انا عندي شك ان الحباري ماتمر بالسعودية

[الرمح المسموم]

الحباري هجرتها متلازمة مع الكراوين ولم اجدها العام الماضي شهر 10 /1430

كان نزل الكراوين واجد جدا

اخواني المكشاتيه هل احد ذكرها في الساحل الغربي

بحسب خبرتي ماتمربالسعودية البتا

[سم القمري]

الله اعلـــــــم

[أبوفرحان]

مستحيل مااا تمر

والصيد ارزااق وانا اخووك

[بوه مير نيم12]

الحبارى قليله جداً
لكن الكروان (حمد لبد) كثير لكن يحتاج خبره بصيده , احيانا تمر من جنبه وانت ماشفته
لذلك له مواقع واماكن يحب يرعى بها


اما الحباري قليله جدا جدا
وايضا تحتاج من هم لهم خبره فيها

تحياتي

[هاوي النزل]

الحباري تمر السعوديه بس ما تكون بكثره
العام بالصمان ذابح وحده

[النجم السراي]

انا من ينبع
من يوم ماعرفت الصيد والى الحين
ماشفتها ولابعد اعرفها
مافيه بس الكراوين

[ولدالعم]

الحبارى اعطاها الله ميزات وهي دون نفسها
لذالك لاترى مثل غيرها

[سطام F15]

تجي يالغالي لكن قليلة وبنجد دوم يلقونها الرياجيل

[ولد روووووق]

نااااااااااااادرة جدا من الصعب انك تلقاها يالغالي


والصبر كم سنه بعد الدخل والصفارى والقماري

[((القناص))]

الله يرزقنا ويرزقكم الصيد الوافر

[سرطوقا]

الله يرزقنا بجول حبارى < اقصد قميري بالتوفيق للجميع

[بن عيد1]

ليش تمر الحباري من عندنا . ..!!

بالله عليك ماعمرك ركبت طياره وطليت مع شباك الطائره ؟؟؟

وش تشووف وانت داخل السعوديه ...؟؟

سؤال :

لو انك طير بتوقع في السعوديه !!؟

[الرمح المسموم]

الله يجزاكم خير

الله يرزقنا بها هذا السنة ان شاء الله

ابن عيد

الطيور كلها ماتبي توقع بالسعودية الضروف هي السبب

[ابو ثآمر]

قااانصين الكرااوين والحباااري السنه اللي رااحة وعين خير النووعين ذي وجودها بالسعووديه معرووف شتوووي

[بـــرق نجـــد]

ليش تمر الحباري من عندنا . ..!!

بالله عليك ماعمرك ركبت طياره وطليت مع شباك الطائره ؟؟؟

وش تشووف وانت داخل السعوديه ...؟؟

سؤال :

لو انك طير بتوقع في السعوديه !!؟

ههههههههههههههههههههههههه

انا اشهد انك صااااااااااادق

[مطنوووخ]

صحيح من قالك انها تجي السعوديه ... من قالك ما عنده سالفة

[فتى تربة]

شكك في محلة
لان العام الماضي مرعدد قليل جدا جدا جدا
والسنة هذي يمكن ماراح يمر

[مروظ الخيل]

الله يرزقنا السنه
وتفاءلوا بالخير تجدوه

[الشاطر ماطر]

تجي بس نادره ومحاذريه

[ادهم 10]

اخوي احب اقولك فايده

الحبارى تجي بـ((المربعآنية)) 100%

وكذلك الكروان ومعهم الدرج ان تساني مانب واهم

[فيصل عامر]

الله اعلـــــــــــــــــــــــــــــــــــــــــــــــ ـــــــــــــــــــــــــــــــــــــــــم

[الحمش1]

اخوي احب اقولك فايده

الحبارى تجي بـ((المربعآنية)) 100%

وكذلك الكروان ومعهم الدرج ان تساني مانب واهم
كلامك صحيييييييييييييييييح صحييييييييح

يـوم الخمـيس لاقـين جرة خـرب جديــــده
وشـافتنـا وطارت ومنتـبهنالـه والحمدلله الحبـارى كثيـره هالسـنه

[نديم الخيال]

بالعكس السنه هذي اكثر من العام الماضي لكن كثرتها بالمنطقه الشرقيه والشمال الشرقي

[سعودأبوفهد]

يا ابوي احمد ربك الحين يالله نلقى قميري وتقول حبارى !!!

