا علشان

تتعود من البداية..

تسلم اخوي ابو سلطان..

وماقصرت يالغالي..

اخوك / المري

طيرحوران

29/07/2005, 04:18 PM

حياك الله يالمري ومشروع موفق .
لكن لم تسأل نفسك أنت والأخوان لماذا لم يوضع عندنا في المملكة.أو لم يخطر على أحد أن يعمل هذا المشروع؟؟
على حسب علمي أن أحد الأمراء قام بإنشاء هذا المشروع وفي مناطق الجنوب الباردة وجهز مزرعة متكاملة ولكن باء هذا المشروع بالفشل لماذا والله ماعندي معلومات كافية حتى أبينها ولكن مافهمته أن الأنتاج الذي أقيم له هذا المشروع لم ينجح فتحول هذا المشروع إلى مربط للطيور .!!!!!
ولكن هذا لايمنع أن يقام مشروع آخر وحتى لو لم ينتج من فصيلة نادره .لأن الشيء مايجي جميع مع كثر الممارسة والخبره أتوقع أنه سوف ينجح .
وعلى حسب علمي أن المزرعة ألتي تتحدث عنها أنت يالمري غير مكلفة .
وبالله التوفيق شوفوا وش تبون مني وأنا حاضر .وتحياتي للجميع

سرهيد1

29/07/2005, 04:19 PM

بسم الله الرحمن الرحيم

حياك الله أخوي المري هههههههههههههههههههه تبيني ارد واللا أجامل هههههههههههههههههه .؟؟؟؟

المهم كلام جميل وطيب جزاك الله خير وانا أشد على يدك إنما اريد ان ابين لك امور لعل فيها الفائدة بحول الله

1- الامير خالد الفيصل كان من السباقين في هذة الفكرة منذ بدايتها فقد انشاء خامس مزرعة لانتاج الصقور على مستوى العالم وصرف عليها مبالغ طائلة واجلب لها خيرة العلماء في هذا المجال حيث كان أولائك العلماء هم طرحوا الفكرة على الامير خالد على ان يدعمهم بالصقور التي يملك والاموال الضرورية لذلك المشروع .... وقد أستمر ذلك المشروع ما يقارب خمس سنوات إن لم تخني الذاكرة وقد سبق لي أن قابلت مجموعة من أولائك العلماء في منطقة قريبة من جدة عند جبل يقال له ( صله ) وتبادلنا الحديث على مدى اسبوع متكامل كانوا خلال ذلك الاسبوع يشترون الصقور من الشباكين من كل الفصائل ولاحظت أنا من حديثهم وأنا أتحاور معهم أنهم لم يكونوا مهتمين بمركز الانتاج الذي يعملون فيه في ابها بل كانت لهم مخططات بعيدة الاجل ......... وبعد فترة من الزمن أبلغني أحد الاخوان بان ذلك المركز أغلق ورحل من كان يعمل فيه !!!!!!!!!!! والله أعلم

ولكن الاكيد أن ثلاثة من الذين كانوا يعملون في ذلك المركز يملكون الان مراكز إنتاج صقور بالخارج أحدهم له موقع في الانتر نت لعلي ابحث عنه وأضعه لكم بحول الله .... وتلاحظ عليه في موقعه أنه لا ينفك ان يتحدث عن التجارب التي قام بها على الصقور ابان فترة عمله في مركز الامير خالد الفيصل !!!! ومن هنا أتضح لي أمر قد لا يكون مقنع لكم ولكنه مؤكد بالنسبة لي أن من عمل في ذلك المركز من خبراء كانوا يحملون افكار وأرادوا أن يبحثوا عن من يوفر لهم الكم والمال المرغوب لكي يجروا تجاربهم بشكل موسع ويخلصوا للنتائج التي تفيدهم هم في المستقبل البعيد فقط . ولم يكونوا حريصين على تطوير مركز ابها ..... والله أعلم .

من هنا أقول أن هذه الفكرة قام بها ثلة من بعض من بلغني اخبارهم من صقاري السعودية ولكن بشكل فردي مصغر ... وقد تمكنوا من إنتاج صقور بالفعل إنما كانت محاولاتهم فقط قائمة على الشياهين الجبلية التي توجد قريب من المنطقة التي يعيشون بها ولم تتعدى ذلك على حد علمي . والله أعلم

بالنسبة للمشروع بالشكل الذي تتحدث عنه أتوقع ان يكون مشروع ناجح ولكن بعد مدة لا تقل عن خمس سنوات من الانتاج التصاعدي في تخصص ( أحرار ) فقط . وعلى أن لا يكون هناك أي بذخ في المصروفات أو تهور أو تسرع .
كما يجب أن يكون هناك مشورع مرافق لهذا المشروع يقوم على التثقيف والدعاية لكي يعي أغلب مجتمع االصقارين لدينا ما معنى التفريخ ...؟؟
ولا يخفاك عليك كم الجهل القائم بين غالبية الناس عن التفريخ والتهجين وما لف لفها عندنا ..... فلا تنفك أن ترى صقارين معتبرين اذا شاهد معك طير لا يعرف نوعه بان يقول وش ذا التهجين ؟ أو وش هالجير ؟ أو وش هالتفريخ ؟

والامثلة على ذلك كثيرة . وتلك الدعاية والتثقيف هي التي ستولد لك زبائن يشتروا منك لتكون هناك حلقة متصلة تدر عليك الدعم المالي الكافي لبقاء المشروع قائم ... والله تعالى أعلم .

وللمعلومية يوجد مشروع انتاج الحبارى والريم والمها والوضيحي والنعام وكثير من المخلوقات التي انقرضت من اراضينا بسبب حب الكم على الكيف والقتل الغير مقنن والاسراف الا محدود .

أسئل الله لكم التوفيق والسداد وبالنسبة لترشيحي فقد والله أخطائت فقد أخترت اكثر شخص يكره التفاريخ والتهجين ويحاربها ههههههههههه فلعلك ان تبحث عن غيري من الذين يحبونها فيكون اخلاصه أجزل للمشروع ..

في النهاية اشكر لك الطرح الطيب ولكم مني الدعم بكل ما تطلبون الا بالمشاركة الفعلية في المشروع .......

والسلام عليكم

المري

29/07/2005, 04:35 PM

مرحبا اخوي طير حوران وحياك الله يالغالي..

كنت ممن يتابعون ذلك المشروع وقد رأيت ذلك الحر الصافي وقد أطلق على ذلك الحر (( ديـــانا ))

وكان يهول ,,,, كان مزيون لدرجة خيالية ورأيت صيده بس كان لفرخ ...... وكان الطير مواريه مسكته

بعد فترة كثرة مشاغل الخواجات في ديرهم لضروف خااااصة بهم وبعدين اهملت المزرعة ولاندري مع السبب؟؟

وغيرها لاتوجد اي محاولات تنذكر ...

صحيح المزرعة غير مكلفة وسوف تقوم في مناطق حااااره اما الهك فسوف يكون في الطايف عندنا اخونا الفيتو كما اشرت

سابقا.. (( مافيه فكه يالفيتو)) وراك وراك... شد حزامك الزمان الجاي..

تسلم اخوي طير حوران وجعلك في الوجود ...

اخوك / المري

المري

29/07/2005, 04:41 PM

هلا بسرهيد وحياك الله يالغالي..

بالنسبة لمزرعة الأمير خالد الفيصل كانت منذ زمن مبطي قبل لاتنتشر هذه الطريقة لأنتاج مثل هذه الحرار..

وقد كانت قليله جدا على قولك (( خامس مزرعة )) بس حنا الخمسين رقم مزرعتها ..!! فيه فرق واضح جدا..من ناحية

السنين والخبرة وانتشار الشغله.. التي اصبحت بصيطه جدا..

أخي سرهيد أما قولك ((صقاري السعودية ولكن بشكل فردي مصغر ... وقد تمكنوا من إنتاج صقور بالفعل ))

فقد والله أسعدني وبغيت اطير من الفرح وأريد منك ان تصلنى بهؤلاء الاشخاص حتى نستفيد من خبرتهم ومن اخطاءهم (( ان امكن))

بخصوص المشترى والبيع ليس اول ولا ثاني ولا ثالث سنه اذا طلعت المزرعة وجهها ذي الساعة ابشر ..

