ربع 2011 خليجي للبيع ماشي 2000 كم عااااااااااااااااجل

[كريم3]

السلام عليكم

ربع 2011 خليجي بدون ونش وبدون رفرف
الموقع حاااائل
اللون بيج
ماشي 2000 قابل للزيادة
الموتر لواحد من الاصدقاء
السوم 117 الف والبيع قريب ولاحد يتعب نفسه ويسوم بأقل والسومه من صاحب معرض بحايل
والبيع بأسرع وقت ممكن

[عابر2008]

ماعليش ياخوي

انا واقف عليهن في القصيم جدد اصفااااااااااار

نفس المواصفات اللي انت ذاكر

يقول ب 115.500 الف

والله على مااقول شهيد

[كريم3]

طيب معليش اخوي عابر والله لو هو بريال مالي شغل انا

الموتر لواحد من اخوياي وقال اعرضه وقلت سم

وبعدين قبل اسبوع واحد من العيال شراه بـ120 الف ريال واللحين سمعت انه بـ 123 الف بدون لوحات عندكم بالقصيم

معليش اخوي عابر
والله لو انا قايلك سعر لي مارحت تسعر هههههههههعععععع

[عابر2008]

انا حبيت اوضح فقط

معقول ارتفع كل هالارتفاع خلال اسبوعين

[فهد 707]

الي يجي بونش 22
والي بدون ونش 14
وابشرك بلوحاته

[كريم3]

اخوي عابر كل شي معقول مدام مافيه رقابة ولا حماية للمستهلك

اخوي فهد

طيب تدل المعارض ولا اوصف لك ..؟

عالم غريبه اللي يشوفهم يقول مغصوبين على الشراء

[ابوبراهيم]

السلام عليكم اخي كريم الله يرزقك انت وخويك ملايين لكن هل تعتقد انك بهذا الاسلوب تجذب زباين (تدل المعارض ولا اوصفلك) الله يهديك بس هذي النوعيه نعاني منها كثيرا في سوق السيارات خصوصا الله لا يكثرهم معليش بس والله شئ يقهر يبي يبيع عليك الموتر مستعمل باغلى من قيمته جديد وان هارجته قالك تبي ولا ضف وجهك ماأدري حماقه ولا سوء خلق الله يهديهم

[كريم3]

اخوي ابو ابراهيم لأن الناس هذي تجي تكتب وتمشي

عندنا بحايل بمعرض السديري بـ120 الف بدون لوحات ومافيه الا هو

وبالقصيم كان بـ114 الف واللحين انا داق على خويي ودق على احد معارض القصيم وطلع بـ 123 الف

؟؟؟؟؟؟؟؟؟؟؟؟؟؟؟؟؟؟؟؟؟؟؟؟

يعني تبون الرجال يبيع بـ 100 الف

هذا هو الحرام وانا اخوك

ابي احد يعطينن رقم معرض بالقصيم معروف عنده ربع 2011 بــ114

عشان نكون واضحين ...!

تحياتي للجميع

[مهم 001]

ما تلاحظ انه غاااااااالي ؟؟

[كريم3]

الا والله احس انه غالي بالحيل

وانا واحد نصاب واسف على ازعاجكم

ارجو من احد المشرفين اغلاق الموضوع او حذفه

[جيب شراع]

لاحول ولاقوة الا بالله

طول بالك يامسلم

البيع والمشترى لابد يحصل فية بعض الاختلافات

[كريم3]

جيب شراع

المشكلة انكم اسأتو لي وكذبتوني بدون دليل ...

كل اللي كتبو انه بأقل من السعر المطلوب ؟؟ وانا ابغى رقم معرض ببريدة مع ان خويي كلم معرض وقالو له بـ123 الف

والاسعار اللي قالوها الشباب قبل اسبوعين تقريبن

على العموم انا اتمنى من الادارة او المراقبين حذف هذا الموضوع

وهذا ما اتمناه فقط

وشاكر لمرورك ياجيب شراع

[سجستان]

الله يرزقك البيعة اللي تسرك

[عاشق ونيت]

ههههههههههههه والله ياهو مطرطع راعي الاعلان اهدا من كذا ياصديقي شوي شوي على الكيبورد كسرته

[دار الهوى]

ركدوا الرمي يا شباب

[خالد4]

الله يرزقك انت وخويك

لكن ماتوقع بهالاقيام جديد 114 والشاص ونش دفلك 119

تاكد من معلوماتك

[الهويان]

تبيع 98 تراني جازم وهذا سوم الموتر انركب الحين ينقال عنه مستعمل

[AL.KNG]

خخخخخخخخخخخخخخخخخخ هدوا اعصااابكم ياشباب

[ذيب القصيم]

يالربع الرجال راعي الاعلان معه حق وكلمة الحق لازم تنقال
انا محصل ببريدة واحد ماشي حول سيارة الرجال محدود بـ 119
والجديد الان سعره اوراق جمرك 123
والي قالو سعره جديد 114 هذا كان قبل رمضان فعلا كان 114
لكن الان ارتفع سعرة الى 123 والمسئلة ذمه لاتبخسو الرجال سلعته ...

