الشاص ورمضان ومغربية جمعة؟؟؟؟

[قناصه]

السلام عليكم جميع عصرية الجمعه كنت في المعارض ادور لي سياره صندوق ودبل

ودي بالشاص ودراهمي 75الف ومالقيت والجمس hdمافي البرحه شي واحصل راعي شاص 2009 بيج رفارف ماشي 36الف كم بس
المهم سيم قال لا؟؟؟ قلت حد ؟؟؟؟ قال انا رجال بياع ومحتاج وحال علي قصد تبيه 90 الف

قلت الله يرزقك مامعي تبي تبادل معي ربع نبسان حليل يسومه الرجال 18500 واعطيك 70 فوقها قال انا اصلا ادور ربع شريت وبعتك ومترك مابي افحصه عطني المفتاح والشيك وخذ سيارتك والوعد المعرض وانصحك ماتفحص تضيع وقت وافلوس

قلت في نفسي جمعه و المغرب باقي له ساعه يعني ساعة استجابة وصايمين وشكله اجودي

والتفت لخويي وقلت خلنا نكسب الوقت ونروح للمعرض

قال تعرف الرجال؟؟؟؟؟؟؟؟قلت لا؟؟؟ قال ماورانا شي نفحصه ونشوف لو على السريع

دقينا على واحد من الشباب بيض الله وجهه وقلنا له ماسكرنا الجوال الا هو معنا في المعرض؟

قال بنودية بعد الفطور للفحص يفحصه ونشوف؟؟

تغير وجه الرجال وعصب علينا وقال تبون السياره والا امشي بس؟؟؟

قلنا نبيها بس بنفحص؟؟؟ قال خسارة وقت وافلوس والله اني حانكم منها الموتر جديد؟؟؟

المهم مالكم بالطويله """
رحنا بعدالتراويح وخذنا الموتر للفحص شايب عصبي شوي ويطلع من تحت السيارة وين الشاري قلت انا والبايع هالرجال

قال علمك ان المكينه مغيرة وتنقص؟؟؟؟؟؟والقير مفكوك؟؟؟؟؟والا ؟؟؟؟

البايع تغير وجهه وقال ماعندك سالفه الموتر مافك فيه مسمار واحد؟؟

وقلت في نفسي حرام شكل احد لاعب عليه ورحت للشايب وقلت جزاك الله خير ؟

قال الشاص هذا للمرة الثانية ونفس السواق اشتكوه وانا بشهد معكم؟؟

ونلتفت وندور على الرجال يبرر موقفه واختفى ؟؟؟؟

رحنا للمعرض تعرفونه له اوراق عندكم قالو اول مره يجينا

طلعت منقهر على الوقت والذمه والدين وين وصل في وقتنا وحلوف كذب ومظهر كذب وفي رمضان يارب رحمتك وترد الاسلام للمسلمين

كتبت اللي صار معي مابي ردود والا موضوع كتبته مجرد تنبيه لاخواني هنا من الشخص هذا اولا؟؟؟ وخل العجلة ماوراها الا الندامة ثانيا

واسف على الاطاله وسلامتكم


وسلامتكم

[مجنون باترول4800]

وانت سالم
يارجال المشكلة ان هالنوع كثير فالسوق ودك الواحد ما يستعجل

[ابوعنوز]

بيض الله وجهك

[ABO-AL-LAITH]

إيه والله .. ياكثرهم بالسوق ،، حسبي الله ونعم الوكيل
الله يمحاهم

[الهجاني]

حسبنا الله ونعم الوكيل ويوم جمعة ورمضان اعوذ بالله من الشيطان

شكرا اخوي واحسنت التصرف ..

[RPM..5800]

حسبي الله ونعم الوكيل

[الصقري2000]

حسبنا الله ونعم الوكيل
رمضان تفتح فيه ابواب الجنه وتغلق فيه ابواب النيران
وناس تغش في هذا الشهر الفضيل
دمت بود
محبك
الصقر الاشقر

[شقران نجد]

الحمد لله اللي ما أستعجلت وهذا بفضل الله سبحانه ثم خويك ......

والشايب العصبي اللي انت تتكلم عنه شكله البريدي اللي بالنسيم

ما نقول الا حسبنا الله ونعم الوكيل في عديمي الذمه والضمير

وأسال الله ان لا يؤخذنا بصنيعهم

[غالي]

تلقاء موتره ماشيء 500 الف

لكن لاعب في العداد


الله يكفينا شرهم يارب

شكرا اخوي على التنبيه وتكفى دور لي معك بحدود فلوسك وتوصل 85الف بس يكون فل ونش ودوف لوك وبيج

اذا لقيت ثنين واحد لك وواحد لي تكفى علمني :d

[ب ر ق]

حسبي الله عليهم

[قناصه]

اخواني الكرام
السلام عليكم جميع

اشكر كل من مر وعلق على الموضوع

اخوي غالي <غالي والطلب ارخيص> طلبك في البال وان لقيت ارسلت لك على الخاص

بس احذرك والجميع من شي وهو المواتر الجديدة اللي مامشت الا الف والفين فيه فئة من الناس ماتخاف الله

تخيل يشريه جديد وياخذ مكينته ويركبها في سيارته ومكينته الخالصه يركبها في الموتر الجديد ويرجع ويغبرها ويرجع يبيعها كنها جديده الله يفرق بينا وبينهم افحص قبل تشري وخل عينك على مسامير المكينه وافحص حتى مسامير القير

انا وصيت لي رجال وقال اصبر لين تبداء الدراسه وتنشغل الناس بالبزارين ودفاترهم وندور لك بالسوق وبوصيه يدور لك معي

والسلام

والسلام

[جيب شراع]

