ياربعي اللي بالمواقف لهم صيت..ياهل المراجل والوفاء والشهامه..تعالو هنا

[شاعر معروف]

السلام عليكم ورحمة الله وبركاته


كل عام وانتم بخير والله لا يحرم مسلم من اخوه المسلم بشهر الخير والبركه

انا يا اخواني عندي جهاز نوفي 1410 وابغى اضيف فيه خريطه تركيا المشكله ماعندي خريطة تركيا ولا اعرف كيف اضيفها بالمعربي (لا افقه شيً بالجهاز) ومالي غير الله ثم انتم يالذيابه وانا الان بهذا الموضوع كتبته وابي انتظر لين يجيني رد منكم والفزعه لاخوكم حايس بتركيا وأسأل الله لكم الاجر والمثوبه

اخوكم خالد

[أبوعُمر]

و عليكم السلام و رحمة الله و بركاته
حياك الله
وين موقعك أخوي ؟

[شاعر معروف]

الان بتركيا اسطنبول

[أبوعُمر]

أوووه تحتاج إلى تدخل سريع :)
http://rapidshare.com/files/390937037/0025gm.rar
هذي الخريطة ، حاول تحميلها ، إذا انتهيت ، عليك بالآتي :
1-شئ مجلد جديد اسم ( map )
2-انسخ الخريطة بداخله
- اشبك الجهاز بالحاسب ، في جهازمبيوتر ستجد قرص جديد اسمه ( garmin )
اضغط باليمن ثم فتح
4- تجلد مجلد أصفر اسمه ( garmin )
الصق الخريطة فيه

بالتوفيق

( الرد سريع ، لأنه الصلاة ستبدأ ، و لا ودي أخليك :) )

[شاعر معروف]

الله يسعد ياشيخ واحلى تدخل سريع هههههههههه ربي يكتب لك الاجر ياشيخ

[شاعر معروف]

طيب عندي خرائط قديمه بالجهاز احذفها ولا كيف

[شاعر معروف]

وينكم يالذيابه ابو عمر راح يصلي اعتقد

[شاعر معروف]

وينكم يالربع الجهاز يقولو لي لاتوجد اشاره وش السبب هل الخريطه خطاء ولا ايش ونزل الخريطه نفس كلام اخوي ابوعمر ومالقيته بالحهاز وش الحل

[شاعر معروف]

ماعرفت لها مالقيت الخريطه بالجهاز بعد مانزلتها وش الحل ياجماعة الخير

[شاعر معروف]

ياجماعة الخير مافيه احد يفزع

نزلت الخريطه بس يقولي مافيه اتصال بالقمر الصناعي ومؤشر الابراج فاضي وش الحل ياهل الخبر

[شاعر معروف]

افا مافيه احد يفيدنا

[برق الشتاء]

ابشر بسعد يالذيب الامعط

روعتنا ببيت الشعر قلت يمكن فيه شيء كايد .

اسمع يالذيب جهاز 1410 لا اعلم هل له ذاكرة خارجية والا لا .
اولا إذا كان جهازك له ذاكرة خارجية :
إذا كان له ذاكرة خارجية لا تغير شيء بالخريطة الأساسية
اشبك الجهاز بالكمبيوتر وادخل على جهاز الكمبيوتر
http://www.mekshat.com/pix/upload04/images179/mk137237_1.jpg

ادخل على رقم 2 وفي داخل انشيء مجلد سمه Garmin وضع الخريطة الله اللي حملتها من رد اخونا ابو عمر داخل هذا المجلد واجعل تسميتها gmapsupp.img

وانتهى
عيد تشغيل الجهاز وان شاء الله تلقى الخارطة الأساسية شغالة وخارطة تركيا شغالة