واريد ان الفت انتباهكم الى مزرعة ند الشبا جاتنا منها اطيور فرط في الطيار وفي الشكل.. وسوف اذهب الى هناك

لأرى ويش الشغله وطريقتها..

تسلم اخوي واستاذي سرهيد وترى مانستغنى ..

اخوك / المري

أبو رداد

29/07/2005, 05:47 PM

السلام عليكم ورحمة الله وبركاته

الاخ العزيز ابو معيض

فكره ممتازه ...
وكل تجاره انتاجيه تبنى على ثلاثة ركائز
الاولى هي ... راس المال
والثانيه ... الفني المنتج
والثالثه ..... السوق التسويقي
ومايتبقى هو المكان المجدي او الافضل (من الناحيه الماديه ومن الناحيه الفنيه )
لكن
وقبل ان اكمل الحديث ....
هل عملت جدوى اقتصاديه ... وخصوصا هذه التجاره مكاسبها بعيدة الامد ؟؟؟؟
بكم تقدر تبيع الحر الصافي المفرخ ؟؟؟؟ والسؤال الاصح لو عرض عليك حر صافي تفريخ بكم تشتريه ؟
ابتدا من هذا العام ... سوف تغزي سوقكم المهجنات حسب علمي ... هل تستطيع المنافسه ؟؟
لماذا الابتعاد عن الجير والعالم كله يتقرب منه ؟؟ ودخل علينا عنوه .. ونشتريه رغم كرهنا له ؟
هل تفكر بمشروع صغير ثم تكبره ... ام تبتدا كبير ؟؟

جاوب على هذه الاسئله التحقيقيه هههههههههههه
وفي المساء لي عوده ان شاء الله

المري

29/07/2005, 08:43 PM

مرحبا اخوي بو رداد

وحياك الله يالسنافي

بالنسبة للمزرعة اول سنه وثاني سنه انتاج وتجربة ذاتية حتى ينعرف مدى طيب الطيور المنتجه ..

اذا كانت جيده فسوف يكون الاقبال بالحجز اخوي ابو رداد لان الكمية سوف تكون قليله ..

واذا صار الانتاج ضعيف جدا من ناحية الصيد والطيار فعلى طول سوف نسكر المزرعة ونخليها مربط!!!!!!!!!!!!

تسلم ابو رداد واتوقع التلفه سوف تكون مناسبة لنا..

هذا مالدي

وتسلم يالغالي..

اخوك / المري

المري

29/07/2005, 08:54 PM

السلام عليكم

اخواني الاعزاء والله قهر..

توه واصلنى في الايميل من واحد خواجه صاحب مزرعة يقول في رسالته:

Dear Sir,
I still have for sale one male gyrfalcon (jerkin) outstanding very nice falcon about 1200-1300gr
including hood and transport U$ 5000,00 see attachment,let me know when you are interested.
Best Wishes,
Michael

السيد المحترم

مازال عندي جير ذكر جميل جدا وزنه حوالي 1200 الى 1300 غرام

سعره مع الدس والشحن 5000 $ !!!!!!!!!!!!!!!!!!

والله يالربع مايسوى 5000 ريال سعودي بس يتحمكون ويتفننون في القيمة!!!

عسى الله يرونا يوم ابيع عليهم

اخوك / المري

المري

29/07/2005, 09:25 PM

ان شاء الله تشوفون ذا الفروخ اول انتاج مزرعة مكشات:

http://www.mekshat.com/pix/upload/images9/mk1168_mekshatfalcons.com

http://www.mekshat.com/pix/upload/images9/mk1168_mekshatfalcons2.com

http://www.mekshat.com/pix/upload/images9/mk1168_mekshatfalcons3.com

http://www.mekshat.com/pix/upload/images9/mk1168_mekshatfalcons6.com

http://www.mekshat.com/pix/upload/images9/mk1168_mekshatfalcons.com1.jpg

امين يارب العالمين

لولا التمنى لامات الفقير..

وسلامتكم

اخوكم / المري

سرهيد1

29/07/2005, 10:19 PM

ههههههههههههههههههههههههههههههههههه الله يضحك سنك يابو معيض أعجبني المثل الاخير وأرد عليك وانا اخوك

لا تشكي الوقت وصروف اليالي دام راسي ياصحيبي سالمً لك ماتهون

أبو رداد

29/07/2005, 11:30 PM

السلام عليكم ورحمة الله وبركاته

الاخ العزيز ابو معيض

اذا كنتم معزمين على تفريخ الحر ... ماباليد حيله ...
مانقول الا الله يوفقكم ..... واحنا حاضرين لاي خدمه
وخصوصا اذا الفيتو يدخل دوره في دبي ..هههههههههه
وعندي اناث اثنين طيبات ومطلعهن تقاعد من سنتين مستعد احطها عندكم
طير عمره 9 سنين والاخر7 .....
وابلغكم مقدما
ترى هذا ماهو مشروع اقتصادي
هذا مشروع لحماية فصيله من الانقراض
والمفروض الاغنياء من الصقاريين يقومون فيه لحماية هذه الفصيله من الانقراض

اما لو ردتوا مشروع فيه جدوى اقتصاديه فعليكم بالجيره ومشتقاتها
ومحمد الشمري موجود في روسيا ويقدر يوفر الي تحتاجوه
والجبليات علي انا اتعهد فيها ... والشواهين المقرنسه عند عرب اهل قطر يدبروها
والوقت مناسب ... لان بعد سنتين يكون الناس عندك تعودوا على الجير وصار الها سوق
وترى في معلومه يجهلها الكثير ... وهي يتوقع الاغلبيه ان التهجين والتفريخ في اوربا بدأ في التسعينات
والمعلومه الحقيقيه هو منذ بداية هذا القرن وبلشو مضبوط في الخمسينات او الستينات
ولكنه لم يرى النور او ينتعش اقتصاديا او ينجح الا في التسعينات لما اختلط علمهم بخبرة الصقار العربي
وبالتحديد صقاري الامارات ... واصبح لهذه السلعه سوق ....ويوم بعد يوم تنتشر ويتوسع نطاقها
وعندما تشاهد مبيعات مزرعه واحده اكثر من عشر ملاين درهم ... فعلا تتحسف ... وتحس انهم يسرقون اموال العرب عيني عينك ... لانه في نفس الوقت المزارع الموجوده في الامارات يبيعون الطير في نصف قيمة ماتبيعه
الفالكون سنتر ... ويقلك راعي المزرعه الحمد لله ربحها ممتاز !!! تصفن وتقول الخواجه كم يربح ؟؟؟؟
هذا ماعندي والسلام
وبالمناسبه اذاكان هذا ذكر الجير ابيض ومنتج ... سعره مناسب ...

الفشق المتوووسع

29/07/2005, 11:53 PM

السلام عليكم ورحمة الله وبركاته

اخوي المري مساك الله بالخير وجميع المكاشيت اللي في الموقع

انا من محبي الطيور واقنص مع اهلها بس ماقد ملكتها . وأيد فكرتك كل التأييد ( وبما اني من اهل سدير واعمل في

خميس مشيط ) فأنا مستعد بالخدمه ان كنتم تبي تحطون المزرعه بأبها

وتقبلو تحيات اخوكم الصغير المتوووسع.

