صوت قرقعة في السيارة قدام وش الحل؟؟؟؟؟؟؟؟؟؟؟

[برهان1]

اخواني معي برادو 2006 والمشكله عند ضرب بطناج يطلع صوت قرقعه كانه صوت شي منطلق ماهوب ثابت محله المشكله فحصت مقدمة السيارة من صدام وما حوليه وداخل الكبوت الصوت يجي من عند الكفرات قدام وفحصت المساعدات والجلد كلش تمام والصوت موجود وكل من رحت له قال موترك مافيه شي وشيكت كراسي مكينه تمام ومقصات تمام


للي مرت عليه مثل هالمشكله او يعرف ميكانيكي كويس ممكن يفيدني لا يبخل علينا وتكفون لحد يقول لي عضيب لاني تجاربي معه فاشله وما فيه بعد عن الوكالة غير كل شي الين تلقى المشكله صدفه ذالشغل ما ينفع خساير عالفاضي

والله يبيض وجيهكم دنيا واخره ويفرج كربتكم ويوسع في رزقكم

[&& الغريب &&]

تاكد من الركبة خل مهندس يفحصها يمكن الصوت يطلع منها

ان شاء الله يفيدونك اللي عندهم خبرة

""

[البرتقالي]

شيك على دبة الشكمان
يمكن الشخال يلعب بلايستيشن داخلها :)

[ابو باااسل]

شيك على الصاجه التي تجي خلف الهوب حق الكفر يعني لما تفك الهوب توجد صاجه ثابته فوق الركبه تجي بعض المرات بمسامير كبس شيك ممكن تحك في الهوب او غير ثابته تتحرك مع المطناج

[طير شلوى نجد]

وتوقع مادام تسمع صوت قرقعة وحول الكفرات يمكن يصير من الكليبر فيه مشبيكيات صغيرة مع الرادميات والجلد والا مع تغير الفحمات مركبهن واحد عليمي تصير منطلقه ولا متوسعة ولا المصامير الي يثبت الكليبر تلقاهن منحله

[برهان1]

الله يعطيكم العافيه كللن باسمه ابشوف الاشياء اللي قلتولي ابشيك عليهن واوافيكم بالاخبار

[سرطوقا]

مرني اشوف وين هالقرقعه واضبطها لك امزح معك


بالتوفيق اخوي وان شاء الله تضبط معك

[aan]

هذا المشكلة في كل برادو وهي من الاسيات الامامية و خاصة سيت السواق و الوكالة ليس لديها حل لها.

[abusummer]

ممكن المساعدات الامامية تفقعن

[برهان1]

والله يا اخواني انا من بعد العشاء في الصناعيه الين 1 صباحا شيكت على المساعدات والمقصات والعكوس والركب وعمود التوازن وشيكت الصاجه اللي عند الهوب والكليبر وغيرت مشكبيات الفحمات وشحمت وبرضو الصوت موجود مع ان كلش سليم واذا نزلت وطقطقت الموتر من تحت او هز هزت الكفرات مافيه صوت بس
مدري والله

[فارس العيون]

اخوي ممكن ربلات اللي تصير فوق اليايات الأمامية لأنه كد صارت لي

[برهان1]

والله يخوي فارس شايفينه اليوم حقين الميزان ويقول سليم ومصقعين بشاكوش ومهز هزين مايطلع شي كلش تمام بس تمشي يبدا يطلع صوت القرقعه لين اخر شي مليت من كثر الورش اللي رحت لها ومشيت البيت والله احترت

[فارس العيون]

ونا اخوك الربلات تصير مع المشي والمشاوير تصير منقطعه على الربل نفسه ...

لأنه صارت لي لارقيت مطب ولا بطناج تقل الدفرنس القدام يطلع صوت

[برهان1]

صادق بس اخاف ما يبين لين افك الياي بس ووش نوع سيارتك اللي طلع فيها المشكله وكم موديلها

[النتاوي]

الله يعينك وتجد الفاهم اللي يفيدك ..

أنا نفس الفكرة عندي بس المشكلة من الجوزة والمساعدات وغيرتها ..

طبعا سيارتي ماركيز

[فارس العيون]

باترول 97


باب واحد

[برهان1]

مشكور اخوي فارس بس ما طلعت من الياي

[المجحدي2010]

تكفى فزعة ان كانك لقيت الحل قلي عنه

المشكله هذي عندي برادو 2004 سته سلندر

بس انا لما المس الفرامل يختفي الصوت وانا مسوي كل الاشياء اللي سويتها انت


فززززززززززززززززززززعة:(:(

[برهان1]

تكفى فزعة ان كانك لقيت الحل قلي عنه

المشكله هذي عندي برادو 2004 سته سلندر

بس انا لما المس الفرامل يختفي الصوت وانا مسوي كل الاشياء اللي سويتها انت


فززززززززززززززززززززعة:(:(

والله يالغالي انا بعد التمحيص والبحث طلع الصوت من الكبوت له وزنيه او فضاوه تقدر تتحكم فيها لقيت صاحب السيارة الاول مرخيه والكبوت هو اللي يقرقع جرب يمكن منه ورد لي

[المجحدي2010]

اول شيء شكراً على سرعة الرد

ثاني شيء يالغالي انا جربت ولا صار منه لكن اضن اني لقيت الحل بموضوع ثاني
وهو المشكبية اللي في الكليبر اللي تجي على شكل حرف M وشريته ب22 ريال
وابا اركبه وان كانك مهتم رديت عليك عقب التركيب:)

شاكر لك