لاحول ولا قوة الا بالله

وين الخوف من الله في ها الشهر الكريم

الله لا يوفقهم

[frnas2010]

يارجال انا قد صار لي موقف في برحة الشفاء كان معي باترول وواقف في البرحة ألا جنبي شريطي ويسمع السوامة المهم قالي! كل من سألك وقلتلة عن ممشى موترك صد ومشى؟ قلت طيب وش أسوي بشوف وش عنده قال رح للصناعية ونقص ممشاه وشف إذا ما راح؟؟؟؟
قلت شف يالحبيب والله لو اشب فيه ولا يقعد سنين مابعته ما انقص كيلو واحد:
المهم ضيق صدري قلت خلني امشي قبل الزحمة قال تو الناس قلت مع السلامة مشيت وانا باطلع من المعارض ألا ذاك اللي يشر وجاز له الموتر وشراه الله يطعمه خيرة ويكفية شره:
خلاصة الموضوع ان في المعارض اشياء ما احد يتصورها من تغيير ممشى الموتر وغيرها وسلامتكم

[غالي]

اخواني الكرام
السلام عليكم جميع

اشكر كل من مر وعلق على الموضوع

اخوي غالي <غالي والطلب ارخيص> طلبك في البال وان لقيت ارسلت لك على الخاص

بس احذرك والجميع من شي وهو المواتر الجديدة اللي مامشت الا الف والفين فيه فئة من الناس ماتخاف الله

تخيل يشريه جديد وياخذ مكينته ويركبها في سيارته ومكينته الخالصه يركبها في الموتر الجديد ويرجع ويغبرها ويرجع يبيعها كنها جديده الله يفرق بينا وبينهم افحص قبل تشري وخل عينك على مسامير المكينه وافحص حتى مسامير القير

انا وصيت لي رجال وقال اصبر لين تبداء الدراسه وتنشغل الناس بالبزارين ودفاترهم وندور لك بالسوق وبوصيه يدور لك معي

والسلام

والسلام


الله يجزاك خير حتى الان ملتفت للباترول الربع السياحي جالس اسعرهم واشوف

ياخي خبصه :(

الله يجزاك خير وبإنتظارك وصادق خويك بعد العيد بيكشون ذبان بالمعارض

والامطار دامك بالرياض والله اعلم عساك تشوفها في 11

الله يكتب لنا ولك كل خير امين

[شقران نجد]

يارجال انا قد صار لي موقف في برحة الشفاء كان معي باترول وواقف في البرحة ألا جنبي شريطي ويسمع السوامة المهم قالي! كل من سألك وقلتلة عن ممشى موترك صد ومشى؟ قلت طيب وش أسوي بشوف وش عنده قال رح للصناعية ونقص ممشاه وشف إذا ما راح؟؟؟؟
قلت شف يالحبيب والله لو اشب فيه ولا يقعد سنين مابعته ما انقص كيلو واحد:
المهم ضيق صدري قلت خلني امشي قبل الزحمة قال تو الناس قلت مع السلامة مشيت وانا باطلع من المعارض ألا ذاك اللي يشر وجاز له الموتر وشراه الله يطعمه خيرة ويكفية شره:
خلاصة الموضوع ان في المعارض اشياء ما احد يتصورها من تغيير ممشى الموتر وغيرها وسلامتكم


بارك الله فيك يافرناس والله يكثر من أمثالك ....

كلن يرزقه الله على قدر نيته

عني انا ما اثق بالشريطي ولو كان جاري خصوصاً اللي يوقفون على خريص يعني خذ موتر معروف او جديد ولا أخذه من شريطي

[صبي مطير]

هذولا ناس اهم شي الفلوس ولا الذمه والضمير في الدرج مقفل عليها مايدري ان فيه اخره وحساب ياخي وش فيها قل الصدق والعيوب مو مشكله خساره هذااا امر ومكتوب تنصدم وتتسمكر المكينه مغيره والله يعطيك على قد نيتك بس ولا يهمكم مراكزالفحص ريحتكم كثير افحص على طول ولا تناضر لوجه البائع واشرط عليه اذا طلع شي يدفع حساب الفحص وسلا متكم

[حنون2000]

من الكلام الي قريته الرجال ماحلف ولاحظو بالبرحه او في البيع والشراء بعضهم مايحلف
واعتقد الي نيته صافيه وعلى نياته بين عليه
اقولك السياره ملعوب على الشريطي الشايب فيها كبر في السن والسيارات تغيرت وصار يفوته بعض الشي وببيع زي ماشرى او بمكسب

الافضل الي يبي يشتري سياره يروح للبرحه شهر واحد او 3 ايام من كل اسبوع يتعرف على السيارات ويشوف الاسعار طرق فحص السيارات للناس العارفه باذن الله يتعلم ويعرف حتى بعض الشريطيه لك عليه
السيارة النظيف ادفع عليها 10الاف زياده اذا هي نظيفــه
والممشى مايضر السياره اذا الموتر نظيف

[النايف999]

ياأخوان انصحكم بالفحص انا شريت جيب شبه جديد ماشي 20 الف وجاني راعيه لعند البيت وطبعا جايني عن طريق معرفه المهم قلت الموتر وش فيه قال رفرف مغير وكاله طبعا صدقته وخذت السياره
وجلست معي 8 شهور وجاء زبون وقال وش في السياره قلت له على كلام راعيه الاول رفرف مغير وكاله
ولما راح يفحص عند البريدي صار فيه باب فيه رش ثاني غير الرفرف
عشان كذا انا اقول لا احد يحط في ذمته شي يمكن البايع مايدري ,,, افحص وريح راسك

[راعي العشاير]

حسبنا الله ونعم الوكيل

[مستنير]

اخوي قناصة كفاك الله شره
وجزاك الله خير على النصيحة