استشارة بخصوص دربيل الخرازة؟

[مسكت]

السلام عليكم
يأخوان عندي خرازة وخاطري اركب دربيل مريت على الهدف والرماية ولقيت اسعارهم غاليه بعدها مريت السنيدي لقيت عنده دربيل صاب استرالي سعره حدود 350 ريال ومدحه العامل بس ابي رايكم به او بغيره بس يكون سعره 300 ــ 500 ريال ويكون زين ومجرب , عااااااااااااجل ................

[Abu Sary]

أنا من رأي على حسب صيدك ..

إذا كنت والله تقنص طيـور حـط إي واحد ومشي حالك ، صحيح بيختلف ، لكن تتعـود عليه وتصير توزنة بسرعه من غيـر ولا طلقـة ..


وعنـدك واحد عند الهدف ، سوفت إظن أسمة بس القديم ممتاز ..

اشتريته قديم ، ببدايته جنني كل شوي يختلف / بس الظاهر بعد ماتوسخ واكل من التربان لين قال بس يبس والله إني اجلس بالاشهر ولله الحمد ماوزن ..

وبالنسبة للإسترالي اللي تقول عليه ..

اشتريته قبـل فتره واخذت القواعد حقتـة لآني أتفقت مع واحد قالي انا ابي الدربيل وقلت انا ابي القواعد وقالي المبلغ النص بالنص ، وبيني وبينك طلع ( ماعنده سالفه ههههه )

وشوفة عندي بكرتونة طبعاً القواعد أخذتها ..

وإن كان لك نظر فيه أبشر بسعدك ،




وبالتوفيق للجميع /
















( اللهم حسن الخاتمة )

[مسكت]

مشكوور على المعلومة
وتســــــــــلم

[مسكت]

ننتظر آرائكم يأخوان ...

[ذيب الحرار]

الله يعطيك العافيه

[سعود محمد]

عندك هاكو ياباني لاتعداه ممتاز وصافي و220 من عند الهران بسوق الزل في الرياض

[emad_280]

السلام عليكم ورحمة الله وبركاته

اناا كنت عند صاب الي بالروضه قبل 3 ايام وقالي عنده دربيل 370 بس والله ماسألته انه يركب على الخرازه ولا السكتون مدري اانا مفهم بالأمور هذي يمكن يركب على الاثنين
المهم الدربيل ماعليه كلام يقرب ويبعد وازن تصفيه

وياليت تعلمني وين تنباع الخرازات لاني ناويها هاليومين مع العلم ان الديره مع عيد الضحيه القمري بوفره ;)

[مسكت]

تسلمون اخواني على المعلومات القيمة
وبالنسبة لأخوي : emad_280
تجد الخرازت بسوق القديم في بريدة هذا بالنسبه لأهل القصيم اماغيرها من المناطق ولا اعلم وشكرا.

[بدرالدجى1]

الدربيل للهوائيات والخرازات الي عند صاب مناسب اذا ابعاده 3على 9 على 40 او اكثرحسب احتياجك وصيدك للمقاس

واذا تختار اشتر دربيل طويل ازين
والقواعد الي تجي مع الدرابيل يفضل تركها واخذ قواعد من 4=2خوابير لكل محبس افضل

و الدرابيل النوعيات ذي من صاب ولا الرمايه اغلبها تجميع الصين للعلم لاكن مناسبه وتقضي اللزوم

ان شاءالله اني افدتك

تقبل مروري

[امير الجنوووب]

بصراحه كان عندي صاب ماشاء الله عليه تقص به الخيط
وجاني واحد عزيز وغالي وطلبه وعطيته والأن عندي واحد قديم الظاهر انه ياباني
بدون مسافات الزوم بس حاط غراء على قواعده والحمدلله اوقات تعدي سنه وانا ماوزنته
وعلمآ اغلب صيدي في جبال اما الجديده اللي بها مسافات زوم بصراحه ماجربتها

[دنيا بلا معنى]

الدربيل على صناعته خذي ياباني او انقليزي او الماني اصلي اهم شي الصناعه مو مكتوبه بقلم لازم تكون منحوته على الحديد نفسه والباقي مافي احد يختلف عليه بالنسبه لزووم والوضوح طبعا