رز باب الهند

[اكليل الجبل]

السلام عليكم ورحمة الله وبركاتة

وتقبل الله منا ومنكم صالح الاعمال ,


اليوم رحت لبندة ولقيت رز باب الهند بحوالي 75 ريال:mad: والله اني من زمان ونفسي فية قلت عاد ابسألكم وش رايكم فية تنصحون به ولا ابقى على رز ابو كاس وهذي صورتة ..



http://www.mekshat.com/pix/upload04/images179/mk67451_vfgf.jpg

[تركي الحمدان]

لا تنسى انه عنبر يعني يبي له نفس

وبالعافيه عليك ...

[صايد ابوعوايد]

وعليكم السلام ورحمة الله وبركاته
والله يتقبل من الجميع صيامهم وقيامهم .... وكل عام والجميع بألف خير
بالنسبة لأرز باب الهند الصراحة أرز رائع جداً وممتاز واستعمله دائماً وعندي افضل من ابو كأس بس إذا بغيت تطبخه لايكون الماء كثير ... وعندك ايضا أرز الوليمة وكذلك الوسام جداً من الأنواع الرائعة ... وتقبل مروري ..

[اكليل الجبل]

تركي

صايد

اشكركم على المرور والتعليق واخي العزيز صايد وفايد دامك مدحت الرز فاليوم مافيها كلام بمشيئة الله تعالي راح اشترية واجربة واعطيكم خبر ...

[عيني ترف]

رز باب الهند ... هذا الزر الفريد من نوعه ... يحتاج له طريقة خاص للحصول على أفضل النتائج المبهرة
وهي كتالي :

1 ) نغسل الرز المراد طبخة جيداً إلى أن ينظف تماما ً .
2) ننقع الرز في موية دافية لمدة نصف ساعة أو أقل بقليل .
3) نحط زيت في القدر , ونحط عليه شوية بصل , ونحط عليه قرفة صحيحة , و عويدي , وهيل , و حب حار , كلهم صحاح .
ونحمس البصل شويه وبعدين نحط الرز ونحركهم مع بعض شوي ونحط الماء الساخن عليه وخله يرتفع عن الرز بمقدار فصلة أصبع واحدة فقط لا غير .. ونحط الملح ..
والخطوة الأهم حط نص اصبع زبدة على الرز وحركها لين تذوب وبعد ما ينش الرز قصر عليه وخله على نار هاديه وسوف
تتذوق بإذن الله أفضل وأطعم زر على الإطلاق ..
ولك مودتي /
أخوك عيني ترف

[نواف بن محمد1]

ياخوان يطلع معجون وكور واشكال هندسية كيف السواة؟؟؟؟

[خيال الغلبا]

خذ باب الهند الكلاسيكي اللي في كيس بلاستيك افضل بكثير من هذا

[rami52]

اخذت قبل شهرين كيس الكلاسيك البلاستيك 10 كيلو بس ماطلع ممتاز مثل العادة
بعده اخذت الوليمة طلع اطلق منه بكثير

[هواء الشمال]

ممتاز مره وسعره باسواق النسيم الي بشارع سلمان الفارسي ب 70 ريال هذا سعره باغلب الاسواق

[ابوريان القحطاني]

الموضوع قديم عام 2010