ثانيا : إذا جهازك 1410 ماله ذاكرة خارجية :
إذا جهازك ماله ذاكرة خارجية اشبك جهازك بالكمبيوتر وادخل على المجلد اللي اسمه Garmin مثل ما هو واضح بالصورة اللي رقم 1 وبعد ما تدخل على مجلد قارمن تلقى خارطة اسمها gmapsupp.img هذي هي الخارطة الأساسية قصها واحتفظ فيها على جهاز الكمبيوتر يمكن تحتاجها لاحقا وضع مكانها خارطة تركيا اللي حملتها من رد ابو عمر ولابد ان تكون تسميتها gmapsupp.img

:D
منهو نخانا ماله الاّ نعيمه= له السعد واعداه تجني قهرها
:D

اتمنى لك التوفيق

[شاعر معروف]

هلا هلا
تكفى ياذيبان خلك هنا لاتروح والجهاز ذاكره داخليه ويقولي لاتوجد اشاره

[برق الشتاء]

اسمع انت اكيد علشانك حذفت الخريطة شغل نظامي محاكي

اتبع الآتي
ادوات
اعدادات
نظام
تلقى خيار اسمه محاكي اضبطة على وضع غير مشغل وترجع الأبراج ان شاء الله

انا معك

[شاعر معروف]

الله يسعدك دنيا واخره الحين يابرق اشوف خلك معي لاتروح عشان اجيب لك هديه من تركيا هههههههههههه

[شاعر معروف]

برق برق موجود من اول على وضع غير مشغل

[برق الشتاء]

دام جهازك ذاكرة داخليه ضع الخريطة اللي اسمها gmapsupp.img داخل مجلد Garmin مباشرة لاتنشيء لها مجلدات ولا شيء

انا معك

[شاعر معروف]

طيب دقيقه الحين اسويها ادخلها على ملف Garmin على طول بدون انشي ملف

[شاعر معروف]

حذفت الملف اللي انشئته اول ونزلت الخريطه لحاله واسمها gmapsupp.img وبرضه نفس الشي مافيه الا برج واحد احمر ويقولي صعوبه ايجاد اتصال بالاقمار وش الحل يابرق

[شاعر معروف]

يابرق يابرق الشتاء لو تكرمت...لاتترك الشاعر قبل تنهي الوضع

[برق الشتاء]

إذا الخريطة شغالة اطلب الاتجاه لأي موقع واخرج خارج المنزل لأن السقف الخرساني يحجب الاشارة .

وإذا نجحت العملية ابرسل لك هدية من السعودية لتركيا لأن في رمضان الهدايا بالسعودية اثمن :)

[أبوعُمر]

لقد عدنا :) بس عجلين قربت صلاة الفجر :)

الخريطة ما لها علاقة بالأقمار تأكد من موقعك إنه مكشوف ، و أن محاكي جي بي أس غير مشغل

[برق الشتاء]

ياراعي تركيا

انا منتظر

الساعة 4 بالمدينة المنورة وباقي عن الآذان 40 دقيقة بتسحر وارجعلك ان شاء الله

استلم يابو عمر لين ارجع :)

[أبوعُمر]

الطريقة التي زودتك بها لا تحذف أي خريطة من الجهاز ، و استخدمتها بكثرة ، و هذا النوع من الأجهزة لا يقبل الخريطة داخل الجهاز إلا في مجلد باسم ( map ) هذه طريقة

الثانية :

هي التي زودك بها أخونا برق الشتاء ، و مكوناتها :) :
ذاكرة خارجية
مجلد جديد باسم ( map )
خريطة تركيا

فقط لا غير

[شاعر معروف]

ههه الله يسعدك انت وهدااياك يابرق


اقولك اذا نزلت الخريطه على ملفGarmin وشغلت الجهاز مالقيتها واذا نزلتها على ملف اسمه amp لقيتها لاكن الاشاره مافيه وانا حطيت الصح بالجهاز بس على خريطه تركيا والباقي ماحطيت عليها صح واذا فتحت الخريطه القى علامة استفهام على السياره والقاني بالسعوديه

