عطوني رايكم بهذا السلاح

[الهمرH2]

السلام عليكم ورحمة الله وبركاته

أولا ً / أهنأكم بهذا المنتدى . . لأني كنت أدخله على أني زائر
تقريبا ً كل يومين أشوف وش الجديد الي نزل للمنتدى
و الأن خلاص انا واحد منكم وفيكم و ياهلا فيكم


ثانيا ً / انا لقيت ساكتون 80
الصنع / أسباني
اللون / أسود
الممسك / فيربل قلاص
المحل / صاب بالدوادمي
القيمه / 1100 ريال
تاريخ الصنع / جديده 2005 ميلادي
الهدف / صيادة الحمام و الطيور المهاجره
وش رايكم أتوكل على الله . . . . . وتراني متردد الى الأن ؟ ! .

[النداوي HZ2AF]

شوزن 80
اكيد تقصد سكتون (بندق هوائية)

[الهمرH2]

أيه ساكتون وش رايك

[karak4@]

تنفع للقمري ولا تنفع للدخل

[{السبيعي}]

انكانها جديده
وقويه على الصيده
وتتحمل

توكل على الله

[عاشق الأشهب]

السلام عليكم ورحمة الله وبركاته
أخوي أنا عندي وحدة شاريها من الرماية بالرياض والصارحة أنها ممتازة جداً حتى أنها خفيفية أخف من ال 27 الديانا وما شفت منها أي خلاف وترى سعرها عند الرماية ب 950 ريال مع 1500 صتم وجراب وأيضاً تصريح بأسمك توكل على الله وأشره من الرماية.

[ابونهار]

السلام عليكم ورحمة الله وبركاته
كلام اخوي عاشق افضل والله يكتب الي فيه الخير

[هديب الشام]

اخوي نصيحة مجرب الثمانين نزرة (( يعني قوية زيادة )) ورميها مو راكد مرة تصيب ومرة تخطي وكثير ما ينكسر الشريط
هذا رأيي أنا

[**الجدي**]

السلام عليكم
اخوي الهمر تبي نصيحة مجرب والا مجرب نصيحة ؟؟؟
خلني اعطيك نصيحة مجرب وانت جرب نصيحة اووكي
الـ 80 قويه على قولة واحد من الاخوان هذا ان كانك تبي تضم الدخل الى قائمة اغتيالاتك بهالصتمه << مـتأثر بالاخبار
وغير هذا ترا تغير الوزنيه بالـ 80 مع الرمي وانشد مجرب ومن زود الحرص من اول على الصتمه اروح به معي للمدرسه اتونس بالفسحه بالكينه اللي بربعة المدرسه ههههههههه
ما اطول عليك انصحك بالـ الثلاثينات ( قاصرة طايلة ) وانت بهواك
والا تدري لا تشتري صتمه خذ بقيمتة جوال الفارس ههههه << والله اللي ما له سنع

وداعة الله ,,, واتمنى ان ربي يدلك على ما يرضيه ويرضيك

[القنيص]

عليك ب ديانا 32 فهي ممتازة وعملية للدخل والقماري

تحياتي ,,,,,

[الهمرH2]

مشكور أخوي karak4 على المداخله وفعلا ً هي تنفع للقماري بس ما تذبح الدخل

مشكووور يـــــ قلبي ــــا

[الهمرH2]

أشكرك أخوي السبيعي هي قويه و تتحمل وشكلي أبتوكل على الله
لأني سألت أكثر من واحد و ينصحني فيها . .

[الهمرH2]

والله يــا عاشق الأشهب تبي الصراحه أنا قايل لخوي الي أكبر مني
أن حنا نشتريها من الرمايه قال يبيلها مشوار للرياض و الفرق 100 ريال
و انا أدعوا الله أنه يوافقني الراي . .
وابوريه مداخلتك لي كود انه يقتنع

[الهمرH2]

فعلا ً يــا خوي ابونهار و أنا أوافق أخوي عاشق الأشهب
ومن الرمايه تظمنها 100% . .
ومشكور يـــ قلبي ــــا على المداخله

[الهمرH2]

أشكرك بعمق <<<حلوه بعمق هديب الشام وكل من سألته
قال الله يعينك على قوتها . .
ومشكور جدا ً

[الهمرH2]

أشكرك من أقصى أعماق قلبي <<<< حلوه الجدي
الكل يقول أنها تغير الوزنيه . .
الله يستر

[الهمرH2]

مشكور أخوي القنيص أظاهر أني أبشتري الديانا 32
شكل مواصفاتها ممتازه
و أشكرك على المداخله

[راعي صاروخ]

السلام عليكم ورحمه الله وبركاته
اخوي الهمرh2
توكل على الله
ترى قيمتها عندنا من 2500الى 3500 ريال في قطر
مستعمله بعد
والله يوفقك

[الهمرH2]

أشكرك أخوي راعي صاروخ على هذي النصيحه
وياهلا والله بأهل قطر كلهم يـــــــ عمري ياقطر ـــــا
ليش السلاح غالي عندكم كذا . .
ومشكور على المداخله

[ابوعسيب]

السلام عليكم
اقول توكل على الله و اشترها