المساعد الشخصي الرقمي

مشاهدة النسخة كاملة : كلٍ على اللي ينوجد فيه ينسب (جديد ),,,,,,,,,,,,,,,,,,,,,,حله ابو رافع ,,,,, الحل خزان


ابو ماجد 2
02/09/2010, 04:36 PM
بسم الله الرحمن الرحيم

السلام عليكم ورحمة الله وبركاته


ابسأل اللي للحجا دوم نحار=فذٍ يذلل بالحجا ماتصعّب

رجلٍ يدش ابحار وبحار وبحار=بحر المعاني غالي الدر نقّب
اثنين تساموا ياهل العرف والكار= كلٍ على اللي ينوجد فيه ينسب
ان راح ثاني حرف ياصاحبي خار=ون راح راسه ياصحيبي تطبب
خار00 توقف دوره


تطبب 00 اي تشافى



ابو ماجد 0 مكشات 023 رمضان 1431هـ
فهد الهلالي
02/09/2010, 05:07 PM
صح السانك يابو ماجد
الله يمسيك بالخير
رمعه
من اخوك الصغير
ينبع البحر وينبع النخل
تحياتي
أبو رافع الظاعن
02/09/2010, 05:11 PM
صح لسانك أيها الزعيم عساك على القوة.

رميعة على قد حالها ...

خـــــــــــــزان .

خـــــان.

زان .
برق القصيم
02/09/2010, 05:31 PM
صح لسانك زعيمنا

ورمعة قبل الفطور على ماقال ابو رافع لك عليه

خطاب,,,,وينسب لمحتواه مثل خطاب شكر
بدون الثاني خاب وبلا راس طاب
ان صابت والا لنا لقاء ان شاء الله عقب مانتقهوى ونقعد الراس :)
ابو ماجد 2
02/09/2010, 06:09 PM
صح لسانك أيها الزعيم عساك على القوة.




رميعة على قد حالها ...


خـــــــــــــزان .


خـــــان.



زان .


ابسأل اللي للحجــــا دوم نحار000فذٍ يذلل بالحـــــــجا ماتصعّب
رجلٍ يدش ابحار وبحار وبحار000بحر المعاني غالي الدر نقّب

عز الله انت سالت نحار الحجا
واتى رده مصداقا لوصفي له
زادك الله من فضله
وصح لسانك ملايين
نعم
الخزان العلوي والخزان الارضي
وما قصرت بالشرح
ابو ماجد 2
02/09/2010, 06:13 PM
صح لسانك زعيمنا



ورمعة قبل الفطور على ماقال ابو رافع لك عليه


خطاب,,,,وينسب لمحتواه مثل خطاب شكر
بدون الثاني خاب وبلا راس طاب

ان صابت والا لنا لقاء ان شاء الله عقب مانتقهوى ونقعد الراس :)


هلا بك يابو عبدالرحمن
حتى لولم يصب مرماعك يالغالي الا ان تفكيرك ماشاء الله وضحايا المنتدى من الالغاز تشهد
رمعتك حلوه بس اذا فكرنا بالخطاب من هذه الزاويه يظهر لنا اكثر من اثنين متسامين
والخزان ايضا تختلف حتى مادة التصنيع فهذا من الاسمنت والآخر فيبر او حديد اوغيره والاسمنت للعلوي قليل
ابو ماجد 2
02/09/2010, 06:17 PM
صح السانك يابو ماجد

الله يمسيك بالخير
رمعه
من اخوك الصغير
ينبع البحر وينبع النخل

تحياتي



اهلا بشيخنا
مرورك الله ياجرك هالحزة يكفي
انا عارف اللي بسنك ياكود يتحمل الصيام وكثر خيرك اللي تقدر ترمع
مالك لوى
والحل عند الفتى ابا رافع