غداً بإذن الله سوف اذهب لتجهيز عزبة شاي وقهوه. عزبة طبخ .. مشوراتكم

[بوه مير نيم12]

السلام عليكم وحمه الله وبركاته
كل عام وأنتم بخير قبل الزحمه
كما هو وأضح بالعنوان بارك الله فيكم
سوف اشتري عزبة شاهي وقهوه وايضًا عزبة طبخ
السؤآل هنا
ما هي أفضل شنطه تكون خفيفه ووذفه للشاهي والقهوه ؟
.أايضا ماهي أفضل شنطه لعزبة الطبخ ؟
ماهو أفضل دآفور وموقد ؟
أيضا ماهو أفضل مكان للتسوق
السنيدي
برق الحياء
الرمايه


أيضا نصايحكم
بأي شي ترونه بأن لابد لى من إقتنائه


وجزآكم الله خير

[abu_saleh]

رح للسنيدي ترهم سعرهم زين وعليك بالعزبة الخفيفة والمتكاملة لا تأخذلك عزبة كبيرة تغثك بالشيل والحط اسأل مجرب :good2:

[بوه مير نيم12]

رح للسنيدي ترهم سعرهم زين وعليك بالعزبة الخفيفة والمتكاملة لا تأخذلك عزبة كبيرة تغثك بالشيل والحط اسأل مجرب :good2:


السنيدي لادخلته داخ راسي من كثر العزب عنده
وبعدين اسعاره نار:f


طاقتن براسي عزب
الرمايه
بصراحه اشكاله والوانه حلوه
بس مادري عن استخدامه
اخاف اذا جاه ماء صارت خبزة تميز

[لهيب النار]

حبيبي كل انسان له لمستة السعرية علي عزبتة انت اختر من كل محل مايناسبك ونرغب ان نري ذوقك
نحن بنتظار ماتختارة تحياتي لك

[بوه مير نيم12]

حبيبي كل انسان له لمستة السعرية علي عزبتة انت اختر من كل محل مايناسبك ونرغب ان نري ذوقك
نحن بنتظار ماتختارة تحياتي لك


يابعد تسبدي انت
براسي عزب (شنط)
الرمايه
لكن قلت ابستشير
وماخاب من استشار

[نهار الوقت]

الله يعطيك العافيه أخوي
السنيدي بتلق طلبك أكيد أنواع وأشكال الشناط والعزب لأكن من تجربتي السابقه لقيت الخياطه في برق الحيا أفضل من ناحيت الشنطه مجرد رئي وأنت وريك وتقبل مروري

[بوه مير نيم12]

الله يعطيك العافيه أخوي
السنيدي بتلق طلبك أكيد أنواع وأشكال الشناط والعزب لأكن من تجربتي السابقه لقيت الخياطه في برق الحيا أفضل من ناحيت الشنطه مجرد رئي وأنت وريك وتقبل مروري


نهار الوقت
يعطيك العافيه
مرورك اسعدني
لك منى قميريه حمرآ

[ابو نايف التميمي]

انا اشوف السنيدي عنده انواع العزب الصغير والكبير

لكن كانك تبي نصيحة مجرب

لاتشتري العزبة بمعاميلها

اشتر المعاميل اول ثم شف حجمها واختر الشنطه الي تناسبها وترا كل ماصارت العزبه صغيره كان احسن

[ابوصالح77]

السلام عليكم وحمه الله وبركاته
كل عام وأنتم بخير قبل الزحمه
كما هو وأضح بالعنوان بارك الله فيكم




وعليكم السلام ورحمة الله وبركاته ، وأنت بخير وصحة وسلامة




سوف اشتري عزبة شاهي وقهوه وايضًا عزبة طبخ





ياعلهن من مداخيل السعادة




السؤآل هنا
ما هي أفضل شنطه تكون خفيفه ووذفه للشاهي والقهوه ؟



شراع تنزاني أو كوري




.أايضا ماهي أفضل شنطه لعزبة الطبخ ؟



شراع تنزاني أو كوري




ماهو أفضل دآفور وموقد ؟



أفضل دافور بريموس أو إيطالي
وأفضل رأس بريموس أو فوكر الإيطالي




أيضا ماهو أفضل مكان للتسوق
السنيدي
برق الحياء
الرمايه

مر كل محل وخذ منه اللي يصلح لك .




أيضا نصايحكم
بأي شي ترونه بأن لابد لى من إقتنائه


وجزآكم الله خير


شف اللي تحتاجه .