{السبيعي}

30/07/2005, 12:58 AM

الحقيقة يالربع حنا معكم في هاذي يتحكمون فينا الاجانب
وحنا اهل الطيور والقنص قبل لا يعرفونها
وانا من المستعدين بكل اللي اقدر
والحقيقه يالمري نتمنا الشي هاذا
وبعون واحد احد بنسويه
ومع دعم المراء والخبراء من صقارينا حنا العرب مو الاجانب
ننتج اطلق من هالفروخ وش زودهم عنا واسمحولي على الاطالة
اخوكم السبيعي

نايف الخالدي

30/07/2005, 01:46 AM

السلام عليكم ورحمة الله وبركاته

اخوي المري مساك الله بالخير انا معك وين ماتروح والله ثم والله انك انسان غيور على ربعك وحنا هل الطيور وهم يتحكمون فينا
انا مع فكرت ان احنا نسوي مزرعه والطيور كلها تحت امرك وانا ادعمك ماديا ومعنويا

راعي المغتر

30/07/2005, 04:51 AM

السلام عليكم ورحمة الله وبركاته
اخوي المري والله مدري وش اقول لان انا مالي خبره بالهمجال (التفريخ) بس اقول انا معكم اذا من الناحيه الماديه والمعنويه

الفيتو

30/07/2005, 05:37 AM

بسم الله الرحمن الرحيم
السلام عليكم ورحمة الله وبركاته
الأخ العزيز / المري مساء الخير ومساء الخير يا جماعه

.. غبت يوم لقيت الدنيا تطورت .. تفريخ مره وحده.. فكره حلوه وانا داعم بس بالله عليكم
شغلة الدعم المادي . يعني لا تبحثون خفا الواحد غيره ابشروا
التفريخ مهوب صعب زي ما تصورون سهل مره مره
. واحد فرخ طير في الجوف اسمه نا صر بن شخير
من اسره متعلقه بالصقور من قديم. وقام ناصر
وحاول التفريخ. ونجح قبل كم سنه
حط مثلوث وتام في غرفه وشوفوا وش صار
http://www.mekshat.com/pix/upload/images9/mk8575_zxcvb1.jpg

تخيلوا هذا الشي يتكرر
http://www.mekshat.com/pix/upload/images9/mk8575_zxcvb2.jpg
هذا المثلوث

http://www.mekshat.com/pix/upload/images9/mk8575_zxcvb3.jpg

والعام فيه واحد فرخ جوزين جبلات وجوزين وكارى وحصل على مجموعة فروخ صورها عندي بس مدري وين راحةالمهم بعد ما تم ريشها وزعهاعلى الربع كل واحد طير يطلقونهاويشوفون وش
نتايجها . كان منهن فرخ جبلي عندي( عاد انا ما احب الجبليات ) وورطني في وحده
مقاسها نادر فالجبليات( 13,5)وقمت عليها شهر سبوق بس ما ترتفع بعدين رديتها له .
السر الوحيد في التفريخ قالوا لي والعهده على اللي قالي
طبعا الجو ما له دور رئيسي حسب كلامه حر برد مو مشكله
بعدين
وضع الطيور في غرفه مناسبه بمقاسات معينه ثم
:
:
:
:
:
:
:
انا ميت على معرفت السر تكفون دوروه
والسلام
الفيتو
الحجاز
23 -جماد -1426هـ

راعي مسكت

30/07/2005, 09:03 AM

السلام عليكم ورحمة الله وبركاته
اخوي المري كلام ابورداد صحيح من ناحيه الجدوى الاقتصاديه
تدري ان ارخص طيور في التفريخ انها الحرار وخاصه في بريطانيا .
وان دخلت جير على السالفه فتكون مربحه او على الاقل تغطي التكاليف
فمثلا جير حر 50\50 افضل من حر بيور في القيمه وتقدر تحصل لك لون محترم اما ابيض او اسود .
او جير شاهين ليش لا الشاهين من بوب كريس على مسؤليتي فيه اربعه واعرف اهلها وممكن تتهجن بالطريقتين فليش لا فادرس الموضوع زين مازين وانا معاك وقبلي الله معاك ان شالله .
وعن الذكر الجير الا هو ابيض وخبره فيستاهل يعني توفقت في السعر.
وسلامتك يالغالي

Al shameri

30/07/2005, 02:08 PM

بسم الله الرحمن الرحيم
السلام عليكم ورحمة الله وبركاته
اخواني الاعزاء كل هذا الكلام حلو وجيد جدا المهم الصمله
نرجع لاسباب فشل مزرعة الامير يا اخوان الحلال السايب يعلم السرقه .هذا المجال لاينجح
اذا كانت هذي الاسباب موجوده
1) اذا كنتم تردون الربح السريع اول من ثلاث الى خمس سنوات فقط مخاسير
2)اذا كان صاحب الحلال لا يسمح للخبير العمل بما يعلم
3)اذا كانت المجموعه مو على قلب واحد يعني متفرقين كل يجر من صوبه
4)عدم وجود الأمهات النادره والي تبيض لان مو كل طير يبيض بالاسر (هذا خطا شائع بين الصقارين العرب)
المطروح وحش صعب تفريخه وفي بعض المزارع لعنهم الله يعقمون طيورهم انت تشتري على انه يهجن لكن لمى يصل الى عمر النضوج الجنسي ما يقدر يسوي شي (مشكله)بعد ثلاث اربع سنوات روح بعدين دور هههههه
5)عدم المعرفه بما نريد هل نريد ان نهجن او نفرخ فقط
6)وووو
7)ووو......الخ
و الله اعلم
والله الموفق
انا معكم قلبا قالبا وابشروا بالي يساعدكم من اول شيء
وهذا الحر 100% مو باحسن من المهجن لك و للطبيعه (سبحان الله يمكن يطير ويضيع )
وش يصير للحر بعدين هههههههههههههه (مشكله)
وهذا اول هديتي للمزرعه اذا الله وفق يكون احسن ذكر بس يبيله انثى حوه مثله وش يطلع هههههههههههه المهم ان تكون من عايله زينه وبنت ناس هههه

اخوم محمد الشمري

http://ru-filin.ru/images/falcons/36.jpg

المري

30/07/2005, 07:33 PM

حي الله النشامى وماقصرتوا جميعا..

**

اخوي ابو رداد

بيض الله وجهك على التوجيه وعلى الاناث الطيبات..

واريد ان اوضح لك شي .. ودنا نبدأ بالحرار حتى نعرف السلبيات والأجابيات ومن ثم نبدأ بالجيرات..

ومانستغنى عنك يابو رداد ونبغى هذا المزرعة تسير مشتركه بين كل اهل مكشات..

وتسلم يالغالي..

*****

مرحبا بالمتوسع وحياك الله يالغالي.

وجمالتك وصلت وكلك ابركه..

*****

مرحبا بالسبيعي والله لايهينك

وماقصرت .. على التوجيه..

*****

نايف الخالدي..

مرحبا بالغالي وابوك غالي وخالك غالي..بعد

وعلومكم غااانمه وكلكم ابركه..وان شاء الله تتم المزرعة على خير..

*****

هلا براعي المغتر

وتسلم يالسنافي..وكفيت ووفيت..

*****

اخوكم / المري

المري

30/07/2005, 07:42 PM

مرحبا ومسهلا بالفيتو

حيالله ريس البعثة الى الامارات شد عفشك ترى الرحلة قربت..

اخوي الفيتو تسلم يالغالي على ذا البشارة الطيبه ان فيه شخص عااادي على كلامك انتج له فرووخ

بس ماكملت ويش صار على فروخ الحر...؟؟؟

وعزالله انك وسعت خاااااااااااااطري مرة وحده ولازم يتصل على الشخص ويأخذ من المعلومات الدقيقة..

تسلم يالفيتو وجزاك الله خير..

بخصوص الجبلية اللي عندك اللي تقول ماترتفع الله يهديك لازم تسوي لها طياره علشان تطير زين!!!!!!!!!

شكرا لك يالفيتو

****

مرحبا براعي مسكت وحياك الله ..

تسلم على المعلومات القيمة وماقصرت

وترى الجير اللي معروض علي تراه اشين الجيرات ودي انزل صورته بس ياليت ترسل لي الايميل

علشان ارسله لك ..

وتسلم مرة اخرى

*****

هلا بالشمري هلا بالغالي ..

حياك الله وتسلم على الهدية هذه:

http://www.mekshat.com/pix/upload/images9/mk1168_36.jpg

وعندي لها انثي هذي هي:

http://www.mekshat.com/pix/upload/images9/mk1168_37.jpg

وماقصرت اخوي محمد وترى مانستغنى عن ارائك وافكارك وشخصك ان أمكن..

