تانكي البلاســــتيك والبولي اثـــيلــــين !! ..؟

[سيف خنذف]

بسم الله الرحمن الرحيم ..

لاهنتم لدي استفسار .. وارجوا اني ماثقل عليكم ولااشغلكم :p
نويت اركب تانكي للونيت .. بلاستيك او بولي اثيلين

1 : الموتر حوض .. << بشر راعي الجميعه :D

2 : من جرب البلاستيك والبولي اثيلين يعطينا رايه .. ؟

3 : وين تبناع سواء البلاستيك او البولي اثيلين ؟

يقولون الوطني في القصيم .. << شمعدن توانكهم ؟ بلااستك ولا بولي اثيلين ؟؟
ويقولون الخرج فيه مصنع !

ايهم افضل ؟؟؟

انتظر ردكم لاهنتم


شكراً

[ابوعابد1]

والله اخوي بالنسبة للبولي ثلين الحين تم معي لة 4شهور والله احلى من الحسل انا عندي 75لتر وزنة من دون الموية 12 كيلو وخفيف وبعدين ماتسمع للماء اي صوت ويتحمل تحط فوقة اي شي والحين ابشرك مسوين عرض الحف قبل مايفوت اول الي معي كان سعرة 390 وبعد العرض 200يعني طاح 190 رايل والله كنك تشرب زولالا هههه

[B A R E K]

مصنع الوطني بالقصيم .. وبالتحديد بريدة .. توانكهم بولي ايثيلين .. مضمونة لمدة سنتين عن الطعم والرائحة ..

[ابوصالح77]

مصنع الوطني بالقصيم .. وبالتحديد بريدة .. توانكهم بولي ايثيلين .. مضمونة لمدة سنتين عن الطعم والرائحة ..

هلا بك مصنع الوطني
وانا ماجربت لأني مركب ألمنيوم
لكن نمدح من مدح الناس له
بالتوفيق

[وحيد الدرب]

والله اخوي بالنسبة للبولي ثلين الحين تم معي لة 4شهور والله احلى من الحسل انا عندي 75لتر وزنة من دون الموية 12 كيلو وخفيف وبعدين ماتسمع للماء اي صوت ويتحمل تحط فوقة اي شي والحين ابشرك مسوين عرض الحف قبل مايفوت اول الي معي كان سعرة 390 وبعد العرض 200يعني طاح 190 رايل والله كنك تشرب زولالا هههه

هلا اخوي ابو عابد1
ياليت تقولي وين المكان اللي مسوي عرض لأني ناوي اشتري
ولك جزيل الشكر

[سيف خنذف]

يعطيكم العافيه

ياليت يابوعابد تذكر محل العرض .!

ولاهنتوا اهل القصيم وصف مصنع الوطني ضروري .. لأني بمره ؟

[bu hadi]

http://www.mekshat.com/pix/upload04/images179/mk151618_buhadi0.jpg

هذا 350 لتر من المصنع الوطني

بصراحة معي في الجمس طول ايام البراد

لا رائحة ولا طعم وحجم طيب وقوي

انصحك فية وبشدة لني مجربة شخصيا

[ابوعابد1]

يعطيكم العافيه

ياليت يابوعابد تذكر محل العرض .!

ولاهنتوا اهل القصيم وصف مصنع الوطني ضروري .. لأني بمره ؟
اسف اشد الاسف على التاخر بانسبة للمحل الي مسوي عرض هو نفس المعرض حقهم
الوصف(الراشديات/طريق عمر بن الخطاب/ مقابل عروق الشمال الجديد بتجاة الشمال /وجنوب القصر الي تحت الكبري/قبل ماتاصل الاشارة حقت الكبري وانت متجة للشمال بـ500ميتر تحصلة على يسار

ارجو اني افدتكم

[سيف خنذف]

http://www.mekshat.com/pix/upload04/images179/mk151618_buhadi0.jpg


هذا 350 لتر من المصنع الوطني


بصراحة معي في الجمس طول ايام البراد


لا رائحة ولا طعم وحجم طيب وقوي



انصحك فية وبشدة لني مجربة شخصيا



ماشاء الله مظبوط والله ..

بنشدك / اذا خليت التانكي فاضي .. ماتتوقع انه بيتحرك من محله ... ( خصوص انه خفيف ! )

وهل له طريقة تثبيت معينه بحيث مايتحرك عن محله ابد .. علما ان موتري هايلوكس ؟

وكم قيمته ؟


يعطيك العافيه على المرور وكثر الله من امثالك

[سيف خنذف]

اسف اشد الاسف على التاخر بانسبة للمحل الي مسوي عرض هو نفس المعرض حقهم
الوصف(الراشديات/طريق عمر بن الخطاب/ مقابل عروق الشمال الجديد بتجاة الشمال /وجنوب القصر الي تحت الكبري/قبل ماتاصل الاشارة حقت الكبري وانت متجة للشمال بـ500ميتر تحصلة على يسار

