رد على قصيدة ..

[اكليل الجبل]

السلام عليكم ورحمة الله وبركاتة :

اخواني الكرام كل عام وانتم بخير وعسى الله يتقبل منا ومنكم قولو امين ..


هذا صديقي العزيز فهد ابو سارة ارسل لي كم بيت على الجوال وحبيت اني ارد علية والمشكل اني ماني بشاعر والا والله اني اعشق الشعر بس الله كاتب لي كذا . وحبيت ان احدى الشعراء يرد على القصيدة عسى الله لايهينة وسلمتو ..

على صباح العز يالنادر الذرب
اسرجت فكري وانت راس القصيده

وعذب الحكي مايستحقه سوى العذب
واللي سواتك يالسنافي وليده

مثلك يشرفني على البعد والقرب
دامك صحيبي والعلاقه وطيده

طريت في بالي وانا اخوك ومحب
انت الفريد وتستحق الفريده

ويالله يالمعبود يالواحد الرب
ترزق ابو عزوز بالخير وتزيده

[راعي الفعايل]

ابشر بالرد وهذا هو :
يامرحبا ترحيبة عد ماهب = غربية جابت بشاير سعيده
ترسل لمن هو في المواقف مجرب=صميدع يسقي العدا سم كيده
هذا الفهد لامن حكى ماتهرب= تشكي فعوله في المواقف من ايده
ترسل لابو ساره و تثنى وتنصب=باعلى عماير عاصمتنا الفريده
تستاهل السيف المسمى بالاجرب= ياراعي الطاله كعام العنيده

[اكليل الجبل]

مشكور يارع الفعايل والله لايهينك وصح لسانك يالغالي وعسى الله يقدرني على رد الجميلة

[ابوناصر السهلي]

بارك الله فيكم

[ابوفهيدالسهلي]

الله يسعد الجميع ويعطيكم العافيه على البيوت الجزله