تسلم مرة اخرى

*****

اخوكم المري

تواق

30/07/2005, 09:00 PM

اخواني ابومعيض ومحمد الشمري

ماتعطوني هالعرسان المزاين تخلوني اوسع خاطري فييهم الموسم ذا هم بعدين يحلها ربك

اخواني والله صراحه الدعوى اشوفها بس يبيلها شويه صمله على شويه المام بامور التفريخ

من المعروف ان كل الحيونات ومن ظمنها الصقور لايمكنها التكاثر الا اذا ايقنت بتوفر الغذاء لها ولي صغارها

القاديمن ومثال ذالك الظبى لايقبل التلقيح الا اذا نزلت الامطار وعم الخير الارض فهي بذلك ظمنت الغذاء لها

ولي صغارها وحتى الحباري نفس الطريقه وما طريقه اخوانا في الامارات الامطار الاصطناعيه الا لجبار الحبارى

على التكاثر اذن السر هو الغذاء

قابلت احد الاخوان وهو ممن استطاع ان يجعل بفضل من الله عزوجل ان يفرخ عنده جبليات وفعلا بيضن عنده

حيث يجب عليه اتباع نظام غذائي صارم ودقيق فتره زمنيه ثم يبداء التزاوج بعدها

اخواني طالما الفكره موجوده انا اشوف انه يسوى اختبار اي نبداء بكم طير ونشوف انتاجها والاخطاء الي فيها

اخوكم / تواق

المري

30/07/2005, 09:16 PM

اررررررررررحب يابو سلطان

وتسلم على التوضيح ..

بس راعي ذا الجبليات اللي انتج منها الله يعينه على كم سؤال من طرفنا .. يمكن مائة سؤال بس اشوي.

تسلم ابو سلطان وماقصرت يالغالي..

http://www.mekshat.com/pix/upload/images9/mk1168_cmeyases2.jpg

اخوكم / المري

المقاحصي

31/07/2005, 03:51 AM

بسم الله الرحمن الرحيم

مسيتو بالخير يالربع ........... هذي اول مشاركة لي وحبيت اني ادخل فالجامد على ماقالو....
ابشروا يالربع ابشر يالفيتو........ عندي طرف السر ,,,,,, وقبل مااكتب الرد تراني اخذت فرة على المنتدى ولقيت مواضيعك يالفيتو,,,, ماشاء الله عليك ..... الله لايضرك ,,,, صراحة جهد ومواضيع متعوب عليها صور وطرح جيد....

الـــــــــــــــســـــــــــــر:
1/ان تكون غرفة لكل ذكر وانثى لاتقل عن سبعة متر في سبعة متر.
2/ان تكون معزولة عن الخارج عن الاصوات وعن الي خارج الغرفة.
4/ان يكون ارتفاعها معقول,,,.
5/ولا يدخل عليها احد حتى تتزاوج وتضع بيضها ((حتى انشاء الله المري ولا الفيتو)).
6/طبعاً كاميرات مخفية لكي تراقبها.
7/ قلت العلف يالفيتو,,, طيب طال عمرك العلف يكون له انبوب يحط به العلف وينزل للغرفة.

((هذا ان كان انكم جادين وان كان ترفيه وتمني فحنا حركنا عقولنا وبحثنا واستانسنا وان كان انه حقيقي حنا معكم ))

المصدر((( برامج شاهدتهاعن هذا الموضوع,,,, وبعض المناقشات الجادة مع بعض الخبراء المختصين)))

المري

31/07/2005, 05:08 AM

مرحبا اخوي المقحاصي وماقصرت على الشرح الوافي..

وتسلم يالغالي ..وحياك الله ..

**********

أخواني الأعزاء أرسلت الى كثير من اهل مزراع التهجين والتفريخ فجاء الرد الأتي:

Hello Ali,
You can make sakers two ways.
1)You put a male and female together and they can make eggs.
2)You find a female saker that has been raised by humans (not falcons).
THis is called imprint. They scream (cry) but will make eggs and then you
put semen into the female from a male.

It is a very long process to make a breeding facility. It will take many
years.
Have you ever breed falcons before? Maybe you should read some books about
breeding? Go to www.northwoodsfalconry.com and look for some books about
breeding falcons. I will try to help answer your questions.

Regards,
Lars

وجاء الرد من أخر:

Hi Ali,
Nice to hear from you again!
You e mailed me before and sent a picture of you and your falcon.
I would be happy to teach you breeding of falcons. Last year i went to UAE
and stayed 1 month and worked for a friend Majed to teach him. he paid me
well and bought some falcons. Now he has a project of his own.
There are many place to get information on breeding falcons, however most
are English language. Nick Fox in U.K. has some good videos on breeding
falcons too. Available from Northwoods Ldt. in USA. (on internet). Start
with videos and books ond if you are serious maybe I could arrange to come
to Saudi Arabia for a short time. It would be expensive consulting fee
though.
Enclosed is a phot of a white gyr female from this year. And a very black
shaheen!
Bob Hollister

وجاء واحد اخر بعد بس هذا يعرض مزرعة للبيع بقمية ثلاثة ملايين وأربعمائة وخمسين الف!!!!!! بطيورها

hi Ali

You can buy my farm with all my breeding falcons, the price £500,000.

regards

Bob Creese
www.gulfstream-falcons.com
tel: 00 44 (0) 1406 370007
mobile: 00 44 (0)7950 362730
fax: 00 44 (0) 1406 373623

عااااد الخافي أعظم..

سوف تترجم فيما بعد...

وسلامتكم.

أخوكم / المري

المري

31/07/2005, 05:19 AM

هذا بعض صور افروخهم لواحدة من المزارع وهي ارداها يوم بيعها كلها جاء يعرض علي ارداها:

http://bo7or.com/imagehost/show.php/24909/456.jpg

http://bo7or.com/imagehost/show.php/24907/234.jpg

http://bo7or.com/imagehost/show.php/24908/345.jpg

http://bo7or.com/imagehost/show.php/24908/1234.jpg

وسلامتكم..

اخوكم المري

ريف النشاما

31/07/2005, 05:20 AM

ريف النشاما مر من هنا

المري

31/07/2005, 05:23 AM

مرحبا بريف النشاما

وحياك الله يالغالي ..

ماعندك لغز على الطاير تحطه في موضوعنا!!!!!!!!!!!! امزح

حياك الله وماقصرت.

اخوك / المري

Al shameri

31/07/2005, 02:37 PM

بسم الله الرحمن الرحيم

اسمح لي اخي المقاحصي ان اداخلك في معلوماتك والله انها بنيت على خبره شخصيه وانا اسف مره اخرى
الـــــــــــــــســـــــــــــر:
1/ان تكون غرفة لكل ذكر وانثى لاتقل عن سبعة متر في سبعة متر.
-هذا صحيح لكن ليش هالكبر اكبر غرفه للحر او للجير هي 4x6م
2/ان تكون معزولة عن الخارج عن الاصوات وعن الي خارج الغرفة.
-هنا في خطأ شائع هو كيف ان تعلم طيورك تعلمهن على الدوشه راح تهجن في الدوشه واذا علمتهن على الهدوء راح تفرخ فقط بالهدوء واذا حصل شي لاسمح الله اي اصوات وصلت لهم في وقت التهجين يعني في الموسم ماراح تهجن من الخرعه وضاعت عليك السنه وهذا الشيء مجرب واكيد انا واحد من الناس حطيت راديو في اول الموسم لكي يتعودون على الدوشه بعد ذلك كانت في موسم التزاوج هليكوبترات طايره حوالينا لمدت 20 يوم الحمد لله فرخن ليش لنهم تعودوا على الدوشه
4/ان يكون ارتفاعها معقول,,,.
-مواقل من 3.5م
5/ولا يدخل عليها احد حتى تتزاوج وتضع بيضها ((حتى انشاء الله المري ولا الفيتو)).
-ههههههه كيف التنظيف يتم نعم لا يدخل المري ولا الفيتو لكن لابد من التنظيف 4 مرات في السنه على الاقل
6/طبعاً كاميرات مخفية لكي تراقبها.
-ماهي لازم لآول الامر ممكن ان نفرخ بدونها
7/ قلت العلف يالفيتو,,, طيب طال عمرك العلف يكون له انبوب يحط به العلف وينزل للغرفة.
-انت تبيهم مره وحوش اخي اهم شي هو انهم يكونون ريلاكس مرتاحين من الانسان ويعلمون انه ليس بخطر على حياتهم وعلى فراخهم منه
واهم شي هو العلف وكثرته في موسم التزاوج هذا السبب الوحيد الي يهيج الانثى وخلي الذكر وكانه صياد ماهر ولا تخاف ان تجلس على البيض مدت 31 يوم وما راح تبيض اذا ما اطعمها الذكر من فم الى فم هذا هو السر وبس
هذا والله اعلم اخوكم محمد الشمري

المري

31/07/2005, 05:07 PM

كفيت ووفيت اخوي محمد الشمري

ومنك نستفيد يالغالي..

