عاجل جداً ... حرارة الباترول 90

[Mekshaati@]

السلام عليكم ورحمة الله وبركاته


ركبت مكينة للباترول ماشية 160 الف ولا انفكت ابد على كلام راعي التشليح

الحرارة تاصل النص اذا وقفت اكثر من ربع ساعة والمكيف شغال وتنزل على الربع اذا مشيت .

هل الحرارة تعتبر طبيعية ؟؟؟

والا ارجع المكينة لأن باقي على الضمان اربع ايام .


أفيدوني

جزاكم الله خير.

[abusummer]

ما خبرت النيسان كذا حرارته لكن خبرتي بالجيوب النسيان ما هي زود
لكن الشباب بيفيدونك

[قدر مكتوب]

قد يكون الراس ممسوح ؟؟

اذا اسرعت على الموتر هل تقوم حرارته

بعدين نصف على باترول ماتنبلع

[Mekshaati@]

ما خبرت النيسان كذا حرارته لكن خبرتي بالجيوب النسيان ما هي زود
لكن الشباب بيفيدونك

وانا ماخبرته كذا لكن نشوف اهل الخبرة

[Mekshaati@]

قد يكون الراس ممسوح ؟؟

اذا اسرعت على الموتر هل تقوم حرارته

بعدين نصف على باترول ماتنبلع

اذا اسرعت فوق 140 ترتفع الحرارة وتنزل اذا هديت

[محنك]

يمكن الاديتر السبب ... فك النحاس شد البلد وركب اديتر موديل 97 المنيوم ... وتطيح الحرارة
ان شاء الله ... سعره 800 جديد اصلي ...... أصلي
انا ركبته ونامت الحراة نوم

[Mekshaati@]

يمكن الاديتر السبب ... فك النحاس شد البلد وركب اديتر موديل 97 المنيوم ... وتطيح الحرارة
ان شاء الله ... سعره 800 جديد اصلي ...... أصلي
انا ركبته ونامت الحراة نوم

ركبت رديتر المونيوم كوري جديد قيمتة 600 وعليه ضمان ثلاث شهور و مازال الوضع كما هو

[escape_man]

اقرب مكنيكي خله يشيك تماتيك المروحة ..

[Mekshaati@]

اقرب مكنيكي خله يشيك تماتيك المروحة ..

المراوح شغالة تمام

لكن تماتيك المروحة اذا تقصد اللي يخليها تفصل اذا اسرعت اظنه خربان

تتوقع هو السبب ؟؟؟

[محنك]

اجل غير التماتيك بس سعرة 300 وحولها الاصلي
واوزن الديلكو على 12 بمسدس الليزر

[Mekshaati@]

اجل غير التماتيك بس سعرة 300 وحولها الاصلي
واوزن الديلكو على 12 بمسدس الليزر

هقوتك التماتيك يسبب ارتفاع الحرارة ؟

[محنك]

احتمال ياحبيبي ..
لكن الباترول معروف بالراس .. وبحرارته
انا من رأيي غيرالمكينة ,, مادام المهلة معك ,, والعداد 160 هذي مهيب معقولة يمكن منقص ,,
الذمة ضايعه الله المستعان .. اخافة ماشي 360

[صيادالجبيل]

نعم تماتيك المروحة يسبب حرارة ماتدور المروحة دورانها الطبيعي علشان تبردعلى الاديتر
شيك على تماتيك المروحة

[Mekshaati@]

احتمال ياحبيبي ..
لكن الباترول معروف بالراس .. وبحرارته
انا من رأيي غيرالمكينة ,, مادام المهلة معك ,, والعداد 160 هذي مهيب معقولة يمكن منقص ,,
الذمة ضايعه الله المستعان .. اخافة ماشي 360

فاكين المكينة من جيب هيئة 92 مصدوم تقول جديد ماشاء الله و المكينة واضح انها ماجا استخدام . لكن كل شي جايز , ومشكور على النصيحة. أبغير تماتيك المروحة ونشوف

[Mekshaati@]

نعم تماتيك المروحة يسبب حرارة ماتدور المروحة دورانها الطبيعي علشان تبردعلى الاديتر
شيك على تماتيك المروحة

ابغيره اليوم ان شاء الله واشكرك على الرد

[Mekshaati@]

بانتظار اراء الاخوان

[aassem34]

