مشكلة في لمبة الدبل ....؟؟؟

[مخاوي الدهناء]

مساءكم الله بالخير جميعا

اخواني الاعزاء - اخوكم عنده مشكلة وهي تتلخص في الاتي :

عند تشغيل الدبل الخفيف لا تشتغل لمبة الدبل وذهبت عند احد الكهربائيين وشيك على لمبة الطبلون وصارت المبة كويسة ولا فيها مشكلة ،،
وقالي شيك بالوكاله احسن لك ،،
قلت خلني استشير اخواني بالمنتدى لعل وعسى
احد يعرف له كهربائي ممتاز
والله يا بعض الكهربائيين شغله يغث كبدك يجلس يمرس في سيارتك ويقطع اسلاك ويجرح وفي الاخير يقولك بكل بساطة ما ادري وش المشكلة ودها الوكاله ....


ما ادري وش الحل ودي بورشة يكون فيها كهربائي فنان وامين ..؟؟؟


موقعي بالرياض

[برهان1]

اخوي ايش السيارة وكم مديلها

[زاير الغيم]

شكلك معك gxr الرحول ..
طال عمرك هذا حساس الدبل يتغير -كهرب- وتقدر تسمع صوت الدبل الخفيف إذا كان شابك
صوت تكه تحت الدرج اللي أما الراكب

[مخاوي الدهناء]

شكلك معك gxr الرحول ..
طال عمرك هذا حساس الدبل يتغير -كهرب- وتقدر تسمع صوت الدبل الخفيف إذا كان شابك
صوت تكه تحت الدرج اللي أما الراكب



زاير الغيم

بيض الله وجهك بس اكيد حساس الدبل

والدبل شغال ما فيه مشكلة ومثل ما تفضلت اذا شبك الدبل اسمع الصوت تحت درج مساعد الراكب

شاكر لك مرورك ،،

[مخاوي الدهناء]

اخوي ايش السيارة وكم مديلها



برهان

شاكر لك مرورك العطر وسيارتي gx-r
موديل 2002

[زاير الغيم]

زاير الغيم



بيض الله وجهك بس اكيد حساس الدبل


والدبل شغال ما فيه مشكلة ومثل ما تفضلت اذا شبك الدبل اسمع الصوت تحت درج مساعد الراكب



شاكر لك مرورك ،،



نعم يشتغل الدبل بدون لمبة يعني الحساس لكهرب اللمبة

[طير شلوى نجد]

نفس المشكلة وصار من حساس غيرته وصار زي الحلوه

[الوسطاوي]

هذا الحساس 100% بسيطه اهم شي يلقم الدبل والباقي عوافي
اتمنى لك التوفيق

[خمسين]

حرك الدبل يمين يسار وتشتغل اللمبه

[startag]

اتصل بنا ومن ونحن نقوم بحلها لك إن شاء الله

[مجنون عسل]

نفس الحكاية Gxr 2006 كم سعر الحساس يا ربع وكم يكلف شغل اليد
اتمنى افادتي ولكم فائق احترامي

[أبو منال]

والله ياخوي اسئل الوكاله

ما راح احد يفيدك إلا إلي حاصله معه المشكله

تحياتي لك

[طير شلوى نجد]

اخبر سعر الحساس رخيص ماهو شي وتركيبه ما أخذ ولا عشر دقايق والله يسرلك امرك

[startag]

سعر الحساس الدبل 700 ريال سعودى بمصر

[startag]

فعلا المشكلة سهلة جدا

لا تنزعج

الحساس تحت الكرسى اليمين وتغييرة سهل جدا


وممكن أرسل لك الصور بالشرح

[white heart]

كلام اخوي زاير الغيم صح حساس الدبل او تسمى ايضا ساعة الدبل نفس طريقة لمبة الريوس

[مجنون عسل]

فعلا المشكلة سهلة جدا

لا تنزعج

الحساس تحت الكرسى اليمين وتغييرة سهل جدا


وممكن أرسل لك الصور بالشرح

اعتذر من صاحب الموضوع ولكن الفايدة لي ولك ;)
اي بالله تكفى وضح بصور خلنا نعرف شكله ونفهم الشغله اذا جاء العامل يصلح نعرف مكان العطل قبل ما يخوبص في الموتر ويرفع لنا الضغط والشغله ما تسوى

[الصارم 444]

انا صار معي نفس اللي معك وسيارتيgx-r موديل2002 وغيرت الحساس الدبل الحساس الكهربائي بـ170 ريال من الوكالة والتركيب 50 ريال

[مجنون عسل]

اخوي الصارم الله يسعدك ويسعد الجميع الحساس الكهربائي حق 2002 نفس سعر 2006 ؟

[gihad]

حسبي الله لا إله إلا هو عليه توكلت وهوه رب العرش العظيم