المساعد الشخصي الرقمي

مشاهدة النسخة كاملة : من يريد دعوه بالعشر الاواخر يساعدني بتركيب كراسي المكينه


اللورد 2009
03/09/2010, 02:42 AM
السلام عليكم ورحمة الله وبركاته
كل عام وانتم بخير
وعيدكم مبارك قبل الزحمه
موضوعي وزي ما تشوفون بالعنوان
بغيت طريقة تركيب كراسي مكينة جيب gxr صالون 2002واذا مرفق صور زين على زين
الدعاء يشمل المشارك بالموضوع والقارء
محبكم اللورد.,,
جارح1
03/09/2010, 02:44 AM
والله اني طمعان بالدعوة

لكن طريقة تركيب الكرسي شرحها غير مريح ولا راح تستفيد منه شي،

لكن انصحك تروح لأقرب خدمات سريعة وبيركبونة لك بـ 50 ريال

وفقك الله
اللورد 2009
03/09/2010, 04:02 AM
اسئل الله العظيم بهليله الكريمه وبالايام العشر الافاظل
ان يجمعنا واياك مع الحبيب المصطفى ..امين
والله يا اخي العزيز جارح1 اني مضبطها قبل يومين عند
المكنيكي 50ريال
لاكن يوم جيته لقيته منتهي من الشغل وحبيت اعرف طريقة التركيب
فقط (حب استطلاع ) اشكرك على سرع تجاوبك . اخوك اللورد.,,
ابو باااسل
03/09/2010, 04:20 AM
انا كنت مره حاظر عند تغير كراسي المكينه كابرس 2002 الى شفته اولا يقوم بارخاء الحزام الي يربط بين المكينه والقير اذا كان الكرسي الي بيغيره خلفي يعني الي قريب من القير حق المكينه ويرفع المكينه بعفريته من تحت الكرتير الى ان يسمح المجال باخراج الكرسي القديم طبعا بعد ارخاء صاموله الكرسي اما الكراسي الاماميه يقوم برفع المكينه زي ماذكرت بعد ارخاء الصواميل او فكها ويخرج القديم ويضع الجديد وينزل المكينه ويشد الصواميل .....هذا والله اعلم

لاتنسانا من الدعاء
اللورد 2009
03/09/2010, 06:11 AM
يا الله ياالله يالله
يا مثبت الالباب ويا منزل الكتاب ويا جامع في جناتك الاحباب
تغفر لعبدك ابو باااسل يوم الحساب
(اللــــــــــــــــــــــــــــــــــــــــــــــ ــــــــــورد)
ابو باااسل
03/09/2010, 02:27 PM
الله يسمع منك ويغفر لجميع المسلمين
محرين باالخير
03/09/2010, 02:42 PM
حياك الله اخوي حسب ما شفت بعض الورش اثناء تغير الكراسي حق 6 سرندل يرخون البراغي حق الكرسي ثم يقرص عليه بليور لرفع المكينه ويكمل فك البراغي ويطلع القديم ويركب الجديد بنفس الطريقه

لاكن الطريقه الي نستخدمها عادتن بالأستراحه لا صرنا مروقين نجيب عفريتة السياره ونحط بينه وبين كرتير المكينه قطعة خشبه ونرخي براغي كراسي المكينه من الجهتين ثم نرفع المكينه باالعفريته حتي تتحرر الكراسي ثم نكمل فك البراغي ونخرج الكراسي القديمه واحدواحد ونركب الجديده بوقت قصير ونفس الطريقه مع كراسي القير هي ماهي صعبه ومعقده بس الكسل خلي العماله تتعلم بمواترنا الله يوفق الجميع
اللورد 2009
04/09/2010, 04:48 AM
الاخ العزيز محرين باالخير
عطرة ونورة موضوعي بمشاركتك المهمه جداً
والله انك صادق ان الكسل فينا فتح باب رزق العماله
ولو نشغل مخنا شوي صدقني راح نعرف نضبط الكثير من الاعطال
واتذكر مرة كنت جالس عند العامل وهو يركب القماشات الاماميات ومن بعدها وانا اركب قماشات الجيب بنفسي. ما اقول الا الله يديم علينا النعه

يا الله ياالله يالله
يا مثبت الالباب ويا منزل الكتاب ويا جامع في جناتك الاحباب
تغفر لعبدك (محرين باالخير) يوم الحساب
(اللــــــــــــــــــــــــــــــــــــــــــــــ ــــــــــورد)