الباترول الى الخط الثاني ما فيه مشكله لا تعدا الخط الثاني فيه مشكله يا بالمراوح ولا الاديتر يبيله تصيخ واسالك ليش غيرت المكينه اساسا هل هي مخبطه ولا الراس احتما لان يمكن الي خربلك المكينه الاوله الحراره منه ×ويمكن يروح لك الجديده

[أبو الذيابه]

سؤال هل ماء الراديتر ينقص ؟
إذا كان ينقص ؟ فمعناته عندك تبخير من جهة الراس أو غطا الراديتر
وهل الراديتر يزوع الماء بشدة إذا فتحت غطا الراديتر ؟
وهذا يعني والله اعلم أن الراس مشعور
تأكد مما سبق وَ ..
رأيي العودة لمحل التشليح وهو المسئول عن الحرارة لأنك مركب ماكينة كاملة
يا يضبطها أو يفك مكينته الله لا يهينه
وبين البايع والشاري شرط والله يغني كل واحد من فضله

[Mekshaati@]

الباترول الى الخط الثاني ما فيه مشكله لا تعدا الخط الثاني فيه مشكله يا بالمراوح ولا الاديتر يبيله تصيخ واسالك ليش غيرت المكينه اساسا هل هي مخبطه ولا الراس احتما لان يمكن الي خربلك المكينه الاوله الحراره منه ×ويمكن يروح لك الجديده


حتى لو وقفت والمكيف شغال؟ تبقى على الربع ؟


الحرارة على الربع اذا مشيت وتاصل الى النص اذا وقفت وشغلت المكيف وطولت يعني فوق عشرين دقيقة

هل الحرارة طبيعية ؟

[Mekshaati@]

سؤال هل ماء الراديتر ينقص ؟
إذا كان ينقص ؟ فمعناته عندك تبخير من جهة الراس أو غطا الراديتر
وهل الراديتر يزوع الماء بشدة إذا فتحت غطا الراديتر ؟
وهذا يعني والله اعلم أن الراس مشعور
تأكد مما سبق وَ ..
رأيي العودة لمحل التشليح وهو المسئول عن الحرارة لأنك مركب ماكينة كاملة
يا يضبطها أو يفك مكينته الله لا يهينه
وبين البايع والشاري شرط والله يغني كل واحد من فضله

ايه ماء الرديتر ينقص واعبية علبة صحة صغيرة ويمتلي×

[رفيع المقآم]

اجل غير الغطاء حق الرديتر وشف اذا ماستفدت شيك على الطرنبه اذا هي تمام اجل المكينه ماش

[Mekshaati@]

اجل غير الغطاء حق الرديتر وشف اذا ماستفدت شيك على الطرنبه اذا هي تمام اجل المكينه ماش

غيرت الرديتر كامل و غيرت طرمبة الماء والوضع كما هو عليه

[Mekshaati@]

يا اخوان اللي عنده خبره في حرارة الباترول يفيدنا

هل الحرارة ممكن توصل النص اذا وقفت اكثر من ربع ساعة و المكيف شغال ؟؟؟؟؟؟؟؟

[Mekshaati@]

سبحان الله العظيم

[فارس العيون]

انا عندي نفس المشكلة اذا وقفت ربع ساعه تاصل النص ولا مشيت نزلت دون الربع
مصيخ الرديتر قبل يومين والتماتيك مابه مشكلة

[شقن بقا]

السلام عليكم ورحمة الله وبركاته


ركبت مكينة للباترول ماشية 160 الف ولا انفكت ابد على كلام راعي التشليح

الحرارة تاصل النص اذا وقفت اكثر من ربع ساعة والمكيف شغال وتنزل على الربع اذا مشيت .

هل الحرارة تعتبر طبيعية ؟؟؟

والا ارجع المكينة لأن باقي على الضمان اربع ايام .


أفيدوني

جزاكم الله خير.

