سوق السمك بالقطيف

[المريكبات]

السلام عليكم ورحمة الله وبركاته


احبتي الكرام عندي بعض الاستفسارات عن سوق السمك بالقطيف اولا وين يقع بالظبط؟

ومتى افضل وقت عشان اشتري منه ربيان وسمك ؟

لاني بمشي للديره تبعد تقريبا 700 كيلو وابي اعرف كيف الطريقه عشان مايخرب السمك والروبيان

وودي اعرف كم تسوى الثلاجة ؟ روبيان وسمك هامور وكنعد وصافي

وماهو المن ؟ كم فيه من كيلو؟ وكم يسوى الروبيان بالمن ؟



وجزيتم خيرا؟
الحين سوق القطيف هو افضل من سوق الدمام وصفوى؟

[لحظةوداع]

كان بودي أفيدك لاكن اعذرني
والمن = 240 كيلو على مااعتقد

[بحرالخبر]

سوق السمك با لقطيف مايبيله اسأل اي واحد اذا رحت القطيف يدليك وبكل رحابة صدر
اما عن الاسعار تتغير كل يوم ولكن اعتقد انها مرتفعة بالنسبه للأسماك الهامور والكنعد
اما الروبيان المن تقريبا من 150-200 ريال قبل اسبوعين والحين ماادري عن السعر
اخوي المن 16 كيلوغرام فقط
ال240 هذا للتمر
وبالنسبة للتثليج الشباب بالسوق يفيدونك وعندهم خبره ممتازة

[عوام 5]

كلا الاخ بحر الخير صحيح المن 16 كيلو

[المارلين]

بالنسبة للروبيان الحبة الكبيرة المن 600 ريال انا اليوم مسعره

[accentkool]

يفيدوك الاخوان بهذا الخصوص

[غريق بوحدتي]

اقول ماتبي لحم حاشي ارخص لك ههههههههههههههه

[المدمر (1)]

السلام عليكم ورحمة الله وبركاته




احبتي الكرام عندي بعض الاستفسارات عن سوق السمك بالقطيف اولا وين يقع بالظبط؟



صعب اوصفلك لاني كل مااروح اضيع بس احصله عموما اسأل وبتوصل بسهوله


ومتى افضل وقت عشان اشتري منه ربيان وسمك ؟
انا رحت بعد الفجر ولقيتهم يحرجون والظاهر فيه حراج بعد المغرب


لاني بمشي للديره تبعد تقريبا 700 كيلو وابي اعرف كيف الطريقه عشان مايخرب السمك والروبيان
موجود ثلاجات فلين وهم يثلجونه لك في السوق


وودي اعرف كم تسوى الثلاجة ؟ روبيان وسمك هامور وكنعد وصافي
ثلاجات الربيان على الحراج الصغير من 200 الى 300 وكل ماكبر يغلى
واذا جيت تشتري ربيان مايبيعون بالمن بل بالثلاجة ( وفيها اكثر من منين )


وماهو المن ؟ كم فيه من كيلو؟ وكم يسوى الروبيان بالمن ؟
المن 16 كيلو والربيان يبيعونه بالثلاجة او البانه ( وهي سلة بلاستيكية ) وفيها بين 35 الى 40 كيلو والسعر حسب الحجم ، الكبير يصل الى 400 واغلى والصغير بين 200 الة 300 وحسب الحجم يزيد السعر ، وعموما تراه يختلف لانهم يحرجون عليه واذا عجبك تزيد في الحراج خمسه ريال او عشرة الى ان يرسى عليك الحراج






وبالتوفيق اخوي

[الواهج]

ياخي مايبيله وصف ادخل من عند كبري القطيف (من طريق الدمام السريع ) وتدخل على منطقة اسمها الجش كمل سيده وبعد الجش تلقى منطقة ام الحمام كمل برضو سيده تجيك اشاره مدينه عنك يمين او يسار تاخذ اليسار وتكمل سيده تلقاه على يمينك

انشاء الله تكون فهمت :)

[SharksHunter]

مثل ما وصفو لك اهل المنطقة
وبالتوفيق

[m1000]

هلا يخوي أنا من منطقة القطيف وراح ادليك الطريق وان شاء الله ما تضيع

خليك ماسك الدمام الجبيل السريع لين تلقى مدخل القطيف قبله فيه لوحة المواساة انزل وخد يمين أسمه شارع أحد او الهدله واطلع سيده الين تعدي 4 اشاراة الاشارة الخامسه تأخد يمين وتطلع سيده هذا اسمه شارع المطاعم تلقى كذا مطعم على يمينك مشان تتأكد انك مو مضيع المهم اطلع سيده تعدى اول اشارة الاشارة الثانية خذ يسار وامشي بس شوي تلقى السوق على ايدك اليسار

والمن 16 كيلو والروبيان الحين موسمه بس للأسف للحين ما ساومت عنه لان انتضره يرخص بعد فترة يرخص في سوق القطيف مره

بالنسبة للاخ اللي يقول فيه حراج هذا الروبيان توه واصل البحر وبعضه يكون عايش حتى وهذا يباع على اللي بيو يبيعوا يأخدو بالكميات كبيره ويترزقوا الله لان البحارة يرجعوا من البحر الصباح وعلى العموم العصر ولا المغرب وقت مناسب لأن سوق القطيف أسماكها معروفه وطازجه كل يوم الا كل صباح ومسا يجيك جديد وطازج وسعره رخيص نوع ما هالايام اشوف وللكن بعد فترة بس يرخص اكثر واكثر ومعروف سوق القطيف من اكبر الاسواق في الخليج وقريت في جريده مره في الشرق الاوسط من ناحية الأنتاج والتصدير يعني يجيك دائماً طازج بس حاول تتاكد برضوا يكون افضل

والتخزين خد لك بانه ( فلينه ) ويعبوها لك ثلج ماالح مشان ما يدوب بسرعه وانطلق ولا تنسى حط لك كيس ولا شي تحتها اضمن ولو انها المفروض ما تخر

اتمنى اكون افدتك

[وحدآني]

الله ييسر لك دربك وان شاء الله تحصل على مبتغاك

[المريكبات]

بيض الله وجيهكم جميعا اخواني الكرام كلكم ماقصرتوا


بدون استثناء واخص بالشكر الجزيل اخوي الواهج واخوي m1000 بصراحه وصفكم واضح جدا جدا


تسلمون ماقصرتوا

[كنعد]

لا تشتري من الدمام اذا تبي تشتري روح القطيف ارخص وافضل واطزززج