أحسن أنواع الجارمن لو سمحتم

[bost01]

السلام عليكم ورحمة الله وبكراتة
انا ناوي اشتري لي جهاز جارمن لاكن اشوفها كثرت هاليومين وماني متأكد من أمكانية توفر الاتي :
1 يدعم الخرائط المكركة الموجودة في المنتدى
2 أيهما اجود وافضل من ناحية الاتقاط وسرعة التحديث
أرجوا انكم تفيدوني ولكم جزيل الشكر.

[راعي المقانيص]

وعليكم السلام ورحمة الله وبركاته

اخي الكريم كل شخص له وجة نظر وله رايه الخاص في الجهاز الي يستخدمه

وانا ابي اعطيك وجهة نظري وافضل جهاز بنظري والذي لايعلى عليه هو جها القارمن 276 C

http://www.mekshat.com/pix/upload/images/mat/mixd/gps/276c/276000.jpg

[أبو الذيابه]

أخي :
وجهة نظر خاصة بي

امتلك جهاز جوال n95 وحمّل عليه برنامج قارمن الموبايل وهو يحتوي على خرائط البراري
في المملكة العربية السعودية وخرائط المدن ..
وخذ لك شاحن سياره اصلي وبطارية اضافيه للجوال كأحتياط
وصدقني لن تندم
وستوفر مالك وستجد فيه نفس الفائدة والإمكانيات الموجودة في اغلب انواع القارمن.
سهل الإستخدام دقيق في قراءة الإحداثيات وتحديد المسافة والإتجاه بكل يسر وسهولة.

تستطيع تحميلة مجاناً عن طريق النت أو عن طريق محلات الجوالات
بـ 20 أو 25 أو 30 ريال ويمكن تحصل لك ولد نشمي يحمله لك مجاناً ..
صدقني جرب ولن تخسر شيء !

والله يوفقك

[المكتشف 1]

عط الخباز خبزه ولو اكل نصفه
انصحك باجهزة النوفى سهلة الحمل والاستخدام وتنفع بالبر والمدن وتحطها بمخباتك
وشف استخدامك ايهما اكثر بالبر والا بالمدن والميزانية لها دور ووووووو
والكلام هذا عن تجربة

[bost01]

انا ناوي جهاز النوفي بس اشوف فيه موديلات جديدة دخلت السوق غير 760 و 780

[ابونايف 666]

وعليكم السلام ورحمة الله وبركاته

اخي الكريم كل شخص له وجة نظر وله رايه الخاص في الجهاز الي يستخدمه

وانا ابي اعطيك وجهة نظري وافضل جهاز بنظري والذي لايعلى عليه هو جها القارمن 276 c

http://www.mekshat.com/pix/upload/images/mat/mixd/gps/276c/276000.jpg

هذا قديم مبين من الانتل :d

اخوي احرص على الانواع الجديده اهم شيء يكون يقبل ذاكره خارجيه عشان اذا بغيت تحمل خرائط ما تبلش

توي شاري جهاز من دار موجه وعندهم ضمان سنتين حتى اذا انكسر الجهاز يتحملون نص القيمه وطب وتخير على قد فلوسك

اللي بالمحل نصحني بالنوفي 1410 واخذت الكبير ب 900 ريال عليه خريطة الصحراء والقرى وسلامتك،،،

[برق الشتاء]

اللي جرب أجهزه كثيرة يفيدك بالأحسن .

ولكن تجربتي مع نوفي 780 ماعليه خلاف حليل وما سبق ان اشتكيت منه في شيء ومأدي الغرض بالبر وبالمدن جربت عليه عدة خرائط وجربت عدة مميزات له مثل : ارتباطه بالراديو عن طريق موجة fm ليكون الصوت عن طريق سماعات السيارة . كذلك ارتباطه مع الجوال عن طريق البلوتوث والاتصال من القارمن والرد منه . كذلك جربت استخدام الوسائط بأن تحمل عليه القصائد والأناشيد المكشاتية وتستعرضها عن طريقه وعلى سماعات السيارة . كذلك قياس سرعة السيارة . واشياء اخرى لا اتذكرها جيعها الآن .


في الأخير لا اقول لك نوفي 780 هو الأفضل لأني لم اجرب غيره ، ولكن اقول هو جيد وسهل الاستخدام وكل من استعاره مني اشترى مثله .