أنصحك إنك تأخذ المعاميل قبل الشنطة وتشوف ويش يصلح لك من شنطة
كذلك أنصحك إنك تفصل الشنطة
ولا تكبر ولا تصغر
تقبل مروري
بالتوفيق

[ابوصالح77]

لكن كانك تبي نصيحة مجرب

لاتشتري العزبة بمعاميلها

اشتر المعاميل اول ثم شف حجمها واختر الشنطه الي تناسبها وترا كل ماصارت العزبه صغيره كان احسن

كلام سليم:good:

[كم كيلو باقي]

رح محل العليان لزينة السيارات بطريق خريص

ميزة الشناط اللي عنده ان فيها بلاستيك من داخل .. وعنده قدور ضغط السيف ممتازة

بالتوفيق اخوي

[أبو هزاع911]

من ناحية الشنطة يحكمها استعمالك وراحتك للمقاس والشكل

وبالنسبة انك تشتري شنطة جاهزة هذي احس بايخة شوي مع احترامي للي يشرونها

خذ شنطة بلحالها وشف البريق الي انت ترتاح له غضار ستيل نحاس الي تمخمخ عليه انت

والدلة والملقمة وعلب المعاميل والبيالات مالك الا الاصلي لان الي بالشناط الجاهزة تقليد

وبتلاحظ بيجي بعضها مكسورتن عروتها والا كلها

وبالنسية للدافور كوفيا والا بريموس عاد الخبراء واجد بالمنتدى وانا لا لي خبرة بالمواقد

لكن ارجع لمواضيع القدير ابو مها خبير مواقد ولا يهون ابوعبدالله سرهيد وباقي الاخوان

................................

حياك اخوي

ومن واقع تجربة مريرة

احذر من العزب الجاهزة لان اغلبها ما يجي بذيك الجودة

رح سلمك الله للغرابي وشف العزب الي انت تبي وان كان لك تصميم معين يصممونه لك

وما راح يتجاوز سعرها 60 ريال مقاس 75 في 55

وانت راجع مر السنيدة ولقط بعض الغريضات منا ومنا

وان كانك تبي المواعين لا تتعدى سوق السباله

اتمنى اني افدتك

وللمعلومية انا من حوالي سته شهور موصين واحد على عزبية طبخ فقط لا غير

وجمعتها له وفيها كلش قدور وصياج وعيون وليات وذرايات وعلب

ما كلتف الا 510 والفواتير معي

والقدور قطر 50 سم والثاني 40 ابو تاج

معلش على الاطاله

..................

وشق هالموضوعين فيها استفسارات

وردي عليك من ردي هناك

http://www.mekshat.com/vb/showthread.php?t=297472

http://www.mekshat.com/vb/showthread.php?t=324172

[بوه مير نيم12]

أشكركم جميعاً
لكن عندي سوال بخصوص
دافور البريموس
سالت احد الشباب عنه .. وقالى الان مايوجد اصلي إلا قليل جداً
ابي احد يفيدني وين احصل الاصلي وليس البريموس الهندي
وايش انواع هذي
http://www.mekshat.com/pix/upload01/prof010/mk23101_2269.jpg

[بوه مير نيم12]

وينكم
.,.,.,.,.,.,.,.,.,.,.

[ابوعبدالله البدراني]

خذ لك شنطة عزبه قماش تنزاني المقاس اللي تحتاجه .. وخذ لك دافور كوفيا للشاهي والقهوه + دافور 5 رطل للطبخ
وبالنسبه لعدة القهوه والشاهي وقدور الطبخ ,, يعني بأختصار ادوات المطبخ خذها من محلات الأواني المنزليه
أتمنى أن أكون افدتك أخوك ابوعبدالله

[مزعل.كوم]

السنيدي لادخلته داخ راسي من كثر العزب عنده
وبعدين اسعاره نار:f


طاقتن براسي عزب
الرمايه
بصراحه اشكاله والوانه حلوه
بس مادري عن استخدامه

اخاف اذا جاه ماء صارت خبزة تميز


اذا صارت اسعار السنيدي نار
اجل وش نقول عن اسعار الرمايه..!!
انصحك لاتتعدى السنيدي عندك انواع واشكال العزب

[ادليلة]

اسمع يااخي اذا تبي الراي اذانت ساكن في الرياض اشتر الشنطه الي تبي لعزبت القهوه والشاهي وشتطه لعزبت الاكل فاضيات ثم اطمر لسباله وشتر على كيفك وشي اصلي مهوب صيني وعليك بقدر السب الالمنيم ان حصلته تقبل تحياتي

[عزوومي]

احسن شي طال عمرك على زود عمل صالح
انك تمسك العزبة وبعدين تعبيه كل اللي تبي علشان الصفة تكون مرتبة كل شي بمكانه الصحيح احسن من الكركبه فوق بعض
والمكان كلهن واحد
وذا تبي اشترية لك ما عندي مانع
تقبل الله منا ومنكم الصيام والقيام

[محلات الكشاتة]