[شاعر معروف]

هلا وغلا باللي عاااد ابوعمر طيب يالغالي سويتها وش سالفت الاشاره وحطيت الخريطه بملف map وجات الخريطه بس الاشاره لااا

[أبوعُمر]

الوضع تمام لا تجي الجهاز بس اطلع لمكان مكشوف ، اطلع عن الشقة ،

[أبوعُمر]

أنا أبصلي إن شاء الله و أرجع
و إذا استدعى الأمر أرسل لي رقمك أتصلك بعد صلاة الفجر ، و مالك إلا اللي يسرك .

[شاعر معروف]

ربي يسعدك يابوعمر طيب انا انتظرك هنا ولو فيه طريقه اسوي سوفت وير

[sameer_1798]

ترجع بالسلامة ياخوي ومايبغالك الان إلا تطلع في مكان مكشوف وانتظر دقائق يفضل ان تكون ثابت في مكانك حتى يستقبل جهازك الاقمار يمكن تطول شوي إذا هذه اول تشغيله لك في تركيا

[شاعر معروف]

هلا اخوي سمير طيب الحين بجرب واخليه برا واشوف بس احط علامه صح على كل الخرايط ولا بس على خريطة تركيا؟

[sameer_1798]

هلا اخوي سمير طيب الحين بجرب واخليه برا واشوف بس احط علامه صح على كل الخرايط ولا بس على خريطة تركيا؟
على تركيا فقط

[شاعر معروف]

طيب الان اسويها الله لايهينيك ياسمير

[برق الشتاء]

اوافق الأح عمر بأن الخريطة ليس لها علاقة باستقبال الاشارة من القمر

اؤكد ماذكرته سابقا وما ذكره اخوي وجاري بالمدينة سمير بضرورة ان يكون الجهاز في منطقة مكشوفة وليست تحت سقف خرساني

واتمنى التوفيق لأخوي شاعر

[شاعر معروف]

طيب انا الان فاك الشباك حق الغرفه ومطلع الجهاز برا ونفس الشي

[شاعر معروف]

يمكن يبغاله سوفت وير جديد او تحديث تراني ما افهم فيه شي لاكن وش رايك لو سويت له تحديث يمكن يضبط

[الواهج]

العلم يالشاعر وش صار معك الذيابة ماقصروا

[شاعر معروف]

والله ماقصرو واني اتعبتهم معي يالواهج بس نفس المشكله برجين بس لونها احمر ويقولي صعوبه في ايجاد الاقمار مادري وش السبب علما ان الجهاز مافيه اي مشكله مع بالسعوديه وشاريه من دار موجه من اربع ثلاث شهرين ونص تقريبا ومادري وش الحل هل اسوي له سوفت وير تحديث جديد ولا وشو

[sameer_1798]

لاتستعجل على تحديث السوفت وير وخليه آخر الحلول
ياخوي ترى بعض الاماكن ماينفع تطليع الجهاز مع النافذه يمكن تكون في مباني عاليه حولك تمنع الاشاره
حاول تكون في الشارع او السطح ومافيه مباني او جبال عاليه حولك .

[الواهج]

الخطوات كالتالي ليلقط اقمار اسرع
الي اين - المفضلة (اختار ماتشاء من الي موجود عندك ) اذهب وانتظر
لازم تكون في مساحه مفتوحه

[شاعر معروف]

اخاف يكون الجهاز خربان

[sameer_1798]

لتسريع استقبال الاقمار اتبع هذه الخطوات :
تشغيل محاكي GPS
والطريقه كالتالي من القائمه الرئيسيه اختر على أدوات ثم اعدادات ثم نظام ثم محاكي gps واختر على تشغيل المحاكي بوضع علامه على كلمه قيد التشغيل

