المساعد الشخصي الرقمي

مشاهدة النسخة كاملة : فزعتكم للباترول 2005


سوبر2005
04/09/2010, 02:01 AM
مساكم وصباحكم ورد
اخوان الاعضاء
انا عندي مشكله في باترول vtc 2005 فيه تقطيع بس التقطيع من نوع آخر
الا وهو .... اذا دعست للسياره تمشي كويس بس احس انها ممسوكه وبعد ماتمشي مسافه قبل تعشق للنمره الثانيه احس الموتر يفلت يعني يزيد عزمه يعني كأنه كاتم وبعدين يفك واذا صرت على خط وجت طلعه اذا رجع لنمره يقطع تقطيع واضح ولايمشي كويس احس الموتر ماسك بعدين مرت ورشه وقال لي موترك جايته حراره قلت ايه قال اكيد المشكله بالبلوف لازم تفك الراس ياجماع هل فيه حل قبل افك الراس
وللعلم انا مغير صفايه البنزين والكهربائي يقول ضغط طرمبة البنزين حلووو مافيه مشكله ولا ادري وش الحل وحساس الهواء مافيه شي
وفحصت بالكمبيوتر ومافيه شي سليم ياليت تفيدوني جزاكم الله خير..
العابر2222
04/09/2010, 02:33 AM
أخوي صارت لي نفس مشكلتك بالضبط وانحلت بالبرمجة

وهذا موضوعي اقره للأخر وان شاء الله تستفيد

http://mekshat.com/vb/showthread.php?t=304252
سوبر2005
04/09/2010, 08:08 AM
الله يجزاك خير يالعابر وقريت موضوعك وان شاء الله بروح للقصيم بسوي اعادة برمجه وان شاء الله يضبط
لاني بعيد عن الرياض
الف شكر
العابر2222
04/09/2010, 08:47 AM
أخوي سوبر

فيه حاجة يا ليت تتاكد منها

افتح كبوت السيارة ووقف عند الكفر الأيسر من جهة السواق ... بتلقى تحت خرطوش الهواء من يسار فيشين لونهم ازرق حاول تفكهم وتركبهم ... او تضغط عليهم بقوة لا يكونون مرتخين
سفاري66
04/09/2010, 10:29 AM
تاكد من حساس الهواء تره على اسمه حساس
كان معي نفس موترك وصار نفس الي تقول وبعد ما يمشي فوق 120 الا بترجع نمره وبطلعت الروح
سوبر2005
06/09/2010, 01:57 AM
اخوي العابر
الله يجزاك الخير انت تقصد افياش حساس الاكسجين اللي راكبات بالقزوز انا صحيح كانت عندي مشكله فيهم بس الحمدالله زبط
ولا تغير عندي شي يعني الموتر يقطع والافياش سليمات وترى سويت برمجه ولاضبط معي نفس الحكايه الله يجزاك خير اخوي

اخوي سفاري
حساس الهواء المفروض يبين عندي بالكمبيوتر لو فيه شي وانا بصراحه مادري وين حساس الهواء بالضبط على العموم جزاك الله الف خير واشكركم على مروركم.
قطاع البراري
06/09/2010, 02:31 AM
طلعت عندي نفس المشكلة وقعد موتري بالورشة شهر مايدرون وش العله
آخر شي طلع حساس القير
مع تحياتي
العابر2222
06/09/2010, 04:26 AM
تفضل أخوي هذا رقم ابو صالح كلمة واشرح له المشكلة
ة وهو متخصص في البترول

بعد اذن الاداره

0504118191
abu mataab
06/09/2010, 06:21 AM
فيه علبه قدام السواق بيسار السيارة به كتاوت ثلاث زرق وااحد أسود << تقريبا كذا

جرب فك الزرق وبدلهن مع بعض واحرص تركبه زين

قد يكون المشكلة في واحد منهن

قيمة الواحد وكالة 60 أو 65 ريال تقريبا

كد مرت على زي هالمشكلة تقريبا بباترول 2002
سوبر2005
06/09/2010, 09:07 AM
الله يجزاكم خييييير
بسوي اللي قلتو عليه لعل وعسى تضبط