أنتم يالصيادين ياخبره بالآسماك << عطونا خبراتكم لادخلنا عمو حمزه ايش نطلب

[مكشإإت]

http://www.hawahome.com/vb/nupload/34849_1176417210.jpg
























































أنتم يالصيادين ياخبره بالآسماك << عطونا خبراتكم لادخلنا عمو حمزه ايش نطلب

ماهي افضل الاسماك اكلاً وليس تربيه
بصراحه احب الاكلات البحريه
لكن ادخل عمو حمزه ولا اعرف ايش اطلب :d

[القنصل,,,]

بيني وبينك لا عموحمزه ولا غيره ترى سمكهم مو فرش تلقاه له اسابيع
اذا انت راعي طبخ ونفخ او رجال عندك حرمه راعيت نفس بطبخ السمك خذ من محلات السمك الطازه
يعني اذا انت من الرياض فيه محلات لبيع الاسماك رح للمحل وقله متى تجي السياره حقت التوزيع واذا قالك بكره تعال بكره عشان تضمنه يكون طازج وخذ شعور او كنعد اما الهامور الاصلي ماضنتي يجيبونه عشانه اصلان غالي حتى في الحراج وتوكل على الله
اما اذا تقول الكلام هذى طويل عريض عليك بريوماري ههههههههههههه

[وارث المراجل]

جرب اخوي الإستكوزا و الناجل والحريد والله السمك عامه حلو ولذيذ وكل شخص له ذوق
جرب الجمبري "الربيان" تراه روعه هوا والحبار

[zidzod]

عن نفسي
الناجل هو افضل السمك
وبعدو الحريد
وبعدو الهامور
(يقولو الطرباني بمستوى الناجل لكن ماقد جربتو)
والاستكوزه شي ثاني خصوصا اذا في احد يعرف يسويه (خلطه و....الخ)

[الرحموني]

والله يا عمو حمزة غالي على الفاضي
وسمكه ما هو فرش
اما افضل الاسماك الترباني والناجل
بس ما راح تلاقها في عمو حمزة
اذا تسمع نصيحتي خل من عمو حمزة
وخذ السمك طازة من محلات بيع السمك الطازة
والله يعينك تسويه في البيت

[ترهيم]

اما الهامور الاصلي ماضنتي يجيبونه عشانه اصلان غالي حتى في الحراج


اما الاصلي وراه نازل شي صيني في السمك !!!

[ترهيم]

لاتشككون الرجال بكل شي .. الله يجزاكم خير ...

شف وانا خوك تبي الشغل المضبوط !! عندك خيارين اما انك تروح سوق السمك الي وسط الرياض .. او الي في الشمال وتاخذ الي تبي وتزينه في البيت وترى شغله مايعوق والذ من برى ...

اما عمـــو حمزه ..... ما أنصحك فيه ابداً ابداً ابداً لعدة اسباب اولها بصريح العباره مافيه شي طازج ولو حشرتهم بلاسئله قالك مجمد تبي كل ولا مع الباب :)
ثاني شي غالى جداً بفارق كبير عن السوق وكانه يعلف السمك خرفان :)
ثالث شي والاهم يالله لك الحمد ماله طعم اكلهم ياخي الشغل لك عليه بشكل عام ..

اذا انت مصــر على شغل المطاعم عنديلك مطعم بتدعيلي ... وانت داخل طريق (الحسن بن علي ) من جهت خريص يعني من جهت الجنوب متجه شمال امش مسافه يجيك على يدك اليمين اسمه (سلسلة المطاعم البحريه) انتبه ان وصلة اول اشاره معناتك تعديت المحل ..

طبعاً المطعم تختار السمكه وتشوفها فرش ولا لا وتقوله وش نوع الطبخ يطبخها اما تنتظر عنده او تطلع وترجع انصحك من عنده الهامور والناجل والحريد جربه (فرن) شي خيال وبتدعيلي ...