اعرض الخريطة وتحرك إلى دولة تركيا ثم اشر على المدينة التي أنت فيها
إجعل المؤشر على مدينتك ثم اضغط على هذا الزر
http://www10.0zz0.com/2010/02/20/14/819741201.jpg

بعد ذلك سوف تجد السيارة في مدينتك
الآن أطفي محاكي GPS وان شاء الله تظهر الاقمار عندك بشرط الخروج في مكان مكشوف

[شاعر معروف]

جالس اجربها ياسمير الله لايهينك دقايق

[أبوعُمر]

لا تحرك ساكن في الجهاز لا سوفت وير و لا غيره

100% بإذن الله جهاز سليم لكن يحتاج إلى مكان مكشوف مرة

طبق و أنا أخوك ما قال أخوي سمير ، لكن لازم تطلع لمكان مرة مكشوف ، أنت أكيد في فندق و العماير كبيرة عن يمين و عن يسار تسوي لك تغطية

[أبو هزاع911]

الله يسعدك دنيا واخرة

ويردك لاهلك بالسلامة

[برق الشتاء]

افااااا
ما اشتغل لين الحين

لا تستعجل في تحديث السوفتوير ... اتوقع ان الجهاز مابه خلاف ولكن يبي منطقة مكشوفه حتى يتلقى الإشارة .

وهناك سؤال قبل تركيب الخريطة وانت في تركيا هل اشتغل ولو لمرة واحدة او لم تجرب تشغيلة ؟

ليس لدي اكثر مما ذكرت وما ذكر الزملاء الا نقطة واحدة

إذا لم يستقبل الإشارة أجّل موضوع السوفتوير حتى تجرب التالي دع الجهاز في حالة التشغيل حتى تنفذ الكهرباء من البطارية ويطفي الجهاز وحتى بعد انطفاء الجهاز دعه نصف ساعه واعد شحنه وتشغيله .

هذه المحاولة لاحتمال ان الجهاز مهنق وهذه الطريقة لحل هذه المشكلة .

اتمنى لك التوفيق ومتابع الموضوع حتى تتوصل لحل .

وترجل لبلدك بالسلامة ان شاء الله .

[شاعر معروف]

طيب يابوعمر ماني مغير ولا شي بالجهاز واخوي سمير سويتها وماصار شي بس فعلا المكان اللي انا فيه به عماير لاكن بنزل واشوف بمكان مكشوووف وابو هزاع ربي يسعدك انت بعد دنيا واخره ويسعدك انشاءالله

والله يسعدكم كلكم انتم ووقفتكم ابوعمر وسمير والواهج وبرق الشتاء الله لايهينكم على وقفتكم

[شاعر معروف]

افااااا
ما اشتغل لين الحين

لا تستعجل في تحديث السوفتوير ... اتوقع ان الجهاز مابه خلاف ولكن يبي منطقة مكشوفه حتى يتلقى الإشارة .

وهناك سؤال قبل تركيب الخريطة وانت في تركيا هل اشتغل ولو لمرة واحدة او لم تجرب تشغيلة ؟

ليس لدي اكثر مما ذكرت وما ذكر الزملاء الا نقطة واحدة

إذا لم يستقبل الإشارة أجّل موضوع السوفتوير حتى تجرب التالي دع الجهاز في حالة التشغيل حتى تنفذ الكهرباء من البطارية ويطفي الجهاز وحتى بعد انطفاء الجهاز دعه نصف ساعه واعد شحنه وتشغيله .

هذه المحاولة لاحتمال ان الجهاز مهنق وهذه الطريقة لحل هذه المشكلة .

اتمنى لك التوفيق ومتابع الموضوع حتى تتوصل لحل .

وترجل لبلدك بالسلامة ان شاء الله .


