وش تنصحوني فية فرنسية.......ألمانية......إنجليزية

[النفود الشرقي]

السلام عليكم ورحمة الله وبركاته

أبغا أشتري ساكتون بس محتار بين ثلالاث بنادق أرجو الإفادة

وأبغا أعرف وين المحل اللي يبيعها

[البرحه]

السلام عليكم

اسمعني يا بعدي

الالمانيه لا تتعداها ابد ابد ..... الفرنسيه مدري عنها .... الانجليزيه مع ولد عمي قرقعه يعني من ادنى كرف تروح فيها هي صدق قويه تقل

خرازه لكن ما يمديك تتهنى بها الا وهو قاضي عمرها واسالني انا رميت بها وهي جديده قووووويه بس بعدين ماش تكسمرت ...


فلذلك انصحك ما تتعدى الالماني ...

وانواعها .... الفايروخ والديانا .. والديانا حسب راي الاغلبيه هي الافضل ...

والمقاسات 80 85 للقميري والصفاري

27 للدخل

ارجو اني افدتك .... وشكرا

[النفود الشرقي]

الله يعافيك ويجاك خير على هانصيحة

مع العلم أن عندي ألمانية أم صتمة قوة 80

بس ألاحظ أنة إذا رميت يجي فيها هزة

وأشين ما في هذي الهزة والي مخليني أكرة أم صتمة أنه مرة من المرات ظرب الدربيل في عيني

بعدين أول مرة أسمع بهالأنواع وأبغى أعرف وين هي فيه ؟وكم سعرها؟







والله يعافيك على المرور أخوي مرة ثانية

[البرحه]

ما تعرف الديانا والفايروخ !!!!!!!!!!!!!!!!!!!!!!

اجل ما تعرف ام صتمه !

الديانا 80 على ما اذكر 1350 معها 1500 صتمه وجراب

الدينا 27 على ما اتذكر برضه 700 .. ونسيت وش معها ؟

الفايروخ ؟؟؟ مالي فيها بس تقريبا نفس السعر وكلامي عن الرميح الي في شارع التخصصي بالرياض



ارجو اني افدتك
وشكرا

[عاشق الأشهب]

إن كانك ماتبي اللي يرجف عندك الأسبانية موجودة عند الرماية وإن بغيت شوري لا تعدى الفايروخ

[النفود الشرقي]

مشكور أخوي وماقصرت

بس وش الأحسن الديانا أو الفايروخ؟

والظاهر إني ما أتعدى الفايروخ

[النفود الشرقي]

وينكم فيه ؟؟؟؟
ورى محد جاب خبري

[عاشق النحم]

الألمانية بالدرجة الأولي وديانا بالذات واذا ما لقيت
ترا الأنقليزية رايز يمدحونا .

[الضاحي]

لا تاخذ الا الألمانية ديانا 350 او الموديل اللي نزل بعده (من حوالي 3 شهور) عند الرميح . بالتوفيق.

[قناص الليل]

اخوي لا تتعدى الألمانية الديانا >>>>>> لن تندم ابداً

[القنيص]

لاتتعدى الالمانيه فهي الافضل في صيد القميري والدخل والصفار

[أبوسعد البيشي]

أنصحك بالألمانية ديانا ما في أفضل منها على خبري والباقي ماأعرف عنه شيء

[قناص صفار]

;) السلام عليكم ورحمة الله وبركاته


انصحك بألمانية فايروخ 35 للدخل والصفار والقميري :) :) :) :) :confused: :( :mad:

[ابو شوزن]

السلام علي ك اخوي اسمعني وحط كلامي في راسك اشتر الاماني هوافضل نوع لاكن فيه نوع رخيص وزين مره مره عندي له ثلاث سنوات اسباني مدري وش اسمه لاكن تلقاه في سوق الديره ان كانك من اهل الرياض محل صاب سوق الزل
35_ 900ريال
45_ 100ريال
80_100ريال
85_1100 ريال

[مقمع بنللي]

اذا انت مهبول دخل وصفار لاتعدى 35ديانا وتصلح للقميري
رميه راكد وقرار وذا شديت عليه اوميقا عزالله بتستانس
طع شوري يالذيب والتجربه خير مثال

[النفود الشرقي]

الله يعطيكم العافية جميعا وما قصرتو معي بصراحة

شريت وبحمد الله آخر نوع ديانا نزل بالسوق بس ما أعرف وش نوعها بالظبط

مع جزيل الشكر للإخوة الذين شاركو معي




























































































جمعنا الله في جنات النعيم

[الرديني]

السلام عليكم اخوي عليك با الالمانيه ...ولا بلاش
ناريه ...ولا هوائيه
شكرآ

[heshamreef]

الديانا والفايروخ وبسسسسسسسسسسسسسسسسسسسسس