مشكلة في مكيف الباث فايندر !!

[ابو مرهش]

السلام عليكم ورحمة الله وبركاته

اخواني انا اعاني من مشكله بمكيف الباث فايندر وهي ان المكيف والسياره بارده مايبرد بس يطلع هواء حار تقول مافيه فريون ويقعد فتره احيان خمس دقايق وبعض الاحيان نص ساعه وتزود وبعدين سبحان الله يشتغل ويرجع بارد ولا فيه الا العافيه ولا يرجع يفصل ؟؟؟

انا عندي شك انه من كتاوت او شي من هذا القبيل لان لو الكمبروسر عطلان او الفريون ناقص كان مابرد المكيف فا قلت مايبيلها الا استشير الاخوان بمكشات لعل احد منكم قد صارتله او عنده خلفيه عن الموضوع

[باثفاندر 2004]

عليكم السلام ورحمه الله وبركاته

انا كان عندي نفس المشكله بس عرف له كنت اشغل المكيف من زر المروحه اول ما اضغط على الزر يعطيني هواء من غير ما يشتغل الكمبروسر خل تعاملك مع التشغيل مع زر الاوتو ..

او انك تضغط مرتين على زر المروحه ثم راح يشتغل معاك الكمبروسر ..
تحيااتي

[برايدوي عنيد]

هلابك اخووي ....

تاكد من البلف اللي بالثلاجه لايصير خربان ومنه السبب

لان كد صار معي نفس المشكله بجيب vtc

تقبل مروري.........

[ابو مرهش]

شكرا لكم على مروركم بشيك على بلف الثلاجة وشوف النتيجه وبالنسبه للزر مهوب منه لأن السياره معي من سنين وعارف هالشي :) شكرا لمروركم

[بيضا القاع]

اخوي تراه يثلج من داخل شغل الهوا الحار 5 دقايق وبعدين شغل المكيف وان شاء الله تزبط معاك

[على رمشي تمشي]

ترا من الحر الله لايبلانا ويكفنا الشر لاحظ انت وقف سيارتك بالظل وشغل المكيف وشف يطلع بارد
بينما لو هي بالشمس يصير حار واول ماتمشي يبرد على طول / كثر من السيارات كذا

[ابو مرهش]

شكرا لتفاعلكم مع مشكلتي ... اخوي بيضا القاع انا فاصل الحار من مدة اربع سنين تقريبا وبالنسبه لأخوي على رمشي تمشي انا اشغل السياره في الليل بعد صلاة العشاء يوميا ونفس الحاله المشكله مهيب من الجو المكيف فيه مشكله تخليه مايبرد احيانا اقعد الى نص ساعه واكثر وهو يشتغل تقول مروحه ولا بدون فريون وفجأة يعود يبرد ولا اشتغل معاد يطفي