اخوك - المري

الدكتور00

31/07/2005, 06:33 PM

السلام عليكم ورحمة الله وبركاته....

مساكم الله بالخير يا الربع ...
أخوي أبو معيض سرني جدا كون الردود وصلت لهذا العدد الطيب ، وخلال متابعتي للموضوع اليومين السابقين
ما كان وقتي ليسمح لي بالرد والمشاركة ، فضلا عن إن الربع كفوا ووفوا وما عندي زود على كلامهم ، لكن بكتب
اللي في خاطري مع إن فيه تكرار لبعض كلام من سبق لكني وعدتك وعسى الله يختار اللي فيه الخيرة للجميع...

أولا وقبل كل شيء ..أي مشروع تريد ضمان الحياة له والاستمرار بنجاح ..
هناك خطوات مبدئية قبل الشروع في إنجازه واقعا ، وأولى هذه الخطوات استشارة ذوي الخبرة والاستفادة من تجارب السابقين وتفادي أخطاءهم ،، وعندك أخونا الشمري ما قصر جعله يسلم ها الذيب ، وأصحاب المزارع من
إخواننا الخليجيين قريبين منا ، وأشوفك بديت تراسل أصحاب المزارع الخواجات وبعضهم قام ينصحك بالكتب..وهذا شي طيب إن تلازم سويا هو والاطلاع على تجارب الغير والمشاهدة الحية لنتاجهم ونتائجهم ....
وبعد تجميع الخبرة الكافية يجب عليك وضع تصور عام للمشروع وتقديم ورقة بالأهداف المطلوب إنجازها سواء كانت مرحلية أم نهائية وربطها بعامل الوقت أمر أساسي وعلى أساس ذلك يتم التخطيط الواضح والواقعي لمشروعك المستقبلي. ونسيت شي مهم وهم أصحاب المشروع وملاكه ، فأنا أشوفك تبي الشراكة تكون بين مؤيدي الفكرة
ممن لديهم القدرة من رواد هذي الخيمة ..فالخطوات السابقة الذكر تكون طبعا بعد حصر الأسماء والاتفاق التام
فيما بينهم على شكل المشروع العام و هيكله الإداري ;) ومن رأيي إن راس المال يكون على شكل أسهم ....هههههههه .

واعذروني إن كان طولت عليكم ، وما عندي إلا هالفلسفة والهذرة لكن تحملوني شوي..

ومن ناحية وضع المشروع على أرض الواقع فبعد اختياركم للمنطقة ((( إن كان ودكم أبها..فأنا علي أشوف الأرض اللي تزين لكم بعد تزويدي بالمواصفات المطلوبة ))) ومن ناحيتي أتكفل لكم بإيصال فكرتكم وصوتكم
إلى سمو الأمير فيصل بن خالد بن عبدالعزيز نائب أمير المنطقة ، والذي ستجدون منه كل التأييد والتشجيع ...بإذن الله .

وأؤكد على أمر وهو البدء من اليوم بحصر أسماء المكتتبين ...ههههههه ،، أقصد اللي وده يشارك بالمشروع وتحديد
راس المال لمشروع مثل هذا ، والأمور المتبقية والمتعلقة بالكادر الفني والإدارة المشغلة ..وغيرها يتم تحديدها واختيارها في غضون ذلك ........

وأنا حاضر باللي يقدرني عليه ربي ....
والموضوع يحتاج للجدية..
وترتيب الأمور بواقعية..
وتنسيق الأوضاع والجهود من اليوم ..

جعل الله التوفيق حليفكم ،،،، وأعطاكم ما تتمنون ،،،، وجعل في ذلك تقوية لكم على طاعته ،،،،

وسلاااااااااااااااااااامتكم جميع ،،

أخــــــــــــــــــــــــوكم (( الــــدكـــــتـــــــــــــور )) ،،،،،،،،،،،،،،

الناصر888

31/07/2005, 07:05 PM

السلام عليكم ورحمة الله وبركاته
مساكم الله بالخير جميع .
الصراحه انه اقتراح طيب من رجال اطيب وماهو بغريب على صقار طيب شروا بو معيض
وهو معودنا على طرح المواضيع الاكثر خدمه للصقور والصقارين.
عساك على القوة يابو معيض وانا طال عمرك حاضر بالمقدور عليه.
لكم مني التحية والتقدير واخص اخوي المري .
اخوكم
النـــــــاصــــــــر888
:BUTT1: :alarm: :BUTT1:

حر الجنوب

31/07/2005, 07:24 PM

الله عليكم عزالله كفيتو ووفيتو وانشاء الله تسمعوا اللي يرضيكم قريب جدا جدا بس ها الفزعه لا تشترون الامن عندي هههه

المري

31/07/2005, 10:22 PM

مرحبا بأخي الغالي.. الدكتور

وان شاء الله انك تكون دكتور للمزرعه ..

تسلم اخوي وماقصرت وعزالله انك كفيت ووفيت

وبيض الله وجهك وترى مانستغنى عن اعلومك الطيبة..

اخوك / المري..

***

أرحب اخوي الناصر

وماعليك زود يالغالي,, وهذا من طيب اصلك..

وجعلك ذخر..

اخوك / المري

***

حيالله الاخ بندر

وتسلم يالغالي.. واللي فهمت من كلامك كأن عندك مزرعة وتبقى تبيع انتاجها..؟؟!!

ترانا حاااضرين نشري منك ..

الله يوفقك ان شاء الله

**

أخواني يالله لايحرمنا شوف الحجول اللي في الفروخ مكتوب عليها (( Saudi Arabia )) بدل المانيا وكندا وغيرها..

قولوا امين..

امين

اخوكم / المري

{السبيعي}

31/07/2005, 10:50 PM

اميــــــــــــــــــــــــــن
الله يحقق دعاك يالمري
اخوكم ومحبكم في الله:
مطلق السبيــــــــــــــــعي

المري

31/07/2005, 10:53 PM

مرحبا يامطلق

ومرحبا بأهل النعيرية كلهم..

تشكر على المرور

اخوك / المري

أبو رداد

01/08/2005, 12:37 AM

اعقاب

01/08/2005, 01:06 AM

السلام عليكم ورحمة الله وبركاته
دائما سباق الى الاقتراحات الجيده
فعلا اقتراح يبغى دراسه وتنفيذ

المري

01/08/2005, 01:29 AM

هلا اخوي ابو رداد ..وتسلم على التوضيح والتعقيب..

اللي خلانا نترك التلقيح هو شغلة الصعبه اشوي..الا واجد ماهيب اشوي..

الذكر اعطيه منشط ؟؟!! من وين اجيب منشط.. الشغله تبغى لها علم في البيطره اشوي..

....شكرا لك ابو رداد...

حيالله أعقاب

صحيح المشروع يبغى دراسة وتنفيذ الى الله كتب..

شكرا لك على المرور..