اتمنى لك التوفيق والسداد


برق الشتاء

[راعي المقانيص]

هذا قديم مبين من الانتل :d

اخوي احرص على الانواع الجديده اهم شيء يكون يقبل ذاكره خارجيه عشان اذا بغيت تحمل خرائط ما تبلش

توي شاري جهاز من دار موجه وعندهم ضمان سنتين حتى اذا انكسر الجهاز يتحملون نص القيمه وطب وتخير على قد فلوسك

اللي بالمحل نصحني بالنوفي 1410 واخذت الكبير ب 900 ريال عليه خريطة الصحراء والقرى وسلامتك،،،


ههههههههههههههههههههههههههههههههههههههههههه

الله يجزاك خير يابو نايف على ردك

انت الظاهر ماخذ عقدة الانتل من ايام جوالات الاريكسون ابو انتل وطلعت بداله جوالات بدون انتل

اخوي ابو نايف لاتفتي ولا ترد الا وانت متثبت وانا اخوك وياليت لو تاخذ لك لفه بسيطه في بحر الانترنت وتتعرف على الجهاز وهل هو مايقبل ذاكره خارجيه والا لا ؟ ؟ ؟

الجهاز فيه ذاكرة تخزين للخرائط خارجيه الله يرحم والدينا ووالديك وبالنسبه لي معي ذاكرتين وحده لخرائط دار موجه والثانيه خرائط السياري ( الصحراء ) وابدلها متى مادعت الحاجه على نفس الجهاز

والجهاز نوعه ( 276c) وفي تصوري يعتبر افضل ماصنعت شركة قارمن مع اني ماجربت النوفي ولكن هذي وجهة نظر شخصية كما ذكرت سابقا

من سنين و الكشاته واهل الصيد ماتستخدم الا هو وياما وياما غيرنا ذاكرته واستبدلناها بكروت جديده واكبر علشان الاصدارات الجديده من الخرائط وبالنسبه لي من سابع المستحيلات اتنازل عنه او ابحث عن بديل له

[boosaleh]

205 الأرخص والأسرع بري وبحري ...ويقضي الحاجه بالتمام والكمال

[ابونايف 666]

ههههههههههههههههههههههههههههههههههههههههههه

الله يجزاك خير يابو نايف على ردك

انت الظاهر ماخذ عقدة الانتل من ايام جوالات الاريكسون ابو انتل وطلعت بداله جوالات بدون انتل

اخوي ابو نايف لاتفتي ولا ترد الا وانت متثبت وانا اخوك وياليت لو تاخذ لك لفه بسيطه في بحر الانترنت وتتعرف على الجهاز وهل هو مايقبل ذاكره خارجيه والا لا ؟ ؟ ؟

الجهاز فيه ذاكرة تخزين للخرائط خارجيه الله يرحم والدينا ووالديك وبالنسبه لي معي ذاكرتين وحده لخرائط دار موجه والثانيه خرائط السياري ( الصحراء ) وابدلها متى مادعت الحاجه على نفس الجهاز

والجهاز نوعه ( 276c) وفي تصوري يعتبر افضل ماصنعت شركة قارمن مع اني ماجربت النوفي ولكن هذي وجهة نظر شخصية كما ذكرت سابقا

من سنين و الكشاته واهل الصيد ماتستخدم الا هو وياما وياما غيرنا ذاكرته واستبدلناها بكروت جديده واكبر علشان الاصدارات الجديده من الخرائط وبالنسبه لي من سابع المستحيلات اتنازل عنه او ابحث عن بديل له

الله يجزاك الجنه ووالديك ياراعي المقانيص

رأيك على راسي من فوق :good: ولا قصدت ان اللي معك ما يقبل ذاكره خارجيه ولكن كان لتوجيه الاخ السائل :D يقالي خبير :D
ولعلمك..انا اول مره اقنا جارمن فمستحيل اني اشير على احد باللي معي وانا ما جربت غيره،،،

[راعي المقانيص]

اخوي ابو نايف ياجعل هالراس يبطي حي على طاعة الرحمن ياغالي والامور وانا اخوك كلها سوالف ولا تاخذ بخاطرك ولا شي الله يرحم ثنين جابوك لكن انا ضحكت على كلمة ابو انتل ذكرتني بالجوالات ايام زمان ماتكلم الا وانت راز الانتل والا مايجيك ارسال

والاختلاف في الراي لايفسد للود قضيه ويشهد الله اني متشرف بالرد عليك وسوالفنا الي طلعنا راعي الموضوع برا الساحه واخرتها انا وياك يبون يعلقونا على باب مكشات نصير عبره لغيرنا ولا نتلقف بمواضيع غيرنا

هههههههههههههههههههههههههههههه

اخوي ابو نايف الله يسعدك وين مارحت ووين ماجيت ويجعل دروبك كلها خضراء دنيا وأخره

[العسكري]

أخي الحبيب ... عليك بجهاز 276c ولن تندم بأذن الله ... الجهاز عملي جدا وأنا أستخدمه منذ مده طويله وأنا راعي بر ومقانيص وجميع تحديثاته من الأنترنت وكل مره أقوم بتحديث الجهاز أشاهد التطوير وألأداء ألافضل للجهاز . بارك الله فيك.