[قرناس شماالي]

وعليكم السلام ورحمة الله وبركاتة
اخوي الحباري تمر السعوديه واكثر شئ شمال
والحمدلله السنه هاذي سنت خير واكثرن والربع الكل صاد 3ولي5والحمدلله
اما انت ياخوي ماتلقا لان مامعك طير طلاع لو معك طير تبي تلقا بلمناطق الوعره
واكثر شئ بلحدود تلقاا لاكن بطير تلقا اما مقناص شوزن نادر تلقا
وانا راعي طير ترى مامدح الطيور لان بعضها تكذب بطلع
والله يرزقك

[غربي هواوي]

الله يجزاكم خير

الله يرزقنا بها هذا السنة ان شاء الله

ابن عيد

الطيور كلها ماتبي توقع بالسعودية الضروف هي السبب

هههههههههه

اضحك الله سنك

[الرماوي]

قبل كم يوم طرحت حبارى في الخرار في رابغ

[تميم222]

اخوي الرمح المسموم...مافيه شك في كلامك والصيد والله من جد قل ...ياجماعه انا اقول ان الشيوخ يفكون الحباري ...والي يصيدونها الناس هذي شرايدهم...انا معك قبل 13 سنه كان فيه صيد..بس الان انقرض وبشده والسبب الجهل في الصيد والافراط فيه:(..ويقول المثل ..((الصيد قل وقللوه المرابيش))

[4800 VTC]

تدخل السعوديه بس بعداد قليله جدا

وتتعب وانت تدورها وسال اهل الطيور

وناس من ربعي طارحين العام بالدهناء ثنتين زود التاكيد

[yasser1389]

ليش تمر الحباري من عندنا . ..!!

بالله عليك ماعمرك ركبت طياره وطليت مع شباك الطائره ؟؟؟

وش تشووف وانت داخل السعوديه ...؟؟

سؤال :

لو انك طير بتوقع في السعوديه !!؟
تحياتي لك والله كل المقناص ينكره في السعوديه

[سيف الهواء]

الصيد بالمملكه قليل جدا ونادر وبعضه منقرض
وذلحين املنا بعد الله من الطيور المهاجره
اما الحباري السنه هذي اكثر من اي سنه
مرت على علما ان ماشفت الحبار من حياتي
الا بالخوبه بالسوق
لكن قبل امس الخميس ذبحوها من الجماعه بوضواح
حائل وثنتين راحن عليهم بالجهراء بايام العيد
وايضا رابع عيد ذبحت عندنا بالديره وحده
وراحن ثنتين قبل العيد
هذا اللي سمعت من صقارين الديره
اما جهت القصيم من وراى السليمي
فيه ذكر كل يوم من اخويان حروب
وذا كنت من اهل الساحل وتعرف السر
ذح فيه الامير السديري وحده ومن الجماعه وحده
اما تبوك قبل العيد ذبحن ثنتين وحده ذبحها ابو خالد القحطاني
والثانيه ذبحها الطريسي وانا لقيت اثر ثاني عيد جديد
وماخلينا مكان الا ودجنابه ومالله كتبها
هذا كل ماحضيت به من معلومات عن الحباري
حبيت ان اطلعك عليه...
اسف ع الايطاله وشكرا

[بن محجن]

طرحت الحبارى في الساحل الغربي
بس مرورها قليل جدا"بتهامه
وتحياتي لك
...

[الفريح1]

الحباري والكراوين تلقاها عند روضة نوره وكذلك الدهناء والدبدبه والله اعلم

[صاحب نوماس]

كل شي جايز

[k.n.h999]

من قال ماتمر البتا,,, العام بالقصيم صايدين 6 صح انها قليل مرة بس لازم يكون عندك صبر وراح تحصل
7
7
7
تحياتي لكم جميع

[شرهان 4449]