****

اخوكم / المري

عنـاد

01/08/2005, 11:32 AM

السلام عليكم ورحمة الله وبركاته

وانا غبت كم شهر وجيت لقيتكم مسوين مزرعة ماشاء الله ؟

الله يرفع اسباب هالغياب بدون شر

قريت بصراحة الردود كلها وكانت في مجملها جيدة وكويسة
بس يا جماعة الخير انا لاحظت في اهل الطيور انهم يجنسّون الطير من حجمه وقطوعه
ويفوتهم تجنيسه بالطريقه اليابانيه وهي طريقة سهله لتجنيس كل انواع الطيور وطريقتها تتلخص في ادخال انبوب صغير في فتحة المجمع ( يكرمون القارين ) ومشاهدة اعضاء التذكير ( الخصيتين ) او عدم مشاهدتها هذا هو الدليل القاطع واذا كان هناك اي عمليه او اي شي قد اتخذ بحق الطائر بحيث لا يلقح تبي تلاحظه بسهوله اما تلقاهن ضامرات او منتفخات او بهن علّة بينّه بالحيل .
اما من ناحية التلقيح وانه صعب فانا اقول انه سهل في ظل وجود المحفزات والفيتامينات المقوية وهي كورس بسيط بامكاني اعطيكم اياه حسب الوزن .
اما كلام اخوي ابو رداد يوم قال التلقيح الصناعي مجدي اكثر ايه نعم كلامك صحيح بس التلقيح الصناعي له عيوب كثيرة اكثر من عيوب التلقيح الطبيعي حيث انكم مثل ما تعرفون ان فتحة المجمع هي فتحة تستخدم لجميع الاستخدامات
فإذا جا الفني يسحب عينه سائل منوي يصير فيها نوع من التلوث هذا اولا ثانيا الحيوانات المنويه تتاثر بالاضاءة
الشي الثالث ان الحيوانات المنويه تتاثر بالحرارة رابعا وهو المهم وش يضمن لك ان الانثى تتقبله او لا ؟
لا تنسون ان الحيوان يحس بكل شي فإذا صار له تلقيح طبيعي تصير الانثى في حالة تقبل للذكر وتصير في حالة فسيولوجيه متقبله للتلقيح , انا ما اقول انه مستحيل تلقح لا ممكن بس حنا اجتمعنا هنا ننشد للافضل والاحسن لان الطيور مشكلتها مالها علامات للتزاوج مثل الابل انها تجسر ومثل الابقار انه تعطي ومثل الاغنام انها تصرف وتكون عليها علامات واضحة بمجرد النظر اليها بدون حتى تواجد ذكور معها في الغرفه .
الشي الاخير اللي ابي اتكلم عنه هو توفير بيئة مناسبه لان غالب الاعضاء الجسدية تتاثر بفعل الجينات اللي تتاثر بالبيئة المحيطه واللي للاسف للحين ما قدرو يعزلونها عزل كامل ويوضحونها لنا .
يعني اتوقع لو تعطونه بيئة مناسبه بيئته الوحشيه ان تامنون له مكان مريح وتخلونه يصيدعلفه مثلا تحطون عنده حمامه حيه او فراخة دجاج حية او شي من هالقبيل اعتقد انكم راح تنجحون وانا معكم يد بيد واي خدمة انا حاضر خصوصا في الامور الفسيولوجيه
واهي تساؤل انا حاضر وممنون لكم في اي مجال سواء الطيور ولا غيرها
اخوكم المهندس الزراعي عناد تخصص انتاج وتربية حيوان

المري

01/08/2005, 12:56 PM

مرحبا ياعناد وبيض الله وجهك على الرد الزين

وترى مانستغنى من اعلومك الطيبه بس ياليتك متخصص في علم الصقور

علشان تضبط الشغله ..

كلك ابركه واخوي عناد وكلامك كله مضبوط

بس وين نلقى اللي يكشف عليها ؟؟؟

تسلم يالغالي اخوك - المري

عنـاد

01/08/2005, 01:11 PM

هلا والله بخالي المري

والله يا بعدي لو فيه تخصص صقور تخصصت فيها فيه احسن من ان الواحد يصير علمه كل نواميس وعلوم الرجال والمقانيص ؟
واذا على الكشف مهيب مشكلة اللي يكشفون واجد بس انتم حددو متى ووين ونجيب لكم ان بغيتو طرق ثانيه عشان تصير اسهل لكم لان طرق الكشف عن الذكر والانثى واجد بس اضمنها الطريقة اليابانيه واقدر افيدكم نسوي لكم دورة مبسطة ما تاخذ اكثر من يومين نعلمكم شلون تكشفون تراها بسيطه بس تبي فطنه شوي

وانت تامر يالمري وباقي اخواننا الصقاقير ونجيك نطامر

عنـــاد

المري

01/08/2005, 08:45 PM

مرحبا بك وبيض الله وجهك وكفيت ووفيت

وجعلك ذخر

خالك المري!!!

اكرم بن نصر

02/08/2005, 02:45 AM

الاخ العزيز المري اتشاء تكون بخير انت وجميع الاخوه الاعضاء
وبارك الله فيك على طرح هدا الموضوع وادكر اني طرحت فكرة مزرعة مكشات مند اكثر من سنه ويومها ماتكرم احد من الاخوة
برد على الا انت والاخ عقاب ويومها قلت ان الفكرة ما راقت للاخوة ولكن اليوم اشوف الشباب متحمسين لها
تمنياتي لكم بالتوفيق والنجاح ومن جد وجد والله ولي التوفيق وولو كنت انا من اهل السعوديه لكنت اول المشتركين في هدا المشروع

المري

02/08/2005, 09:49 AM

مرحبا ومسهلا بأخوي اكرم بن نصر والحمد لله على السلامة

وين ذا الغياب عسى ماشر ؟؟

والله فقدناك اخوي اكرم عسى ماشر

تشكر على المشاركة وردك كفى ووفى الله يحفظك..

وتقبل تحيات اخوك - المري

Al shameri

02/08/2005, 10:54 AM

السلام عليكم ورحمة الله وبركاته

قرأت كلام الاخوه المقاحصي و محمد الشمري
وفي ودي التعقيب قليلا
الطريقتيين الي ذكروها الاخوان صحيحه ...ولكنها تخص التفريخ الطبيعي
مع اني رئيت عندنا في العراق وفي الرطبه بالتحديد احد الصقارين يفرخ الصقور من الثمانينات
ولكنها ليس من الطيور الطيبه ... وكانت المساحه التي فيها الطيور لاتتجاوز 3x3 متر وكان الذكر يلقح
امامنا ولايهتم ...
وكذلك رئيت مزرعه في الامارات ... وكانت قاعه (كبره) عباره عن 12 غرفه لاتتجاوز الغرفه 3 في اربعه امتار
وارتفاعها لايتجاوز الثلاث امتار ...والغرف مبنيه من جميع الجوانب باستثناء السقف فقد كان شبك لغرض دخول التبريد وسهولة مراقبة الطيور ... وملتصقه ببعضها ... ويوجد ممر ارضي وفوقه ممر تشاهد الغرف من فوق ...
واعتقد ان هذا الكلام سابق لاوانه ... فبعد ان تتبلور الفكره الى عمل حقيقي ...
بامكاني تزويدكم بمرتسم مزرعه محسوب فيه كل شئ ...
ولكن التلقيح الطبيعي او التفريخ الطبيعي غير مجدي اقتصاديا على قول اكثر الخبراء بهذا المجال

اما التلقيح الصناعي
فيريد واحد مثل الفيتو صقار له هوى في السالفه .. يقلب الطير الى دجاجه هههههههه
يدهله بحيث يجعله طير هدي بشكل يفقد معظم خواص الجوارح ولفتره طويله دون ان يتركه يعود ويستوحش
ومن ثم اعطائه كورس من المنشطات المحفزه للجنس في وقت معين ...
وبعدها وعند اتمام الكورس يقوم المربي باستمناء الطير الذكر وسحب منيه بواسطة قصبه دقيقه مخصصه لذلك
ووضها في الانثى
وهذا الكلام سابق لاوانه ايضا
انتم عزموا وطرشوا موفدكم الفيتو
والله كريم

السلام عليكم ورحمة الله وبركاته
اخوي ابو رداد هناك 1000 شكل وشكل للغرف نحن نود ان نطلع الاخوه عليها ليس إلا اما عن الغرف الصغيره فهي جيده لكنها ليست لكن الطيور انا عندي زوج حر في إحدى السنوات ما اردت ان يفرخ ذيك السنه لاسباب معينه شلت هذا الزوج وحطيته في غزفه صغره 2متر في2 متر الغرفه هذي كانت لزوج شبابيط من النوع الي ارسلت صورته وسميته بالاقزام المهم الجير لايمكن أن يفرخ في هذه الغرفه على حسب علمي لكن !!!!!!!!!!!!!!!!!!! في وقت البيض فرخ 4 بيضات كلهن زينات لا وبعد حضنت الام كل فروخها كانت تجربه غير مقصوده لكن هل ياترى كل الصقور تقدر على ذلك للتفريخ الطبيعي انا اقول لا لا لاتستيع ذلك,اما التفريخ الصناعي فهي جيده ولا تحتاج اكثر هذا 3 في 3 متر
والله اعلم
اخوكم محمد الشمري

المري

02/08/2005, 11:27 AM

اخوي الشمري حياك الله يالغالي..

