المساعد الشخصي الرقمي

مشاهدة النسخة كاملة : الفزعه تكفون مكينتي شكلها خبطت؟؟؟؟


إبراهيم222
04/09/2010, 12:10 PM
السلام عليكم

عندي باترول موديل 2000 سوبر سفاري ليمتد خليجي 4500 بخاخات

وأمس أمشي عليه و طلع لي صوت غريب بعده طفت السياره

وديتها على سطحه للورشه وشغلها طلع صوت قربعه في المكينه

وقالي يبلها توظيب وبيكلف حول 6000 و الأفضل تغيرها من التشليح

تكفون وش السوات أوضب ولا أغيرها؟؟

ولا أبيع السياره زي ماهي؟؟؟

وكم سعرها في تشاليح الرياض أو القصيم
دار الهوى
04/09/2010, 01:00 PM
تبي شوري بما أن المكينة خبطت ولا ينفع فيها توضيب والدليل أن صاحب الورشة يخاف الله وقالك ما تتوضب ويبيلك تركب غيرها لأن المكينة شكلها منعدمة من الحرارة ما وارء عمرها الأفتراضي انتهى عشرة سنين كدت خير .
راح لتشليح الحاير وطريق الدمام وقارن بينهم بالأسعار ودور لك على مكينة نظيفة وافحصها قبل ما تركبها عند أكثر من ورشة وخلهم يعاينونها اذا نظيفة ركبها واذا عندك موتر ثاني بع السيارة على طول لان السيارة اذا خربت فيها مكينتها الأصلية انعدمت ولا تسوى حتى ولو ركبت لها جديدة . ونصيحة لا توضب ما دام طلع فيها قرقرة فالمكينة منعدمة ولا تتوضب نهائياً بس خسارة فلوس على الفاضي والله يوفقك .













تحياتي ، ، ،
ابوصالح77
04/09/2010, 04:54 PM
الله ييسر أمرك
عقيل2009
04/09/2010, 05:46 PM
كانك تبي تبيع انا شراي
موقعي الرياض
برايدوي عنيد
04/09/2010, 06:13 PM
هلابك اخووي .....

الله يعوضك ويخلف عليك ...

واحد من الربع نفس طريقك يمشي وطفا الموتر واذا شغله يسمع صوت قرشعه فصار ان البلف منقطم وطايح بالبستم .

طبعا الموتر 98 بخاخ وظبه توظيب كامل ومع خرط على حد علمي وكلفه تقريبا 5000 وشوي ...

واستخر الله يكتب لك الخيره ......

تقبل مروري.............
النجم السراي
04/09/2010, 06:23 PM
الله يعطيك اللي يرضيك
عااشق البر
04/09/2010, 08:40 PM
شف وانا اخوك وضب مكينت سيارتك

احسلك ومكينت سايرتك وعارفها تلقالك

مكينه موضبه ترقيع قطع تجاري وشقل خرطي

وظب مكينت سيارتك احسلك وقطع اصلي وعارف وشركبت

وش سويت والله يكتب الي فيه الخيره
إبراهيم222
05/09/2010, 01:02 AM
الله يجزاكم كل خير يا شباب

ما قصرتوا بيض الله وجيهكم

كان والله ودي أغير المكينه من التشاليح لكن لقيتها غاليه من 10 إلى 20 ألف

والظاهر أني بأوضبها لأن السيارة ماجابتلي قيمه تسوى على وضعها الحالي

وش رايكم أوضبها كامل ولا أغير الخربان بس؟؟؟؟

لأني بفك المكينه بكره إن شاء الله





ملاحظه:

أخوي عقيل إن كان ودك بها أرسلي سومتك وإن شاء الله ما نختلف
escape_man
05/09/2010, 01:13 AM
دامك فكيت .. فوضب كامل

وثانياً .. اذا المكينة ماتعرضت للحرارة الزايدة وبانت آثار الحرارة على الراس فوضبها احسن لك من التشليح
hamc
05/09/2010, 01:32 AM
الله يعينك ويسهل امرك
satam1389
05/09/2010, 01:57 AM
التوضيب احسن لك من التشليح تطيح لك بمكينة ماتدري وش وراها
AL-ashhab
05/09/2010, 02:01 AM
الله ييسرلك امرك
بترووول
05/09/2010, 05:08 AM
نصيحه لاتوضب اسئل مجرب بعض الورش تصليحهم زلابه
يعني ماتقعد 6 شهور
اشتر مكينت بترول باب موديل جديد
من 2005 الا 2007 ونا لاقي مكينت 2007 علا جيب ارامكو قالب بالتشليح 15 الف سعرها ماشيه 25 الف ماشالله تلق
راعي ذرف
05/09/2010, 05:37 AM
رايي لك تروح لتشليح امغرة بالكويت وتشوف اسعار المكاين وترجع تشيل موترك بسطحة وتوديه
لهم ويركبونه مع ضمان حتى لو كان اسبوع مشوار الرجعة كافي بالضمان والضامن الله
وان شاء الله كل اللي ذكرته لك مايجي نص قيمة مكينة عندنا بالتشليح
وفيه الامارات تشاليحها رخيصة جدا تاخذ مكينة كاملة بابالدينموات بالبخاخ كاملة بس تركب مسامير بس المشكلة
يصير فيها غش مثل ناقص بستم اشياء داخلة لكن فحصها بسيط
ارجع وقول سعرها من امغرة
والتغيير افضل لان السيارة تكون كما كانت مافيها شي
اما التوضيب مشكلة لان الميكانيكيين كلهم ولا شي الا ماندر ومن السعوديين فقط
عااشق البر
05/09/2010, 06:10 AM
الله يجزاكم كل خير يا شباب