ارجو اني افدتكم


بل العكس لاتأخير ولاشي .. الا سريع مشالله

يعطيك العافيه على الوصف .. وانشالله بمرهم قريب


شكراُ للجميع:l

[fof6666]

نصيحة لا تقرب للبولي اثيلين ولا الفيبر تراهن مع الحر يطلعن طعم وأنا توي جادع اللي معي ( الوطني) ومركب الومنيوم

[عالي الكيف]

بسم الله الرحمن الرحيم
نبدأ من الاسفل للأعلى :
تغيير الطعم ناتج عن المياه المحلاة بالكلور وهذا عن تجربه وجربت اعبي مياه آبار حلوه ولا اروع منها .
بالنسبه لابو هادي كنك مو مثبت الخزان مزبوط ولا غلطان ؟؟؟؟
سيف خندف خزانات البولي ايثلين متوفره عند كثير من المصانع منها الوطني والمختار والزامل فمايحتاج تتعنى للقصيم اسأل في ديرتك وراح تلاقي او على الاقل يطلبونه لك ,,, بس اللي عرضه اخونا ابو هادي كبير على الهايلوكس .

والسلام

[سيف خنذف]

نصيحة لا تقرب للبولي اثيلين ولا الفيبر تراهن مع الحر يطلعن طعم وأنا توي جادع اللي معي ( الوطني) ومركب الومنيوم


بكم ركبت الألمنيوم .. وكم لتر ؟ واين ؟

[سيف خنذف]

بسم الله الرحمن الرحيم
نبدأ من الاسفل للأعلى :
تغيير الطعم ناتج عن المياه المحلاة بالكلور وهذا عن تجربه وجربت اعبي مياه آبار حلوه ولا اروع منها .
بالنسبه لابو هادي كنك مو مثبت الخزان مزبوط ولا غلطان ؟؟؟؟
سيف خندف خزانات البولي ايثلين متوفره عند كثير من المصانع منها الوطني والمختار والزامل فمايحتاج تتعنى للقصيم اسأل في ديرتك وراح تلاقي او على الاقل يطلبونه لك ,,, بس اللي عرضه اخونا ابو هادي كبير على الهايلوكس .

والسلام


يعطيك العافيه على التوضيح والمرور

لاهنت كيف طريقة التثبيت ... انا مصملت على هالتوانك الا عشان التثبيت .. ولا الجراكل مرتاح منها حيل .. لكن عيبها اذا فضت طارن :p

فقلت البولي اثيلين بنجربها ... لكن كيفه مع التثبيت وكيف يثبت ؟


شكراُ مره اخرى

[عالي الكيف]

ياسيف كل خزان وله مرابط وطريقه تثبيت

بس اللي مع اخونا ابو هادي ماله مرابط يعني يبيله تيوب حديد على شكل l
بحيث يخرم بجوانب الصندوق مسمار من كل جهه اما جرم الخزان فهو مثبت بفعل ظغط التيوب عليه

[عالي الكيف]

سيف كم لتر تبي

[عالي الكيف]

قلت لي موترك هايلوكس

[سيف خنذف]

ابي من 120 لتر وفوق لاهنت

[تناهيت]

ابي من 120 لتر وفوق لاهنت


مر على الزامل طريق الملك فهد شمال مقابل المستشفى الألماني البارح عندهم رايح اشري خزان 4000 لتر وحصلت عندهم بولي اثليين 160 لتر تقريبا بــ250 ريال
اعتقد ان سعره منافس

تحياتي

[تيتشر]

ابي ابو 350 لتر

كيف القاه وهل فيه منه بالرياض؟؟

[سيف خنذف]

للرفعععع....]]

[ادليلة]

انحش عن الاثنين خطرات جدا على الصحه عليك بالستيل لك ولزمن الاصلي 304 ولوقيمته غويليه شو لاكن مارايح تحسف ان شاء الله والسلام

[M Fox]

اللي يحذر من الفيبر و البولي اثيلين ...

توانكي البيوت من زمان وهي فيبر .. و من تالي خلوهن بولي اثيلين ولا شفنا منهن ضرر أبداً ..

[sul574]

وما يدريك كثرة الامراض الحين يمكن منهن

[هاوي قنص]

البولي اثلين الموجود للبيوت اللي خابره انه المعالج وفيها انواع لكن في تنافس بين الوادي والزامل والله اعلم بالجوده

[ادليلة]

يا mfox اذا وقع الفاس في الراس معاد يفيد الندم وكل شي بدبرة العزيز الحكيم لاكن انا شاري شاري وشوله ادخل نفسي في شك انا في غنا عنه ازود قيمت التانكي شوي وشتري ستيل اولا باذن الله مضمون من ناحية[]الصحه ثانيا لويضربه شي وانا في رحله ماخفت ان ينشق مثل اطناب الخيمه اوالرواق او اي حاجه في الصندوق كلما خت مطب الله يستر عسى منشق التانكي والفرق بين هذاوهذا يمكن النص تقبل مروري[ وكل عام والجميع بخير]