المساعد الشخصي الرقمي

مشاهدة النسخة كاملة : استفسار للإخوة الكويتييين


شاص
29/07/2005, 01:54 PM
السلام عليكم ورحمة الله وبركاته
بغيت أسأل عن الجيب الشيروكي السبورت أو الكلاسيك من موديل 99 إلى 2001
هل هو متوفر بالكويت ؟؟
وبكم أسعارها تقريباً ؟؟
وهل أجد قير عايدي ؟؟
ولكم جزيييييييييييييييل الشكر
شاص
30/07/2005, 02:10 PM
ياخوان اللي عنده خبر يرد الله لا يهينه
قتال
30/07/2005, 05:41 PM
السلام عليكم ورحمة الله وبركاته ،،،

حياك الله أخي .. بصراحة أنا ماعندي خبر عن الشيروكي في الوقت الحاضر ..
أما بخصوص الجير العايدي فهو موجود .. أبشر أسألك وأوافيك قريباً إن شاء الله ..
Kuwait
30/07/2005, 05:50 PM
الغالي شاص ياهلا ومرحبا فيك

بخصوص الجيب الشيروكي متوفر بالكويت بكثره

واسعاره طاحن مو مثل اول

تقريبا من الالف وميتين الى الالف وخمس ميه موديل 99

وكل مازاد نظافته وترقى بموديله يزيد ميه ميتين حده

. . .

لكن الاخ شاص اذا كنت مو هواة البر فالنصيحه عطايا وارد البابطين وغير ماش

. . .

اي خدمه او مساعده تامر امر

والتواصل عبر الايميل

ahell@hotmail.com

وعزيز وغالي
alkuwaity
31/07/2005, 01:06 AM
[B]مساكم الله بالخير جميعا ..............اخوى الشاص .....بالنسبة لأستفسارك احب اقول لك ترا اذا انت تدور على هالنوع من الجيبات فى الكويت راح تلقى الى تبيه......من مستعمل وارد الوكالة والتجارى وارد امريكا ......السوق مليان من الشروكيات ....خصوصا عند اهل المكاتب فى منطقة حولى ........الوان ومواصفات ...... واحب اقولك ان اسعارهم للموديل الى ذكرتة تتراوح مابين 1800 الى 3200 وسلامتك وتعيش ..... واذا بغيت المزيد من التفاصيل او اى خدمة او استفسار ترا انا حاضر واتشرف بمساعدتك ......atkuwait@hotmail.com تحياتى لك وللاخوة جميعا ......واتمنى لك التوفيق فى الدنيا والاخرة .....والسلام عليكم ورحمة الله وبركاتة.
شاص
31/07/2005, 02:15 PM
الأخ الفاضل ..
قتال .. مشكور يابعدي وبيض الله وجهك

الإخوة الأكارم ..
kuwait .. مشكور يالغالي ماقصرت على المعلومة ، وما يامر عليك عدو, ماذا تقصد بوارد البابطين ؟؟
alkuwaity.. وانت سالم وغانم وشرف الله مقدارك ويعطيك العافية ..

أحرجتموني بتعاملكم وحسن استجابتكم غير المستغربة عليكم لا حرمتم الأجر ..
مأيـغـرّز
31/07/2005, 09:51 PM
والله يا الغالي تلقاهم بعد بالحراج بس اشوي امهرديين مكروفين كرف اليهد بس وين وين اتحصل نظيف بي ولا يهمك انت عل البال ان شالله
Kuwait
02/08/2005, 02:20 AM
الغاليس شاص ياهلا ومرحبا طال عمرك واسمحلنا على الرد المتأخر

":)

وارد البابطين جيب النيسان طال عمرك

. . .

على فكره كلام الاخ مأيغرز كلام صحيح ميه بالميه عموم مواتر الحراج رايه فيها ماتصلح وغاليه


. . .

لك مني كل محبه وتقدير
مسهي الرعيان
06/08/2005, 05:09 PM
السلام عليكم..الى اخي العزيز شاص...
الشروكي القيرعادي موجود بالكويت ولكن ليس من السهوله ان تحصل عليه اذا حصلت عليه يكون ليس بذاك النظافه لان الشروكي العادي مرغوب لاهل البر والمقناص والكشتات وايضا اهل السرعه فتلاقيه لي بقى ينباع يبيعه على واحد من ربعه ماينزله الحراج وله المكاتب اما اللي بالحراج تلاقي بس ما انصحك فيهم ابد...وارجو ان اكون قد وضحت ...(اسفين على التقصير)