[السفير2000]

الله يرزقك

[_ذيب ثهلان_]

الله يرزق راعي السياره

[العايد999]

الرجاء من الاخوان تهدئة الوضع الدعوة كلها عشان

((وسخ دنيا))

[مصفق القمري]

الرجاء من الاخوان تهدئة الوضع الدعوة كلها عشان

((وسخ دنيا))

[مخاوي الدهناء]

يا اخوان

للبيع والشراء اسس ومبادىء

اللي يبي الموتر يسوم واللي ما وده فيه يروح المعارض

ما في احد جابرك على مشتراه سواء كان غالي ولا رخيص

موتر الرجال وبكيفة


لا حول ولا قوه الا بالله

[كريم3]

الله لايهينكم جميعاً

بالنسبة للأخ الهويان ترا الدعوى جد مافيها مزوح

وكانك جاي تستهبل فيها كلام ثاني

على العموم انا انتظر اللي قالو محصلينه بـ 114 وابي رقم المعرض

ولا بس يبون يسوون فاهمين بالسيارات ؟؟؟؟؟؟؟؟

و مشكورين الجميع

[stewrd]

انا بازيدكم من الشعر بيت انا لاقيه في جده 2010 ماشي 8000 الف جديد 95000 الف ولقيت زيرو رفارف 103000 الف والله على ما اقول شهيد

[ابو عبدالرحمن جدة]

بارك الله في من شرا سمح ومن باع سمح

البيع والمشترا يحتاج ركاده ولو واحد يجيك يسوم بـ 50000 الف وش بتسوي وانا اخوك ؟ هذا سوق اعرض سلعتك وهو يقلك السعر المناسب له صار اتفاق تمام ما صار الحمد لله
وسع صدرك طال عمرك

[التميمي عنيزة]

في بريدة في معرض قف
وهو معروف بالجيوب
ربع 2011 أصفار بدون ونش سعرهـ 119500 مع اللوحات وبدون اللوحات 119000

123000 بونش وبدون لوحات
وانا توني مكلم المعرض
وهذا رقمه
0559746142 ابوعبدالرحمن مصري
الله يهديكم يا اخوان ظلمتم الرجال
ولكن الحق يقال اللي ارتفع فقط اللي بدون ونش اما اللي بونش ما ارتفع سعره هذا كلام راعي المعرض

اتمنا اني افدتكم

[طايربلي جنااح]

اخووي كريم وااحد توه باايه 2010 مااشي 20

111 الف اجل 2011 بكم

اسمع واناا خووك الشريطه هناا ماايخااافون الله حتى برمضاان

اللحين ببريده وصل 124 الف لا ويبي يرتفع بعد

هذا اذا لقت جديد كلهن حجز

وترا المووتر يسو والله يفقك ان شااء الله

[ابو فهد حاايل]

كريم لا تاخذ الدنيا بالهيلمه
الرجال ما قالوا شي قالوا انهم محصلينه ارخص من هالسعر

قلهم انه ارتفع وقضينا وقضاه الله
الله يهديك

[لاندكروزرVX_R]

الشباب الي محصلين الموتر بأقل من هالسعر ما هم ملزومين يتكلمون ويخربون على الرجال ..

ياخي لو يحده بـ 150 ما عليكم منه .. !

عامل الناس بمثل ما يعاملوك .. وتبي تعرف نفسك أنك مخطي و إلا لا .. حط نفسك محله وجوك ناس وخربو عليك ..!

يا مسلم قل خيرا او اصمت ..

[كريم3]

انا ماقلت شي ياجماعة الخير انا ابي اللي قالو بـ114 الف وبس

وانا ماقلت على السوم لأن الموتر مسيوم والموتر اصلاً ما هو لي لخويي وقال اعرضه وعرضته

واتمنى من الاخوان اللي خربو البيعه انهم يجوون ويردون على الموضوع

وانا عارف انهم سعرو وطلع نفس الكلام اللي قلته

لكن انا لا احلهم طول عمري لأنهم خربو البيعه بدون مبالات

ولا احد يجي يكتب وسع صدرك وترا الدعوى بيع ومشترى ..

انا عارف انه بيع ومشترا بس المفروض اللي يجي يكتب يكون متأكد 100 بالـ100

ولا يكون همه الأكبر التخريب فقط ؟؟

مو يجي يكتب ولا يرد على الموضوع

على العموم الله لايحلهم دنيا واخره بهذا الشهر الفضيل

[ابوسعد2010]

يرجال طول بالك الله يهديك
المفروض المشرف يتصل ويتأكد واذا صحيح يحذف جميع مشاركات الذين يبخسون الناس سياراتهم

[الكاسرالابيض]

الله يرزقك البيعة اللي تسرك

[ابو فهد حاايل]

هههههههههههههههه
اجل منت حالهم الله يصلحك بس

[كريم3]

ابو خرا حايل انت وش محرق رزك ؟؟؟؟؟ ياخي انت متخلف والمفروض ما ارد بس هذا ثاني رد لك عشان كذا على شحم

[كريم3]

الموتر انباع برزقه والله يبارك للبايع والشاري

[ابو عزام11]

مساء الخير جميعا انا مطلع امس 2011 ونش 120500 اصفار بميه وعشرين وخمس ميه بدون لوحات من معرض البحر العربي ببريده واللي بدون ونش 114500 مع لوحاته تقبلو مروري