لم نطلع منك بأجابة شافية..

هل الغرفة 3 في 3 احسن من 4في 6 للتفريخ الطبيعي؟؟؟

اجب بنعم ام لا..

شكرا لك اخوي محمد

اخوك - المري

Al shameri

02/08/2005, 11:35 AM

السلام عليكم ورحمة الله وبركاته
اسلم يا بعي الله
اما عن الزين راح اعطيك لكل الانواع من الصقور
1) للحر البيور 6في 3 ارتفاع 3.5 م
2) للشاهين البيور 6 م في 4 متر ارتفاع 4 متر
3)الجير البيور 6 م في 4 م وارتفاع 3.5 متر
4)للشبوط 2.5 في 2.5 م ارتفاع 2.5 متر
هذا للازواج الطبعيين
هذه الاحجام مجربه من احسن علماء الصقور وهذا ما سويته في مزرعتي
خوك محمد الشمري

المري

02/08/2005, 01:04 PM

اخوي محمد بيض الله وجهك اليوم ودوم

بس الشبابيط ويش الفائدة منها بارك الله فيك

اخوك المري

الغايب الحاضر

02/08/2005, 01:32 PM

اخوي المري على القوه وحنا مستعدين بالي تبي منا

أبو شعلان

03/08/2005, 01:00 AM

بسم الله الرحمن الرحيم

الصراحه أخوي المري أفكارك دائماً هي المميزه ماشاء الله عليك
وعلى فكره أبها فيها مربط خيالي كان لواحد من الأمراء مكون من غرف صغيره يمكن 2 في 2 والغرف كثيره
والآن جميعها مهجوره ولا فيها أي طير

وتقبلوا تحياتي
:j

أبو شعلان

03/08/2005, 01:07 AM

{السبيعي}

03/08/2005, 01:46 AM

على القوة يالربع

المري

03/08/2005, 02:02 PM

السلام عليكم

مرحبا بالاخوان جميعا وحياكم الله

ان شاء الله سوف ابدأ في بناء المشروع بعد شهر وسوف اضعه في البداية لثلاثة ازواج زوجين من الحرار وزوج

من الشياهين البحريات..

وعسى لله يتمه ان شاء الله ..

ونريد من الاخوان اللي لهم خلفية في بناء مثل هذه المشاريع ان يمدنا بخرائط او افكار او كيف الطريقه لبناءه..

في انتظاركم

اخوكم - المر ي

{السبيعي}

03/08/2005, 02:26 PM

السلام عليكم
لاتعليق

اكرم بن نصر

03/08/2005, 02:56 PM

اخوي المري انشاء الله ما تشوف شر انت وجميع الشباب
واحييك اكبر تحيه على كلمة( الشهر الجاي سوف ابداء)
هدا هو الصح وخاصة بعد ما الشباب كفوو وفو وكلهم تعهدو با لتعاون
ومثل ما قلت من قبل انكم قدها وقدود يا صقارين مكشات
وانصح بعدم وضع الربح والخسارة في الاولويه والتركيز على ان الطير يفرخ اولا
وقلبي معكم

Al shameri

03/08/2005, 03:19 PM

السلام عليكم ورحمة الله وبركاته
يالله هالبركه على الخرايط ابشر بالي يسويها لك بس ارجع من المقاص
ابي دعواتكم
اخوك محمد الشمري

المري

03/08/2005, 10:00 PM

مرحبا بالاخوان السبيعي واكرم بن نصر والشمري

وجزاكم الله خير..

**

اخوي محمد الشمري الله يرد سالما غااانما والله الله في العلوم الزينه.

اخوكم المري

راعي مخباط

03/08/2005, 11:59 PM

مشكورين وياريت تغنونا عن الاجانب

المري

04/08/2005, 02:28 PM

مرحبا براعي مخباط وحياك الله يالغالي..

وابشر ان شاء الله بس وسع بالك اشوي

اخوك المري

ابو عايد

04/08/2005, 02:59 PM

السلام عليكم ورحمة الله وبركاته

ياسلام يابو معيض ان كنت بتسوي مزرعه

اخوانا الي قبلنا سبوقونا بالعلوم الطيبه ...... بالمعلومات وخاصه مزرعه خالد الفيصل الموجوده في ابها

قبل اربع سنوات طرحت منها شهانه جبليه وسألت عن هذا الطير وقالوا لي انه من محمية خالد الفيصل

كلمت بعض الشباب في الرياض عن هد بعض البحريات و الجبليات في موقع من جبال الهضب

وهو موقع في قمة الروعه ......... ولكن صاحب الارض رفض بيعها واعرف واحد من الشيبان يجني

منها فروخ خلال تسع سنوات ولكن مبالغ مكلف جداً

عندي اقتراح لك غرف التزاوج مثل ما اقتراح الاخوان وتبنا بالطين وتكون في صاله كبيره تهد فيها الفروخ

وتكون مع بعض لكي تاخذ لياقة الطيور ولكي ترتاح

تقبل تحيات // العاشق الولهان

لطاش

04/08/2005, 05:39 PM

السلام عليكم ورحمة الله وبركاته

مشروع زين ونسال الله ان يوفقكم ويبارك فيه
لكن وانا خوك ومثل ماقالوا الاخوه الي سبقوني في الرد
مافيه نفع تجاري ومصير يكون مقيظ اذا مالاقيت هامور يدعمه ;)

فمان الله

المري

04/08/2005, 11:38 PM

اخوي ابو عايد حياك الله يالغالي..

بالنسبة لمكان هدد الفروخ اعلمك

اذا جات ذيك الساعة الفروخ عندي لها مساحة حوالي 1000 كلم مربع اهدها فيه من يوم تبدا تطير وفي الوسط حجرة مكيفه

اذا احتر عليها النهار تاتي تتبرد فيه.. واذا جاء وقت العصر طلعت كل منها يطرد الثاني..

بس على الله تجي فروخ (( هذا الكلام))

**

مرحبا اخوي لطاش وحياك لله يالغالي..

ابشرك الخير موجود وكل شي زين ولله الحمد بس المشكلة الاناث والذكور بس .. وان شاء لله انها تنحل قريب..

وسلامتكم جميعا..

**

بس اهم شي ادعو لنا ان الله يبارك في ذا المشروع ويطرح في البركة..

اخوكم - المري

جير شاهين

05/08/2005, 05:21 AM

روح عسا فالك السيل

الفشق المتوووسع

02/10/2005, 11:51 PM

السلام عليكم ورحمة الله وبركاته

اخواني انا انقطعت عن هالوجيه الغانمه فتره بسيطه ولا ادري الى اي حد توصلتو لكن مازلت عند وعدي بالفزعه بما ان عملي في

خميس مشيط قريب من ابها.

راجا الله لكم بالتوفيق . ولي بالنقل لاهلي في نجد.

الفشق المتوووسع

03/10/2005, 12:01 AM

السلام عليكم ورحمة الله وبركاته

اخواني انا انقطعت عن هالوجيه الغانمه فتره بسيطه ولا ادري الى اي حد توصلتو لكن مازلت عند وعدي بالفزعه بما ان عملي في

خميس مشيط قريب من ابها.

راجيا الله لكم بالتوفيق . ولي بالنقل لاهلي في نجد.

اخوكم المتوووسع.