هلا برق اعتقد والله العالم انه مهنق مثل ماقلت وانا من اول ماشغلت بتركيا وهذي المشكله فيه لاكن بالسعوديه اضفت له خريطة تركيا 2009 وماجات شبكه ومادري يشتغل عليها ولا لا وهنا اخط منك الخريطه الثاني واضفتها ونفس الشي بدون ما احذف القديمه

[العتيبي111]

الله يعينك يا الشاعر وماقصروا الاخوان بيض الله وجيهم و عسى الجهاز يشتغل ان شاءالله

[شاعر معروف]

هلا وحياك يالعتيبي والله يسعدك انشاءالله واالله الاخوان ماقصرو بس لسه مانزلت فيه انزل فيه انشاءالله اليوم وارد عليكم

[برق الشتاء]

انا استأذنكم ابي انام
اليوم جمعة

وان مكنت الصلاة بالحرم ابهديك دعوة من القلب :) عسى جهازك يشتغل ان شاء الله


موفق خير يا الشاعر

ولا هانوا الاخوان كلهم

[هـــ؟؟؟ـــدد]

بشر اخوي شاعر
قلوبنا معك زي ماقلو الاخوان لابد من مكان مكشوف
والله يردك سالم

[شاعر معروف]

هلا وغلا بالجميع والله انكم وافيين وماتقصرون الجهاز ما اعرف له يالربع بالعربي واعتقد اني منزل الخريطه بالخطاء وفيه من اول خرائط هو ومادري وش الحل افزعولي لاعدمتكم انا بمنطقه ريفيه عن اسطنبول 300 كيلو وبلشان والعالم الله

[برق الشتاء]

اقول يا خوي شاعر
ابي اشور عليك مشورة ان شاء الله انها زينه لك

طالما انك في تركيا وفي قرية ريفية حاول ان تستمتع بوقتك فيما يرضي الله
وطالما ان جهازك كل شيء فيه صحيح وما هو راضي يتصل بالقمر شوف لك اقرب صخرة واصمخه بالصخرة :D علشان يكون عبرة للأجهزة الأخر التي ماتخرب الا في هذا الظرف ولا يشغلك عن الاستمتاع بوقت . ولاعاد تشتري مويل 1410 وإذا بغيت الجهاز الزين اللي عمره ماخذلني ولا تخلى عني لافي مدن ولا في بر فهو ذيبان :good: نوفي 780 :good2: تراه لحية غانمة ورجال دليلة مايضيع ابد ابد .

ادعوا الله لك بالتوفيق والعودة إلى أهلك وبلدك سالما غانما . ومن العايدين قبل الزحمة .

وكل عام وجميع المكشاتيين بخير وعافيه .




برق الشتاء

[شاعر معروف]

اقول يا خوي شاعر
ابي اشور عليك مشورة ان شاء الله انها زينه لك

طالما انك في تركيا وفي قرية ريفية حاول ان تستمتع بوقتك فيما يرضي الله
وطالما ان جهازك كل شيء فيه صحيح وما هو راضي يتصل بالقمر شوف لك اقرب صخرة واصمخه بالصخرة :d علشان يكون عبرة للأجهزة الأخر التي ماتخرب الا في هذا الظرف ولا يشغلك عن الاستمتاع بوقت . ولاعاد تشتري مويل 1410 وإذا بغيت الجهاز الزين اللي عمره ماخذلني ولا تخلى عني لافي مدن ولا في بر فهو ذيبان :good: نوفي 780 :good2: تراه لحية غانمة ورجال دليلة مايضيع ابد ابد .

ادعوا الله لك بالتوفيق والعودة إلى أهلك وبلدك سالما غانما . ومن العايدين قبل الزحمة .

وكل عام وجميع المكشاتيين بخير وعافيه .




