المساعد الشخصي الرقمي

مشاهدة النسخة كاملة : ورشة تفكني من مشاكل الحراره مع اللومينا تكفون


majed0707
02/09/2010, 07:58 AM
اسعد الله صباحكم بكل خير

يالربع عندي لومينا ال اس 2006 واعاني مع حرارتها لي اكثر من نص سنه

وابي حل تكفون او ورشه معروفه باالرياض تحل موضوع تكفون تكفون

غيرت غطى رديتر وصيخت الرديتر وغيرت غطى القربه

لين اخر شي قبل اسبوع وانا ماشي بالسياره طلع لي صوت عند القربه بالظبط وتركته

لين امس ارتفعت علي لـ h وسمعت صوت طقطقه وطفيت الموتر وموقفه للحين ابي ورشه كفو تكفون يالاجاويد
You Like Me
02/09/2010, 09:16 AM
اهلا بك اخي ماجد
ولازالت مشاكل الحراره بالكابرس واللومينا
ولا ندري متى بيشوفون لها حل
عزيزي
انا كان عندي كابرس مديل 2003 وغيرت بمديل 2005
وكلها نفس المشكلة الحرارة الاول جنني ماتركت مكان ولا قطعه الا غيرتها
وبالأخير بعته بخرابه والثاني جلس معاي سنه ياسلاام سلم
وجاء نفس الشي ورجعت ادور على هالورشات وماتركت مكان وكل شي غيرته
من غطاء ومن رديتر وخراطيش .... مالك بالطويلة
اذا انت بالرياض
عندك في صناعيه الشفاء ورشة النافع
رحت له رجل سعودي فنان ما شاء الله عليه
سوالي برمجة مراوح وانتهت السالفه
وانا ماخليت شي ما سويته وغيرته بالأخير السالفه كلها برمجة
هذا الكلام من سنتين والله ماتذكر كم المبلغ
وان شاء الله بيحل مشكلتك
عموماً هو تخصصه امريكي وبرمجة اغلب شغله
وبالتوفيق ان شاء الله
majed0707
02/09/2010, 09:38 AM
اهلين وسهلين بيض الله وجهك

بالنسبه للحراره الله يعننا على هالامريكي

لكن لو تكرمت ممكن وصف دقيق لهالورشه لأني جديد بالرياض
majed0707
02/09/2010, 03:37 PM
للرفع..............
You Like Me
02/09/2010, 08:09 PM
هلا فيك اكثر
مادري اخوي انت تعرف صناعيه حي الشفا او لا ؟
عموماً انت دخلت الشفا طبعاً بما ان الشوارع مقفله وكلها حفريات
إجباري تمشي بالخدمه طريق ديراب . بعدين اول مديور ارجع معه لين تجيك بندة على اليمين
ادخل يمين هذا طريق المدارس اطلع سيده لحد نهايه الشارع حرف t قبل نهايه الشارع
جامع الاميرة هياء واضح تدخل مع نهايه الشارع يمين تمشي لحد ما تجيك إشارة اطلع يسار
بعدين سيده لحد ما تجيك إشاره الصناعيه إبتسم انت الآن في صناعيه الشفاء ههههه
قصدي وانت واقف عند الإشاره تشوف يسار فيه محطة والله مدري وش اسمها
وعلى اليمين ورشة النشوان واضحه لوحتها تطلع سيده خامس دخله على يدك اليمين
او سادس دخله تلاقي بزاويتها غرفة كيبل كهرباء تدخل يمين ثالث او رابع ورشة
اسمها ورشة النافع ترا شارعهم مظلم بس لوحتهم واضحة
عموماً لو ضعت مع ان الوصف سهل لو ضعت اسأل اي ورشة عن ورشة النافع
هي الورشة الوحيده اللي عندهم برمجة سيارات وكل ورشات الشفا يشتغلون عنده
وإن شاء الله انك بتدعي لي