زيت الفرامل ضروري

[التل الصامت]

السلام عليكم وكلن باسمه وبعد

عندي زيت الفرامل ناقص شوي عن الخط وش افضل زيت فرامل او افضل نوع ما ينقص كثير وخبرتي في الزيت شبه معدومة ارجو افادتي والله يوفق الجميع :good2:

[عاشق السيل]

وعليكم السلام ورحمة الله وبركاته ،،

إذا كان الزيت ناقص شوي عن الخط مافيه أي ضرر وإن زودته فهذا شي طيب ،، لكن إذا لاحظت إن النقص مستمر فأكيد عندك مشكلة وترى نقص الزيت لا يعني إن نوعية الزيت رديئة !!

ومن ناحية الزيت الأفضل فأنصحك بالعلبة الحديدية القديمة المخططة بالأزرق بصراحة ما أعرف اسمها بالضبط لكنه أفضل زيت فرامل ،،

والله يوفقك لكل خير ....

[برايدوي عنيد]

هلابك اخوووي ....

علبه حديديه الالون اللي به ازرق واحمر يبدا نفس اسم المنتج بحرف w وترى الفرق عن اللي مثله وتجاري ممكن ريالين .

انا مااعرفه الا من شكله واسمه لكن اسمه مايحضرني كاملا .

تقبل مروري ...

[عبادي464]

هلا اخوي
علبه حديديه الالون اللي به ازرق واحمر في رقم 21 يوجد في محل قطع الغيار

[البهلول]

السلام عليكم ..


نقص زيت الفرامل يعني تأكل الفحمات , لا تزيد الزيت , ولكن شوف غطاء علبة الزيت ( ما أدري عن نوع سيارتك ) ولكن في الغالب يأتي في بطن الغطاء جلدة تسحبها وتملاء الفراغ .
لا تزيد الزيت إلا إذا رأيت تهريب , أو نقص بالمرة .
لأنك لو غيرت الفحمات , راح يرتفع الزيت الناقص ويرجع لمستواه الطبيعي ,وإذا كنت زايد الزيت راح يكون مضر ..

أترك الوضع وأعتقد إن الفحمات تحتاج تغيير .. إلا إذا كان فيه تهريب واضح أو نقص غريب . كذا لا تزيد الزيت روح صلح الموتر بدون تأخير ..

[مطيعيس]

معروف زيت فرامل امريكي21 وهو حديد بس انتبه يعطيك اللي اسمه111 اهم شيء21 وسعره اغلى من الثانيه بريالين
اضنه بـ7ريال

[قراند ماركيز]

جزاكمك الله خير

[التل الصامت]

الله يوفق اللي اجابني ويستاهلون دعوات في ظهر الغيب وما قصروا وبيض الله وجيهم