المساعد الشخصي الرقمي

مشاهدة النسخة كاملة : رجه بعد الـ 130 .. !! وش الحل لاهنتم ..~؟


شبابها
05/09/2010, 12:20 AM
..

السلام عليكم ورحمة الله وبركاته


يـاخوان معي باترول سفاري موديل 91 واذا تعدت السرعه الـ 130 - تحصل رجه او زي الحره !!

وكل مازدت السرعه , زادت الرجه ..مع اني سويت له ترصيص ارضي ..

وترصيص عادي !

ولا راحت الرجه .. !

وسالت احد الاخوان وقال يمكن العمود يبغاله ترصيص ..


اتمنى من له خبره في هذا المجال ..ان لآيبخل علينا جزاكم الله خير ..
ايدي باور
05/09/2010, 12:25 AM
الله يكون بعونك

والله الرجَه قلق في قلق
برايدوي عنيد
05/09/2010, 04:05 AM
هلابك اخووي ...

الرجه عندك اشاء كثيره ممكن ان تسببه منها:

تاكد من مساعد الدركسون لايصير خربان , مسامير التوازن , جلد عمود التوازن ,الاذرعه , الرمان ممكن يبي شد

تقبل مروري...
ع ابوتركي
05/09/2010, 08:26 AM
الله يعينك اخوي
والله الرجه مشكله لاكن اتوقع ولا اجزم ان المشكله بالرمان يبيله شد
واذا بغيت تفحصه ارفع الكفرات الاماميه ورج الكفرمن فوق اومن تحت اذا تحرك يبيله شد اذا ثابت
سليم
ارجو اني افدتك----------------
metub1404
05/09/2010, 02:06 PM
للرفع.............
على رمشي تمشي
05/09/2010, 02:18 PM
والله زي ماقال لك بريداوي له اسباب كثيره
اذرعه /مقصات /الكفر محبل (مكرش) /الجنوط /عمود الدبل يعني يبيلك تتأكد بالاول
ليه ماتشوف لك فرارات تريح سيارتك خصوصاُ للمديلات القديمه
راعي ذرف
05/09/2010, 02:28 PM
تاكد قبل كل شي الرمانات عند اي بنشري ارفعه ورج الكفر وتاكد منه كما قال الاخوان
لكن او مساعد الدركسون
اذا متاكد ماهن من الجنوط
المشكلة باالكفرات والمشكلة صارت معي حتى الترصيص مايكشف اذا كان بالكفرات مشكلة الا الترصيص الارضي بدون اخراج الكفر
وانت رجع الكفرات وقدم اللي ورا وجرب
ابوصالح77
05/09/2010, 10:28 PM
هلا بك أخوي
1- ركب فرارات
2- دبل مساعد دركسون
3- شيك على ربلة عمود التوازن الكبير
بالتوفيق
درنافيس...
06/09/2010, 01:30 AM
أهلاً بك
مثلك تماماً حصلت لي المشكلة ... وبالأمس القريب ذهبت
إلى إحدى الورش وغيرت صليب العامود الثلاثة جميع ...
والحمد لله الآن كل شيء تماااااام
والرجة راحت والموتر رجع كما كان
abo-lma
06/09/2010, 01:44 AM
عمود الدبل
أو
العمود الخلفي