شوركم ولاخاب باذن الله من استشار

[نسيم المطر]

السلام عليكم ورحمة الله ]
وكل عام وانتم بخير
وعسى الله يتقبل منا ومنكم صالح الاعمال ويعيد علينا رمضان
ياجماعة واحد من الربع دق على راع المربط ينشد عن واحدمن طيوره ولياهو باقي قيه ثلاث من كل جناح غير الظهر والنحر تقول ماجدع شي طبعا هذا بعد مارحنا وشفناه مع العلم ان الطير مصفي العام بدري والطير ماعليه قاصر لا منعلف ولاغيره المهم اراد الله وطلعناه مع الطيور المصفية وانايالربع اشك مدهنة الطير بالحيل وابي اللي منكم يعرف احد يعالجها من دق وغيره يعلمنا الله لايهينه وانا الحقيقة سمعت عن العويدي بالرياض لكن مادل محلة نبي فزعتكم يالربع وشوركم
لاخلا ولاعدم واسف على الاطالة>الطير حر هالسنة ثنو<

[ssnnss]

ننتظر الاخوة

[@قرناص@]

وعليكم السلام ورحمة الله وبركااته ,,

كانك تبي وصف العويدي برسله لك على الخاص ......

صحيح يدق مدهنة الطيور

[skeet]

ماعندك الا المدهنه

[بن حريول]

السلام عليكم اخوي

الطير اكيد الي اخر حذفه يا المدهنه يا ان الطير مريض
وبعض الامراض سبب في تئخر الطير وتخليه يوقف نطل ريش
بس اذا كانت صنعت الطير جيده فهي اكيد المدهنه
ان كانك قريب من الرياض فيه خالد العويدي وهذا رقمه الثابت012286478
والا المستشفى
وان كانك بعيد دور على صقار خبير وبتلقى ان شاءالله

[صقار شياهين]

دق المدهنة وان كان الطير مو غالي دق مدهنته انت بسيطة ماتبيلها شي توخيز بسيط بابرة جديدة معقمة الين يطلع منها الدم ثم تجي عملية العصر بشكل خفيف ورقيق ثم تحط عليه نيل ولايشوف الا العافية ان شاء الله

[ابو سلطان898]

وان كان الطير مو غالي دق مدهنته انت بسيطة ماتبيلها شي


اخوي العزيز صقار شاهين والله اعرف لك كم طير راح فيها بسبب دق المدهنه من واحد مايعرف او ماعنده خبره

اخوي ود الطير لرجل خبير وريح نفسك ولا قلنا وين مكانك

[عتيج الصوف]

عسى الله يعينك ويسهل عليه باقي الريش ويشافيه اذا هو مريض

[حرسدير]

افادوك اهل الخبرة والصقاقير

[نسيم المطر]

بيض الله وجيهكم وماقصرتم جميعا وافيين يالذيابة بالنسبة للموقع موقعي القصيم

[طيرالحمــــاد]

العويدي بشارع سلمان الفارسي اللي عليه محل الصقر والصقار ومرهم هم ايوصفنه لك زين

ترى ماهو بعيد عنهم على نفس الشارع

[نسيم المطر]

ماقصرت ياطير الحماد ابيض وجه
لكن هويعرف المدهنة التعبانه من الصاحية لين هالطير والله يحير وان شاء الله نبي نودية المستشفى بعد تهقون نلقى عندهم سنع من ناحية الكشف على المدهنة وعلاجها

والشكر لكل من أدلى بدلوة

[دعاس]

صباح الخير يالغالي’’ومتشوف شر انت وطيرك كان تقدر تروح لبريده اتصل بي0503380971وان شاء الله في رجال يفيدك وفي رجال بحايل
ولوك بالشمال تبشر بعزك
وتقبل مروري

[أبوجهاد التبوكي]

الله يعينك...

[الجراح11]

اخوي المدهنه الكشف عليها سهل خل واحد يكتف لك الطير ويجوده زين على مركا وافحص المدهنه بيدك واعصر القناه الدهنيه شوي شوي ويبين لك اذا هي ناشفه او لا وعلى فكره اذا الطير يتفلا زين وياخذ من المدهنه معناته المدهنه سليمه يعني الي بالطير نقص فيتامينات

[نسيم المطر]

مشكور يالاخ دعاس وماقصرت وان شاء الله ابدق عليك وافي
الجراح ابيض وجه وعفاك ربي من كل مكروه انت ومن يقراء

[سلطان 1]

نسيم المطر صباااح الخير \
نصيحه اخو لا تخلي المستشفى يلمسون المدهنه تراااهم ما يدروون بشي اسمه مدهنه 0
رح بطيرك للعويدي ابرك لطيرك ولك 0

[alajmi110]

نسيم المطر صباااح الخير \

نصيحه اخو لا تخلي المستشفى يلمسون المدهنه تراااهم ما يدروون بشي اسمه مدهنه 0

رح بطيرك للعويدي ابرك لطيرك ولك 0




النار ما تحرق الا رجل واطيهآ

مونس الميسم يا ابو فيحان هههههه

العويدي يمدحونه وباخص ,, ابرك لك يا راعي الطير من المستشفيات واجهزتهم الي ما تنفع بشي .


مقصدهم مادي الى ابعد حد



اخبر احد العيادات : ما بعد دخلت عنده طير وطلع سليم , والغريب كلها التهاب امعاء

صرت افحص الطير واذا قال التهاب امعاء قلت مابي علاج له , يعلم الله انها حوالي 6 طيور.

الله يمن عليك وعلى طيرك بالصحه والعافيه

[moafaq999]

الله يشفي طيرك
والاخوان افادوك عن موقع العويدي في الرياض في حي الخليج على شارع سلمان الفارسي