يمكنك مرور المحل
ومشاهدة العزب بأنوعها
طبخ وشاهي
والخيار لك

[برق الشتاء]

ودي اساعدك بأي شيء

هذي عزبتي يمكن محتوياتها تذكرك بشي انت ناسيه

http://www.mekshat.com/pix/upload02/images100/mk137237_a1a.jpg


http://www.mekshat.com/pix/upload02/images100/mk137237_a2a.jpg


وترا هالعزبة سويت فيها تعديلات واهمها ان علب القهوة والهيل والشاي والسكر والبهارات غيرتها من علب لأكياس السنيدي 5 اكياس مختلفة الأحجام بـ 15 ريال اشوفها افضل من العلب لأنها توفر مساحة بالصندوق واخف وزن

موفق خير ياذيبان

[اعترفلك]

اخوي خذ الشنطة والدافور وباقي الاواني بتلقها بمطبخكم منها تخف على الاهل بالاواني ومنها توفير

[الوافي.]

اخوي خذ الشنطة والدافور وباقي الاواني بتلقها بمطبخكم منها تخف على الاهل بالاواني ومنها توفير

سو هالطريقة ومن ثم اذا طلعت اي طلعة اكتب النواقص وتبي تلقاهن بالبيت عندك لانه طبيعي المرة تغير بين كل فترة وفترة

واشوف شي تجاهلوه الربع وهو دلة قهوة الستيل للسيف لا تفوتك وخذ المقاس الاوسط لاكبيرة ولا صغيرة لان تنظيفها سهل ولا تحتاج الى رب بعد مدة

[towpaco]

ما أظن الموضوع فيه مشكله

ياخي لازم تجرب وتشتري وتغير رأيك وتهون وتخسر

ماراح تلقى الشي اللي تبيه بالضبط .. اللي يصلح لغيرك ما يصلح لك غالباً .. توكل على ربك واشتر الأشياء الأساسية .. وبعدها ازرف بعض الأغراض من البيت وبعضها يجي مع الحاجة

كل عام وانتم بخير

[ABU EID]

أفضل شي انك تجمعها من عدات محلات على حسب ذوقك و الشنط انصحك بتنزاني

[صقر الفيافي]

العزبة الأفضل والأصغر

اكتبها في قوقل وبيجيك رابطها

هذي هي عزبتي أنا مجمعه من كل محل

ومن كل ديره شي من الرياض وشي من القصيم

والشنطة شاريه من محلات الفراسة وسعره رخيص بعد

الفراسة مخرج الراجحي رح يمين وسيده بعد إشارتين أو

ثلاث يجيك ع اليمين

وبالنسبة لشنطة الطبخ أنا مثلك محتار عندي وحده قديمة

وإلى هالحين ما لقيت شنطة طبخ منااااااااسبة لي

ودمت بود

[ترهيم]

السلام عليكم


شكلك شريت وخلصت :) المهم العزبه مثل مانصحوك الاخوان انتبه لاتخذها جاهزه اشتر الاغراض وبعدين الشنطه حاول قدر المستطاع انك تقتني المواد المصنعه من الستنستيل صحي ولك ولزمن ولايصدي ..
لايفوتك ابريق كــوفيا عند برق الحيا كورى اصلي ستنستيل ..

[اصيل نجد]

اهم شي احرص تكون شنطه العزبه تنزاني 303 لاان الشنط الثانيه لاتهمك تطلع ريحه عند انسكاب الماء عليها او تعرضها للحراره الشمس

[العاذر]

1-أخوي ترى عدلت على عزبتي لين قلت آآآمين فلا تتوقع أنك بتاخذ الشئ وتنتهي لأن اللي يصلح لغيرك ما يصلحلك
2-وبعدين انحش عن العزب الجاهزة غالية ورديئة
3-لا تكثر على نفسك خذ الأساسي +الأصلي+ الخفيف فقط
4-بالنسبة لعزبة الشاي والقهوةاشتر ما يناسبك من الأغراض ثم دور على شنطة تكفيها
5-المعاميل نصيحة اشتر لها شنطة صغيره وكذلك البايلات والفناجيل وكلا الشنطتين تدخل في الشنطة العامة
6- وانت بكيفك للموقد انا عندي دافور مستقل ترهيم البرية صغير 2في 1 للشاي وللطبخ
7- كذلك مواعين الطبخ اشتر ما يناسبك ثم دور شنطة تكفيها
8- كذا بيصير عندك شنطتين ودافور بجرابه
9- انصح انك تسوي لك جمع تجريبي من المنزل ثم قدر أمورك حتى ما تشري شئ ثم تحسف
10- استفد من تجاربك السابقة العملية حتى لا تكرر الخطأ
11- على مهلك ولا تستعجل وطوووووول بالك
11- في الختام الله يوفقك واي استشارة جاااااااااهزين