شف أخوي الكريم
قولة راعي التشليح ما أنفكت أبد ما عليك منها يمكن إيه ويمكن لا ونقول إن شاء الله إنها ما أنفكت بس شلون عرف إنها ما أنفكت هذا من ناحية الناحية الثانية المدة المتبقية من الضمان 4 أيام أشوفها قصيرة ولو حبيت ترجعها لا تنسى إنك دفعت قيمتها وفوقها أجرة نقلها وأجرة الورشة تنزيل المكينة القديمة وتركيب إللي شريتها لا وبعد بتدفع أجرة فكها مرة ثانية عشان ترجعها هذي كلها خسايروأنا أخوك وأنا والله ما أنصحك ترجعها في حالة إنك والله تقول إنك جربت المكينة ولا فيها صوت عمود أو كرنك أوأصوات أخرى وإنك ضربت عليها مشوار على الأقل 500 كيلو ولا لاحظت نقصان الزيت فيها أو تهريبات لكن لو فيها شي من إللي قلته لك يعني نقص زيت أو أصوات فالله يعينك ترجعها
من ناحية الحرارة الباترول خاصة ماترتفع حرارته عن الخطين السفلية ولو إرتفعت ما ترتفع إلا شوي وإرتفاع الحرارة له أسباب كثيرة وحظك يابو الحظوظ منها
1/ إحتمالية يكون فيه شطب بسيط في الخرطوش السفلي بشكل خاص مثل قطع الموس ما يشاف وهذا أغلب الظن يكون عندك وهو إللي يسبب نقص الماء بالتبخير و بدون ما تشوف تنقيط أو تهريب ومن كذا تلقى عندك نقص في الماء بمقدار قارورة صحة صغيرة
2/إحتمالية خلل في طرمبة الموية تكون ماتشتغل زين وعشان تتأكد منها فك غطا الأديتر ودوس الأبنص شوي شوي وناظر في موية الأديتر إذا شفتها تقلب وتمشي زين معناته إن الطرمبة ما فيها شي بعدها تروح للإحتمال الآخر
3/ إحتمالية يكون كلتش المروحة فيه عيب أو خلل وتتأكد من صلاحيته إنك تحرك المروحة حق الأديتر ( طبعا والسيارة مطفية ) إذا كانت حركتها ثقيلة فهي زينة ولا عليها خلاف أما إذا كانت خفيفة في ممشاها فهذا دليل على إنها عايبة وفيها خلل وعليك بتغييرها
4/تأكد من نظافة الأديتر زين زين لا يكون فيه صدا ومسدد فتحاته وعشان تعرف أو تتأكد منه فرّغ موية الأديتر كلها ثم عبيه مرة ثانية إذا ما أخذ إلا شوية ماء فأعرف إنه مسددة الفتحات وإذا أخذ حوالي من لترين إلى لترين ونص ترا مافيه شي ولا تغيره وإن بغيت تنظفه فحط فيه شوي زيت فرامل وعليه شوية صابون تايد مع الماء وخليه ربع ساعة والسيارة شغالة وبعدها طفي السيارة وخلها تبرد شوي ثم فرغ الماء من الأديتر بواسطة المسمار السفلي حق الأديتر
5/ تأكد من وزنية الديلكو وعلى فكرة أنا من الناس إللي ماهم مقتنعين بمسدس الوزن أوزنه بحسك وجرب أدعس على الأبنص ( دواسة البنزين )دعسة لآخرها وأرفع رجلك إذا كان صوت السيارة خفيف يعني ما تحس إنه مكتوم بعدها جرب سق السيارة إذا كانت قومتها خفيفة ترى الوزنية زينة وإذا كانت القومة ثقيلة شوي عد الوزنية مرة ثانية
6/تأكد من تسقيطة الديلكو في مكانه زين لأن بعض الديلكوات لها مسقطين
7/تأكد من وزنية البلاتين لا يكون فاتح ولا يكون قافل يعني تكون العدستين قريبة من بعض بحيث يكون الفراغ بين العدستين تمر فيه ورقة كرتونة الدخان ( البكت )
8/ تأكد من وزنية البلوف لأنها إذا ماهي موزونة تسبب إرتفاع الحرارة
9/ إذا تأكدت من كل هالأشياء وشفتها كلها زينة في زينة الله يعينك تعمل مسح للراس وحاول إنك إذا مسحت الراس تدبل الوجيه

هذا ما عندي من بعض الخبرة أتمنى أكون أفدتك في شي والله يختار لنا ولك إللي فيه الخير

[HW80]

اخوي فيه واحد من الربع معه باترول 91 وكان يحتمي نفس موترك بالضبط واذا جار عليه ركب مراوح كهرب سوبارو والحراره الحين
يشب فيه ولا ترتفع
والمراوح الوحد حوالي 120-150 طبعن تجي ثنتين صغاروكبار الباترول تركب عله كبار
والله اعلم الله يعينك

[على رمشي تمشي]

شيك على غطاء الرديتر اخاف يبي له تغيير يمدحون رقم 118

[بن معدل]

انا صارت لي اذا مشيت 40 قامت الحرارة الى النصف واذا اسرعت نزلت الحرارة وصارت العلة من التماتيك غيرته وركبت مراوح كهرب والحمد لله نامت