برق الشتاء






هههههههههههههههههههه هذي اخرتها يابرق الشتاء هههههههههههههه تنكرت علي

والله ان الاهل بعد يقولي لي كبك من هالجهاز وانبسط المشكله اني لاضيعت تعال شفني وانا اسئل ديره لايعرفون لا عربي ولا انجلش تحس اني خبل وسطهم قلت اسوي هالماخوذ هذا واالله اني شريته يابرق ولا افهم فيه شي وان الناس مدحوه لي وشاشته كبيره وخذيته لاكن ماني عارف وش العمل معه

[برق الشتاء]

:d:d:d:d:d:d

أضحك الله سنك ياشاعرنا والله ما تنكرت لك لكن تنكرت للجهاز اللي ضيع عليك وقتك وبيخرب عليك سفرتك . سو اللي قلتلك عليه والشقا على الصخرة :d

والله صحيح القارمن ضروري بالديرة اللي ما تبخصها زين وخوي خوي بمعنى الكلمة انا جربته بالصحاري اللي ما يدلون فيها اهلها ولا خذلني . لكن دامنه خرب معك بيعه بكلب سرق اهله وجوز منه احسن لك .

ولو تشتري واحد من تركيا تراه راي طيب ويمكن لا شريت واحد جديد يشتغل الاول :d




اتمنى لك التوفيق ورحلة موفقة
ولا تزعل مني تراها مزوح


موفق خير


برق الشتاء

[فيوتشي]

أنا أبصلي إن شاء الله و أرجع
و إذا استدعى الأمر أرسل لي رقمك أتصلك بعد صلاة الفجر ، و مالك إلا اللي يسرك .


اوافق الأح عمر بأن الخريطة ليس لها علاقة باستقبال الاشارة من القمر

اؤكد ماذكرته سابقا وما ذكره اخوي وجاري بالمدينة سمير بضرورة ان يكون الجهاز في منطقة مكشوفة وليست تحت سقف خرساني

واتمنى التوفيق لأخوي شاعر





لتسريع استقبال الاقمار اتبع هذه الخطوات :
تشغيل محاكي gps
والطريقه كالتالي من القائمه الرئيسيه اختر على أدوات ثم اعدادات ثم نظام ثم محاكي gps واختر على تشغيل المحاكي بوضع علامه على كلمه قيد التشغيل

اعرض الخريطة وتحرك إلى دولة تركيا ثم اشر على المدينة التي أنت فيها
إجعل المؤشر على مدينتك ثم اضغط على هذا الزر
http://www10.0zz0.com/2010/02/20/14/819741201.jpg

بعد ذلك سوف تجد السيارة في مدينتك
الآن أطفي محاكي gps وان شاء الله تظهر الاقمار عندك بشرط الخروج في مكان مكشوف




ماشاء الله تبارك الله على هالأعضاء

أسأل الله العظيم رب العرش الكريم أن يجزيكم خير الجزاء

وألا يريكم مكروهاً إنه على كل شيء قدير


اعذروني على المداخلة وأنت يا صاحب الموضوع أطلب السموحة

منك على التدخل


تقبلوا تحياتي

[برق الشتاء]

ماشاء الله تبارك الله على هالأعضاء



أسأل الله العظيم رب العرش الكريم أن يجزيكم خير الجزاء


وألا يريكم مكروهاً إنه على كل شيء قدير



اعذروني على المداخلة وأنت يا صاحب الموضوع أطلب السموحة


منك على التدخل



تقبلوا تحياتي



أخوي فيوتشي

جزاك الله خير على دعواتك وكلماتك المشجعة التي تدل على طيب معدنك وتشجيعك لفعل الخير

المسلم للمسلم كالبنيان يشد بعضه بعضا

جزاك الله خير وكثر الله من امثالك

[العتيبي111]

وش سويت ياالشاعر , عساك اخذت بنصيحة اخونا برق الشتا ودورت اقرب حصاة , سفرة سعيدة ان شاءالله

[_ذيب ثهلان_]

وش سويت ياالشاعر , عساك اخذت بنصيحة اخونا برق الشتا ودورت اقرب حصاة , سفرة سعيدة ان شاءالله
هههههههههههههههههههههههههه