العيون الزرق

03/10/2005, 09:09 AM

السلام عليكم ورحمة الله وبركاته
وكل عام وانتم بخير وعسى الله يعيد علينا وعليكم رمضان وانتم باتم الصحة والعافية
اخوي المري: اخوتي الكرام اللي ردوا وكان لهم تعليقات ..... ترو التجربة الخليجية سبقتها تجربة سعودية في تفريخ وتكوين مزرعة متكاملة لسمو سيدي صاحب السمو الملكي الأمير خالد الفيصل أمير منطقة عسير حفظه الله وقد كانت المزرعة بشكل نموذجي وانتجت الكثير والكثير من الطيور ولكن شاء الله أن لا يكتمل هذا المشروع الذي بداء به الأمير خالد وانشغل كما تعرفون بالمؤسستين التين ولدتا على يدية وهما :
1. مؤسسة عسير للنشر ممثلة في صحيفة "الوطن".
2. مؤسسة الفكر العربي في بيروت .
وكان سبب انشغال سمو الأمير بالنشاط الثقافي واضافة إلى الأعمال الخاصة بأمارة منطقة عسير فهل تعتقدون أنه سيكون هناك مجال للتفرغ للمزرعة وتربية الطيور ولنتوا خابرين الطير وش يبيلة يمكن ان حداكم يهمل عياله ولا يهمل طيره أذا تولع به وانا اولكم .
وهذا كله يفسر انقاع شاعرنا "دايم السيف" وانتوا خابرينه
طيري ضرب جو الهيم ولو دعيته مالتوى عزي من طيره غذا ولا جناح لي وطير
وأسف ان كان ما كتبت البيت صح ....لانه خطر ببالي ...وانا اكتب الرد
وانا كانكم معزمين على المزرعة ابشروا بالأرض وشمر عن ايدكم ولا يردكم شي وانا من هل الديرة
والجو لا احسن "النماص" ولا يهمكم .....
وتحياتي لحوي سرهد .....

طير الهدد

03/10/2005, 10:27 AM

أخوي المري صراحة الفكرة حلوة جدا و شيقة صراحة خاصة في مثل هذا الوقت الذي تتوافد علينا فيه أنواع الصقور المنتجة بإشراف أناس لا يعرفون عن الطيور سوى تهجينها لذا أنا مع الفكرة ومن أشد المتحمسين لها (( لكن بقى شي واحد بعد ما استشرت هالشقردية و الذيابة و جهابذة الصقور بقى الاستخارة حتى يطرح الله في هذا المشروع البركة و ينفع به )) وانشاء الله نشوف على الحجول (( Saudi Arabia )) مثل ما قلت ..... فيه طلب بسيط يالمري انشاءالله أنك ما انت ما قصر أبيك تحملني شوي إذا افتتحت هالمشروع كل يوم و الثاني وأنا عندك ـ قطة وجه يعني بالعربي الفصيح ـ و إذا الدعوى فيها مساهمات ترانا أول المساهمين .................

#الفارس#

03/10/2005, 06:22 PM

السلام عليكم ورحمة الله وبركاته

مشكورين اخواني على هذا الحماس وخاصة اخوي المري واندل هذا الحماس انكم كدها وقدود
ولاكن يجب عدم التسرع في اتخاذ القرارات...
وتوفير مايلي...
1.راس المال القوي
2.الخبراء في هذا الاختصاص
3.الايادي العاملة
4.المكان المناسب
واشياء كثيرة يمكن انا اجهلها لاني ماعندي الخبرة الكافية في الطيور......

ونتمنا لكم التوفيق ونحن معكم ..
واذا صارت المزرعة انا اول واحد بيقدم ملفة (يعني بتوضف في المزرعةانشاءالله تقبلوني) :D

شكراً...........

( طير حوران )

03/10/2005, 06:41 PM

إلى الأمام >>>>>
فكرتك رائعة جدا جدا جدا جدا جدا جدا جدا جدا جدا جدا جدا جدا جدا جدا جدا جدا جدا جدا جدا جدا جدا جدا جدا جدا جدا جدا جدا جدا ( تعبت !! ) < أمزح ؟؟ > جدا جدا جدا جدا جدا جدا جدا جدا جدا جدا جدا جدا جدا جدا جدا جدا
الله يوفقك يا صقارنا الغالي
و أوؤيد هذه الفكرة مليوم بالمئة ..
إلى الامام >>>

الزعـبي

04/10/2005, 12:01 AM

السلام عليكم ورحمة الله ....

نبارك لكم الشهر الكريم والله يرزقنا صيامه وقيامه ...

اخوي المري خطوه جيده وانشاء الله موفقه واي شي تحتاجه حاضرين ... :good:

وانصحك بانك تتصل بمركز الامير فهد بن سلطان وتاخذ منهم بعض المعلومات الى تفيدك في عمليه التفريخ

وتهيأت الجو المناسب للطيور وانا متاكد انهم ما يقصرون ..

وللامام انشاء الله...

عاشق الجنوب

05/10/2005, 12:47 PM

اخوي المري اعتبرني احد المشاركين معك بالمشروع بس وش المانع انه يكون بالمنطقة الشرقية وجونا مايفرق عن الامارات وقطر نفس جوهم بس ماعلينا الا نرسل كورسات للامارات وقطر وبعد يعطونا من خبرتهم ونصائحهم لنا .

NooNo Go MezZ

06/10/2005, 04:22 AM

قطيه يا شبااااااااب

بكم سهم الشركه هههههههه لا يكون زي مكيرش بس

bond

08/10/2005, 06:55 AM

حلم ابليس في الجنه
والله فكره حلوه لكن يبغا لها مبلغ ماهو بسهل لانك اذا جيت تتعب لازم تتعب بشي يستاهل
يعني يبي لك طيور مو أي كلام يبغا لك مكان كبير ووسيع
يبغا لك فقاصات للبيض
يبغا لك طيور تخليها ترقد على البيض وتفرخ البيض
يارجال انسا بس
السعودي ربنا خلقه علشان يدفع ويشتري بس استحاله ينتج شي
تحياتي

راعي برق

08/10/2005, 02:08 PM

[b]السلام عليكم ورحمة الله وبركاتة
اما انا فمني برق مثلوث مع انة غالي على قلبي واحبة لكن لجل عين تكرم مدينة والشمري شجعنا على الكرم اللة يطول عمرة
وتشكرون على المواضيع الزينة
وهذا برق
http://www.mekshat.com/pix/upload/images11/mk18066_barg 10.jpg

المري

08/10/2005, 02:21 PM

بيض الله وجيهكم جميعا وماقصرتوا..

وتسلمون .. والى الحين ماصار شي .. جديد

اخوكم / المري

راعي برق

08/10/2005, 02:38 PM

الاخ المري
اسعد الله ايامك حنا والله معك بالروح والمال والفكر وعندنا استعداد تام ..... وانا مني ابجهز لكم مدعى للفروخ الجدد ... وابسمي اول طير ينتجة برق .. ( بريق ) ... واكيد انة بكون سطي مثل ابوة ..... يحليلة احس اني مشتاق اشوف عيال برق ... احلى والله وصرت ابو يا برق ... كل واحد منا لازم يحمل هذا الشعور علشان نقدر ننشي هذا المشروع .
ولكم خالص الشكر

الشـ صقرـــام

23/10/2005, 02:47 AM

بسم الله الرحمن الرحيم
تحياتي الى جميع الاخوة المشاركين
من اجمل الفكر المطروحة في هذا المنتدى الغالي هذه الفكرة الرائعة ومن هم الذين ينتجون الصقور من هؤلاء الفرنجة ليسو باحسن منا فهي رياضتنا ورياضة اجدادنا منذ عهود قديمة
اخواني المهتمين انا مع اصحابي في سوريا مستعدين لجلب اي نوع من انواع الصقور من جميع بلاد روسيا بما فيها سيبيريا
توكلوا على الله والخير فيما اختاره الله

اخوكم الشـ صقرـــام

الطير سطام

25/10/2005, 08:20 AM

أخوي المري 00حياك الله

موضوعك شيق 00 لكن حبيت اذكرك ان السعوديه تعتبر من الدول المتقدمه في مثل هذا المجال وسبقت

دول عده 000 هل نسيت مركز الامير خالد الفيصل امير ابها 000 فما ادري ربما تكون حديث عهد في هذا المجال

او انك نسيت 00 مركز الامير خالد الفيصل انتج طيور نادره وطيبه بفعاله والوانها واقطوعها000 لكن ماسبب

اغلاق المركز00 هاذا اللي والله ماعرفه000 واتمنى ان يكون موجود لهذا الوقت00 وياليت يكون موجود

لاني شفته يهدي الامير سلطان بن عبدالعزيز واحد من طيور المركز 00 وااااااااااااااااااااااه على مسكت ذاك

الطير 00 وياليت تقوم بتأسيس مزرعه جديده يالمري وانا ابفزع معك ومع الربع باللي تامروني عليه 000000

اخوك الطير سطام0000