اسمعو هالسالفه ياجماعة الربع هذا عم لي الله يحفظ لنا و لكم اعمامكم . كشة صوب الدهناء قبل العام وطاحو على أثر وقصو الأثر لا كن للأسف لاتفرحون تم وجود الخرب وأصطياده ب ( ق ففففف ح ) ظغط 40 مع العلم بأنه تم الإتصال على أحد الاقارب ( ابوفيصل ) لاكن للأسف ايضا كان قانص هاذا الموقف الأول أما الموقف الثاني أيضا مع عمي ما شاء الله اللي مامعه طير الحبارى تدوره كان الموقف هاذي المره مختلف عن الأول في أم عشر حيث تم الإتصال على أحد الأخوان ولحن الحظ كان يبعد عنهم تقريبا 60 ك وتم التواصل عن طريق الإحداثي وجهاز الكنود وفعلا تم اللقاء وحضر صاحب الطير والربع واقفين أكثر من ساعه والحبارى لابده يالله يافلان هد هد ابشرو أبشرو هد الرجال لاكن واااخ من لاكن الحبارى تلقة الهوى حاول الطير حول حاول لاكن لم تكتب وبدة على وجوه الربع اللي لقو الحبارى الزعل لانهم بالعربي ( هواة رمي ) ولاكن من باب الأخوة والوناسه ومشاهدة الهدد لاكن اللي ماكتب عسر انا جبة السالفه اثبات أن الحبارى يوم لك ويوم لغيرك وانها مازالت تمر بالسعوديه ويبقى أولا وأخرا إخلاص النيه لله عز وجل وأعتذر عن الإيطالة.

[ملاعب السباع]

مدري حسب خبرتك تذكر الحبارى الي هد عليها الامير عبدالله بن جلوي
اذا كنت من قنوص الساحل قبل كم سنه

اما باقي السعوديه وش المانع مادام أوراقها الرسميه كامله والبصمه تمام ;)

[آلجنيدي]

لا ياخوي الحباري واجد بس صعب انك تلقاها
انا عن نفسي ويشهد الله صايد 3
ومن غير الرجال الي يصيدونها بالسلاح وآعرفهم زين
من كثرهآ مآشآلله وخآصتـ[ن] بآلشمآل
لكن بالسحال الغربي مادري والله

آلله يرزقنآ آنشآلله من وآسع رزقـه ولآيحرم كل صقآر بشوفة محبوبت آلصقآرين :good2:

[المغرز]

الحبااااااري تجي لسعووووديه

وحتمااااال كبيرتمسكهن الصيااااادااااات الكبرى وهيا المحميااااااات

ومع السلااااااااااامه

[A . J . A]

انا طارحها هل السنه فس الصمان

[جفنان ينبع]

انا من ينبع
من يوم ماعرفت الصيد والى الحين
ماشفتها على الطبيعة ماغير باليوتوب
مافيه بس الكراوين

[راعي الطييب]

الحبارى بالنسبه لي وبالنسبه لرأيي الشخصي

الحبارى مثل الاحرار يمكن تواجها وتصيدها ويمكن العكس



وعلى قولت ابن عيد راعي الطياره اذا طرت فوق وش تشوف ... تشوف ارض يابسه ممحله

1- مافي مزبان لصيد
2- مافي ماء
3- مافي شيء يساعد الطيور للبقى يمكن تمر السعوديه وكافخه بوجهها <= تبي الفكه ههههه


وبالنسبه للأحرار الي تجي السعوديه تراها مضيعه الدرب وكذالك الحباري


ولاحظ اذا لقيت طير حر لازم تلقاه جوعان <= ويمكن يومين او ثلاثه من تقط له يهد على طول <= هذا توضيح ان السعوديه ماهي مقناص ولا فيها صيد


بالنسبه للحباري <<= ترا الحباري تستوطن <= بس ديارنا الله يرزقنا بالامطار الغزيره مافيها شيء يأهل الحباري او الصيد للأستوطان لفتره كثيره ( تكمل الهجره ) <= ااذا مرت السعوديه



وآسف على الاطاله
وشكرا لقرأتكم :)

[حمد العذبي]

يا خوي بعد الاقروبات الي صارت في الشرقية هالسنه انسى شى اسمه حباري في السعودية

الاخوان مشكلين اقروبات ويبيعون !!

[صقار محترف]

الساحل الغربي ( جنوب جده ) طرح فيه تقريباً 3 حباري
واخر وحده كانت أمس .. يوم السبـت

[الوفاء طبعي-]

معروف ان الحباري اتمر في السعوديه بس من جهه الجنوب عندنا اهل الغربيه والله مانشوفهاا