ما قصرتوا بيض الله وجيهكم

كان والله ودي أغير المكينه من التشاليح لكن لقيتها غاليه من 10 إلى 20 ألف

والظاهر أني بأوضبها لأن السيارة ماجابتلي قيمه تسوى على وضعها الحالي

وش رايكم أوضبها كامل ولا أغير الخربان بس؟؟؟؟

لأني بفك المكينه بكره إن شاء الله





ملاحظه:

أخوي عقيل إن كان ودك بها أرسلي سومتك وإن شاء الله ما نختلف



اتكل على الله وضب المكينه احسلك بعدين يخوي الناس

يوضبون مكاين سياراتهم مرتين الى ثلاث بس اسئل عن ورشه

كويسه واحسلك تعرف وش سويت وش ماسويت وللمعلوميه

مكاين الي في الامارات كلها مجدده الى القليل الي في الشليح

والله اعلم فيهن
HW80
05/09/2010, 10:07 AM
وضب افضل لك اذا كان الشغل ممتاز تطلع المكينه كنها جديده احسن من وحده ماتدري عن استخدامها
على رمشي تمشي
05/09/2010, 02:33 PM
ليه ماتسقط عليها مكينه ls1 مكينه جباره وقويه وتتحمل
الكدن1
05/09/2010, 03:55 PM
يارجال الامر بسيط إذا انك مافكيت المكينة ودك توضب وانا ماا نصحك باالتوضيب بس شف اذا انك لقيت مكينة الممشا خفيف من الموديل الجديد انصحك به قبل مدة معروضة علي انا 2009ماشية 50الف 14الف سعرها ـ والتوضيب عندنا ببريدة فيه مكانيكي جيد سعودي
صقر العثمور
05/09/2010, 05:26 PM
ياخي ابراهيم 222 اسعد الله مساك بكل خير والاخوان جميعا نصيحتي والخيره بما اختاره الله والله واعلم وضب سيارتك وخذ قطع غيار اصليه واهم شي المهندس اذا كان مظبوط والله انشالله لتكد وتمد باذن الله واخترالله قبل كل شي وبالتوفيق
الدوسري دت كم
05/09/2010, 05:38 PM
التوضيب احسن من التشليح واجد .
لأنك تدري وش القطع الي في المكينه ,
الله يخلف عليك بخير واحتسب الاجرمن الله سبحانه .
إبراهيم222
06/09/2010, 02:28 AM
الله يعطيكم العافيه يا شباب ولله ماقصرتوا

اليوم فكينا المكينه ولقينها يبيلها توضيب كامل بالإضافه إلى راس من التشليح

طلعت المشكله أن واحد من البلوف انقطم وطاح على البستم

وكسر البستم مع الراس وجرح جوانب السلندر

وصار فيه خلط ماء مع زيت

طيب وش رايكم هالحين؟؟؟
بترووول
06/09/2010, 04:59 AM
مادام الراس فيه مشكله لا والله اقلعها اخذ من التشليح جديده الموديلات ممشاء حلو
وراس سليم وهو اهم شي
شوف انا دايم اشتري مكاين تشليح قلهم بركبها وبفحص كمبيوتر وذا فيها مشاكل اردها وفحصها اذا كويسن
اوك وذا فيها مشاكل واجد رجعها
abu mataab
06/09/2010, 06:06 AM
الله يسهل وييسر أمرك والمسلمين أجمعين
THE KILLER
06/09/2010, 02:38 PM
من رأي تروح التشليح وتدور لك على مكينة نظيفة وادا تبغى تعرف كيف نظيفة شوف زيت المكينة كيف اذا اسود يعني نص نص اذا اصفر يعني كويس ومن راي تاخذ مكينة 4800 مع الجير افضلك من 4500
ابو طاهر
06/09/2010, 04:47 PM
الله ييسر أمرك