[صياد متهور]

السلام عليكم
ياخوي انا من رأيي انك تشتري السمك الطازج من سوق السمك وتطبخو في البيت اما ادا ماتبي تطبخو خدو لمطعم يطبخ لك اياه من شان تضمن انو السمك طازج
بالتوفيق

[وحدآني]

مثل ماقالوا الاخوان اي سمك طازج له نكهه خاصه

[أبو ناصرالدين]

السلام عليكم
شوف يا عزيزي من واقع تجربة
انا جربت مطعم النافورة في الرياض وشفته من أفضل مطاعم السمك لكن غالي شوي
و بالنسبة للسمك إليك التالي
القلي جرب الشعري أو العندق والسلطان إبراهيم شي ثاني و جرب معهم الكاليماري :good2:
الشوي عليك بالناجل و الهامور مشوي بالفرن طيب لكن أنا أفضل الناجل عليه
و عليك انك تجرب شوربة التام يم شوربة تايلندية ممتازة للمتزوجين ;) أما العزاب :no2:

[مكشإإت]

يمال العافيه والله
جزاكم الله خير

[امير حالي]

روح اي محل سمك عادي وشوف سمكه

بدون ما اصدعلك راسك امسك السمكة من نصها وشوف اذا متماسكة و ماهي لينة مرة او مرخرخة نقول انها كويسة

شوف الخيشوم اذا احمر غامق نقول انها كويسة

شوف العين اذا ماهي بيضا نقول انها كويسة

المواصفات اعلاه تساعدك وماهي قطعية

يعني ممكن تلقى بعض الخياشيم تجي احمر فاتح مو معناته انه السمك مو جديد

لكن هي تساعدك في اختيار الافضل

نجي لموضوع نوع السمك

افضل شيء الترباني

حتى في القلي يستغرق نصف مدة اي سمك اخر

لكن غالي جدا عشان كذا مو كل الناس ياخذوه

الناجل يجي بعده ولذيذ جدا

ومثل ما قالوا الاخوان لكل واحد ذوقه من اهل السمك

ناس تفضل الناجل ناس تفضل الحريد ناس تفضل الشعور ( الشعري ) الطازة وناس تفضل الهامور

عن نفسي كل فترة اخرم على نوع معين

واذا ما تبغى توجع راسك برضه خذلك الناجل

ما عليه كلام

ونوع ثاني انا خرمان عليه عالاخر

النجار وحسب ما فهمت يقولوله عندق

نجار او عندق اسمه

لا يفوتك مقلي او مشوي فرن

المهم بعد ما تختار السمك قوله اقليه

يقليلك هو وتاخذ معاه كم نفر صيادية زي ما تبغى

ويا تجلس عنده او تاخده وتروح البيت وبالهنا والعافية يا عمنا

بس يقال والعهدة على الراوي ان السمك عالسحور يعططططططططططططططش

المقليات عموما تعطش وبالاخص السمك

وعادة تلقى السمك الجديد في الايام العادية يوم الجمعة لانه يوم الجمعة يشتغل الحراج ويجيبوا السمك الطازة

يعني روح الجمعة واذا ما تحب الزحمة روح على غدا السبت

ودعواتك

[accentkool]

نعم اخذة من السوق طازة وسوية في البيت ولاعمو ولا خالو خخخخخخخ

[مكشإإت]

لاتشككون الرجال بكل شي .. الله يجزاكم خير ...


شف وانا خوك تبي الشغل المضبوط !! عندك خيارين اما انك تروح سوق السمك الي وسط الرياض .. او الي في الشمال وتاخذ الي تبي وتزينه في البيت وترى شغله مايعوق والذ من برى ...

اما عمـــو حمزه ..... ما أنصحك فيه ابداً ابداً ابداً لعدة اسباب اولها بصريح العباره مافيه شي طازج ولو حشرتهم بلاسئله قالك مجمد تبي كل ولا مع الباب :)
ثاني شي غالى جداً بفارق كبير عن السوق وكانه يعلف السمك خرفان :)
ثالث شي والاهم يالله لك الحمد ماله طعم اكلهم ياخي الشغل لك عليه بشكل عام ..

اذا انت مصــر على شغل المطاعم عنديلك مطعم بتدعيلي ... وانت داخل طريق (الحسن بن علي ) من جهت خريص يعني من جهت الجنوب متجه شمال امش مسافه يجيك على يدك اليمين اسمه (سلسلة المطاعم البحريه) انتبه ان وصلة اول اشاره معناتك تعديت المحل ..



طبعاً المطعم تختار السمكه وتشوفها فرش ولا لا وتقوله وش نوع الطبخ يطبخها اما تنتظر عنده او تطلع وترجع انصحك من عنده الهامور والناجل والحريد جربه (فرن) شي خيال وبتدعيلي ...



الله يجزاك خير
تصدق طفرت من عمو حمزه صراحه
جزاك الله خير على ها النصيحه

[مكشإإت]

يمال العافيه والله
جزاكم الله خير